bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
1 Chronicles 16
1 Chronicles 16
Gussi (EBIBILIA ENCHENU) 2020
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
Kobarentire Esanduku eria ya Nyasae, bakayebeka ime ase eema eria Daudi ayeteneneretie, bakarua ebing’wanso bi’ogosambwa na ebi’omorembe, ase obosio bwa Nyasae.
2
Na ekero Daudi akoorire korua ekeng’wanso ki’ogosambwa na eki’omorembe agasesenia abanto ase erieta ri’Omonene.
3
Naende akagaba endagera ase omoganda bwonsi bw’Abaisraeli, ase abasacha na abakungu; kera oyomo akaegwa omogati oyomo, na enyama inke, ne ribomba ri’amasasabibu amomo.
4
Naende agachora abanto bande b’Abalawi bakaba abakoreri bosio bw’Esanduku eria y’Omonene, bakaba bagotogia Omonene, Nyasae bw’Abaisraeli, na komoiraneria ng’a mbuya mono na komobaka.
5
Asafu nere orenge omotang’ani obo. Abaare komobwatia nabwo aba: Zakaria na Yeieli, Semiramoti na Yehieli, Matitia na Eliabu, Benaya na Obedi‐Edomu, na Yeieli, baria barenge kobugia amakano, na amakano ’ebirigisa. Asafu agaakania chisani chiarenge kwoga.
6
Benaya na Yahasieli, abakuani, bakaba bakobugia ebirombeta botambe agwo bosio bw’Esanduku ere ne chibao chirikire Okobwatana kwa Nyasae.
7
Rituko eri nario Daudi achigete ritang’ani ng’a ogotera gw’okomoiraneria Omonene ng’a mbuya mono goterwe n’Asafu na abanto bamwabo ase enchera eyio.
8
Moiranerie Omonene ng’a mbuya mono! Rangeria erieta riaye ase ogokonywa, tebia abanto b’ebisaku ogokora kwaye.
9
Terera Omonene, moterere amatera ay’okomotogia; raria ogokora kwaye kw’ogokumia.
10
Etogerie erieta riaye richenu, abanto bonsi abakorigia Omonene basasoke ase chinkoro chiabo ime.
11
Rigia Omonene amo ne chinguru chiaye, morigie mobe ase obosio bwaye botambe.
12
Inwe ab’ororeria rwa Israeli, omosomba bw’Omonene, inwe abanto ba Yakobo, abachore b’Omonene, inyora ogokora kwaye kw’ogokumia na amakumia aye amo nebina anachete.
14
Ere nere Omonene, Nyasae oito, ebina biaye nigo bire ase ense yonsi.
15
Inyora botambe okobwatana kwaye kw’ogotianania, goika ebiaare elifu mobe mokoinyora ring’ana achigete,
16
na okobwatana koria kw’ogotianania akorete na Ibrahimu, na eira yaye y’ogotianania arierete Isaka.
17
Eira eyio aenegetie koba ase Yakobo buna ogochika, ee, ase Israeli okobwatana gwa kare na kare,
18
agateba, “Aye ninkoe ense ya Kanani ebe omwando bw’ororeria rwao.”
19
Ase engaki eria nigo barenge abake ase omobaro, bakabarwa ng’a tibaisaini gento, nigo barenge abaeti ase ense eyio.
20
Bakaba bagoetanana korwa ase egesaku ekemo gochia ase ekende, na korwa ase oboruoti obomo gochia ase obonde.
21
Nyasae tatigete abanto bande babachande; agatogonyera abaruoti ase engencho yabo,
22
agateba, “Timobaisa gokuna abaakwa amaguta baane, gose timokorera ababani baane bobe!”
23
Inwe abanto b’ense yonsi, moterere Omonene! Raria ogotooreka kwaye rituko ase rituko!
24
Raria obonene bwaye ase egati y’ebisaku, na ogokora kwaye kw’ogokumia ase abanto bonsi!
25
Omonene nigo are omonene mono, goika atogigwe, na airokwe goetania chinyasae chinde.
26
Chinyasae chionsi chi’abanto b’ebisaku nemegwekano y’ogosasimwa rioka, korende Omonene nere otongete igoro chionsi.
27
Ogosikwa na obonene nigo bire ase obosio bwaye, chinguru na omogoko nigo bire ase obomenyo bwaye.
28
Inwe abe chiamate chi’abanto, togia Omonene! Motogie ase obonene bwaye na okobua kwaye!
29
Mobake Omonene ase obonene bw’erieta riaye; moche ase obosio bwaye morentane ebiegwa, mosasime Omonene mweboetie obochenu!
30
Inwe abanto b’ense yonsi, mobe mokoiguswa ase obosio bwaye, ee, ense nigo eteneine bokong’u, tekonyegerigwa.
31
Tiga igoro chibe nomogoko na ense echenge, abanto b’ebisaku batebigwe: “Omonene nere okogamba.”
32
Tiga enyancha echenge ase okoeera, amo nebinto bionsi bire ime yaye, na emegondo echenge amo nebinto bionsi bireo.
33
Erio emete ye rinani netere nomogoko ase obosio bw’Omonene, ekiagera ere ngocha are konachera ense ekina.
34
Iraneria Omonene ng’a mbuya mono, ekiagera ere nomuya; obwanchani bwaye nigo bogendererete kare na kare.
35
Kwana: Aye Nyasae, ogotooreka gwaito, totoorie, otosangererie amo, na otoboorie korwa ase abanto b’ebisaku, erinde totogie erieta riao richenu, na twetogerie ogotogigwa kwao.
36
Omonene, Nyasae bw’Abaisraeli, atogigwe, korwa kare na kare, na gochia kare na kare! Erio abanto bonsi bagateba, “Amina!” Na bakamotogia Omonene.
37
Ase ayio Daudi agatiga Asafu na abanto bamwabo agwo bosio bw’Esanduku eria y’Okobwatana kw’Omonene babe abakoreri asare botambe, buna okogania gwa kera rituko kwarenge.
38
Obedi‐Edomu na abanto bamwabo nigo barenge emerongo etano nomo, na batano na batato. Ere Obedi‐Edomu mosinto o Yedutuni, na Hosea, bakabekwa bakaba abarendi b’egeita.
39
Daudi akabeka Zadoki omokuani amo nabakuani bande bamwabo, babe bagokorera Omonene ase Eema yaye agwo aase aimokererete igoro agosasimerwa aaria Gibeoni.
40
Kera emambia na omogoroba botambe babe bakorua ekeng’wanso ki’ogosambwa ase egesasimero gi’ekeng’wanso ki’ogosambwa, koreng’ana buna arigetwe ase amachiko aria Omonene aete Abaisraeli.
41
Amo nabwo barenge Hemani na Yedutuni, na abanto baria bachoretwe na korikwa amarieta abo ase okoiraneria Omonene ng’a mbuya mono ase engencho y’obwanchani bwaye obwo bogendererete kare na kare.
42
Hemani na Yedutuni nigo bagachete ebirombeta ne chisani chiarenge kwoga ekero chiare goakanigwa, amo nebinto binde biare kobugigwa ekero amatera amachenu agoterwa. Abanto b’eamate ya Yedutuni bagachorwa korenda egeita.
43
Erio abanto bonsi bakarua agwo, kera omonto akagenda nka bwoye, na Daudi akagenda bwoye gosesenia abanto b’enyomba yaye.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29