bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Revelation 22
Revelation 22
Gussi (EBIBILIA ENCHENU) 2020
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Erio omomalaika oria akanyorokia orooche rw’amache ’obogima rokomeka‐meka buna ekerore gekomeka‐meka, rokorua ase ekerogo ki’obonene kia Nyasae na eki’Emanwa y’Eng’ondi,
2
nigo rogoeta gati‐gati y’enchera enene y’omochie. Chinsemo chionsi ibere chi’orooche roria noreo omote bw’obogima, okwama amatunda aye ara ikomi na kabere; nigo okorua amatunda kera omotienyi, na amato ’omote oyio nigo akogwenia abanto b’ebisaku.
3
Okoragererigwa konde gwonsi tigokobao nonya ng’ake. Ekerogo ki’obonene kia Nyasae neki’Emanwa y’Eng’ondi nakebe imeo, na abasomba baye nabamokorere.
4
Na barabwo nabamorore obosio bwaye, na erieta riaye naribe ase amasio abo igoro.
5
Obotuko tibokobao nonya ng’ake, tibaganeiri oborabu bw’etaya gose omobaso bw’erioba, ekiagera Omonene Nyasae nababarerie omobaso, na barabwo nabagambe goika kare na kare.
6
Erio agantebia, “Aya namang’ana ’obwegeni na ay’ekeene, na Omonene Nyasae, oyogotang’ana ababani n’Omoika oye, agatoma omomalaika oye, erinde aorokerie abasomba baye ayagwenerete gokoreka bwango.
7
Rigereria, ninchiche bwango.” Nasesenirie ere oyorendete amang’ana ’obobani, ayarikire ase ebuku eye.
8
Ninche Yohana naigwete amang’ana aya na nkayarora. Ngachia koyaigwa na koyarora nkagwa inse nsasime bosio bw’amagoro ’omomalaika oria onyorogetie aya.
9
Agantebia, “Tokora igo! Inche nomosomba omogisangio oo, na oyo bw’abamino ababani, na obw’abwo barendete amang’ana ’ebuku eyio. Osasime Nyasae.”
10
Naende agantebia, “Tobisa amang’ana ’obobani bw’ebuku eye gose koyabeka ekemanyererio, ekiagera engaki ng’ang’e ere
11
Oyogokora ayatari boronge, tiga agenderere gokora ayatari boronge, na oyotachenegeti, tiga agenderere koba oyotachenegeti, na oyore omoronge, tiga agenderere gokora oboronge, na oyore omochenu agenderere gochenwa.”
12
“Rigereria, ninchiche bwango, ndetane eng’eria yane amo nainche, ning’ee kera omonto buna ogokora kwaye kore.
13
Inche n’Alifa na Omega, Oyo bwe Ritang’ani na Oyo bw’Omoerio, Omochakano na Omoerio.”
14
Mbasesenirie abagochena chianga chiabo! Abwo mbaegwe ribaga barie amatunda ’omote bw’obogima na gosoa omochie goetera ase ebiita biaye.
15
Korende agwo isiko nchireo chisese, naende mbareo abarogi, na abatomani, na abaiti, na abasasimi emegwekano na kera omonto oyobwanchete oborimo na kobokora.
16
“Inche Yeso natomire omomalaika one kobarentera inwe oborori obo ase chikanisa. Inche ninche Ritina ria Daudi, na Oroiboro rwaye, na Eng’enang’eni ya Mambia, eria ekobara mono.”
17
Omoika na omoriakari nigo bagoteba, “Inchuo!” Na ere oyokoyaigwa, tiga atebe, “Inchuo!” Na ere oyore nerang’o, tiga ache, na oyobwanchete, tiga abogorie amache ’obogima bosa.
18
Inche igo ngokurera kera omonto oyokoigwa amang’ana ’obobani bw’ebuku eye: Omonto onde bwensi karayamente, Nyasae namomentere amaakwa ayarikire ase ebuku eye;
19
na monto onde bwensi kararusie ensemo y’amang’ana ’obobani bw’ebuku eye, Nyasae narusie ensemo yaye ase omote oria bw’obogima, na ase omochie oria omochenu, ayarikire ase ebuku eye.
20
Ere oyokorenta oborori obo, nigo agoteba, “Ee, ninchiche bwango!” Amina. Inchuo Omonene Yeso!
21
Obuya bw’Omonene Yeso bobe amo nainwe mwensi. Amina.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22