1 Chronicles 24

Gussi (EBIBILIA ENCHENU) 2020

← Chapter 23 Jump to: Chapter 25 →

1Ebi nabio ebiombe bi’abanto b’ororeria rwa Haroni. Abana abamura ba Haroni nabwo aba: Nadabu na Abihu, Eleazari na Itamari.

2Nadabu na Abihu bagakwa bagatiga ise ore moyo, barabwo tibabwate abana; na igo Eleazari na Itamari bakaba abakuani.

3Daudi agaatanana abwo b’ororeria rwa Haroni na akaroberia buna bakore emeremo. Zadoki bw’ororeria rw’Eleazari na Ahimeleki bw’ororeria rwa Itamari barabwo mbabete bakomokonya.

4Abanto b’ororeria rw’Eleazari bakanyorekana bare nabateneneri abange kobua abwo b’ororeria rwa Itamari. Ase ayio bakabeka abanto ikomi na batano nomo b’ororeria rw’Eleazari babe abateneneri be chiamate chiabo, na batano na batato b’ororeria rwa Itamari babe abateneneri be chiamate chiabo.

5Igo baatananetwe ase ogoakerwa obomera, bonsi ase enchera eyemo, ekiagera abateneneri abwo b’Aase Aachenu na abwo ba Nyasae nigo bachoretwe korwa ase ororeria rw’Eleazari amo norwa Itamari.

6Semaya, mosinto o Netaneli Omolawi, akarika amarieta abo agwo ekero omoruoti na abanene abarenge komokonya, na Zadoki omokuani, na Ahimeleki, mosinto bw’Abiatari, na abateneneri be chiamate chi’abakuani, na echi’Abalawi barigereretie. Chiamate chigachorwa ase ogoakerwa obomera, eyemo korwa ase ororeria rw’Eleazari, na eyende korwa ase orwa Itamari.

7Obomera obotang’ani bokagwera Yehoyaribu, na obwa kabere Yedaya;

8obwa gatato bokagwera Harimu, na obwa kane Seorimu;

9obwa gatano bokagwera Malikia, na obwa gatano na rimo Miyamini;

10obwa gatano na kabere bokagwera Hakosi, na obwa gatano na gatato Abiya;

11obwa kianda bokagwera Yesua, na obwa ikomi Sekania;

12obwa ikomi na rimo bokagwera Eliasibu, na obwa ikomi na kabere Yakimu;

13obwa ikomi na gatato bokagwera Hupa, na obwa ikomi na kane Yesebeabu;

14obwa ikomi na gatano bokagwera Biliga, na obwa ikomi na gatano na rimo Imeri;

15obwa ikomi na gatano na kabere bokagwera Hesiri, na obwa ikomi na gatano na gatato Hapisesi;

16obwa ikomi na kianda bokagwera Petahiya, na obwa emerongo ebere Ezekieli;

17Obwa emerongo ebere na rimo bokagwera Yakini, na obwa emerongo ebere na kabere Gamuli;

18obwa emerongo ebere na gatato bokagwera Delaya, na obwa emerongo ebere na kane Maasia.

19Oyo noro omoroberio obo bw’obokoreri bwabo bw’enyomba y’Omonene buna Haroni, sokoro yabo, abarobereretie koreng’ana buna Omonene Nyasae amochigete.

20Aba nabwo Abalawi bande: Subaeli bw’ororeria rw’Amuramu na Yehedia bw’ororeria rwa Subaeli;

21Isia, omoteneneri korwa ase ororeria rwa Rehabia;

22Selomoti bw’ororeria rwa Isari, na Yahati bw’ororeria rwa Selomoti.

23Abana abamura ba Heburoni nabwo aba: Yeria omotangi, na Amaria oyo o kabere, na Yahasieli, oyo o gatato, na Yekameamu oyo o kane;

24Mika bw’ororeria rwa Usieli, na Samiri bw’ororeria rwa Mika;

25Isia omomura omwabo Mika, na Zakaria bw’ororeria rwa Isia.

26Abana abamura ba Merari nabwo Mali na Musi. Omwana omomura o Yaasia nere Beno.

27Abanto b’ororeria rwa Merari ase Yaasia, omwana oye omomura, nabwo aba: Beno na Sohamu, Sakuri na Ibiri.

28Omwana o Mali n’Eleazari; ere tabwate abana abamura.

29Yerameeli nomwana omomura o Kisi.

30Abana abamura ba Musi nabwo aba: Mali na Ederi, na Yerimoti. Aba nabwo barenge ab’ororeria rwa Lawi koreng’ana ne chiamate chiabo.

31Abateneneri abwo be chiamate chiabo, abatang’ani amo nabamwabo abake, bagaaka obomera buna abamwabo, abanto b’ororeria rwa Haroni, ekero Daudi omoruoti, na Zadoki, na Ahimeleki, na abatang’ani be chiamate chi’abakuani na echi’Abalawi barigereretie. Oyorenge omonene ase eamate ogaakerwa obomera koreng’ana buna oyorenge omoke.

← Chapter 23 Jump to: Chapter 25 →