bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Hebrews 6
Hebrews 6
Zande
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
Ani mbú gumba pai tie tipa bambata tonatona apai nga ga Kristo, ani súsi ku mbata yo dati du ani Ziazia; ka ani mói nga mburuhe nga saberã ti gu mangimangi he du ni kpikpi he, na idapase fu Mbori,
2
na yugo pa abapatiza, na maabe ri, na zingabekpio, na nyenye sapangbanga berewe ya.
3
Gere ani ka manga, ka Mbori idi he.
4
Bambiko tipa agu yo i aima hasa rago fu yo i ki hia gu gamahe nga ga ngbangbaturũ, ki du ni adi Ziazia Toro,
5
i ki hia gu wenepai nga ga Mbori, na agu atandu nga ga gu rago nikaye fuo ho, i ki ti ku sa yo,
6
i arengba nga na sa yo ni vovo yo berewe sa saberã te; wa du he ya i tigayo nawagi Wiri Mbori berewe, ki kusi ko sa zee.
7
Bambiko gu sende nambiri gu mai nana ku auru he ti dungu arago, ki kusi riahe rengbe tipa agu yo i asopo ho a tipa yo, si naroga maku be Mbori.
8
Ono ka si akusi akiwe na angbangbaki, i ki mbu paha si ki mbedi ka du ni tiwatiwa ha; digida gaha pai ki ngia zokoda ha.
9
Ono, amanguse, ani naberã wene pai tipa roni susi gere, nga agu apai nandu na bata, ka ani avura gumba pai wa gere vurũ.
10
Bambiko Mbori ni iraira ko te. Bangiriko ago nga ti gaoni sunge te, na ti gu nyemuse oni ayugu ti rimoko, na ti gu pai oni amangi fu gako aboro, a wa oni namanga pa yo awere kindi.
11
Ani ki nikpi nyemu oni yugu ngbatunga gu ngarã re ni ba sa sa dati hika oni be maabangirise, dati kina digida rame,
12
ya ka oni du nga na nyomoro ya, ono oni du ni awiriki agu yo du ni adikumbo akidohe mbiko idapase na hipai.
13
Bambiko ho Mbori akido he ni fu Abarayama, wa ko arengba nga na zunga gu ko kii ti ko ya, ko ki zunga kina tiko,
14
niya, “Mi afú maku foro ni rengo rogo maku, mi ki ngeesi ro angeesa rogo ngeesa ro.”
15
Were fuo ima ko na hipai, ko ki zi kidohe.
16
Bambiko aboro nazunga gu he kii susi, zungahe ki ngia yangara pai rogo gayo angbanga tipa nyakasa pai.
17
Si du Mbori amoi zungahe ti ni ku ri he, wa ko aberẽ pa yugo gu pai fu adikumbo kidohe bakere susi, nga ka i sa nga sangbako te;
18
ya ani nga agu yo naora sa bata ka zia gu maabangirise i amoi he barangba rani, ani du na nyanyaki úngarã mbiko ahe ue adu nga na satise ti ni ya, nga gu Mbori arengba nga na gumba zire rogo ho ya;
19
gi du be rani re wa úzada mbisimo, nga maabangirise du ni nyanyaki he nganganga, si ki rimi ku rogo gu he du gii remu yo Yekaru yo;
20
yo Yesu arimi ku ho ni ni bandumbatayo fu rani, ki ima du ni gbiamotumo nye anye kindi dagba gu rika nga ga Marekisedeke.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13