bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Acts 17
Acts 17
Tulu (ಪೊಸ ಒಡಂಬಡಿಕೆ)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
1
ಅಕುಲು ಅಂಫಿಪೊಲಿ ಬೊಕ್ಕ ಅಪೊಲೋನ್ಯ ಪನ್ಪಿ ಊರುನು ದಾಂಟ್ದ್ ಥೆಸ್ಸಲೋನಿಕೊಗು ಬತ್ತೆರ್. ಅಲ್ಪ ಯೆಹೂದ್ಯೆರೆನ ಒಂಜಿ ಸಭಾಕೂಟ ಇತ್ತ್ಂಡ್.
2
ಪೌಲು ತನ ಸಂಪ್ರದಾಯದ ಲೆಕ್ಕ ಅಲ್ಪ ಇತ್ತಿನಾಕ್ಲೆನ ಕೈತಲ್ ಪೋದು ಮೂಜಿ ಸಬ್ಬತ್ದಿನೊಕುಲೆಡ್ ಶಾಸ್ತ್ರದ ಆಧಾರೊಡು ಅಕ್ಲೆ ಒಟ್ಟುಗು ತರ್ಕ ಮಲ್ತೆ,
3
ಶಾಸ್ತ್ರದ ಅರ್ಥೊನು ಬುಡ್ಪಾದ್ ಕ್ರಿಸ್ತೆ ಕಷ್ಟ ಅನುಭವ ಮಲ್ತ್ದ್, ಸೈತ್ದ್, ಲಕ್ಕ್ದ್ ಬರೊಡೇ ಇತ್ತ್ಂಡ್ ಪಂಡ್ದ್, “ಯಾನ್ ನಿಕ್ಲೆಗ್ ಸಾರಿನ ಈ ಯೇಸುವೇ ಕ್ರಿಸ್ತೆ,” ಅಂದ್ದ್ ಪೌಲು ಸ್ಪಷ್ಟ ಮಲ್ತೆ.
4
ಕೆಲೆವೆರ್ ಯೆಹೂದ್ಯೆರೆಡ್, ಕೆಲೆವೆರ್ ಭಕ್ತೆರಾಯಿನ ಗ್ರೀಕೆರೆಡ್ ಮಲ್ಲ ಗುಂಪು, ಕೆಲೆವೆರ್ ಪೊಂಜೊವುಲೆಡ್ ಮುಖ್ಯಸ್ಥೆರ್ಲಾ, ಆಲೋಚನೆ ಮಲ್ತ್ದ್ ಪೌಲು ಸೀಲೆರೆನ್ ಸೇರೊಂಡೆರ್.
5
ಯೆಹೂದ್ಯೆರ್ ಮಚ್ಚರೊಡು ಪೇಂಟೆಡ್ ತಿರ್ಗುನ ಕೆಲವು ಪೋಕ್ರಿಲೆನ್ ಲೆತ್ತೊಂದು ಬತ್ತ್ದ್ ಗುಂಪು ಕಟ್ಟಾದ್ ಊರುಡು ಗಲಾಟೆ ಲಕ್ಕಾಯೆರ್. ಪೌಲು ಸೀಲೆರೆನ್ ಜನತ ಗುಂಪುದ ಎದುರುಗ್ ಕನವೊಡು ಅಂದ್ದ್ ಅಕ್ಲೆನ್ ನಾಡೊಂದು ಯಾಸೋನುನ ಇಲ್ಲದ ಕೈತಲ್ ಬತ್ತೆರ್.
6
ಅಕುಲು ತಿಕ್ಕಂದೆ ಪೋಯಿನೆಡ್ದ್ ಆ ಜನೊಕುಲು ಯಾಸೋನುನ್ಲಾ ಕೆಲವು ನಂಬುನ ಸಹೋದ್ರೆರೆನ್ಲಾ ಊರುದ ಅಧಿಕಾರಿ ಕೈತಲ್ ಒಯ್ತೊಂದು ಪೋದು, “ಲೋಕೊನು ಅಡಿಮೇಲ್ ಮಲ್ತಿನ ಜನೊಕುಲು ಇಡೆಗ್ಲಾ ಬೈದೆರ್,
7
ಯಾಸೋನು ಅಕ್ಲೆನ್ ಸೇರ್ಸಾವೊಂದೆ, ಅಕುಲು ಮಾತೆರ್ಲಾ ಯೇಸು ಪನ್ಪಿ ಬೇತೆ ಒರಿ ಅರಸು ಉಲ್ಲೆ ಅಂದ್ದ್ ಚಕ್ರವರ್ತಿನ ಅಪ್ಪಣೆಲೆಗ್ ವಿರೋಧಾದ್ ನಡತೊನ್ವೆರ್,” ಅಂದ್ದ್ ಬೊಬ್ಬೆ ಪಾಡಿಯೆರ್.
8
ಈ ಪಾತೆರೊಲೆನ್ ಕೇಂಡ್ದ್ ಊರುದ ಅಧಿಕಾರಿಲುಲಾ ಊರುದಾಕುಲುಲಾ ಕಂಗಾಲ್ ಆಯೆರ್.
9
ಅಕುಲು ಯಾಸೋನುಡ್ಲಾ ಬಾಕಿದಾಕುಲೆಡ್ಲಾ ಜಾಮೀನ್ ದೆತ್ತೊಂದು ಅಕ್ಲೆನ್ ಬುಡಿಯೆರ್.
10
ಅಪಗನೆ ಸಹೋದ್ರೆರ್ ರಾತ್ರೆಡ್ ಪೌಲು ಸೀಲೆರೆನ್ ಬೆರೋಯೊಗು ಕಡಪುಡಿಯೆರ್. ಅಕುಲು ಅಡೆಗ್ ಸೇರ್ದ್ ಯೆಹೂದ್ಯೆರೆನ ಸಭಾಮಂದಿರೊಗು ಪೋಯೆರ್.
11
ಈ ಯೆಹೂದ್ಯೆರ್ ಥೆಸ್ಸಲೋನಿಕದ ಯೆಹೂದ್ಯೆರೆಡ್ದ್ಲಾ ಎಡ್ಡೆ ಗುಣತಾಕುಲು ಆದಿತ್ತೆರ್. ಪೌಲು ಸೀಲೆ ಪನ್ಪಿನ ಪಾತೆರೊಲೆನ್ ಮೊಕುಲು ಬಾರಿ ಮನಸ್ ದೀದ್ ಕೇಂಡೆರ್. ಅವು ಸಂಗತಿಲು ನಿಜ ಆದುಂಡು ಅಂದ್ದ್ ತೆರಿಯೊನೆರೆ ಶಾಸ್ತ್ರೊಡು ಪ್ರತಿದಿನ ಉಂಡಾ ಇಜ್ಜಾ ಅಂದ್ದ್ ನಾಡೊಂದಿತ್ತೆರ್.
12
ಅಂಚಾಯಿನೆಡ್ದ್ ಮಸ್ತ್ ಜನ ನಂಬಿಯೆರ್; ಅವು ಅತ್ತಂದೆ ಮುಖ್ಯ ಸ್ಥಾನೊಡುಪ್ಪುನ ಗ್ರೀಕೆರೆ ಪೊಂಜೊವುಲುಲಾ ಅಂಜೊವುಲುಲಾ ಮಸ್ತ್ ಜನ ನಂಬಿಯೆರ್.
13
ಆಂಡ ಪೌಲು ಬೆರೋಯೊಡು ದೇವೆರೆ ಪಾತೆರೊನು ಸಾರಿಯೊಂದುಲ್ಲೆ ಪನ್ಪಿನ ವರ್ತಮಾನ ಥೆಸ್ಸಲೋನಿಕದ ಯೆಹೂದ್ಯೆರೆಗ್ ತೆರಿದ್ ಬನ್ನಗ ಅಕುಲು ಅಡೆಗ್ಲಾ ಪೋದು ಜನೊಕುಲೆ ಗುಂಪುನು ಗರ್ವ ಲಕ್ಕಾದ್ ಕಲಡಾಯೆರ್.
14
ಅಪಗನೆ ಸಹೋದ್ರೆರ್ ಪೌಲುನು ಕಡಲ್ದ ಬರಿಕ್ಕ್ ಕಡಪುಡಿಯೆರ್. ಆಂಡ ಸೀಲೆಲಾ ತಿಮೋಥಿಲಾ ಅಲ್ಪನೆ ಉಂತಿಯೆರ್.
15
ಪೌಲುನ ಒಟ್ಟುಗು ಪೋತಿನ ನಂಬುನಾಕುಲು ಆಯನ್ ಅಥೇನೆಗ್ ಮುಟ್ಟಾಯೆರ್. ಸೀಲನ್ಲಾ ತಿಮೋಥಿನ್ಲಾ ಆಯಿನಾತ್ ಬೇಗ ಎನ ಕೈತಲ್ ಬರಿಯೆರೆ ಪನೊಡು ಅಂದ್ದ್ ಅಪ್ಪಣೆ ಆಯಡ್ದ್ ಹೊಂದುದು ಪಿದಾಡ್ದ್ ಪೋಯೆರ್.
16
ಪೌಲು ಅಕ್ಲೆಗಾದ್ ಅಥೇನೆಡ್ ಕಾತೊಂದುಪ್ಪುನಗ ಆ ಊರುಡು ಮಾತ ಕಡೆಟ್ಲಾ ಮೂರ್ತಿನ್ ತೂದು ಆಯನ ಆತ್ಮ ಉರಿಂಡ್.
17
ಇಂಚಾಯಿನೆಡ್ದ್ ಆಯೆ ಸಭಾಮಂದಿರೊಡು ಯೆಹೂದ್ಯೆರೆನ ಬೊಕ್ಕ ಭಕ್ತೆರಾಯಿ ಮತೊಟುಪ್ಪು ಗ್ರೀಕೆರೆ ಒಟ್ಟುಡು ಪೇಂಟೆಡ್ ವ್ಯಾಪಾರದ ಜಾಗ್ಲೆಡ್ ದಿನಾಲ ಪಾತೆರೊಂದಿತ್ತೆ.
18
ಉಂದತ್ತಂದೆ ಎಪಿಕೂರಿಯೆರ್ ಸ್ತೋಯಿಕೆರ್ ಪನ್ಪಿ ತತ್ವಜ್ಞಾನಿಲು ಆಯನ ಒಟ್ಟುಗು ತರ್ಕ ಮಲ್ತೆರ್. ಅಕ್ಲೆಡ್ ಕೆಲೆವೆರ್, “ಈ ಚರಚರ ಪಾತೆರುನಾಯೆ ದಾನೆ ಪನೊಂದುಲ್ಲೆ?” ಆಯೆ ಯೇಸುನ ಸಂಗತಿಡ್ಲಾ ಸೈತಿನಾಕುಲು ಲಕ್ಕ್ದ್ ಬರ್ಪೆರ್ ಪನ್ಪಿನ ಸಂಗತಿಡ್ಲಾ ಸಾರೊಂದಿತ್ತಿನೆಡ್ದ್, “ಇಂಬೆ ಪರದೇಶದ ದೈವೊಲೆನ್ ಸಾರಿಯುನಾಯೆ ಅಂದ್ದ್ ತೋಜುಂಡು,” ಪಂಡೆರ್.
19
ಅಕುಲು ಆಯನ್ ಪತ್ತ್ದ್ ಅರಿಯೊಪಾಗೊಗು ಲೆತ್ತೊಂದು ಪೋದು, “ಈ ಪನ್ಪಿನ ಈ ಪೊಸತ್ತಾಯಿನ ಬೋಧನೆನ್ ಎಂಕುಲು ತೆರಿಯೊನೊಲಿಯಾ?
20
ಈ ಅಪರೂಪದ ವಿಷಯೊಲು ಅವು ದಾನೆ ಆದುಪ್ಪೊಲಿ ಅಂದ್ದ್ ತೆರಿಯೊನಿಯೆರೆ ಎಂಕ್ಲೆಗ್ ಆಸೆ ಉಂಡು,” ಅಂದ್ದ್ ಪಂಡೆರ್.
21
ಮಾತ ಅಥೇನ್ಯೆರ್ಲಾ ಅಲ್ಪ ನಿಲೆ ಆದಿತ್ತಿನ ಪರ ಊರುದಾಕುಲುಲಾ ಪೊಸ ಪೊಸ ಸಂಗತಿಲೆನ್ ಪನ್ಪಿನೆಕ್ಕ್ಲಾ ಕೇನುನೆಕ್ಕ್ಲಾ ಅತ್ತಂದೆ ಬೇತೆ ಒಯಿಕ್ಲಾ ಪೊರ್ತು ಕೊರೊಂದಿತ್ತ್ಜೆರ್.
22
ಪೌಲು ಅರಿಯೊಪಾಗುದ ಸಭೆತ ಎದುರುಡು ಉಂತೊಂದು ಇಂಚ ಪಂಡೆ ಅಥೇನ್ಯೆದ ಜನೊಕುಲೆ, “ನಿಕುಲು ಮಾತೆಟ್ಲಾ ಬಾರಿ ಭಕ್ತಿದಾಕುಲು ಅಂದ್ದ್ ಎಂಕ್ ತೋಜುಂಡು.
23
ಯಾನ್ ನಿಕ್ಲೆನ ಊರುಡು ತಿರ್ಗೊಂದು ನಿಕುಲು ಪೂಜೆ ಮಲ್ಪುನ ದೇವೆರೆನ ಮೂರ್ತಿಲೆನ್ ತೂವೊಂದು ಉಪ್ಪುನಗ ಒಂಜಿ ಬಲಿಪೀಠ ಎನ ಕಣ್ಣ್ಗ್ ತೋಜುಂಡು ಐತ ಮಿತ್ತ್, ‘ತೆರಿಯಂದಿನ ದೇವೆರೆಗ್,’ ಅಂದ್ದ್ ಬರೆದಿತ್ತ್ಂಡ್. ಆ ಕಾರಣೊಡ್ದು ನಿಕುಲು ಒವೆನ್ ತೆರಿಯಂದೆ ಪೂಜೆ ಮಲ್ತೊಂದಿತ್ತರಾ ಅವೆನೇ ನಿಕ್ಲೆಗ್ ಸಾರಿಯುವೆ, ಕೇನ್ಲೆ;
24
ಲೋಕೊನ್ಲಾ ಐಟ್ಟುಪ್ಪು ಮಾತ ವಸ್ತುಲೆನ್ಲಾ ಉಂಡು ಮಲ್ತಿನಾಯೆನೇ ಆ ದೇವೆರ್. ಆಯೆನೇ ಭೂಮಿ ಬಾನದ ಯಜಮಾನೆ ಆದುಲ್ಲೆ. ಆಯೆ ಕೈಡ್ದ್ ಕಟ್ಟ್ದಿನ ಗುಡಿಟ್ ಕುಲ್ಲುನಾಯೆ ಅತ್ತ್;
25
ನರಮಾನಿಗ್ ಜೀವೊನು, ಶ್ವಾಸೊನು ಮಾತೆನ್ ಕೊರ್ಪಿನಾಯೆ ಆ ದೇವೆರೇ. ಆಯಗ್ ಜನೊಕುಲೆನ ಸೇವೆ ದಾಲಾ ಅಗತ್ಯ ಇಜ್ಜಿ. ಆಯಗ್ ಕೊರತೆಲಾ ಇಜ್ಜಿ.
26
ಆಯೆ ಒರಿಯಡ್ದೆ ಮಾತ ಜನಾಂಗದಾಕುಲೆನ್ ಪುಟ್ಟಾದ್ ಅಕುಲಾಕುಲು ಉಪ್ಪೊಡಾಯಿನ ಕಾಲೊನ್ಲಾ ಅಕುಲಾಕುಲು ಉಪ್ಪುನ ಜಾಗ್ದ ಬರಿಲೆನ್ಲಾ ಅಕುಲಾಕುಲೆನ ಭೂಮಿದ ಕೊಡಿನ್ಲಾ ಗೊತ್ತು ಮಲ್ತ್ದೆ.
27
ಜನೊಕುಲು ಆಯನ್ ನಾಡೊಡು ಅಂದ್ದ್ ದೇವೆರೆನ ನಿರೀಕ್ಷೆ ಆದಿತ್ತ್ಂಡ್. ಇಡೀ ಭೂಮಿಡ್ ನಿಲೆ ಮಲ್ಪಾದ್ ಒಂಜಿ ವೇಳೆ ಅಕುಲು ತಡವಾದ್ ತೆರಿಯೊನ್ವೆರ್ ಅಂದ್ದ್ ತನನ್ ನಾಡುನಾಕುಲಾದ್ ಮಲ್ತೆ. ಆಯೆ ಎಂಕ್ಲೆಗ್ ಏತ್ ಮಾತ್ರೊಗ್ಲಾ ದೂರ ಆತಿನಾಯೆ ಅತ್ತ್.
28
ದಾಯೆಗಂದ್ಂಡ, ‘ಆಯಡೊಪ್ಪ ನಮ ಬದುಕುವ, ನಡಪುವ, ಉಪ್ಪುವ.’ ನಿಕ್ಲೆಡ್ ಪದಕಟ್ಟುನಾಕುಲುಲಾ ಕೆಲೆವೆರ್, ‘ನಮ ಆಯನ ಸಂತಾನದಾಕುಲೇ,’ ಅಂದ್ದ್ ಪನ್ತೆರ್.
29
“ಅಂಚಾಯಿನೆಡ್ದ್ ನಮ ದೇವೆರೆ ಸಂತಾನದಾಕುಲಾದುಪ್ಪುನಗ, ದೈವೊಲು ಜನೊಕುಲೆನ ಬಿರ್ಸಾದಿಗೆಡ್ದ್ಲಾ ಆಲೋಚನೆಡ್ದ್ಲಾ ಉಂಡಾಯಿ ಕೆಲಸೊಗು ಕೆತ್ದಿನ ಬಂಗಾರ್ಗಾವಡ್ ಬೊಳ್ಳಿಗಾವಡ್ ಕಲ್ಲ್ಗಾವಡ್ ಸಮ ಆದುಂಡು ಅಂದ್ದ್ ನಮ ಎನ್ನೆರೆ ಬಲ್ಲಿ.
30
ಅಪಗದ ತಿಳುವಳಿಕೆದಾಂತಿ ಕಾಲೊನು ದೇವೆರ್ ನೆನೆಪುಗು ಕನತಿಜೆ. ಇತ್ತೆ ಆಂಡಲಾ ಆಯೆ ನಾಲ್ ದಿಕ್ಕ್ಡುಪ್ಪುನ ಜನೊಕುಲು ಮಾತೆರ್ಲಾ ಪಶ್ಚಾತಾಪ ಪಡೆದ್ ತನ ಕೈತಲ್ ತಿರ್ಗೊನೊಡು ಅಂದ್ದ್ ಅಪ್ಪಣೆ ಕೊರ್ಪೆ.
31
ದಾಯೆಗಂದ್ಂಡ, ದೇವೆರ್ ನೇಮಕ ಮಲ್ತಿ ಒರಿ ನರಮಾನಿಡ್ದ್ ಭೂಲೋಕೊನು ನೀತಿಡ್ ನ್ಯಾಯತೀರ್ಪು ಮಲ್ಪೆರೆ ಒಂಜಿ ದಿನ ದೀತೆ. ಆಯೆ ಸೈತ್ ಪೋದು ಲಕ್ಕಿನೆಡ್ದಾವರ ನಂಬುನ ಮಾತೆರೆಗ್ಲಾ ಆಧಾರ ಕೊರ್ತೆ,” ಅಂದ್ದ್ ಪಂಡೆ.
32
ಸೈತಿನಾಕುಲು ಲಕ್ಕ್ದ್ ಬರ್ಪಿನ ಸಂಗತಿಡ್ ಕೇನ್ನಗ ಕೆಲೆವೆರ್ ಚೇಷ್ಟೆ ಮಲ್ತೆರ್. ಕೆಲೆವೆರ್, “ಈ ಪನ್ಪಿನ ವಿಷಯೊನು ನನೊರ ಕೇನ್ವ,” ಅಂದ್ದ್ ಪಂಡೆರ್.
33
ಇಂಚಾದುಪ್ಪುನಗ ಪೌಲು ಅಕ್ಲೆನ ನಡುಡ್ದು ಪಿದಾಡ್ದ್ ಪೋಯೆ.
34
ಕೆಲೆವೆರ್ ಆಯನ್ ನಂಬುದು ಆಯನ್ ಸೇರೊಂಡೆರ್; ನಂಬಿನಾಕುಲೆಡ್ ಅರಿಯೊಪಾಗದ ಸಭೆತಾಯೆ ಆದುಪ್ಪುನ ದಿಯೊನೂಸಿಯೆಲಾ ದಾಮರಿ ಪನ್ಪಿನಾಲ್ಲಾ ಬೇತೆ ಜನಲಾ ಇತ್ತೆರ್.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28