1 Chronicles 14

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 13 Jump to: Chapter 15 →

1MI Hirame khosi ea Tsura a romela baroñoi go Davide, le likhoñ tsa mesedara, le baagi, le babetli ba likhoñ, go mo agela eintlu.

2Mi Davide a lemoga ha Yehova a mo tlomamisa go na khosi ea Bayeserela, gone bogosi yoa gague yoa gorisioa segolu, kaga Bayeserela bathu ba gague.

3Mi Davide a hela a tsaea basari mo Yerusalema: mi Davide a hela a tsala tsimane le tsetsana.

4Mi ua ki maina a bana ba o nañ nabo mo Yerusalema; Shamue, le Shababe, le Natane, le Solomone,

5Le Yibehare, le Elishue, le Elepalete,

6Le Noge, le Nepege, le Yafie,

7Le Elishame, le Beeliade, le Elifalete.

8¶ Mi erile Bafiliseta ba utlua ha Davide a tloricoe go na khosi ea Bayeserela botle, Bafiliseta ba bolola botle go batla Davide. Mi Davide a utlua, mi a ba bololela.

9Mi Bafiliseta ba tla ba phagelela mo mogorogoroñ oa Refaima.

10Mi Davide a botsa Morimo, a re, A ki tla bololela Bafiliseta, mi a u tla ba tsenya mo atleñ sa me? Mi Yehova a mo raea, Bolola; gone ki tla ba tsenya mo atleñ sa gago.

11Mi ba hitla Baala‐peratsima; mi Davide a ba khemetha gona. Mi Davide a re, Morimo o thobetse baba ba me ka atla sa me yaka thobo ea metse: ki gona ba bitsañ leina ya helo hoñ Baala‐peratsima.

12Mi ba tlogela cuanco tsa bona tsa merimo, mi Davide a laola, mi tsa hisioa ka molelo.

13¶ Mi Bafiliseta ba hela ba phagelela mo mogorogoroñ o.

14Mi Davide a hela a botsa Morimo; mi Morimo oa mo raea, U si ba bololele morago; u ba rikologele ka kua gorimo, mi u ba hitlele go lebagana le litlare tsa melebera.

15Mi go tla rihala ere u utlua tumo ea likhato gorimo ga litlare tsa melebera, bolola tlabano: gone Morimo o gu eteletse pele go khemetha entua ea Bafiliseta.

16Mi Davide a riha yaka Morimo o mo laotse: mi a khemetha entua ea Bafiliseta go simolola ka Gibeona go ea kua Gasera.

17Mi leina ya Davide ya ralala mo mahatsiñ aotle; mi Yehova a tsenya poiho ea gague mo meraheñ eotle.

← Chapter 13 Jump to: Chapter 15 →