bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Hebrews 13
Hebrews 13
Zande
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Nyemu awirina nye dagba roni.
2
Ka bangironi gó nga tipa yugo nyemuse fu agu aboro naye koyo du oni ni ya; bambiko be gi pai re agu yo arogo amaraika ku gume, ka i aina nga ha ya.
3
Oni tíngidi pa agi yo du ni vodivodi yo, ki du wa ka oni du ni vodivodi roni na yo; na agu yo i namanga yo gbegberẽ, wa du oni tigaoni rogo gi zegino re wa kina yo.
4
Rogatise du ni irisiirisi pai dagba roni dunduko, na barame ka si du nga na birikobiriko pai ti ni ya, bambiko airameteka na airabari Mbori asapa ngbanga yo asapa.
5
Ka oni dú nga ni akanga fu nyemu mara ya; agu ahe du be roni si ki rengbe bangironi, bambiko ko aya tigako, “Mi ahe nga unda ro wa sa te, mi ambú nga ro a wa sa te.”
6
Si du ani aerã ti ni wenengaĩ ki ya, “Gbia nga gimi mounda; mi agúnde nga wa sa te; gini pai boro ka manga re na ni?”
7
Oni tíngidi pa agu yo adu ni abazogoroni, nagumba pa Mbori fu roni; oni mákia pa zuzu gayo sunge, ki wiriki pa gayo idapase.
8
Yesu Kristo nadu gba a wa du ko areme, ii, kina wo ko ka du ku mbata yo nye anye kindi.
9
Ka i rogo nga roni ku sa yo ni ngbatunga yugopai akia na gu nga ga kura aringara a ya; bambiko nyakasa ngbaduse na kina undahe ngba, na ariahe te, nga gu agu yo nata rogo ho ka si aunda nga yo ya.
10
Ani na bamotumo be rani, arengba nga fu agu yo namanga pa bamburoko dungurati i ri he ti ni ya.
11
Bambiko kangba agu anya, gbiamotumo naye na kurera re ku rogo ziazia ba ni motumo tipa ingapai, i nazo ho ku sa yo ti bataya.
12
Kina wo Yesu ahi pai tigako ku zegi yo ti ngbadimo bakporo, ya ko ziasi aboro ni kina kureko.
13
Sidu tie ani kúru ku sa yo ti bataya fuo ko, niaka gu gbarasarimo nga gako.
14
Bambiko nyenye bakporo be rani etere, ono ani nangera tipa gu bakporo nikaye.
15
Si du tie ani tumo ni motumo tambuahe fu Mbori rogo ko yo dedede, gu zuzuhe nga ga ngbarani nakusa pa rimoko.
16
Ka bangironi gó nga ti manga wene pai na fuka ahe ya; bambiko ngbatunga gi rúhe re, si ngba ti Mbori.
17
Oni gí sangba gaoni abaakumba ki nira fu yo; bambiko i nangera tipa pa mbisimoroni, wa ka ringbisa pai tipa roni; ya i ka manga gere ni ngbarago, ni rungo te: bambiko ka gi ngba nga fu roni te re.
18
Oni kpári tipa rani, bambiko ya ani tigaani ani na wene sangba kpoto yo, nikpi nyemu ka sunga na rurupai rogo apai dunduko.
19
Mi ki rugu roni susi tipa manga gere, ya i karaga re koyo du oni ni mbembedi awere.
20
Awere Mbori zereda, nga gu ko nakusi gu bakere babanda akandoro rogo kpio yo ni gu kure nga ga nyenye ndika, nga kina gaani Gbia Yesu,
21
ko sa roni ziazia tipa manga sangbako rogo wene apai yo dunduko, nimangi agu apai rogo roni yo ngba angba bangiriko, rogo Yesu Kristo yo; taarimo dú fu ko nye anye kindi. Amina.
22
Ono mi naruga roni, awirina, oni hi pa agu apai i naruga roni kuti ni, bambiko mi ke pai fu roni ni guru he.
23
Oni ini he ya i kusi Timoteo nga wirinarani bambukisa yo; ka ko ye awere, ani ki bi roni na Ko.
24
Oni sánango agu yo tipa re dunduko du ni gaoni abaakumba na ga Mbori ziazia aboro dunduko. Agu yo sanango roni du Itaria no.
25
Undahe dú fu roni dunduko Amina.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13
Recommended Reading
Commentary
Hebrews Commentaries
→
Devotional
Hebrews Devotional Guide
→
Get This Bible
Zande Study Bible
→