Hosea 12

Chinese TTVR (現代台語譯本羅馬字版)

← Chapter 11 Jump to: Chapter 13 →

1Í-hoat-liân kui-ji̍t teh jip tang-hong, só͘ chòe bô-chhái-kang; sì-kòe lóng sī pe̍h-chha̍t kap kiông-pō. In kap A-su̍t li̍p-iok, sàng kaⁿ-ná-iû hō͘ Ai-ki̍p.

2Siōng Chú khòng-kò Iû-tāi, mā beh chiàu Í-sek-lia̍t ê hêng-ûi chek-hoa̍t i, chiàu in ê só͘-chòe kā in pò-èng.

3In ê chó͘-sian Ngá-kok tī thai--ni̍h khiú-tiâu hiaⁿ-ko ê kha-āu-tiⁿ; chòng-liân ê sî kap Siōng-tè sio-ián.

4I ián-iâⁿ thiⁿ-sài, lâu ba̍k-sái kiû chiok-hok. I tī Pek-te̍k-lī tú-tio̍h Siōng-tè, tī hia kap I kóng-ōe.

5Siōng Chú sī Bān-kun ê Thóng-sòe Siōng-tè; I ê chheng-ho͘ sī Siōng Chú.

6Só͘-í lí tio̍h kui-ǹg lí ê Siōng-tè, chhî-siú chû-ài kong-chèng, put-sî nāi-sim thèng-hāu lí ê Siōng-tè.

7Í-sek-lia̍t chhin-chhiūⁿ seng-lí-lâng, ài ēng bô kong-tō ê chhìn khi-phiàn lâng.

8I kóng, “Góa chin-chiàⁿ hó-gia̍h, ū chin chōe châi-pó; bô lâng ōe-tàng chí-chek góa thàn--ê sī hoâiⁿ-châi.”

9Tùi lí chhut Ai-ki̍p ê sî, góa chiū-sī Siōng Chú — lí ê Siōng-tè; góa beh hō͘ lí koh tòa tī pò͘-pîⁿ, chhin-chhiūⁿ teh siú choeh-kî.

10Góa bat tùi sian-ti kóng-ōe, hō͘ in khòaⁿ-kìⁿ chin chōe īⁿ-siōng, thong-kè in kóng phì-jū.

11Ki-lia̍t ū hoān-chōe, tī hia ê chū-bîn lóng bô lō͘-ēng, in-ūi in tī Kiat-kah hiàn gû-á chòe chè; in ê chè-tôaⁿ ōe pìⁿ-chòe chhin-chhiūⁿ hn̂g--ni̍h lôe-kau téng-bīn ê chio̍h-tui.

12Chá-chêng Ngá-kok cháu-khì A-lân -tōe, Í-sek-lia̍t ūi-tio̍h beh chhōa-bó͘ kā lâng chòe kang, ūi-tio̍h beh tit-tio̍h bó͘ thòe lâng chhī iûⁿ.

13Siōng Chú ēng sian-ti chhōa Í-sek-lia̍t -lâng chhut Ai-ki̍p, mā thong-kè sian-ti chiàu-kò͘ in.

14M̄-kú in jiá Siōng-tè siū-khì. Chú ōe chiong in lâu lâng ê huih ê chōe kui tī in; in lêng-jio̍k Chú, Chú it-tēng ōe kā in hêng-hoa̍t.

← Chapter 11 Jump to: Chapter 13 →