bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ecclesiastes 5
Ecclesiastes 5
Sukuma 2019
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
1
Ūlū ūjile mu numba ya ng'wa Mulungu ilang'hanage ī nhūngwa jako, ingīlaga moi kūlwa kūdegeleka; kūtinda kūja kūfunya shitambò ūmo bakīītīlaga bachilū, nguno a bene batamanile ī gīkī īyo bakīyītaga īlī mibi.
2
Yaya ū kwiyangūhīlīja kūyomba, ī ng'holò yako ītizūkūtwalanīja nose ūhaye mhayo kūlī Mulungu mu būtūdīlīla. Managa gīkī ū Mulungu alī ng'wigūlū, ū bebe ūlī mu sī; na lūūlū gehyaga ī mihayo yako.
3
Nguno ūmo shilooti shikizīlaga kūlwa wingī bo milīmo, h'ūmo kalī na a kayombele ka mbūūlī ūlū ūkwīja mihayo.
4
Ūlū ūng'wilahīlīla Mulungu, ūtizūdīīla ū kūshikīlīja. Nguno a babbūūlī batanyejaga, shikīlījaga īsho wilahīla kūshifunya.
5
Īlī hambū hambū kūleka kūlahīla kūtinda kūlahīla hūna ūlemeelwa ū kūshikīlīja.
6
Ūtizūgūzunīlīja ū nomo gwako gūkwingīje mu shibi, nūūlū yaya ū kūng'wihalalīja ū ntūmami ūlīhaya, “Nakahūbīla ū kūlahīla.” Nibūlī ūmpelanye ū Mulungu kūlwa mihayo yako, nose akūkenaagūje milīmo ya makono gako?
7
Nguno ī shilooti ūlū shūkwīla, nī mihayo ī midūhū īkakwīlaga; alīyo ū bebe ng'ogohage Mulungu.
8
Ūlū ūbona mu sī ndebe a bahabī balīluhiwa, nū būtūngīlīja balīngījiwa, pyī nī yīyo ībigeleelilwe batinhagwa, ūtizūkumya. Nguno ū ntaale wayo ī mihayo yenīyo alī ha sīlīlī ya ntaale nebe ūyo alī higūlya yakwe, hama balīho na bangī abo balī higūlya yabo a bose benabo.
9
A matwajo ga mu malaale galī ga bose, nū ntemi akapandīkīlaga ū mu malaale genayo.
10
Ūyo akikalaga ahahaalīlile hela, jitalang'wigela ī hela; nū yūyo atogilwe sabo shitalang'wigela īsho akapandīkaga. Ū gwenūyū nago gūtī na ngofyoolo gete.
11
Ūlū shūkwīla ī shikolo, na a balī bakakwīlaga. Alilūūlū ū ng'wenekīlī akapandīkaga solobo kī, ūlū ītī kūlisha miso gakwe dūhū?
12
Ūyo akatūmamaga gwanoga ū mīlī akalaalaga tūlo fuudūūku, abize walyaga shigehu, nūūlū shingī; alīyo ū nsabi, ī sabo yakwe īkantagījaga tūlo.
13
Naabonile mhayo mi no a ha sīlīlī ya līīmi: Munhū kūkeja sabo yakwe kūshisha kwilemaaja wei ng'wenekīlī;
14
nūūlū kwījimīīja sagala akwīponanjaga, wakūhayūbyala ūgayiwa sha kwinha wingīji ng'witūnja okwe.
15
Ū munhū akafumaga ū munda ya ng'wa nina alī dūūhū; ūmo akizīlaga, h'ūmo akīngīlaga. Atīko kūsola shose shose kūfuma ū mu būnoge bo milīmo yakwe, gīkī aje widimīlīgījaga mu nkono gwakwe.
16
Ū gwenūyū nago mi no: Ū munhū ūmo akizīlaga, h'ūmo akīngīlaga; hama kī lūūlū īsho akapandīkaga, Īkī gashi nīyo akanogelaga lūyaga dūhū?
17
Pyī ī shikū jakwe akajimalaga akūlīīlaga mu giiti, mu kūzwangana na makoye, na kwikala adakile!
18
Nose ū nene naabonile gīkī, gashi ī gete ū mhayo ū nsoga ūyo shiigelile agwīte ū munhū, gūlī gwa kūlya na kūng'wa na kūshiyegela īsho akūshinogelaga ū mu shikū ngehu ja būlamu bokwe, ījo Mulungu angabīlile a ha sīlīlī ya līīmi. Nguno ū gwenūyū hū ngabo gwakwe.
19
Na hangī nīyo ū Mulungu ūlū ūng'winha munhū sabo na shikolo, hūna ūng'wīlūkīla na gīkī ashilūmbe, ni azunyage gīkī ū gwenūyo hū ngabo gwakwe kūlwa kūbūlūmba ū būnoge bo milīmo yakwe; ī shenīshi nasho shilī sha kwinhwa kūfuma kūlī Mulungu.
20
Nīyo atikala akūkoyaga kwiganika ya shikū jakwe, nguno ū Mulungu akikalaga ayokagije būyegi ī ng'holò yakwe.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
All chapters:
1
2
3
4
5
6
7
8
9
10
11
12