bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Chronicles 17
1 Chronicles 17
Gussi (EBIBILIA ENCHENU) 2020
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
1
Bono ekero Daudi amenyete ase enyomba yaye agakwana na Nathani omobani, agateba, “Rora inche nigo imenyete ase enyomba eagachire nemecharake, korende Esanduku ya Nyasae ero nigo ere ase eema ime.”
2
Nathani agatebia Daudi, “Kora ande onsi ayare ase ebirengererio biao, ekiagera Nyasae nigo are amo naye.”
3
Korende ase obotuko obwo, ring’ana ri’Omonene rigacha ase Nathani, rikamotebia,
4
“Genda otebie Daudi, omosomba one, ng’a inche Omonene nigo ngoteba iga: Aye tokong’agachera enyomba imenye imeo.
5
Korwa engaki eria nang’anyetie Abaisraeli goika rituko ria rero inche tinana komenya ime ase enyomba, korende nabeire nkona‐kogenda korwa eyemo goika eyende, na korwa obomenyo obomo goika obonde.
6
Aase ande onsi nabeire nkona‐kogenda amo n’Abaisraeli, tinana koboria mogambi onde bw’Abaisraeli, oyo nabegete akaba omorisia bw’abanto baane ng’a nase ki atang’agachereti obomenyo bw’emecharake.
7
“Ase ayio, aya naro oratebie Daudi, omosomba one, ng’a inche Omonene bw’Emeganda natebire iga: Nigo nakorusetie korwa ase kwarenge korisia ching’ondi, erinde obe gokogambera abanto baane Abaisraeli;
8
nainche nkaba amo naye aande onsi ase kware kogenda ngasiria ababisa bao bonsi korwa ase obosio bwao; inche ninkore erieta riao rimanyekane, buna amarieta ’abanto abanene b’ense amanyekanete.
9
Ninchorere abanto baane Abaisraeli aase ndababekere bamenye, aase abo abanyene, na abakori amabe tibakobachanda naende nonya ng’ake buna babachandete agwo ritang’ani
10
korwa engaki eria nachorete abagambi igoro ase abanto baane Abaisraeli. Boigo nimbue ababisa bao bonsi. Na bono nigo ngokomanyia ng’a inche Omonene ninkoagachere enyomba.
11
Ekero amatuko ao araikeranigwe na obe gokogenda korara ase chisokoro chiao chiararete, nimbeke oyomo bw’ororeria rwao, oyorarue ase oyomo bw’abamura bao, agambe; nainche ninkong’ie oboruoti bwaye.
12
Oyio nere orang’agachere enyomba; nainche ninkong’ie ekerogo kiaye ki’oboruoti kebeo kogenderera botambe.
13
Inche nimbe ise, nere nabe omwana one; tinkorusia obwanchani bwane botari koera korwa asare, buna naborusetie korwa ase oria orengeo ritang’ani asore.
14
Korende nimokore agenderere kobeerao botambe ase enyomba yane, na ase oboruoti bwane, na obogambi bwaye bokong’igwe kobao botari nomoerio.”
15
Nathani agatebia Daudi amang’ana ayio onsi buna ayaigwete na korora.
16
Erio Daudi omoruoti agasoa akabeera ase obosio bw’Omonene, akabora, “Aye Omonene Nyasae, inche ninki ing’isaine, na eamate yane ninki eisaine, ng’a aye gwankoreire amang’ana amaya iga?
17
Naende ring’ana eri tiriisaini kende asore, aye Nyasae. Boigo gwakwanire nainche omosomba oo, igoro y’enyomba yane na amang’ana akare bosio. Ee, Omonene Nyasae, gwankoreire koreng’ana nobomwanyabanto, kwanyimokereirie igoro.
18
Inche Daudi, inki ndagotebie naende kobua ayio, ekiagera gwansikire iga? Aye nigo omanyete inche, omosomba oo.
19
Aye Omonene, ase engencho yane inche, omosomba oo, na koreng’ana nobwanchani bwao aye omonyene, gwakorire amanene aya onsi, naende kwayakorire amanyekanire.
20
Aye Omonene, onde tari onga buna aye, gose Nyasae onde tari otatiga aye bweka, koreng’ana buna ayio konya twaigure namato aito.
21
Naende mbanto ba gesaku ki bare ase ense, bare buna abanto bao Abaisraeli, abwo aye Nyasae kwabooretie babe abanto bao, okenyorera erieta ase engencho y’amang’ana amanene na ay’ogokumia ase ogoseria abanto b’ebisaku bakarua ase obosio bw’abanto bao baria kwabooretie korwa Misiri?
22
Aye gwekoreire abanto bao Abaisraeli babe abanto bao kare na kare, naye Omonene kwabeire Nyasae obo.
23
“Na bono aye Omonene, ikerania onsi aya kwariete eira igoro yane inche omosomba oo, na igoro y’ororeria rwane, na okore aya gwatebete ng’a noyakore,
24
erinde erieta riao ribeo ritogigwe goika kare na kare. Erio abanto batebe: Omonene bw’Emeganda nere Nyasae bw’Abaisraeli, ekeene nere Nyasae bw’Abaisraeli. Ase enchera eyio enyomba y’omosomba oo, inche Daudi, ekong’igwe ase obosio bwao.
25
Aye Nyasae one kwang’orokeirie inche omosomba oo, ng’a nong’agachere enyomba. Ase ayio inche, omosomba oo, nabeire noboremu ase enkoro yane kogosaba ogosaba oko.
26
Na bono, aye Omonene, aye naye Nyasae, kwandiereire inche, omosomba oo, eira gonkorera ring’ana eri rigiya.
27
Gaki bono, koranche osesenie enyomba yane inche erinde egenderere kare na kare ase obosio bwao. Aye Omonene, aya gwasesenirie nigo agoseseneka kare na kare.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29