1 Samuel 29

Dagbani Bible (Naawuni Kundi Kasi)

← Chapter 28 Jump to: Chapter 30 →

1Ka Filistianim’ maa daa laɣim bɛ tɔbbihi luɣ’ shɛli din yuli booni Afɛk la, ka Izraɛlnim’ mi laɣim biliga din be Jɛziriil tiŋgban’ ni la gbini.

2Filistia nanim’ mini bɛ niriba kɔbigakɔbiga, shɛb’ mi tuhilituhili ni daa ti garita, ka Dauda min’ o niriba pahi Akishi n-doli nyaaŋa na,

3ka Filistia sapashinnim’ daa bɔhi, “Bɔ ka Hiburunim’ ŋɔ mi lee bɔri kpe?” Ka Akishi daa garigi yɛli Filistia sapashinnim’ maa, “Dauda ŋun nyɛ Izraɛl Naa Sool sapashin’ la m-bala, o be n sani paai yuma shɛm. O mi ni daa zo n-kuli n sanna saha shɛli hal ni zuŋɔ, n na bi nya o galimi.”

4Amaa ka Filistia sapashinnim’ maa daa je suli niŋ Akishi ka yɛl’ o, “Chɛ ka o lab’ kuli ti be a ni zaŋ tiŋ’ shɛli ti o la ni, o ku dol’ ti chaŋ tɔb’ ni, di pa shɛli ka o ti leei ti dima nimaani. Dama wula ka o yɛn niŋ ka o naa maa lan deeg’ o, ka di pala o ŋmala ti niriba ŋɔ zuɣuri ti o.

5Pa Dauda so yɛla bɛ ni wari waa ka yiini yila yɛra, ‘Sool kula niriba tuhilituhili, ka Dauda mi ku niriba tuhi’ piapia la m-bala?’ ”

6Di saha ka Akishi daa boli Dauda ti yɛl’ o, “Hal ka Yawɛ ŋun be ŋɔ zuɣu, a nyɛla ŋun ʒe ma yim, ka man’ sani, di simdi ni a pahi dol’ ti chaŋ tɔb’ maa ni, dama dahin’ shɛli a ni kuli n sanna hal ni zuŋɔ, n na bi nya a galimi. Amaa di zaa yoli, nanim’ maa bi saɣi ni a dol’ ti chaŋ.

7Dinzuɣu pumpɔŋɔ labimi kuli ni suhudoo, ka miri ka a chɛ ka Filistia nanim’ suhuri ti miligi a zuɣu.”

8Amaa ka Dauda daa bɔh’ o, “Taal’ bɔ ka n lee tum? Dahin shɛli man’ ŋun nyɛ a dabili ŋɔ ni kana ti kpe a tuma ni hal ni zuŋɔ, tuun’ bɔ ka n lee tum ka di bi tiɣ’ a nini, ka di zuɣu chɛ ka n ku tooi doli chaŋ ti tuhi n-dan’ naa dimnima?”

9Ka Akishi daa garigi yɛli Dauda, “M mi ni a ka galimi shɛli kaman Naawuni malaika ni ka galimi shɛm la, amaa di zaa yoli, Filistia sapashinnim’ maa yɛliya ni a di dol’ ti chaŋ tɔb’ maa ni.

10Dinzuɣu biɛɣuni asiba di yi sa kul neerina, a min’ a niriba bɛn doli ma kana maa yin’ daŋmiya yiɣisibu n-labi yiŋ’ yomyom.”

11Ka Dauda min’ o niriba maa daa daŋ yibu asiba n-labi Filistianim’ tiŋgbɔŋ maa ni, ka Filistianim’ maa daa chaŋ Jɛziriil.

← Chapter 28 Jump to: Chapter 30 →