Hosea 6

Chinese TTVR (現代台語譯本羅馬字版)

← Chapter 5 Jump to: Chapter 7 →

1In kóng: Lâi ah, lán tio̍h hôe-thâu kui-ǹg Siōng Chú; I thiah-li̍h lán, mā beh i-hó lán; I phah lán, mā beh pau lán ê siong.

2Kè nn̄g ji̍t, I ōe hō͘ lán ho̍k-goân; tē-saⁿ ji̍t, I ōe hō͘ lán peh--khí-lâi, lán chiū ōe-tàng tī I ê koàn-kò͘-ē seng-oa̍h.

3Lán tio̍h jīn-bat Siōng Chú, chīn-la̍t tui-kiû lâi bat I; I ōe chhin-chhiūⁿ chheng-chá ê kng chhut-hiān, chhin-chhiūⁿ hō͘-chúi lîm-kàu lán, chhin-chhiūⁿ chhun-ú lūn-te̍k thó͘-tōe.

4Í-hoat-liân ah, góa tio̍h án-chóaⁿ tùi-thāi lí? Iû-tāi ah, góa tio̍h án-chóaⁿ tùi-hù lí? Lín tùi góa ê thiàⁿ chhin-chhiūⁿ chá-khí-sî ê hûn-bū, chhin-chhiūⁿ lō͘-chúi chin kín ta--khì.

5In-ūi án-ni, góa phài sian-ti kā lín phut--sí, ēng góa ê ōe kā lín thâi--sí; góa ê sím-phòaⁿ chhin-chhiūⁿ chheng-chá ê kng hoat-chhut.

6Góa khah ài chû-ài, bô ài chè-sū; ài lâng chin-chiàⁿ bat Siōng-tè, iâⁿ-kè hiàn sio-hòa-chè.

7M̄-kú in chhin-chhiūⁿ A-tong pōe-iok, tùi góa bô tiong-si̍t.

8Ki-lia̍t sī pháiⁿ-lâng ê siâⁿ; in ê kha-jiah lóng sī thâi-lâng ê huih.

9Chè-si kiat-tóng, chhin-chhiūⁿ kiông-tō, tī Sī-kiàm ê lō͘-tiong bâi-ho̍k, thâi-lâng, chòe siâ-ok ê sū.

10Tī Í-sek-lia̍t -ke góa khòaⁿ-tio̍h thang iàm-ò͘ⁿ ê sū; Í-hoat-liân hoān îm-hēng, Í-sek-lia̍t bak lâ-sâm.

11Lí leh, Iû-tāi, kā lí siu-koah ê sî í-keng koat-tēng! Góa beh hō͘ góa ê chú-bîn hôe-ho̍k hoân-êng.

← Chapter 5 Jump to: Chapter 7 →