bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Revelation 2
Revelation 2
Gussi (EBIBILIA ENCHENU) 2020
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
“Ase omomalaika bw’ekanisa y’Efeso rika: Amang’ana aya naro agokwana, ere oyobwate ching’enang’eni chiria isano na ibere ase okoboko kwaye gw’okorio, ere oyogotaara gati‐gati ase ebibekerero biria bie chitaya bitano na bibere bie chitahabu.
2
“Namanyire ogokora kwao, na ogwechanda kwao, na okoremereria kwao. Namanyire ng’a tokonyara koremereria abanto ababe, na ogateema abwo bakweroka abatomwa, ko tibari bo, okabarora ng’a nabanyaborimo.
3
Naende okaremereria na kwebogoreria amange ase engencho y’erieta riane, na toroseti.
4
Korende ninde ne ring’ana eri igoro asore: Gwatigire obwanchani bwao bwe ritang’ani.
5
Gaki, inyora nkorwa ase ki ogwete. Onchoka, okore ogokora kwao kwe ritang’ani! Otakoreti bo, ninchiche asore, ndusie ekebekerero kiao gie chitaya korwa aase aye, otaonchogeti.
6
Korende ndire ring’ana erimo rire rigiya asore, nario eri: Nogechete ogokora kw’Abanikolaiti, okwo nainche ngechete.
7
Ere oyore namato akoigwera, tiga aigwe ring’ana eri Omoika ogotebia chikanisa. Ere oyorabue nimoe ribaga arie amatunda ’omote bw’obogima, oyio ore ase Paradiso ya Nyasae.
8
“Na ase omomalaika bw’ekanisa ya Sumurina rika: Amang’ana aya naro agokwana, ere oyore bwe ritang’ani na oyo bw’omoerio, oyo konya okure, naende akaba moyo.
9
“Namanyire emechando yao, na obotaka bwao (korende nomonda ore). Namanyire buna ogokwanwa bobe nabwo bagoteba ng’a n’Abayahudi bare, ko tibari bo, korende barabwo nesinagogi ya Saitani.
10
Toiroka amang’ana ayio arache kogochanda. Rigereria, Saitani narute abande baino ase echela monyare goteemwa, na inwe namochandwe ase engaki y’amatuko ikomi. Obe omwegenwa goika ogokwa na inche ninkoe egutwa y’obogima.
11
Ere oyore namato akoigwera, tiga aigwe ring’ana eri Omoika ogotebia chikanisa. Ere oyorabue takonyora obororo bw’amakweri a kabere nonya ng’ake.
12
“Na ase omomalaika bw’ekanisa ya Perigamo rika: Amang’ana aya naro agokwana, ere oyore nomoyio o birende ore nobwoge chinsemo ibere.
13
“Namanyire aase omenyete, nagwo aase ekerogo ki’obonene gia Saitani kere. Aye nobwatete mono erieta riane, na tokaneti okwegena ore nakwo asende, nonya nase amatuko ’Antipa kirori one, omwegenwa one, oyio oiteretwe ase egati yaino agwo aase Saitani amenyete.
14
Korende ninde namang’ana make igoro asore: Nore nabanto agwo babwatete okworokereria kwa Baalamu, ere oyio bworokereretie Balaki abeke ekegocha ase Abaisraeli, ng’a barie ebinto biare korugwa ebing’wanso ase emegwekano y’ogosasimwa, na gokora obotomani.
15
Naboigo naye nore nabanto babwatete okworokereria kw’Abanikolaiti.
16
Onchoka rende! Otaonchogeti, ninchiche asore bwango, nkore esegi igoro asebare nomoyio o birende bw’omonwa one.
17
Ere oyore namato akoigwera, tiga aigwe ring’ana eri Omoika ogotebia chikanisa. Ere oyorabue nimoe ensemo ya mana ebisire, naende nimoe rigena rirabu, na ase rigena erio ndirikireo erieta riyia, eritamanywe na monto onde otatiga ere oyo orariegwe.
18
“Na ase omomalaika bw’ekanisa ya Tiatira rika: Amang’ana aya naro Omwana o Nyasae agokwana, ere oyore namaiso agwoka buna ekebemberi ki’omorero, na amagoro aye nigo anga buna etaai esenirie mono.
19
“Namanyire ogokora kwao, na obwanchani bwao, na obwegenwa bwao, na obokoreri bwao, na okoremereria kwao. Naende namanyire ng’a ogokora kwao kw’omoerio kwabuire koria kwe ritang’ani.
20
Korende ninde ne ring’ana eri igoro asore: Tibwangeti omokungu oria Yesebeli ere oyokweroka omobani. Ere nigo akworokereria na kong’aina abasomba baane bakore obotomani, na koria ebinto bikoruegwa ase emegwekano y’ogosasimwa.
21
Inche namoeire ribaga anyare koonchoka, korende tancheti koonchoka na gotiga obotomani bwaye.
22
Rigereria, nimorute borere arware, na abwo batomanire amo nere banyore emechando emenene, bataonchogeti korwa ase ogokora kwaye.
23
Inche ning’ite abana baye bakwe. Na abanto be chikanisa chionsi mbamanye ng’a inche nigo nkoriga‐rigia ebirengererio bie chinkoro, na inche nimoe kera oyomo oino koreng’ana nogokora kwaye.
24
Korende inwe abande abamore Tiatira, inwe mwensi motari nokworokereria okwo, inwe abamotamanyeti eri abande bakoroka obobisi bwa Saitani, nabatebirie ng’a tinkobatweka egurube ende.
25
Korende eki more nakio kebwate goika nchiche.
26
Ere oyorabue na gokora ogokora kwane goika omoerio, oyio nimoe okobua igoro y’abanto b’ebisaku,
27
ere nabagambere nenyimbo y’okobua y’ekioma, na kobaata buna chinyongo.
28
Nabo buna inche nanyorete korwa ase Tata one. Naende nimoe eng’enang’eni ya mambia.
29
Ere oyore namato akoigwera, tiga aigwe ring’ana eri Omoika ogotebia chikanisa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22