1 Samuel 28

Dagbani Bible (Naawuni Kundi Kasi)

← Chapter 27 Jump to: Chapter 29 →

1Dimbɔŋɔ nyaaŋa ka Filistianim’ daa ti lo tɔbu ni bɛ tuhi Izraɛlnima. Ka Akishi daa yɛli Dauda, “Baŋmi ni di simdi ka a min’ a niriba ŋɔ pahi n tɔbbihi ŋɔ zuɣu doli ma chaŋ.”

2Ka Dauda daa yɛli Akishi, “Di viɛla, a ni ti nya man’ ŋun nyɛ a dabili ŋɔ ni yɛn niŋ shɛm.” Ka Akishi daa yɛli Dauda, “Mbo, n ni zaŋ a leei ŋun ni be n sani n-guli ma hal ni a nyɛvili tariga.”

3Ka Samuɛl daa ti kani, ka Izraɛlnim’ zaa laɣimna nti kum o kuli ka sɔɣ’ o omaŋmaŋ’ ya Rama. Sool daa pun karila bukpahinim’ mini jinwariba Izraɛl tiŋgbɔŋ ni zaa.

4Ka Filistianim’ maa daa laɣim ka Shunɛm na nti ti bɛ suɣa do nimaani; ka Sool gba daa laɣim Izraɛlnim’ zaa ka bɛ mi ti bɛ suɣa do Gilibɔa.

5Sool ni daa nya Filistia tɔbbihi maa, ka dabiɛm gbaag’ o ka o suhu fuŋ pam.

6Sool ni daa bɔhi Yawɛ ni o baŋ yɛlli maa ni nyɛ shɛm, Yawɛ daa bi garig’ o zahindi puuni bee Urim puuni bee n-chɛ ka anab’ so yɛl’ o shɛli.

7Di saha ka Sool daa yɛl’ o tumtumdiba, “Chamiya ti bo n-nya paɣ’ so ŋun nyɛ jinwara ni be luɣ’ shɛli, ka n chaŋ o sani ti kari saria.” Ka o tumtumdiba maa daa yɛl’ o, “Nyama, jinwara be Ɛndo.”

8Di saha ka Sool daa taɣ’ omaŋ’ biɛhigu, ka taɣi binyɛr’ shɛŋa ye n-zaŋ niriba ayi pa omaŋ’ zuɣu ka bɛ chaŋ paɣ’ maa sani yuŋ, ka o ti yɛl’ o, “Vihim’ nya n-ti ma, ka chɛ ka n ni yɛn boli ninvuɣ’ so yuli ŋɔ shia yina.”

9Ka paɣ’ maa daa yɛl’ o, “Yɛlimaŋli, a mi Sool ni niŋ shɛm, o kari bukpahinim’ mini jinwariba tiŋgbɔŋ ŋɔ ni, ka wula ka a ti kana ti bari n nyɛvili tɔŋ ni a chɛ ka n kpi?”

10Ka Sool daa po Yawɛ yɛli, “Hal ka Naawuni ŋun be ŋɔ zuɣu, a ku nya tibidarigibo shɛli dimbɔŋɔ zuɣu.”

11Ka paɣ’ maa daa bɔh’ o, “Ŋuni ka a lee bɔri ni n chɛ ka o yina?” Ka o yɛl’ o, “M bɔri ni a chɛ ka Samuɛl n-yina.”

12Paɣ’ maa nini ni daa ti nya Samuɛl, o daa ŋmɛla kuŋ’ pam ka bɔhi Sool, “Bɔ n-niŋ ka a yɔhim ma? Nyini n-nyɛ Sool”

13Ka naa daa yɛl’ o, “Di zɔri dabiɛm, bɔ ka a lee nya?” Ka paɣ’ maa yɛl’ o, “N nyala so shia ka di yiri tiŋgban’ ni na.”

14Ka o bɔh’ o, “O biɛhigu lee nyɛla wula?” Ka o yɛl’ o, “Do’ kurili n-zaŋ kparibu pɔb’ omaŋa n-yirina.” Di saha ka Sool daa baŋ ni Samuɛl m-bala, ka damdi zaŋ o nina kpa tiŋa n-lu o sizuura.

15Ka Samuɛl daa bɔhi Sool, “Bɔ n-niŋ ka a nahim ma n-chɛ ka n yina.?” Ka Sool garigi yɛl’ o, “Muɣisigu titali m-paa’ ma, dama Filistianima n-yɛn tuhi ma, ka Naawuni chɛ ma, ka bi lan garigiri ma. O bi lan chɛ ka anabinim’ garigiri ma bee n-chɛ ka n nyari shɛli zahindi ni. Dinzuɣu ka m bol’ a na ni a ti wuhi ma n ni yɛn niŋ shɛm.”

16Ka Samuɛl yɛl’ o, “Yawɛ zaɣis’ a ka leeg’ a dima, ka wula a lan bɔhiri ma?

17Yawɛ ni daa yɛli ma ni n yɛl’ a ni o ni niŋ a shɛm la ka o niŋ a maa, dama o darigi deei nam maa a nuu ni n-zaŋ ti Dauda ŋun nyɛ a kpee la.

18A ni daa zaɣisi Yawɛ noli ka bi ku Amalɛknim’ zaa, ka saɣim bɛ ni mali shɛlikam zaa la zuɣu ka Yawɛ niŋ a o ni niŋ a shɛm zuŋɔ dabisili ŋɔ.

19Din pahi nyɛla, Yawɛ ni zaŋ a mini Izraɛlnim’ niŋ Filistianim’ nuu ni, dinzuɣu biɛɣuni a min’ a bidibisi sa ni be n sani, dama Yawɛ ni zaŋ Izraɛl tɔbbihi niŋ Filistianim’ nuu ni.”

20Di saha ka dabiɛm daa gbaai Sool ka o lu n-teei dɔni tiŋa, Samuɛl ni daa yɛl’ o yɛtɔɣ’ shɛŋa maa zuɣu. O daa lan ka yaa, dama o daa bi di binshɛli dindali maa wuntaŋ’ ni mini yuŋ zaa.

21Ka paɣ’ maa daa chaŋ Sool sani nti nya ka dabiɛm gbaai Sool pam ka o yɛl’ o, “Nyama, mani ŋun nyɛ a dabipaɣ’ ŋɔ niŋ a ni yɛli ma ni n niŋ shɛli maa, m mi zaŋla n nyɛvili pa talima, ka niŋ a ni yɛli ma ni n niŋ shɛm maa.

22Dinzuɣu pumpɔŋɔ di simdi ka a gba niŋ mani ŋun nyɛ a dabipaɣ’ ŋɔ ni yɛn yɛl’ a ni a niŋ shɛm ŋɔ. Chɛ ka n niŋ bindirigu ti a ka a di ka nya yaa lab’ yiŋa.”

23Ka o daa zaɣisi ka yɛli, “N ku di.” Amaa ka o tumtumdiba la mini paɣ’ maa daa kpaŋ bɛmaŋa m-balim o hal ka o ti saɣi, ka daa yiɣisi tiŋa n-ʒini garo zuɣu.

24Paɣ’ maa mi daa mali naɣipol’ kpabili o yiŋa, ka o daa dii yiɣisi yomyom chɛ ka bɛ kɔrigi naɣipolli maa, ka o niŋ zim ŋɔri mali bɔrɔbɔro din ka dabindi

25n-zaŋ li na ti zali Sool min’ o tumtumdiba maa tooni ka bɛ di, ka daa yiɣisi kuli yuŋ maa.

← Chapter 27 Jump to: Chapter 29 →