1 Samuel 31

Dagbani Bible (Naawuni Kundi Kasi)

← Chapter 30 Jump to:

1Filistianim’ mini Izraɛlnim’ daa ti tuhiri tɔbu, ka Izraɛlnim’ daa ŋmaligi guui ka chɛ Filistianim’ maa; ka Filistianim’ maa daa dol’ ba ti ku ba Gilibɔa Zoli zuɣu.

2Ka Filistianim’ maa daa kari ti paai Sool min’ o bidibisi n-ku o bidibisi bɛn daa nyɛ Jɔnatan mini Abinadab ni Malikishua.

3Ka tɔb’ maa daa kpaɣi mii Sool, ka peentɔriba daa nya o n-to o piɛm ti o daŋ pam.

4Di saha ka Sool daa yɛl’ o gbaɣinɔʒira, “Ŋoom’ a takɔbi n-kuhi ku ma, di so ka bɛn bi gundi ŋɔ ti kana ti zaŋ bɛ takɔbiri kuhi ku ma, ka zaŋ ma diɛm.” Amaa ka dabiɛm daa gbaag’ o gbaɣinɔʒira maa pam ka o bi saɣi ku o. Dinzuɣu ka Sool daa zaŋ omaŋmaŋ’ takɔbi zali n-lu di zuɣu.

5Sool gbaɣinɔʒiri maa ni daa nya ka Sool kpi maa, ka o gba lu o takɔbi zuɣu kpi m-pah’ o zuɣu.

6Dinzuɣu Sool min’ o bidibis’ ata ni o gbaɣinɔʒira ni o niriba zaa ni daa laɣim kpi dahin yini shɛm m-bala.

7Ka Izraɛlnim’ bɛn daa be vinvamli maa yaɣ’ din’ la mini bɛn daa be Jɔɔdɛn Mɔɣili dul’ la daa nya ka Izraɛlnim’ ŋmaligi guui, ka Sool min’ o bidibisi kpi, ka bɛ daa yi n-zo ka chɛ bɛ tinsi, ka Filistianim’ maa daa kana ti be di ni.

8N-daa yi biɛɣu ka Filistianim’ maa chaŋ ni bɛ ti yeei bɛ ni ku shɛb’ maa nɛma, ka daa nya ka Sool min’ o bidibis’ ata maa lu n-dola Gilibɔa Zoli zuɣu.

9Ka bɛ daa ŋma Sool zuɣu ka yeeg’ o gbaɣino, ka tim bihi ni bɛ gili Filistia tiŋgbɔŋ zaa ni n-zaŋ lahiba’ suŋ maa yɛli bɛ buɣa mini bɛ niriba zaa.

10Ka bɛ daa zaŋ o gbaɣino maa ti niŋ bɛ buɣili Ashitarɔt jɛmbu duu, ka zaŋ o chaŋ Bɛtishan nti lo o tabili gooni.

11Amaa ka Jabɛshigiliadnim’ daa wum Filistianim’ ni niŋ Sool shɛm maa,

12ka bɛ dɔbba bɛn zaa mali suhukpeeni daa yi n-chaŋ yuŋ ti yihi Sool min’ o bidibisi maa Bɛtishan gooni maa zuɣu n-zaŋ ba chaŋ Jabɛshi ti nyo ba buɣim nimaani.

13Ka bɛ daa va bɛ kɔba ti sɔɣi Jabɛshi tiŋ’ puuni tamarisik tia gbini, ka lo noli daba ayopɔin.

← Chapter 30 Jump to: