1 Chronicles 17

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 16 Jump to: Chapter 18 →

1MI ga rihala Davide a raea Natane moperofeti, ka Davide a rutse mo tluñ ea gague, Bona, ki nntse mo tluñ ea mesedara, mi areke ea kholagano ea ga Yehova e nntse tlatse ga lilepelelo.

2Mi Natane a raea Davide, U rihe cotle tse ri mo peluñ ea gago; gone Morimo o na nau.

3Mi ga rihala huku ya ga Yehova ya rihalela Natane ka sigo youo, ya re,

4Ea, u ree Davide motlañka oa me, Go bua yalo Yehova, Ga u kitla u ’nkagela eintlu gore ki nne go eona:

5Gone ki e si ’nki ki nne mo tluñ, go simolola ka tsatsi ye ki le ka entsa Bayeserela ka yeona, le ka yenu; mi ka ea go tenteñ le go tenteñ e eñue, le go taberenakeleñ le go e eñue.

6Gotle kua ki sepetseñ le Bayeserela botle gona, a ki le ka bua huku leñue le moñue oa basiamisi ba Bayeserela, eo ki mo laoletseñ go hurisa bathu ba me, ka re, Ga lo ’nkageleleñ eintlu ea mesedara?

7Ki gona, u ree Davide motlañka oa me yalo, Go bua yalo Yehova oa lintua, Ki le ka gu tsaea mo sakañeñ ya liñku, kua morago ga liñku, gore u ne mokaeri oa Bayeserela bathu ba me:

8Mi ki le ki na nau gale kua u lu ua ea gona, mi ki khaotse baba ba gago botle ha pele ga gago, mi ki gu rihile leina yaka leina ya banona ba bagolu ba ba mo hatsiñ.

9Mi ki tla laolela Bayeserela bathu ba me helo, ki ba tloma, gore ba nne mo heloñ ga bona, ba si tlole ba kurubitlega; mi bathu ba tsiamologo ga ba kitla ba hela ba ba senya, yaka gale,

10Le ka metla euo ki le ka laolela Bayeserela bathu ba me basiamisi ka eona. Mi ki tla katisa baba ba gago botle. Mi ki gu bulelela, Yehova o tla gu rihela eintlu.

11¶ Mi go tla rihala malatsi a gago a sina uerioa, mi u ea go bo‐rago, ki tla emisa losika loa gago loa bomoroau hularoñ sa gago, mi ki tla tlomamisa bogosi yoa gague.

12Ena o tla ’nkagela eintlu, mi ki tla tlomamisa terone ea gague ka bosakhutleñ.

13Ki tla na rague, mi o tla na moroake; mi ga ’nkitla ki tlosa bopelunomi yoa me go ena, yaka ki le ka bo tlosa go ena eo o la a le pele ga gago:

14Mi ki tla mo tlomamisa mo tluñ ea me le mo gosiñ yoa me ka bosakhutleñ: mi terone ea gague e tla tlomamisioa ka bosakhutleñ.

15Mi Natane a bua le Davide kaha mahukuñ aotle ua, le kaha ponaloñ eotle e.

16¶ Mi Davide khosi a tsena a lula ha pele ga Yehova, mi a re, Yehova Morimo, ki mañ? mi ba eintlu ea me e bo mañ? ka u ’ntlisitse le yana?

17Mi se e le le se se botlana mo maitloñ a gago, Morimo; mi u buile ga ba eintlu ea motlañka oa gago ua e lolamisetsa khakala, mi u ’nñokile kaha mokhueñ oa mothu eo o gorisicoeñ, Yehova Morimo.

18Mi Davide o tla hela a buañ nau kaga tlotlego ea motlañka oa gago? gone ua itse motlañka oa gago.

19Yehova u rihile lilo tse ri kholu tseuo cotle, go itsise tse ri kholu, ka eintla ea motlañka oa gago, le kaha peluñ ea gago.

20Yehova, ga go ope yaka uena, le esiñ Morimo ope bogolu go uena, kaha cotleñ tse re li utluileñ ka tsebe tsa rona.

21Go morahe ohe o le moñue mo lehatsiñ o o cuanañ le Bayeserela bathu ba gago, o Morimo o lo oa ea go ba ithekololela bathu, go gu itihela leina ka lilo tse ri kholu le tse ri boitsegañ, le go leleka merahe ha pele ga bathu ba gago, ba u ba rekolotseñ mo Egepetoñ?

22Mi Bayeserela bathu ba gago u ba itihetse bathu ba gago ka bosakhutleñ; mi Yehova, u rihegile Morimo oa bona.

23Ki gona yana, Yehova, a lehuku ye u le buileñ kaga motlañka oa gago le kaga ba eintlu ea gague le tlomamisioe ka bosakhutleñ, mi riha yaka u buile.

24E, a le tlomamisioe, gore leina ya gago le gorisioe ka bosakhutleñ, gore go tuoe, Yehova oa lintua, Morimo oa Bayeserela, e le Morimo oa Bayeserela rure: mi a ba eintlu ea ga Davide motlañka oa gago ba tlomamisioe ha pele ga gago.

25Gone Morimo oa me, u kabolotse tsebe ea motlañka oa gago, ha u tla mo agela eintlu: ki gona motlañka oa gago o bonye mo peluñ ea gague go rapela ha pele ga gago.

26Mi yana, Yehova, u Morimo, mi u buile molemo o le motlañka oa gago:

27Ki gona, a go gu natehele go tsegahatsa ba eintlu ea motlañka oa gago, gore ba ne ha pele ga gago ka bosakhutleñ: gone Yehova, u ba tsegaharitse, mi ba tla tsegaharioa ka bosakhutleñ.

← Chapter 16 Jump to: Chapter 18 →