Proverbs 5

Tsonga Xitsonga (Bibele) 1929

← Chapter 4 Jump to: Chapter 6 →

1N'wananga, yingisa vutlhari bya mina, U rhiyela tidyondzo ta mina ndleve,

2Leswaku u tihlayisela mano, Ni milomu ya wena yi hlayisa vutivi;

3Hikuva milomu ya nsati wa mbiri yi tshonisa vulombe, Malaka ya yena ya olova kukotisa mafurha;

4Kambe eku heteleleni, timhaka ta yena ti bava kukota nkaka, Ti tlhava kukotisa tlhari lero kariha ematlhelo mambirhi.

5Milenge ya yena yi ngirimela eku feni, Mikondzo ya yena yi helela exivandleni xa vafi.

6A nga anakanyi ndlela ya vutomi, Tindlela ta yena ta rhendzeleka, a nga tivi laha a yaka kona.

7Sweswi, vana vanga, ndzi yingiseni, Mi nga hambuki etimhakeni ta nomu wa mina.

8Ndlela ya wena a yi hundze ekule na yena, U nga tshineleli nyangwa ya yindlu ya yena,

9U nga ti nyika van'wana vuntshwa bya wena, Ni malembe ya wena eka munhu lowa lunya;

10Leswaku rixaka rin'wana ri nga ti xurha hi rifuwo ra wena, Mitirho leyi u yi hlengeleteke yi hundzela etindlwini ta lava nga tiviwiki;

11Hikuva emakumo u ta dzumadzuma, Loko ku onhaka nyama ya miri wa wena,

12U ku: “Xana ndzi arisile ku yini ku layiwa? Mbilu ya mina yi andzele yini ku tshinyiwa?

13Xana a ndzi yingiselanga ha yini marito ya vadyondzisi va mina? Ni ku rhiya ndleve eka vafundhisi vanga?

14Yo! Ndzi lavile ku wela eku biheni loku tlurisaka, Exikarhi ka vunyingi bya nhlengeletano.”

15Nwana mati ya khele leri u ri celeke, Mati lama humaka exihlobyeni xa wena.

16Xana swihlovo swa wena swi nga hangalakisa ku yini erivaleni? Ni swinambyana swa wena swi nga khulukela emitsendzeleni xana?

17A ri ve rifuwo ra wena swaku, U nga hlengeli ni van'wana.

18Xihlovo xa wena a xi katekisiwe, U tsakela nsati wa vuntshwa bya wena.

19Mhunti leyi rhandzekaka, ntshembe ya ku saseka, Vumbhurhi bya yena a byi ku tsakise hi masiku, Rirhandzu ra yena a ri tate mbilu ya wena hi masiku.

20N'wananga, u nga kokisiwa ku yini hi nsati wa mbiri? U nga tikhumbarhetisa ku yini exifuveni xa nghwavavana xana?

21Hikuva mafambele ya munhu ma le mahlweni ka Yehovha. Hi yena la tivaka mitila ya yena hinkwayo.

22Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

23U ta fa hi ku ka a nga dyondzanga, U ta lahleka hi vukulu bya vuhunguki bya yena.

← Chapter 4 Jump to: Chapter 6 →