Zechariah 13

Zande

← Chapter 12 Jump to: Chapter 14 →

1“Ti gu rago re gugaabi adú ni zaza ha tipa ngbatunga Dawidi na araki Yerusarema yo ka girisa yo ti ingapai na ti biriko.

2“Na ti gu rago re, mi aróga rimo ti kpiaahe ku sa yo rogo ringara, wo poi Yekova nga ga arimbasa ko, si du i atingida nga pa ha berewe te; mi ki rogo anebi ku sa yo rogo ringara na gbigbita toro a.

3Ka boro kuru berewe wa nebi; bani na nani navungu ni ayá fu ni, ‘Mo anyé nga ni ungaro te, bambiko mo nagumba zire na rimo Yekova’; bani na nani navungu ni aru ni puu ho ni nagumba apai ni wa nebi.

4Ti gu rago re anebi ni ba sa sa adú na zee be gu yuguyugupai ni abi he dunduko ho ni nagumba pai ni wa nebi; ni aúkadi nga amuamu roko ka nanga he te,

5ono ni ayá, ‘Nebi nga mi te, mi nga basopobino; bambiko ringara nidu ni gi ũkumbo tona ho mi adu ni ni parangare.’

6Ka boro sana ni ka ya, ‘Gini aoro nga gi du giiro yo were?’ Ni ayá, ‘Gu oro mi ahõ ho dimo ku abadiare yo, si du.’ ”

7“Ako basape, mo zingi kuti gi babanda akandoro, kuti gu kumba ru pati re,” wo poi Yekova nga ga arimbasa ko. “Mo tá babanda akandoro, akandoro gbándaka; mi asá bere kuti gu rukutu ra.

8I abáfa agu aboro ue dagba agu yo biata ku sa yo i kpiki, rogo ringara dunduko, wo poi Yekova, gu ni sa dagba yo biata ki nye ni ungani.

9Mi ki ba gu biata yo re ku we yo, ki furusi yo wa boro nifurusi feda, ki asadi yo wa i naasada dahabu. I ayámba he ti rimore, mi ki karaga pai fu yo. Mi ayá, ‘I nga gimi aboro’; i ayá, ‘Yekova nga gi Mbori.’ ”

← Chapter 12 Jump to: Chapter 14 →