Hosea 3

Chinese TTVR (現代台語譯本羅馬字版)

← Chapter 2 Jump to: Chapter 4 →

1Siōng Chú tùi góa kóng, “Lí tio̍h koh khì ài hit-ê tùi lí bô tiong-si̍t ê cha-bó͘-lâng; i hiān-chāi ū chi̍t ê chêng-jîn. Sui-jiân Í-sek-lia̍t -lâng khì pài pa̍t-ê sîn-bêng, ài chia̍h chè ngó͘-siōng ê phû-tô-koaⁿ-oân, m̄-kú góa iáu thiàⁿ in; lí mā tio̍h án-ni thiàⁿ chit-ê cha-bó͘-lâng.”

2Góa chiū ēng cha̍p-gō͘ tè gûn-á kap chi̍t-pah gō͘-cha̍p kong-kun tōa-be̍h kā i bóe--tńg-lâi.

3Góa tùi i kóng, “Lí tio̍h kap góa tòa, m̄-thang koh kiâⁿ-îm, mā m̄-thang khì tè pa̍t-ê ta-po͘-lâng; m̄-kú chit-tōaⁿ sî-kan góa mā bô beh kap lí tâng-pâng.”

4Í-sek-lia̍t -lâng ōe chi̍t tōaⁿ tn̂g ê sî-kan bô kun-ông, bô siú-léng, bô chè-sū, bô tiau-khek ê thiāu, bô í-hut-tek, bô chhāi ka-cho̍k-sîn-siōng.

5Āu-lâi Í-sek-lia̍t -lâng ōe koh tńg-lâi kui-sio̍k Siōng Chú — in ê Siōng-tè, hôe-ho̍k Tāi-pi̍t ê ông-tiâu; tī chiong-lâi ê ji̍t-chí, in ōe kèng-ùi Siōng Chú, niá-siū I hong-sēng ê un-hūi.

← Chapter 2 Jump to: Chapter 4 →