bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Revelation 11
Revelation 11
Gussi (EBIBILIA ENCHENU) 2020
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Inche nkaegwa emoti y’okorenga enga buna enyimbo, ngatebigwa, “Imoka, orenge Hekalu ya Nyasae amo negesasimero na obare abwo bagosasimera aroro.
2
Na egoora eria ere isiko ye Hekalu oyetige, toyerenga, ekiagera abanto b’ebisaku bayeeirwe, na barabwo nabatache omochie omochenu ase engaki y’emetienyi emerongo ene na ebere.
3
Inche ning’ee birori baane babere okobua gw’okobana, na barabwo inababane ase engaki y’amatuko elifu eyemo na amagana abere, na emerongo etano nomo, babekeire chianga chie chigunia.”
4
Abwo nabwo emete eria ebere y’emezeituni na ebibekerero biria bie chitaya bibere biteneine ase obosio bw’Omonene bw’ense.
5
Na omonto kararigie kobachanda, omorero norue ase emenwa yabo, orie ababisa babo. Omonto kararigie kobachanda, nemogwenerete aitwe.
6
Barabwo nigo bare nokobua gosieka igoro, erinde embura tetwa amatuko ’obobani bwabo, naende mbare nokobua gw’okoonchora amache abe amanyinga, na goaka ense ase kera ogoakwa, koreng’ana buna baganetie.
7
Ekero bakoorire korua oborori bwabo eng’iti eria ekorwa ase eora y’abakure nekore esegi na barabwo. Ero nebabue, ebaite bakwe,
8
na ebitondo ebio nabibeere ase enchera y’omochie oria omonene aase Omonene obo abambetwe. Ase okobayena omochie oyio erieta riaye nigo okorokwa Sodomu na Misiri.
9
Na abanto ba kera egesaku, na eamate, na omonwa, na abe chinse chionsi, nabarigererie ebitondo ebio ase engaki y’amatuko atato na ekeng’ese, na tibakobitiga bitindekwe.
10
Na abwo bamenyete ase ense nabachenge igoro asebare na kogoka, na barabwo nabatomerane ebiegwa, ekiagera ababani baria babere bachandete abwo bamenyete ase ense.
11
Korende nyuma y’amatuko atato na ekeng’ese omoika bw’obogima korwa ase Nyasae okabasoa, bagatenena namagoro abo, na obwoba bogasoa abanto baria babaroche.
12
Ababani baria babere bakaigwa eriogi rinene korwa igoro rikobatebia, “Tiira gocha aa!” Bagatiira gochia igoro ase amare ime, na ababisa babo babarigereretie.
13
Na ase ensa eria ekaba omotengecho omonene bw’ense, na ensemo ya ikomi y’omochie ekagwa. Abanto chilifu isano na ibere bagaitwa ase omotengecho oria, na abwo batigarete bagasogwa nomoondoko, bagatogia obonene bwa Nyasae ore igoro.
14
Obobe bwa kabere bwaetire, rora, obobe bwa gatato ngocha bore bwango.
15
Omomalaika o gatano na kabere akabugia egetureri kiaye. Erio amariogi amanene akaigugwa igoro, agoteba, “Oboruoti bw’ense bwabeire oboruoti bw’Omonene oito, na obwa Kristo oye, ere nagambe goika kare na kare.”
16
Na abagaaka baria emerongo ebere na bane, abaikaransete ase obosio bwa Nyasae ase ebirogo biabo bi’obonene, bagatung’ama, bagasasima Nyasae,
17
bagoteba, “Aye Omonene Nyasae Omobui, oyoreo na oyokwarengeo, twagoakeire ng’a mbuya mono, ekiagera kwabogoirie okobua kwao okonene, na gwachakire kogamba.
18
Abanto b’ebisaku bakabea, korende bono endamwamu yao yachire, na engaki y’okogambia abakure, na engaki y’okoa abasomba bao ababani, na abachenu, na abwo bairogete erieta riao, abake na abanene, eng’eria yabo, na gosiria abwo bagosaria ense.”
19
Erio Hekalu ya Nyasae ere igoro ekaigorwa, na Esanduku y’okobwatana kwaye ekarorekana ase Hekalu yaye ime. Aroro bikaba okomesa, na okogukura, ne chinkoba, na omotengecho bw’ense, na embura y’amagena enyinge mono egatwa.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22