Hebrews 5

Zande

← Chapter 4 Jump to: Chapter 6 →

1Bambiko agbiamotumo ni ba sa sa, wa i arogo yo dagba aboro yo, i asia yo tipa aboro sa agu apai nga ga Mbori, i tumo ni agamunihe na aũmotumo tipa ingaapai.

2I ki rengbe na ruga agu aboro yee aina nga pai ya na agu yo nangbuo, bambiko i tigayo du na rungbura pati yo kirikiri a;

3mbiko gi pai re wa i natumo aboro tipa ingaapai, kina wo a i ka tumo tiyo.

4A nga boro sa nadia gi irisa re ni tini te, ono kina ho ka Mbori yambu ni ni, a wa pa Arona adu.

5Kina wo Kristo ataasa nga rimoko ni tiko ka du ni gbiamotumo te, ono gu ko naya fu ko, “Mo nga Wire, vungu mi ro ni kina gi uru re”;

6wa ko agumba ti kura ba a, “Mo nga boromotumo nye anye kindi dagba gu rika nga ga Marekisedeke.”

7Yesu ho ko adu ni ni boroboro, fuo fu ko akpe na asarawati na nyanyaki akpe du na aume fu gu ko rengbe na batasa ko be kpio, fuo gia yo pako bambiko gako gunde ti Mbori,

8ko avura du ni Wiri, ono ko awiriki pa giasangba be agu apai ko ahi.

9Fuo manga yo ko ni ziazia ko, ko ki du ni baenge pa nyenye bata fu agu yo dunduko nagia sangbako;

10Mbori ki yambu ko ni gbiamotumo dagba gu rika nga ga Marekisedeke.

11Ko du du dungu apai ngbarani tipa ko, nga gu kpakara ringbisa pa ha, wa du turoni ni mumungo ho.

12Bambiko wa rago arengbe tipa du oni ni abayugupai, oni nakpi nyemu aboro ka yugo mburu gu tonatona apai nga ga sangba Mbori fu roni. Oni ki du wa agu yo nakpi kina nyemu momunya, akpi nga nyemu nyanyaki riahe ya.

13Bambiko gu ni nadia momunya ni aina nga pa gu pai nga ga rurupai te; bambiko ni nga fogo gude.

14Ono nyanyaki riahe du tipa sosono aboro, nga agu yo rengbe gayo berã na wisiga pa wenepai na gbegberẽpai, mbiko manga yo pai na ni.

← Chapter 4 Jump to: Chapter 6 →