bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ewe
/
Ewe 2014 (EƲEGBE BIBLIA)
/
Mark 5
Mark 5
Ewe 2014 (EƲEGBE BIBLIA)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Esiawo megbe la, wova ɖo ƒu la ƒe go kemɛ dzi le Gadaratɔwo ƒe anyigba dzi.
2
Esi woɖi go la, ame aɖe si me gbɔgbɔ makɔmakɔ le la do go tso agado, siwo me woɖia ame ɖo la me va kpe wo.
3
Teƒe siae ame sia nɔna, eye ame aɖeke megate ŋu blanɛ kple kɔsɔkɔsɔ gɔ̃ hã o.
4
Enuenu ne wode kunyowu eƒe afɔwo la, eŋenɛ, eye ne woblae kple kɔsɔkɔsɔ gã hã la, etsonɛ. Ame sesẽ aɖeke meli si te ŋu ɖu edzi o.
5
Enɔa agadowo me le toawo dzi zã kple keli, nɔa ɣli dom ɣe sia ɣi, eye wòdea abi eɖokui ŋu kple kpewo.
6
Esi ame sia kpɔ Yesu le adzɔge ke la, eƒu du va dze klo ɖe ekɔme.
7
Edo ɣli sesĩe be: “Nya kae le mía kple wò dome, Yesu, Mawu Dziƒoʋĩtɔ la Vi! Metà Mawu na wò be mègawɔ funyafunyam o.”
8
Egblɔ nya siawo elabe Yesu gblɔ nɛ be: “Wò gbɔgbɔ makɔmakɔ, do go le eme!”
9
Yesu biae be: “Ŋkɔwò ɖe?” Eɖo eŋu nɛ be: “Ŋkɔnyee nye ‘Akpeakpewo’ elabe míesɔ gbɔ ale gbegbe.”
10
Eɖe kuku na Yesu vevie be meganyà yewo dzoe le nuto ma me o.
11
Aƒehawo ƒe hatsotso gã aɖe nɔ nu ɖum le afi ma le to la ŋu.
12
Gbɔgbɔ makɔmakɔawo ɖe kuku na Yesu be: “Ɖe mɔ na mí be míayi ɖe haawo me.”
13
Eɖe mɔ na wo. Tete gbɔgbɔ makɔmakɔawo do go, eye woge ɖe haawo me. Haawo ƒe hatsotso blibo la katã, si ade akpe eve lɔƒo la, ƒu du kplìkplikpli tso to la kɔgo ge dze ƒu la me, heno tsi ku.
14
Ame siwo le haawo nyim la si dzo eye woyi ɖakaka nya si dzɔ la le dua me kple agbletawo. Amewo va be yewoakpɔ nu si va ve me la ɖa.
15
Esi wova ɖo Yesu gbɔ la, wokpɔ ame si me gbɔgbɔ vɔ̃awo nɔ, si nye “Akpeakpewo” la ŋutɔ le awu me, hebɔbɔ nɔ anyi, eye eƒe mo kɔ. Vɔvɔ̃ koe ɖo wo.
16
Ame siwo kpɔ nu siwo va dzɔ ɖe ame si me gbɔgbɔ vɔ̃ nɔ tsã kple haawo dzi la, ka eta na vavalawo.
17
Ameawo bia tso Yesu si bene wòadzo le yewoƒe nutoa me.
18
Esi Yesu le gegem ɖe tɔdziʋua me la, ame si me gbɔgbɔ vɔ̃ nɔ tsã la ɖe kuku nɛ be yeava anɔ eŋu.
19
Yesu mena mɔe o. Ke egblɔ nɛ be: “Heyi aƒeme le tɔwòwo gbɔ, eye nàɖe gbeƒã nu si Aƒetɔ la wɔ na wò la kple ale si wòkpɔ nublanui na wòe la na wo.”
20
Edzo yi ɖade asi gbeƒãɖeɖe me le Dutaewoawo me tso nu siwo Yesu wɔ nɛ la ŋuti, eye amewo katã tsi yaa.
21
Esi Yesu ɖo ʋu gatso ƒua va egodo la, ameha gã aɖe ƒo ƒu ɖe eŋuti le ƒua nu.
22
Ƒuƒoƒemegã aɖe, si ŋkɔe nye Yairo la, va le edim, eye esi wòkpɔe la, edze klo ɖe eƒe afɔnu
23
heɖe kuku nɛ vevie ŋutɔ gblɔ be: “Vinye nyɔnuvi ɖo kudo nu. Meɖe kuku, va da asi ɖe edzi be eƒe lã me nasẽ, eye wòatsi agbe.”
24
Yesu yi kplii. Ameha gã aɖe kplɔe ɖo, hemimii ɖo.
25
Nyɔnu aɖe hã nɔ ameawo dome, si nɔ ʋusísidɔ lém ƒe wui eve sɔŋ.
26
Ekpe fu ŋutɔ le gbedala geɖewo si me, eye wògblẽ nu siwo katã le esi la; gake dɔléle la meka ɖe eme nɛ o; ke boŋ ɖeko wògado gã ɖe edzi wu tsã.
27
Esi nyɔnu sia se Yesu ŋkɔ la, eto Yesu megbe lɔƒo ge ɖe ameha la dome. Edze ameha la, eye wòka asi Yesu ƒe awu ŋuti.
28
Ewɔ esia elabe egblɔ le eɖokui me be: “Ne meka asi eƒe awu ŋu ɖeɖe gɔ̃ hã la, mahaya.”
29
Esi wòka asi Yesu ƒe awu ŋuti teti ko la, ʋusísi la nu tso, eye wòse le lã me be woda gbe le ye ŋu.
30
Yesu see le eɖokui me be ŋusẽ do go le ye me. Etrɔ ɖe ameha la gbɔ enumake, eye wòbia be: “Ame kae ka asi nye awu ŋu?”
31
Eƒe nusrɔ̃lawo gblɔ nɛ be: “Èkpɔ be ameha la mimi ye ɖo, hafi nèle biabiam be ame kae ka asi ye ŋua?”
32
Yesu tsa ŋku godoo le ame si wɔ nua la dim.
33
Vɔvɔ̃ ɖo nyɔnu la, eye wòde asi dzodzo me nyanyanya, elabe enya nu si dzɔ ɖe edzi. Eva dze klo ɖe Yesu ŋkume, eye wògblɔ nyateƒe blibo la katã nɛ.
34
Yesu gblɔ nɛ be: “Vinye nyɔnuvi, wò xɔse da gbe le ŋuwò. Heyi le ŋutifafa me. Wò dɔléle la nevɔ.”
35
Esi Yesu gale nu ƒom la, du tso ƒuƒoƒemegã la ƒe aƒeme va be nyɔnuvi la ku, eya ta amegã la megaxa fu ɖe na Nufiala la o.
36
Yesu se nya si gblɔm wole dzaa na amegã la, eye wògblɔ nɛ be: “Mègavɔ̃ o, xɔ se ko.”
37
Yesu meɖe mɔ na ame aɖeke be wòakplɔ ye ɖo o, negbe Petro, Yakobo kple Yohanes, Yakobo nɔvi la ko.
38
Esi wova ƒuƒoƒemegã la ƒe aƒeme la, ekpɔ be amewo ƒo zi va, eye wole avi fam hele ɣli dom sesĩe.
39
Yesu ge ɖe eme, eye wògblɔ na wo be: “Nu ka ta miele ʋunyaʋunya wɔm hele avi fam ale? Ɖevi la meku o, ke boŋ alɔ̃ dɔm wòle.”
40
Ameawo ɖu fewu le eŋuti. Ke eya na ameawo katã do go, eye wòkplɔ ɖevia tɔ́, nɔa kple ame siwo kpe ɖe eŋuti la yi afi si ɖevia mlɔ.
41
Elé ɖevia ƒe alɔnu hegblɔ nɛ be: “Ɖetugbi, fɔ!” si wogblɔna le Hebri-gbe me be: “Talita kum.”
42
Enumake nyɔnuvi la fɔ, eye wòzɔ azɔli; ƒe wui eve vi wònye. Ameawo lulu ŋutɔŋutɔ.
43
Yesu de se na wo vevie be womagana ame aɖeke nasee o, eye wògblɔ na wo be woadi nane nɛ wòaɖu.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16