bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Chronicles 21
1 Chronicles 21
Gussi (EBIBILIA ENCHENU) 2020
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Saitani akagania gochanda Abaisraeli, agasukia enkoro ya Daudi ase okobara Abaisraeli.
2
Ase igo Daudi agatebia Yoabu na abatang’ani b’abarwani esegi, “Genda mobare Abaisraeli korwa Beeri‐Seba goika Dani, erio mondetere amang’ana imanye omobaro obo.”
3
Yoabu agateba, “Omonene amente abanto baye bamentekane ara rigana ase omobaro obo. Inee! Aye omoruoti, omonene one, abanto aba bonsi tibari abasomba bao? Nase ki aye omonene one okogania gokora ayio? Nase ki ogochia korenta okomocha igoro ase Abaisraeli?”
4
Korende ring’ana ri’omoruoti rikaba ne chinguru igoro ya Yoabu. Erio Yoabu akaimoka akagenda ase Abaisraeli bonsi, erio akairana gocha Yerusalemu.
5
Yoabu akaa Daudi omobaro bw’abanto. Ase Abaisraeli bonsi abwo barenge komanya korwana esegi nemioro nigo barenge abanto emilioni eyemo, ne chilifu rigana erimo (1,100,000), na ase Abayuda abanto chilifu amagana ane na emerongo etano na ebere (470,000).
6
Korende Yoabu tabarete Abalawi na Ababenjamin, ekiagera ogochika koria omoruoti aruete nigo kwamogechetie.
7
Amang’ana ayio akoregete akagechia Nyasae; ere akaa Abaisraeli amaakwa.
8
Erio Daudi agatebia Nyasae, “Nakorire ebibe ebinene ase aya nakorire. Korende bono nagosabire, onyabere inche, omosomba oo, ogosaria kwane, naki nigo nakorire egento ki’oboriri obonene.”
9
Omonene agakwana na Gadi, omorori o Daudi, akamotebia,
10
“Genda okwane na Daudi, omotebie ng’a aya naro inche Omonene ngoteba: Nabekire asore amang’ana atato; ase ayio chora erimo, eri ngochia kogokorera.”
11
Erio Gadi akagenda ase Daudi akamotebia, “Aya naro Omonene agoteba: Chora erimo eri oranche.
12
Noganetie enchara echiche ase emiaka etato; gose nigo oganetie oserigwe nababisa bao ase engaki y’emetienyi etato, babe bakobabuna‐buna na kobaita nemioro; gose mochandwe nomoro bw’Omonene ase amatuko atato, ekero oborwaire obobe bw’ogoita abanto borache igoro ase ense eye yaino, na omomalaika bw’Omonene ogosaria ense y’Abaisraeli? Bono ntebia aya ngochia koiraneria oria ontoma.”
13
Daudi akairaneria Gadi, “Inche nasoire ase emechando emenene. Gaki bono, tiga ingwe ase okoboko kw’Omonene, ekiagera amabera aye namanene mono; korende ase amaboko a mwanyabanto tintageti ingweo.”
14
Erio Omonene akarentera Abaisraeli oborwaire obobe bw’ogoita; Abaisraeli chilifu emerongo etano na ebere (70,000) bagakwa.
15
Nyasae agatoma omomalaika oye gochia ase Yerusalemu koyosaria; korende ekero omomalaika oria abete ang’e koyosaria, Omonene akaywechandera, akaonchoreria ebirengererio biaye igoro y’obobe boria, agatebia omomalaika oria ogendererete gosaria omochie, “Bono aisanire, ororobia okoboko kwao!” Omomalaika oria konya oikire ang’e nekeooreri ki’Orinani Omoyebusi.
16
Daudi akarigereria akarora omomalaika oria bw’Omonene oteneine gati y’ense na igoro; ere nabwate omoyio o birende ase okoboko kwaye okoramborete gochia igoro ya Yerusalemu, na Daudi na abagaaka babegete chianga chie chigunia, bagatung’ama inse bakaumama.
17
Erio Daudi agatebia Nyasae, “Inee! Tari inche nachigete abanto bakabarwa? Ninche nakorire ebibe; nakorire amang’ana amabe mono. Korende ching’ondi echi, ninki chiakorire? Nagosabire aye Omonene, Nyasae one, tiga okoboko kwao kong’ake inche amo neamate ya tata; korende oborwaire tibobaisa goita abanto bao.”
18
Erio omomalaika bw’Omonene agachika Gadi atebie Daudi ng’a agende atenenie egesasimero ase Omonene agwo ase ekeooreri ki’Orinani, Omoyebusi.
19
Ase ogochika kw’Omonene koria Gadi amotebetie Daudi, Daudi agatiira.
20
Bono Orinani nigo arenge koora engano, na agwo akeonchora akarora omomalaika, na abana baye abamura bane abarenge amo nero bakebisa.
21
Daudi agacha ase Orinani, na ekero Orinani amoroche akarua agwo ase ekeooreri, agacha agatung’ama, akaumama ase obosio bwa Daudi.
22
Daudi agatebia Orinani, “Ing’a ensemo eyio y’ekeooreri, ing’agachere Omonene egesasimero, erinde oborwaire botangwe korwa ase abanto. Inche ningoakanere rigori riaye rionsi.”
23
Erio Orinani agatebia Daudi, “Ira ekeooreri ekio! Aye omonene one omoruoti, kora eki oranche. Rora, narure chiombe chibe ebing’wanso bi’ogosambwa na ebikorero ebi bi’okoorera bibe chinko, na engano ebe okoruegwa kw’endagera. Nakobieire bionsi.”
24
Omoruoti Daudi agakania Orinani, akamotebia, “Yaya taibo, korende nigo ndabiakanere rigori riikeranu; tinkoira ekere ekiao koa Omonene gose okorua ekeng’wanso ki’ogosambwa eke ntaakanereti.”
25
Ase igo Daudi akaa Orinani etahabu y’oborito bwe chisekeli amagana atano na rimo agoakanera ekeooreri keria.
26
Daudi akaagachera Omonene egesasimero aroro, akarua ebing’wanso bi’ogosambwa, na ebi’omorembe, agasaba Omonene, nere akamoiraneria ase ogotoma omorero korwa igoro gocha ase egesasimero keria gi’ekeng’wanso ki’ogosambwa.
27
Erio Omonene agachika omomalaika oria, na ere akairania omoyio oye ime ase ekegocho.
28
Korwa ase engaki eria, ekero Daudi aroche ng’a Omonene oiraneirie ogosaba kwaye ase ekeooreri ki’Orinani Omoyebusi, akarua ebing’wanso biaye aroro agwo.
29
Korende ase engaki eria Eema y’Omonene, eria Musa atenenetie agwo ase erooro, na egesasimero gi’ekeng’wanso ki’ogosambwa nigo kiarenge agwo aase aimokererete igoro aaria Gibeoni.
30
Korende Daudi tagendete ase egesasimero keria koboria Nyasae, ekiagera nigo oboete omoyio oria bw’omomalaika bw’Omonene.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29