bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Acts 28
Acts 28
Tulu (ಪೊಸ ಒಡಂಬಡಿಕೆ)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
1
ಎಂಕುಲು ಬಚವು ಆಯಿ ಬೊಕ್ಕ ಪೊರ್ಲುಡು ಕಡಲ್ದ ಕರೆಕ್ ಮುಟ್ಟಿಯ, ಅವು ಮೆಲೀತೆ ದ್ವೀಪ ಅಂದ್ದ್ ಎಂಕ್ಲೆಗ್ ತೆರಿಂಡ್.
2
ಆಂಡ ದ್ವೀಪದ ಜನೊಕುಲು ಎಂಕ್ಲೆಗ್ ಕನಿಕರ ತೋಜಾಯೆರ್, ಎಂಚಂದ್ಂಡ ಅಪಗ ಬರ್ಸಲಾ ಚಳಿಲಾ ಇತ್ತಿನೆಡ್ದ್ ತೂ ಪೊತ್ತಾದ್ ಎಂಕ್ಲೆನ್ ಮಾತೆರೆನ್ಲಾ ಸೇರಾವೊಂಡೆರ್.
3
ಪೌಲು ಒಂಜಿ ಕಟ್ಟ್ ಕನಕ್ ಪೆಜ್ಜಿದ್ ಕನತ್ದ್ ಅವೆನ್ ತೂಕು ಪಾಡ್ನಗ ಆ ಬೆಚ್ಚದ ಉರಿಕ್ಕ್ ಒಂಜಿ ವಿಷತ ಉಚ್ಚು ಪಿದಾಯಿ ಬತ್ತ್ದ್ ಆಯನ ಕೈನ್ ಸುತೊಂಡು.
4
ಆ ಉಚ್ಚು ಆಯನ ಕೈಡ್ದ್ ನೇಲೊಂದುಪ್ಪುನೆನ್ ದ್ವೀಪದ ಜನೊಕುಲು ತೂದು, “ಈ ನರಮಾನಿ ಮಾನ್ಯ ಕೆರ್ಪಿನಾಯೆ ಆದುಪ್ಪೊಡು. ಕಡಲ್ಡ್ದ್ ತಪ್ಪಾವೊಂದು ಬತ್ತೆಡಲಾ ನ್ಯಾಯ ಇಂಬ್ಯನ್ ಬದ್ಕೆರೆ ಬುಡ್ಪುಜಿ,” ಅಂದ್ದ್ ಅಕ್ಲೆ ಉಲಯಿ ಪಾತೆರೊಂಡೆರ್.
5
ಆಂಡ ಪೌಲು ಆ ಉಚ್ಚುನು ತೂತ ಉಲಯಿ ಕುಡ್ತ್ದ್ ಬುಡಿಯೆ; ಆಯಗ್ ದಾಲಾ ತೊಂದರೆ ಆಯಿಜಿ.
6
ಆಯನ ಮೆಯಿ ಬಾತ್ದ್ ಇತ್ತಿನಂಚೆನೆ ಬೂರ್ದು ಸೈಪೆ ಅಂದ್ದ್ ಎನ್ನ್ಂಡಲಾ ಸಮಯ ಸುಮಾರ್ ಆಂಡಲಾ ಆಯನ ಜೀವೊಗು ದಾಲಾ ಕೇಡ್ ಆವಂದಿನೆಡ್ದ್ ಅಕುಲು ಬೇತೆ ಆಲೋಚನೆ ಮಲ್ತ್ದ್, “ಉಂಬೆ ಒರಿ ದೇವೆರೇ ಆದುಪ್ಪೊಡು,” ಅಂದ್ದ್ ಪನೊಂಡೆರ್.
7
ಆ ದ್ವೀಪೊದ ಒರಿ ಗುರ್ಖಾರೆ ಆಯಿನ ಪೋಪ್ಲಿಯೆ ಪನ್ಪಿನಾಯಗ್ ಭೂಮಿ ಇತ್ತ್ಂಡ್. ಎಂಕ್ಲೆನ್ ಸೇರ್ಸಾವೊಂದು ಮೂಜಿ ದಿನ ಎಡ್ಡೆಡ್ ಸತ್ಕಾರ ಮಲ್ತೆ.
8
ಪೋಪ್ಲಿಯನ ಅಮ್ಮೆ ಜ್ವರೊಡ್ದುಲಾ ನೆತ್ತಿಕಂಡೆಡ್ದ್ಲಾ ನೆಗರೊಂದು ಜೆತ್ತ್ದಿತ್ತೆ. ಪೌಲು ಆಯನ ಕೈತಲ್ ಪೋದು ಆಯಗ್ ಪ್ರಾರ್ಥನೆ ಮಲ್ತ್ದ್ ಆಯನ ಮಿತ್ತ್ ಕೈ ದೀದ್ ಆಯನ್ ಗುಣ ಮಲ್ತೆ.
9
ಉಂದಾಯಿ ಬೊಕ್ಕ ಆ ದ್ವೀಪೊಡಿತ್ತಿನ ಬಾಕಿದ ಸೀಕ್ದಾಕುಲುಲಾ ಪೌಲು ಕೈತಲ್ ಬತ್ತ್ದ್ ಗುಣ ಆಯೆರ್.
10
ಆ ದ್ವೀಪೊಡಿತ್ತಿನ ಜನೊಕುಲು ಎಂಕ್ಲೆನ ಸತ್ಕಾರ ಮಲ್ತೆರ್. ಎಂಕುಲು ಬುಡ್ದು ಪಿದಾಡ್ನಗ ಎಂಕ್ಲೆಗ್ ಬೋಡಾಯಿನ ವಸ್ತುಲೆನ್ ಕನತ್ದ್ ಕಪ್ಪಲ್ಡ್ ದೀಯೆರ್.
11
ಮೂಜಿ ತಿಂಗೊಲೊಡ್ದು ಬೊಕ್ಕ ಅಲೆಕ್ಸಾಂದ್ರಿಯೊಡ್ದು ಬತ್ತಿನ ಒಂಜಿ ಕಪ್ಪಲ್ನ್ ಮಿತ್ತಾರ್ದ್ ಪಿದಾಡಿಯ. ಆ ಕಪ್ಪಲ್ ಚಳಿಕಾಲೊಡು ಮೆಲೀತೆ ದ್ವೀಪೊಡೇ ಉಂತೊಂದಿತ್ತ್ಂಡ್. ಆ ಕಪ್ಪಲ್ದ ಎದುರು ಮರ್ಗಿಲ್ಡ್ ಕಾಸ್ಟರ್ ಬೊಕ್ಕ ಪೊಲಕ್ಸ್ ಪನ್ಪಿ ಅಮರ್ ದೇವತೆಲೆನ ಗುರ್ತ ಇತ್ತ್ಂಡ್.
12
ಎಂಕುಲು ಸುರಕೂಸ್ ಪಟ್ಟಣೊಗು ಬತ್ತ್ದ್ ಅವುಲು ಮೂಜಿ ದಿನ ಇತ್ತ.
13
ಅಲ್ತ್ಡ್ದ್ ಸುತ್ತಾದ್ ಪೋದು ರೇಗಿಯೊಗು ಸೇರಿಯ. ಒಂಜಿ ದಿನ ಆಯಿ ಬೊಕ್ಕ ತೆನ್ಕಯಿದ ಗಾಳಿ ಲಕ್ಕಿನೆಡ್ದ್ ರಡ್ಡನೆ ದಿನೊಟು ಪೊತಿಯೋಲುಗು ಬತ್ತ.
14
ಅಲ್ಪ ಕೆಲವು ಕ್ರೈಸ್ತ ಸಹೋದ್ರೆರ್ ತಿಕ್ಕಿಯೆರ್; ಅಕುಲು ಎಂಕ್ಲೆನ್ ಒಂಜಿ ವಾರ ಎಂಕುಲೆ ಒಟ್ಟುಗು ಉಂತೊಡು ಅಂದ್ದ್ ನಟ್ಟೊಂಡೆರ್. ಐಡ್ದ್ ಬೊಕ್ಕ ರೋಮುಗು ಬತ್ತ.
15
ಅಲ್ಪ ಇತ್ತಿ ಸಹೋದ್ರರೆಗ್ ಎಂಕ್ಲೆನ ಸುದ್ಧಿ ತಿಕ್ಕ್ಂಡ್ ಎಂಕ್ಲೆನ್ ಎದುಕೊನಿಯೆರೆ ಕೆಲೆವೆರೆನ್ ಅಪ್ಪೀಯ ಪೇಂಟೆ ಮುಟ್ಟಲಾ ಕೆಲೆವೆರ್ ತ್ರಿಚತ್ರ ಪನ್ಪಿ ಜಾಗ್ದ ಮುಟ್ಟಲಾ ಬತ್ತೆರ್. ಪೌಲು ಅಕ್ಲೆನ್ ತೂದು ದೇವೆರೆನ್ ಸುಗಿತ್ದ್ ಧೈರ್ಯ ಪಡೆಯೆ.
16
ಎಂಕುಲು ರೋಮುಗು ಬತ್ತಿ ಬೊಕ್ಕ ಪೌಲುನು ಪ್ರತ್ಯೇಕಾದ್ ಉಪ್ಪರೆ ಅಪ್ಪಣೆ ಕೊರಿಯೆರ್. ಆಂಡ ಆಯನ್ ಕಾಪೆರೆ ಒರಿ ಸೈನಿಕೆ ಆಯನ ಒಟ್ಟುಗು ಇತ್ತೆ.
17
ಮೂಜಿ ದಿನ ಆಯಿ ಬೊಕ್ಕ ಪೌಲು ಯೆಹೂದ್ಯೆರೆ ಮುಖ್ಯಸ್ಥೆರೆನ್ ತನ ಕೈತಲ್ ಲೆಪ್ಪುಡಾಯೆ. ಅಕುಲು ಸೇರಿ ಬೊಕ್ಕ ಆಯೆ ಅಕ್ಲೆಗ್, “ಸಹೋದ್ರೆರೇ ಯಾನ್ ಎಂಕ್ಲೆನ ಜನೊಕುಲೆಗ್ಲಾ ನಮ ಪಿತೃಲೆನ ಆಚಾರೊಲೆಗ್ಲಾ ವಿರೋಧಾದ್ ದಾಲಾ ಮಲ್ಪಂದಿನಾಯೆ ಆಂಡಲಾ ಯೆರೂಸಲೇಮುಡ್ದು ರೋಮಾಯೆರ್ನ ಕೈಕ್ ಕೈದ್ಡುಪ್ಪುನಾಯಲೆಕ್ಕ ಒಚ್ಚಿದ್ ಕೊರ್ತೆರ್.
18
ಅಕುಲು ಎನನ್ ವಿಚಾರಣೆ ಮಲ್ತ್ದ್ ಎನಡ ಮರಣ ದಂಡನೆ ಶಿಕ್ಷೆಗ್ ಕಾರಣವಾಯಿನವು ದಾಲಾ ಇಜ್ಜಂದಿನೆಡ್ದ್ ಎನನ್ ಬುಡ್ಪಾವೊಡು ಅಂದ್ದ್ ಇತ್ತೆರ್.
19
ಐಕ್ ಯೆಹೂದ್ಯೆರ್ ಅಡ್ಡಿ ಪಾತೆರ್ನೆಡ್ದ್ ಯಾನ್ ಚಕ್ರವರ್ತಿನ ಎದುರುಡು ಕೇನೊನ್ವೆ ಅಂದ್ದ್ ಪನೊಡೆ ಆಂಡ್, ಎನ ದೇಶದಾಕುಲೆನ ಮಿತ್ತ್ ದೋಷರೋಪಣೆ ಮಲ್ಪೊಡು ಪನ್ಪಿನ ಅಭಿಪ್ರಾಯೊಡು ಅವೆನ್ ಪನ್ತ್ಜಿ.
20
ಈ ಕಾರಣೊಡ್ದು ಯಾನ್ ನಿಕ್ಲೆನ್ ತೂದು ಪಾತೆರೊಡು ಅಂದ್ದ್ ಲೆಪ್ಪುಡಾಯೆ. ಇಸ್ರಾಯೇಲ್ದ ಜನೊಕುಲೆನ ನಿರೀಕ್ಷೆಗಾದ್ ಈ ಸರಪೊಳಿಡ್ ಕಟ್ಟ್ದುಲ್ಲೆ,” ಅಂದ್ದ್ ಪಂಡೆ.
21
ಅಕುಲು ಆಯಡ, “ಎಂಕ್ಲೆಗ್ ಯೂದಾಯೊಡ್ದು ಕಾಕಜಿ ಬೈದಿಜಿ; ಸಹೋದ್ರರೆಡ್ ಏರಾಂಡಲಾ ಬತ್ತ್ದ್ ನಿನ ಸಂಗತಿಡ್ ದಾಲ ಪಡಿಕೆಂತಿನೆನ್ ತೆರಿಪಾದಿಜೆರ್ ಪಾತೆರಿದಿನಿಲಾ ಇಜ್ಜಿ.
22
ಆಂಡ ನಿನ ಅಭಿಪ್ರಾಯೊನು ನಿನಡ್ದೆ ಕೇನುನ ಸರಿ ಅಂದ್ದ್ ತೋಜುಂಡು. ಜನೊಕುಲು ಮಾತ ಕಡೆಟ್ಲಾ ವಿರೋಧಾದ್ ಈ ಪಂಗಡದ ವಿಷಯೊನು ಪನ್ಪಿನವು ಮಾತ್ರ ಎಂಕ್ಲೆಗ್ ತೆರಿದುಂಡು,” ಅಂದ್ದ್ ಪಂಡೆರ್.
23
ಅಕುಲು ಆಯಗ್ ಒಂಜಿ ದಿನೊನು ತೆರಿಪಾದ್ ಮಸ್ತ್ ಜನ ಆಯನ ಬುಡಾರೊಗು ಬತ್ತೆರ್. ಅಕುಲು ಕಾಂಡೆಡ್ದ್ ಬೈಯ ಮುಟ್ಟಲಾ ದೇವೆರೆ ರಾಜ್ಯದ ವಿಷಯೊಲೆನ್ ಪ್ರಮಾಣ ಆದ್ ಸಾಕ್ಷಿ ಪನೊಂದು ಮೋಶೆನ ನ್ಯಾಯಕಟ್ಟ್ ಬೊಕ್ಕ ಪ್ರವಾದಿಲೆ ಗ್ರಂಥೊನು ಆಧಾರ ಮಲ್ತೊಂದು ಯೇಸುನ ಸಂಗತಿಡ್ ಅಕ್ಲೆಗ್ ಅರ್ಥ ಆಪಿಲೆಕ್ಕ ಪಂಡೆ.
24
ಆಯೆ ಪಂಡಿನ ಪಾತೆರೊಲೆಗ್ ಕೆಲೆವೆರ್ ಒಪ್ಪಿಯೊಂಡೆರ್. ಕೆಲೆವೆರ್ ನಂಬಂದೆ ಪೋಯೆರ್.
25
ಅಕ್ಲೆಡ್ ಒಗ್ಗ್ಟ್ಟ್ ಇಜ್ಜಂದೆ ಉಪ್ಪುನಗ ಪೌಲು ಅಕ್ಲೆಗ್ ಇಂಚ ಪಂಡೆ, “ಪರಿಶುದ್ಧಾತ್ಮೆ ಪ್ರವಾದಿ ಯೆಶಾಯನ ಬಾಯಿಡ್ದ್
26
ನಿಕ್ಲೆನ ಪಿತೃಲೆಗ್ ಬೋಡಿತ್ತಿನೆನ್ ಪಂಡಿನಿ ದಾನೆಂದ್ಂಡ, ‘ಈ ಜನೊಕುಲೆ ಕೈತಲ್ ಪೋದು ಇಂಚ ಪನ್ಲ, ನಿಕುಲು ಕೆಬಿ ಕೊರ್ದು ಕೇಂಡಲಾ ಅರ್ಥ ಮಲ್ತೊನುಜರ್; ಕಣ್ಣಾರೆ ತೂಂಡಲಾ ತೆರಿಯೊನುಜರ್ ಅಂದ್ದ್ ಪನ್ಲ.
27
ದಾಯೆಗಂದ್ಂಡ, ಈ ಜನೊಕುಲೆ ಉಡಲ್ ಕಲ್ಲಾತ್ತ್ಂಡ್, ಮೊಕ್ಲೆ ಕೆಬಿ ಮಂದ ಆತ್ಂಡ್, ಮೊಕ್ಲೆ ಕಣ್ಣ್ ಮುಚ್ಚೊಂದೆರ್. ತನ್ಕುಲು ಕಣ್ಣ್ಡ್ ತೂದು, ಕೆಬಿಟ್ ಕೇಂಡ್ದ್ ಉಡಲ್ಡ್ ತೆರಿದ್, ಎನ ಕಡೆಕ್ಕ್ ತಿರ್ಗಂದೆ ಯಾನ್ ಅಕ್ಲೆನ್ ಗುಣ ಮಲ್ಪಂದೆ ಉಪ್ಪುಲೆಕ್ಕ ಮಲ್ತೊಂದೆರ್ ಪನ್ಪಿನವೇ.’
28
“ಅಂಚಾಯಿನೆಡ್ದ್ ದೇವೆರೆಡ್ದಾಯಿನ ಈ ರಕ್ಷಣೆ ಪಿದಯಿದ ಜನೊಕುಲೆಗ್ ಆದುಂಡು. ಅಕುಲು ಐಕ್ ಕೆಬಿ ಕೊರುವೆರ್,” ಅಂದ್ದ್ ನಿಕ್ಲೆಗ್ ಸರಿಯಾದ್ ತೆರಿದುಪ್ಪಡ್.
29
ಆಯೆ ಈ ಪಾತೆರೊಲೆನ್ ಪಂಡಿ ಬೊಕ್ಕ ಅಕುಲು ಪಿದಾಡ್ದ್ ಪೋಯೆರ್. ತನ್ಕುಲೆ ಉಲಯಿ ಮಸ್ತ್ ತರ್ಕ ಮಲ್ತೆರ್.
30
ಐಡ್ದ್ ಬೊಕ್ಕ ಆಯೆ ತಾನೇ ಬಾಡಿಗೆದ ಇಲ್ಲಡ್ ಪೂರ ರಡ್ಡ್ ವರ್ಸ ಇತ್ತ್ದ್ ತನ ಕೈತಲ್ ಬರ್ಪಿನಾಕುಲೆಗ್ ಮಾತೆರ್ನ್ಲಾ ಸೇರಾವೊಂದಿತ್ತೆ.
31
ವಾ ಅಡ್ಡಿದಾಂತೆ ದಿಂಜ ಧೈರ್ಯೊಡು ದೇವೆರೆ ರಾಜ್ಯೊನು ಸಾರಿಯೊಂದು ಕರ್ತವ ಯೇಸು ಕ್ರಿಸ್ತನ ಸಂಗತಿಡ್ ಬೋಧನೆ ಮಲ್ತೊಂದಿತ್ತೆ.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28