bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Acts 9
Acts 9
Tulu (ಪೊಸ ಒಡಂಬಡಿಕೆ)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
1
ಆಂಡ ಸೌಲು ಕರ್ತವ ಶಿಷ್ಯೆರೆ ಮಿತ್ತ್ ನನಲಾತ್ ಗರ್ವೊಡು ಪೋಡಿಯವೊಂದುಲಾ ಅಕ್ಲೆನ್ ಕೆರೊಡಂದ್ದ್ಲಾ ಪ್ರಧಾನಯಾಜಕನ ಕೈತಲ್ ಪೋಯೆ.
2
ಈ ಪೊಸ ಮಾರ್ಗೊಗು ಸೇರಿನಾಕುಲು ಏರಾಂಡಲಾ ತಿಕ್ಕ್ಂಡ ಅಕುಲು ಅಂಜೊವುಲಾಂಡಲಾ ಸರಿ, ಪೊಂಜೊವುಲಾಂಡಲಾ ಸರಿ, ಯಾನ್ ಅಕ್ಲೆಗ್ ಕೋಳ ಪಾಡ್ದ್ ಯೆರೂಸಲೇಮುಗು ಕನಪಿಲೆಕ್ಕ ದಮಸ್ಕೊಡುಪ್ಪುನ ಮಾತ ಸಭಾಮಂದಿರೊಲೆಗ್ ಈ ಪತ್ರ ಕೊರೊಡು ಅಂದ್ದ್ ಆಯಡ ನಟ್ಟೊಂಡೆ.
3
ಆಯೆ ಪ್ರಯಾಣ ಮಲ್ತೊಂದು ದಮಸ್ಕದ ಕೈತಲ್ ಬನ್ನಗ ಒರನೆ ಬಾನದ ಉಲಯಿಡ್ದ್ ಒಂಜಿ ಬೊಲ್ಪು ಆಯನ ಸುತ್ತಲಾ ಮಿಂಚಿಂಡ್.
4
ಅಪಗನೆ ಸೌಲು ನೆಲಕ್ ಬೂರಿಯೆ, ಸೌಲಾ, ಸೌಲಾ, ಈ ಎಂಕ್ ದಾಯೆಗ್ ಭಂಗ ಕೊರ್ಪ ಅಂದ್ದ್ ಪನ್ಪಿನ ಸ್ವರೊನು ಕೇಂಡೆ.
5
ಐಕ್ ಸೌಲೆ, “ಕರ್ತವಾ ಈ ಏರ್?” ಕೇಂಡಿನೆಕ್ಕ್ ಕರ್ತವೆ, “ಈ ಭಂಗ ಕೊರ್ಪಿನ ಯೇಸು ಯಾನ್.
6
ಈ ಇತ್ತೆ ಲಕ್ಕ್ದ್ ಊರುದುಲಯಿ ಪೋಲ. ಈ ಮಲ್ಪೊಡಾಯಿನ ಬೇಲೆ ಅಲ್ಪ ನಿಕ್ಕ್ ತೆರಿದ್ ಬರು,” ಅಂದ್ದ್ ಪಂಡೆ.
7
ಆಯನ ಒಟ್ಟುಗು ಪ್ರಯಾಣ ಮಲ್ತೊಂದಿತ್ತಿನಾಕುಲು ಸ್ವರೊನು ಮಾತ್ರ ಕೇಂಡ್ದ್ ಏರೆನ್ಲಾ ತೂವಂದೆ ಬೆಪ್ಪೆರಾದ್ ಉಂತಿಯೆರ್.
8
ಸೌಲು ನೆಲಡ್ದ್ ಲಕ್ಕ್ದ್ ಉಂತುದು ಕಣ್ಣ್ ಜಪ್ಪುನಗ ದಾಲಾ ತೋಜಿಜಿ. ಅಪಗ ಅಕುಲು ಆಯನ್ ಕೈ ಪತ್ತ್ದ್ ದಮಸ್ಕದ ಉಲಯಿ ಲೆತ್ತೊಂದು ಪೋಯೆರ್.
9
ಆಯೆ ಮೂಜಿ ದಿನ ಕಣ್ಣ್ ತೋಜಂದೆ ದಾಲಾ ತಿನಂದೆ, ಪರಂದೆ ಇತ್ತೆ.
10
ದಮಸ್ಕಡ್ ಅನನೀಯಾ ಪನ್ಪಿ ಒರಿ ಶಿಷ್ಯೆ ಇತ್ತೆ; ಕರ್ತವೆ ದರ್ಶನೊಡು, “ಅನನೀಯಾ,” ಅಂದ್ದ್ ಆಯನ್ ಲೆಪ್ಪುನಗ, ಆಯೆ, “ಕರ್ತವಾ, ಇಂದಾ ಯಾನ್ ಉಲ್ಲೆ,” ಪಂಡೆ.
11
ಕರ್ತವೆ ಆಯಗ್ ಪಂಡೆ, “ಈ ಲಕ್ಕ್ದ್ ಸರ್ತ ಸಾದಿ ಪನ್ಪಿ ಓಣಿಗ್ ಪೋದು ಯೂದನ ಇಲ್ಲಡ್ ತಾರ್ಸುದ ಸೌಲು ಪನ್ಪಿನಾಯನ ಸುದ್ಧಿನ್ ಕೇನ್ಲ; ಆಯೆ ಪ್ರಾರ್ಥನೆ ಮಲ್ತೊಂದುಲ್ಲೆ.
12
ಬೊಕ್ಕ ದರ್ಶನೊಡು ಅನನೀಯಾ ಪನ್ಪಿ ಒರಿ ನರಮಾನಿ ಉಲಯಿ ಬತ್ತ್ದ್ ತನ್ಕ್ ಕುಡ ಕಣ್ಣ್ ತೋಜುಲೆಕ್ಕ ಆಯನ ಮಿತ್ತ್ ಕೈ ದೀದ್ ಪ್ರಾರ್ಥನೆ ಮಲ್ಪುನೆನ್ ತೂಯೆ.”
13
ಐಕ್ ಅನನೀಯೆ, “ಕರ್ತವಾ, ಈ ನರಮಾನಿ ಯೆರೂಸಲೇಮುಡು ನಿನನ್ ನಂಬಿನ ದೇವಜನೊಕುಲೆಗ್ ಮಸ್ತ್ ಕಷ್ಟ ಕೊರೊಂದುಲ್ಲೆ ಪನ್ಪಿನ ಮಸ್ತ್ ಜನೊಕುಲೆಡ್ದ್ ಕೇಂಡ್ದೆ.
14
ಬೊಕ್ಕ ಮುಲ್ಪಲಾ ನಿನ ಪುದರ್ಡ್ ಅರಿಕೆ ಮಲ್ಪುನಾಕುಲೆಗ್ ಕೋಳ ಪಾಡ್ಪಾವುನ ಅಧಿಕಾರೊನು ಪ್ರಧಾನಯಾಜಕೆರೆಡ್ದ್ ಒಪ್ಪಿಗೆ ದೆತ್ತೊಂದು ಬೈದೆ,” ಪಂಡೆ.
15
ಕರ್ತವೆ ಆಯಗ್, “ಈ ಪೋಲ; ಆ ನರಮಾನಿ ಪಿದಯಿದ ಜನೊಕುಲೆಗ್ಲಾ ಅರಸರೆಗ್ಲಾ ಇಸ್ರಾಯೇಲ್ಯೆರೆಗ್ಲಾ ಎನ ಪುದರ್ಡ್ ಸೇವೆ ಮಲ್ಪೆರೆಗಾದ್ ಬೊಕ್ಕ ಎನ ಪುದರ್ ಸಾರಿಯೆರೆಗಾದ್ಲಾ ಯಾನ್ ಆಯನ್ ಅಜತ್ ದೆತ್ತೊಂದಿನಾಯೆ ಆದುಲ್ಲೆ.
16
ಆಯೆ ಎನ ಪುದರ್ಡ್ದ್ ಮಸ್ತ್ ಭಂಗ ಅನುಭವ ಮಲ್ಪೊಡು ಪನ್ಪಿನೆನ್ ಯಾನೇ ಆಯಗ್ ತೋಜಾವೆ,” ಅಂದ್ದ್ ಪಂಡೆ.
17
ಅಪಗ ಅನನೀಯೆ ಪಿದಾಡ್ದ್ ಆ ಇಲ್ಲದ ಉಲಯಿ ಪೋದು ಸೌಲುನ ಮಿತ್ತ್ ತನ ಕೈ ದೀದ್ ಸೌಲಾ, ಎನ ಸಹೋದ್ರಾ, ಈ ಬತ್ತಿ ಸಾದಿಡ್ ನಿನಡ ಪಾತೆರಿನ ಕರ್ತವೆ ಆದುಪ್ಪು ಯೇಸು ನಿಕ್ಕ್ ಕಣ್ಣ್ ತೋಜುಲೆಕ್ಕಲಾ ಈ ಪರಿಶುದ್ಧಾತ್ಮೊಡು ದಿಂಜಿನಾಯೆ ಆವೊಡು ಅಂದ್ದ್ಲಾ ಎನನ್ ನಿನ ಕೈತಲ್ ಕಡಪುಡ್ದೆ.
18
ಅಪಗನೆ ಆಯನ ಕಣ್ಣ್ಡ್ದ್ ಪರೆ ತಿರ್ತ್ ಬೂರ್ದು ಆಯಗ್ ಕಣ್ಣ್ ತೋಜ್ಂಡ್. ಆಯೆ ಲಕ್ಕ್ದ್ ಪೋದು ನೀರ್ದ ದೀಕ್ಷಾಸ್ನಾನ ದೆತ್ತೊಂಡೆ.
19
ಐಡ್ದ್ ಬೊಕ್ಕ ವಣಸ್ ಮಲ್ತ್ದ್ ಬಲ ಪಡೆಯೆ. ಬೊಕ್ಕ ಆಯೆ ದಮಸ್ಕೊಡಿತ್ತಿನ ಶಿಷ್ಯೆರ್ನ ಒಟ್ಟುಗು ಒಂತೆ ದಿನ ಇತ್ತೆ.
20
ಆಯೆ ತಡ ಮಲ್ಪಂದೆ ಸಭಾಮಂದಿರೊಲೆಡ್ ಯೇಸುನ ಬಗೆಟ್ ಆಯೆನೇ ದೇವೆರೆ ಮಗೆ ಅಂದ್ದ್ ಸಾರಿಯೆರೆ ಸುರು ಮಲ್ತೆ.
21
ಕೇಂಡಿನಾಕುಲು ಮಾತೆರ್ಲಾ ಕಂಗಾಲಾದ್ ಈ ಪುದರ್ ಅರಿಕೆ ಮಲ್ಪುನಾಕುಲೆನ್ ಯೆರೂಸಲೇಮುಡು ಹಾಳ್ ಮಲ್ತಿನಾಯೆ ಇಂಬೆ ಅತ್ತಾ? ಅಂಚಿನಾಕುಲೆನ್ ಕೋಳ ಪಾಡ್ದ್ ಪ್ರಧಾನಯಾಜಕೆರೆ ಕೈತಲ್ ಲೆತ್ತೊಂದು ಪೋವೊಡಂದ್ದೇ ಇಡೆಗ್ ಬೈದೆ ಅತ್ತಾ ಅಂದ್ದ್ ಪಾತೆರೊಂಡೆರ್.
22
ಆಂಡ ಸೌಲು ನನಲಾ ಹೆಚ್ಚ್ ಬಲ ಪಡೆದ್ ಯೇಸು ಆಯೆನೇ ಕ್ರಿಸ್ತೆ ಆದುಲ್ಲೆ ಅಂದ್ದ್ ದೃಢ ಮಲ್ತ್ದ್ ದಮಸ್ಕೊಡಿತ್ತಿನ ಯೆಹೂದ್ಯೆರೆನ್ ಪಿರ ಪಾತೆರಂದಿಲೆಕ್ಕ ಮಲ್ತೆ.
23
ಕೆಲವು ದಿನ ಕರಿಬೊಕ್ಕ ಯೆಹೂದ್ಯೆರ್ ಆಯನ್ ಕೆರೊಡು ಅಂದ್ದ್ ಉಪಾಯ ಮಲ್ತೊಂಡೆರ್.
24
ಅಕ್ಲೆನ ಉಪಾಯ ಸೌಲುಗು ತೆರಿದ್ ಬತ್ತ್ಂಡ್. ಆಯನ್ ಕೆರ್ಪಿನೆಕ್ಕಾದ್ ಅಕುಲು ರಾತ್ರೆ ಪಗೆಲ್ ಊರುದ ಬಾಕಿಲ್ಡ್ ಕಾತೊಂದಿತ್ತೆರ್.
25
ಆಂಡ ಆಯನ ಶಿಷ್ಯೆರ್ ರಾತ್ರೆದ ಪೊರ್ತುಡು ಆಯನ್ ಲೆತ್ತೊಂದು ಪೋದು ಒಂಜಿ ಪುಡಯಿಡ್ ಕುಲ್ಲಾದ್ ಗೋಡೆಡ್ದ್ ತಿರ್ತ್ ಜಪುಡಾಯೆರ್.
26
ಆಯೆ ಯೆರೂಸಲೇಮುಗು ಬತ್ತ್ದ್ ಶಿಷ್ಯೆರೆ ಒಟ್ಟುಗು ಕೂಡಿಯೆರೆ ತೂನಗ ಮಾತೆರ್ಲಾ ಆಯನ್ ಯೇಸುನ ಶಿಷ್ಯೆ ಅತ್ತ್ ಅಂದ್ದ್ ನಂಬಂದೆ ಆಯಗ್ ಪೋಡಿಯೆರ್.
27
ಆಂಡ ಬಾರ್ನಬೆ ಆಯನ್ ಲೆತ್ತೊಂದು ಅಪೊಸ್ತಲೆರೆನ ಕೈತಲ್ ಪೋಯೆ. ಸೌಲು ಸಾದಿಡ್ ಕರ್ತವನ್ ತೂಯಿನೆನ್ಲಾ ಕರ್ತವೆ ಆಯನ ಒಟ್ಟುಗು ಪಾತೆರ್ದಿನೆನ್ಲಾ ದಮಸ್ಕದ ಉಲಯಿ ಧೈರ್ಯೊಡು ಯೇಸುನ ಪುದರ್ಡ್ ಸಾರಿನೆನ್ಲಾ ಅಕ್ಲೆಗ್ ಬುಡ್ಪಾದ್ ಪಂಡೆ.
28
ಐಡ್ದ್ ಬೊಕ್ಕ ಸೌಲು ಅಪೊಸ್ತಲೆರೆ ಒಟ್ಟುಗು ಯೆರೂಸಲೇಮುಡು ಇತ್ತೆ. ಆಯೆ ಕರ್ತವನ ಪುದರ್ಡ್ ಧೈರ್ಯೊಡು ಸಾರಿಯೆ. ಬೊಕ್ಕ ಗ್ರೀಕ್ ಭಾಷೆ ಪಾತೆರುನ ಯೆಹೂದ್ಯೆರೆನ ಒಟ್ಟಗು ಪಾತೆರ್ದ್ ತರ್ಕ ಮಲ್ತೊಂದಿತ್ತೆ. ಆಂಡ ಅಕುಲು ಆಯನ್ ಕೆರಿಯೆರೆ ತೂಯೆರ್.
30
ಉಂದು ಸಹೋದ್ರೆರೆಗ್ ತೆರಿನೆಡ್ದ್ ಅಕುಲು ಆಯನ್ ಕೈಸರೆಯಗ್ ಲೆತ್ತೊಂದು ಪೋದು ಅಲ್ತ್ಡ್ದ್ ತಾರ್ಸೊಗು ಕಡಪುಡಿಯೆರ್.
31
ಇಂಚಾದುಪ್ಪುನಗ ಯೂದಾಯ ಗಲಿಲಾಯ ಸಮಾರ್ಯೊಡಿತ್ತಿನ ಸಭೆಟ್ ಸಮಾಧಾನ ಉಂಡಾಂಡ್. ಅಕುಲು ತನ್ಕುಲೆ ಉಲಯಿ ಭಕ್ತಿಡ್ ಅಭಿವೃದ್ಧಿ ಆದ್, ಕರ್ತವ ಪೋಡಿಗೆಡ್ ನಡತೊಂದು ಪರಿಶುದ್ಧಾತ್ಮದ ಸಮಜಯಿಸಿಗೆಡ್ ಬಲ ಪಡೆದ್ ಸಭೆ ಹೆಚ್ಚಾಂಡ್.
32
ಪೇತ್ರೆ ಮಾತ ಕಡೆಟ್ಲಾ ಪ್ರಯಾಣ ಮಲ್ತೊಂದುಪ್ಪುನಗ ಲುದ್ಧೊಡುಪ್ಪು ದೇವಜನೊಕುಲೆನ ಕೈತಲ್ ಬತ್ತೆ.
33
ಅಲ್ಪ ಸಂದ್ವಾತದಾಯೆ ಎಣ್ಮ ವರ್ಸೊಡ್ದಿಂಚಿ ಪಜೆತ ಮಿತ್ತ್ ಇತ್ತಿನ ಐನೇಯೆ ಪನ್ಪಿನ ಒರಿ ನರಮಾನಿನ್ ತೂಯೆ.
34
ಪೇತ್ರೆ ಆಯಗ್, “ಐನೇಯಾ, ಯೇಸು ಕ್ರಿಸ್ತೆ ನಿನನ್ ಗುಣ ಮಲ್ಪುವೆ. ಈ ಲಕ್ಕ್ದ್ ನಿನ ಪಜೆನ್ ಸಮ ಮಲ್ತೊನ್ಲ,” ಅಂದ್ದ್ ಪಂಡೆ. ಅಪಗನೆ ಆಯೆ ಲಕ್ಕಿಯೆ.
35
ಬೊಕ್ಕ ಲುದ್ಧಡ್ಲಾ ಸಾರೋನುಡ್ಲಾ ಉಪ್ಪುನಾಕುಲು ಮಾತೆರ್ಲಾ ಆಯನ್ ತೂದು ಕರ್ತವ ಕಡೆಕ್ಕ್ ತಿರ್ಗಿಯೆರ್.
36
ಯೊಪ್ಪೊಡು ತಬಿಥಾ ಪನ್ಪಿನ ಒರ್ತಿ ಶಿಷ್ಯೆದಿ ಇತ್ತಲ್. ಆ ಪುದರ್ಗ್ ಗ್ರೀಕ್ ಭಾಷೆಡ್ ದೊರ್ಕ ಪನ್ನಗ ಜಿಂಕೆ. ಆಲ್ ಏಪಲಾ ಎಡ್ಡೆ ಕಾರ್ಯೊಲೆನ್ ಬೊಕ್ಕ ಬಡವೆರೆಗ್ ದಾನ ಧರ್ಮೊಲೆನ್ ಮಲ್ತೊಂದಿತ್ತಲ್.
37
ಆ ಸಮಯೊಡು ಆಲ್ ಸೀಕ್ಡ್ ಬೂರ್ದು ಸೈತಲ್, ಬೊಕ್ಕ ಆಲೆನ ಪುಣೊನು ಮೀಪಾದ್ ಉಪ್ಪರಿಗೆಡ್ ದೀಯೆರ್.
38
ಯೊಪ್ಪೊಗು ಲುದ್ಧ ಕೈತಲ್ ಆದಿತ್ತ್ದ್ ಪೇತ್ರೆ ಅಲ್ಪ ಉಲ್ಲೆ ಪನ್ಪಿನೆನ್ ಶಿಷ್ಯೆರ್ ತೆರಿದ್ ರಡ್ಡ್ ಜನೊನು ಆಯನ ಕೈತಲ್ ಕಡಪುಡ್ದು, “ಕೂಡ್ಲೆ ಎಂಕುಲೆ ಕೈತಲ್ ಬರೊಡು,” ಅಂದ್ದ್ ನಟ್ಟೊಂಡೆರ್.
39
ಪೇತ್ರೆ ಲಕ್ಕ್ದ್ ಅಕ್ಲೆನ ಒಟ್ಟುಗು ಪೋಯೆ. ಆಯೆ ಬತ್ತಿನೆನ್ ತೂದು ಆಯನ್ ಉಪ್ಪರಿಗೆಗ್ ಲೆತ್ತೊಂದು ಪೋಯೆರ್. ಅಲ್ಪ ಕಂಡನಿದಾಂತಿನಾಕುಲು ಮಾತೆರ್ಲಾ ಬುಲ್ತೊಂದು ಪೇತ್ರನ ಕೈತಲ್ ಉಂತೊಂದು ದೊರ್ಕ ಜೀವೊಡುಪ್ಪನಗ ಮಲ್ತ್ ಕೊರ್ತಿನ ಅಂಗಿಲೆನ್ ಕುಂಟುಲೆನ್ ತೋಜಾಯೆರ್.
40
ಪೇತ್ರೆ ಅಕ್ಲೆನ್ ಮಾತೆರೆನ್ಲಾ ಪಿದಯಿ ಕಡಪುಡ್ದು ಮುಂಡುಬೂರ್ದು ಪ್ರಾರ್ಥನೆ ಮಲ್ತ್ದ್ ಪುಣತ ಕಡೆಕ್ಕ್ ತೂದು, “ತಬಿಥಾ, ಲಕ್ಕ್ಲ,” ಪಂಡೆ. ಆಲ್ ಕಣ್ಣ್ ಜತ್ತ್ದ್ ಪೇತ್ರನ್ ತೂದು ಲಕ್ಕ್ದ್ ಕುಲ್ಲೊಂಡಲ್.
41
ಆಯೆ ಆಲೆಗ್ ಕೈ ನೀಡ್ದ್ ಲಕ್ಕಾಯೆ. ಬೊಕ್ಕ ದೇವಜನೊಕುಲೆನ್ಲಾ ಕಂಡನಿದಾಂತಿನಾಕುಲೆನ್ಲಾ ಲೆತ್ತ್ದ್ ಜೀವೊಡು ಲಕ್ಕಿನಲೆನ್ ಅಕ್ಲೆನ ಎದುರು ಉಂತಾಯೆ.
42
ಈ ಸುದ್ಧಿ ಯೊಪ್ಪೊಡು ಪೂರ ತೆರಿದ್ ದಿಂಜ ಜನ ಕರ್ತವ ಮಿತ್ತ್ ನಂಬಿಕೆ ದೀಯೆರ್.
43
ಐಡ್ದ್ ಬೊಕ್ಕ ಪೇತ್ರೆ ಯೊಪ್ಪೊಡು ಚರ್ಮದ ಬೇಲೆ ಮಲ್ಪುನ ಸೀಮೋನು ಕೈತಲ್ ದಿಂಜ ದಿನ ಇತ್ತೆ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28