bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Revelation 18
Revelation 18
Gussi (EBIBILIA ENCHENU) 2020
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Nyuma ase aya nkarora omomalaika onde ogoika korwa igoro. Oyo nigo arenge nokobua okonene, na ense ekamorekwa nobonene bwaye bokomeka‐meka.
2
Akarera neriogi rie chinguru, ogoteba, “Babeli ogure! Babeli, omochie oria omonene, ogure! Obeire obomenyo bw’ebirecha, na obogacho bwa kera omoika bw’eubi, na obwa kera enyoni etachenegeti na ey’okogechia.
3
Naki abanto b’ebisaku bionsi banyure edivai y’endamwamu y’obotomani bwaye, na abaruoti b’ense batomanire nere, na abaonchoreria b’ense betenenkirie ase obonda bwaye obonge.”
4
Erio nkaigwa eriogi rinde korwa igoro, rigoteba, “Inwe abanto baane, karue asare, erinde timobwatana nere ase ebibe biaye, na konyora amaakwa amo nere.
5
Naki ebibe biaye biaikire igoro, na Nyasae oinyoire obobe bwaye.
6
Mokorere buna ere abakorerete inwe, moakane ara kabere koreng’ana nogokora kwaye. Ase ekenyugwa ekio ere abasang’ananeirie, mosang’anerie na ere ara kabere.
7
Na buna ere etogirie na kwegokia atari gwetanga ase okorigia kwaye, moe obororo na ogoichana koreng’ana boigo. Nigo agoteba ase enkoro yaye ime: Inche ning’ikaransete eting’ana, tindi omoboraka, gose tinkoba nomoichano nonya ng’ake!
8
Ase engencho eyio, ase rituko erimo rioka amaakwa aye nache, naboigo namakweri, na omoichano, na enchara. Ere nasambwe kegima nomorero, ekiagera Omonene Nyasae, oyokomogambia, nare ne chinguru.”
9
Abaruoti b’ense, abwo babwatanire nere ase obotomani na okogania okobe nabamoreere na komweumeria ekero bararore erioki ri’okoyia kwaye.
10
Barabwo nigo baratenenere aare, ekiagera bare nokoiroka ase ogoakwa kwaye, na goteba, “Obobe, obobe nobwao, omochie oria omonene, Babeli, omochie ore ne chinguru, naki ase ensa eyemo yoka okogambigwa kwao gwachire!”
11
Na abaonchoreria b’ense bakorera na komweumeria, ekiagera onde tari oragore ebinto biabo naende:
12
Ebinto bie chitahabu, na ebie chifeta na ebi’amagena e rigori rinene, na ebie chiruru; chianga chi’egatani, na echimonyinga, na echi’ariri, na echire chimbariri mono; kera omote bw’ogotioka okuya, na kera egento keroisirie korwa ase amaino ’enchogu, na kera egento ki’omote bwe rigori rinene, na egi’etaai, na egi’ekioma, na eki’amagena akomeka‐meka;
13
omodalasini, na ekarafuu, na manemane, na amaguta akweakwa, na ubani na edivai, na amaguta, na obosie obonuke, na engano, ne chiombe, ne ching’ondi, ne chibarasi, ne chigari, na emebere ya mwanyabanto na emioyo yabo.
14
“Okwama koria omoyo oo oganetie kwagosireirie, na ebinto bionsi ebiterere. Na ebinto bikomeka‐meka biagosireirie, gose tokonyara kobinyora naende nonya ng’ake!”
15
Na abaonchoreria b’ebinto ebio, abwo betenenkirie ase engencho yaye ere, nigo baratenenere are, ekiagera bare nokoiroka ase ogoakwa kwaye, bakorera na kweumia,
16
bagoteba, “Obobe, obobe nobwaye, omochie oria omonene, oyoboirie egatani engiya, na eanga emonyinga, na eyere embariri mono, ochabeire chitahabu, na amagena e rigori rinene, ne chiruru.
17
Naki ase ensa eyemo yoka obotenenku obonge buna iga bwabeire bosa.” Na abateneneri bonsi be chimeeri, na bonsi ababogorigwa ne chimeeri, na abagendia be chimeeri, na abwo bonsi bagokora emeremo ase enyancha bagatenena are,
18
bakorera mono ekero bachia korora erioki ri’okoyia kwaye, bagateba, “Omochie ki ogwekaine omochie oyio omonene?”
19
Bagasiara ebuse igoro ase emetwe yabo, bakorera, na gokuura, na kweumia, bagoteba, “Obobe, obobe nobwaye, omochie oria omonene! Ase chinibo chiaye bonsi ababwate chimeeri ase enyancha betenenkirie. Ase ensa eyemo yoka obeire bosa.
20
Goka igoro yaye, inwe aba igoro, inwe abachenu, na abatomwa, na ababani, naki Nyasae namogambetie ere, ekiagera ere abagambetie inwe!”
21
Erio omomalaika oyomo bwe chinguru akaimokia rigena rire buna orogena oronene rogosia, akariruta ase enyancha ime, akabora, “Buna iga, ase chinguru na ekerundo, Babeli, omochie oria omonene, norutwe inse, gose tokonyara kororekana nonya ng’ake.
22
Amariogi ’abakobugia amakano na ebiroria, na ebitureri, takoigugwa ime asore naende nonya ng’ake; nonya nomoroisia o gento kende gionsi takororekana ime asore naende nonya ng’ake; nonya neriogi ri’orogena rogosia tirikoigugwa ime asore naende nonya ng’ake;
23
nonya noborabu bw’etaya tibokomoreka ime asore naende nonya ng’ake; nonya neriogi ri’omonyuomi na eri ’omoriakari takoigugwa ime asore naende nonya ng’ake. Abaonchoreria bao nigo barenge abanene b’ense, na abanto b’ebisaku bionsi bang’ainetwe ase oborogi bwao.
24
Ime y’omochie oria akanyorekanao amanyinga ’ababani, na ay’abachenu, na aya baria bonsi abaitetwe ase ense.”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22