bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Chronicles 12
1 Chronicles 12
Gussi (EBIBILIA ENCHENU) 2020
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 13 →
1
Daudi nigo amenyete Sikilagi, ekero arenge kwebisa korwa ase Saulo, mosinto o Kisi. Abanto chituoni abarenge komokonya ase esegi bagacha asare.
2
Abanto abwo nigo babwate amata, na nigo bamanyete koruta emegwe na amagena e chinduruche nokoboko gw’okorio amo nogw’okobee. Aba nigo barenge Ababenjamin, abanto bamwabo Saulo. Abanto aba nabwo aba:
3
Ahieseri orenge omonene obo, naende Yoashi; aba babere mbasinto ba Semaa korwa Gibea; Yesieli na Peleti basinto b’Asimaweti; Beraka na Yehu korwa Anatoti;
4
Isimaya korwa Gibeoni, omonto etuoni naende omoraai ase egati y’abanto baria Emerongo Etato; Yeremia na Yehasieli, Yohanani na Yosabadi korwa Gedera;
5
Elusai na Yerimoti, Bealia na Semaria, na Sefatia korwa Harufi;
6
Elikana na Isia, Asareli na Yoeseri, na Yasobeamu, abarenge Abakora;
7
Yoela na Sebadia, basinto ba Yerohamu, korwa Gedori.
8
Abagadi bande bakagenda kobwatia Daudi agwo ase eburi yarenge ase erooro. Abanto aba nigo barenge chituoni, bamanyete korwana chisegi, naende nigo bamanyete korwanera chinguba na amatimo. Amasio abo nigo arenge buna aye chindo, naende nigo barenge kominyoka buna chingabi igoro y’ebitunwa.
9
Eseri nere orenge omotang’ani obo na Obadia oyo o kabere, na Eliabu oyo o gatato,
10
na Misimana oyo o kane, na Yeremia oyo o gatano,
11
na Atai oyo o gatano na rimo, na Elieli oyo o gatano na kabere,
12
na Yohanani oyo o gatano na gatato, na Elisabadi oyo o kianda,
13
na Yeremia oyo o ikomi, na Makibani oyo o ikomi na rimo.
14
Abagadi aba nigo barenge abatang’ani b’abarwani esegi, na oyo otarenge ne chinguru nigo are konyara kobua abanto rigana erimo, na oyorenge ne chinguru nigo are konyara kobua abanto elifu eyemo.
15
Aba nabwo abanto bambogete Yorodan ase omotienyi bwe ritang’ani, ekero orooche orwo rwaichorete goetania chingegu chinsemo chionsi, bagaseria abanto bonsi bamenyete ase ense y’amaranya, ensemo ya moocha na eya bosongo.
16
Abanto bande b’egesaku kia Benjamin, na ekia Yuda, bagacha ase eburi agwo ase Daudi arenge.
17
Daudi agasoka kobarotota akabatebia, “Onye igo mwachire buna abasani baane monkonye, rirorio enkoro yane nebwatane nainwe, korende onye nigo mwachire monsigane na kondua ase ababisa baane, nonya amaboko aane takorete okomocha konde gwonsi, rirorio Nyasae bwe chisokoro chiaito arore amang’ana ayio abae egesusuro.”
18
Erio omoika ogacha igoro ase Amasai, omonene bw’abanto baria Emerongo Etato, nere agateba, “Aye Daudi, intwe nigo tore abanto bao; na nigo tokobwatana amo naye, aye omwana o Yese. Omorembe obe asore, na omorembe obe ase abakogokonya, ekiagera Nyasae oo, nere okogokonya.” Erio Daudi akabanchera, akababeka bakaba abatang’ani b’emeganda yaye y’esegi.
19
Abanto bande b’egesaku kia Manase bagatama, bakagenda ase Daudi ekero arenge kogenda amo n’Abafilisti korwania Saulo. Korende Abafilisti tibaete Daudi ribaga abakonye, ekiagera ekero abagambi babo bagambete amo, bagateba, “Aise kogenda amo naintwe, ande nigo arabwatane amo na Saulo, omonene oye, igo batobutore emetwe.”
20
Ekero Daudi agendete Sikilagi, abanto aba b’egesaku kia Manase bagacha asare: Adina na Yosabadi, Yediaeli na Mikaeli, Yosabadi na Elihu, na Siletai. Aba nabwo barenge abateneneri b’abanto chilifu ba Manase.
21
Barabwo bakaba bagokonya Daudi korwania ebiombe bi’abasakori. Abwo bonsi nigo barenge abanto chituoni, bakaba abatang’ani b’abarwani esegi.
22
Rituko ase rituko abanto bakagenderera gocha ase Daudi komokonya, goika agatwara abarwani abange mono, buna abarwani esegi ba Nyasae.
23
Oyo noro omobaro bw’emeganda y’abarwani esegi, baria bachete ase Daudi agwo Heburoni, buna Omonene achigete, erinde bamoe oboruoti boria bwarusetigwe ase Saulo.
24
Abayuda ababogoretie chinguba na amatimo nigo barenge chilifu isano nemo, na amagana atano na atato (6,800), baisanerete ase okorwana esegi.
25
Abasimeoni nigo barenge chilifu isano na ibere, ne rigana erimo (7,100), abanto chituoni abakong’u ase esegi.
26
Abalawi nigo barenge chilifu inye, na amagana atano na rimo (4,600),
27
amo na Yehoyada, omoteneneri bw’eamate ya Haroni, na amo nere abanto chilifu isato, na amagana atano na abere (3,700);
28
na Zadoki, omomura etuoni, amo nabanto bamwabo abatang’ani b’esegi emerongo ebere, na babere (22).
29
Ababenjamin, abanto b’eamate ya Saulo, nigo barenge chilifu isato (3,000), nonya nase ekero ekio abange mono kobua b’abwo bagendererete kobwatana nenyomba ya Saulo.
30
Korwa ase Abaefraimu: chilifu emerongo ebere, na amagana atano na atato (20,800), abanto chituoni ase esegi bamanyekanete ase chiamate chiabo.
31
Abanto b’egesaku ekeng’ese kia Manase: chilifu ikomi na isano na isato (18,000), baria batoretwe amarieta abo bache kobeka Daudi abe omoruoti.
32
Korwa ase Abaisakaru: abanto abang’aini abamanyi ebimanyererio bie chingaki, bamanyete egento Abaisraeli bagwenerete gokora, abateneneri amagana abere (200), amo nabamwabo abarenge inse ase obochiki bwabo.
33
Korwa ase Abasabuloni: abarwani abakong’u baare nomoyo oyomo, baisanerete ase okorwana esegi, babwate ebirwanero biisaine, abanto chilifu emerongo etano (50,000).
34
Korwa Abanafutali: abachiki elifu eyemo (1,000), amo nabanto chilifu emerongo etato na isano na ibere (37,000), babwate chinguba na amatimo.
35
Korwa ase Abadani: abanto baisanerete ase okorwana esegi, chilifu emerongo ebere na isano na isato, na amagana atano na rimo (28,600).
36
Korwa ase Abaaseri: abanto abakong’u baisanerete ase okorwana esegi, chilifu emerongo ene (40,000).
37
Korwa ase Abareuben na Abagadi, na ekeng’ese ki’egesaku kia Manase, abwo bamenyete ng’umbu ya Yorodan, abanto babwate ebirwanero bionsi bi’okorwana esegi, chilifu rigana erimo na emerongo ebere (120,000).
38
Abarwani aba bonsi baisanerete ase okorwana esegi, na bagacha agwo Heburoni, bare nomoyo oyomo kobeka Daudi koba omoruoti igoro y’Abaisraeli bonsi. Boigo Abaisraeli bande bonsi nigo barenge nebirengererio ebimo bi’okobeka Daudi abe omoruoti.
39
Abanto abwo bakabeera aroro amo na Daudi ase amatuko atato, bakaba bakoria na konywa, ekiagera abamwabo konya babaariganeirie ebinto bionsi.
40
Abaamate bamwabo abamenyete ang’e amo nabwo bamenyete ase chingongo chia Isakaru na Sabuloni, na Nafutali, abwo bakarenta chindagera baberegetie chitigere ne chingamia, ne chiyombo, ne chiombe; bakarenta chindagera chinyinge mono; obosie, na amabomba ’amako amomo na ay’amasabibu amomo, na edivai, na amaguta ’amazeituni, ne chiombe, ne ching’ondi, ekiagera Abaisraeli nigo barenge nomogoko omonene.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29