bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Revelation 16
Revelation 16
Gussi (EBIBILIA ENCHENU) 2020
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
Erio nkaigwa eriogi rinene rikorwa ase Hekalu, rigotebia abamalaika baria batano na babere, “Genda moitere ebitaabo biria bitano na bibere bi’endamwamu ya Nyasae igoro ase ense.”
2
Omomalaika bwe ritang’ani akagenda agaitera egetaabo kiaye igoro ase ense, na amagumba amabe akaria abanto abwo barenge nekemanyererio ki’eng’iti, na baare gosasima omogwekano oye.
3
Omomalaika o kabere agaitera egetaabo kiaye ase enyancha ime, na enyancha ekaonchoka ekaba amanyinga buna ay’omonto okure, na ebitongwa bionsi bire moyo ase enyancha ime bigakwa.
4
Omomalaika o gatato agaitera egetaabo kiaye ase chindooche ime, na ase chinsoko chi’amache, na chirochio chikaonchoka chikaba amanyinga.
5
Erio nkaigwa omomalaika, oyore nokobua igoro y’amache, ogoteba, “Aye nomonyene oboronge ase okogamba kwao, aye Omochenu, oyoreo na oyokwarengeo.
6
Ekiagera barabwo baiterete amanyinga ’abachenu na ay’ababani, aye kwabaeire amanyinga banywe. Barabwo banyorire ayabagweneire!”
7
Naende nkaigwa eriogi korwa ase egesasimero rigoteba, “Ee, aye Omonene Nyasae, Omobui, okogamba kwao nogw’ekeene na okwa boronge!”
8
Omomalaika o kane agaitera egetaabo kiaye igoro ase erioba, akaegwa ribaga gosamba abanto nomorero.
9
Abanto kobagosambwa nomorero oria omotindi bakaragereria erieta ria Nyasae, oyore nokobua igoro y’amaakwa ayio, gose tibaonchoka na gotogia obonene bwaye.
10
Omomalaika o gatano agaitera egetaabo kiaye igoro ase ekerogo ki’obonene ki’eng’iti eria, na oboruoti bwaye bokabekwa omosunte. Abanto bagatakuna chimeme chiabo ase engencho y’obororo,
11
bakaragereria Nyasae ore igoro ase engencho y’obororo bwabo na amagumba abo, gose tibaonchoka korwa ase ogokora kwabo.
12
Omomalaika o gatano na rimo agaitera egetaabo kiaye igoro ase orooche roria oronene rokorokwa Eufarati, na amache aye agakama. Erio enchera ekaroiserigwa abaruoti bakorwa moocha bagoetera.
13
Nkarora emeika y’eubi etato enga buna ebioto ekorua ase omonwa bw’enchoka, na ase omonwa bw’eng’iti, na ase omonwa bw’omobani oria bw’oborimo.
14
Naki eyio nemeika y’ebirecha egokora ebikone, na gosoka gochia ase abaruoti b’ense yonsi kobasangereria ase esegi ase rituko rinene ria Nyasae Omobui.
15
(“Rigereria, ngocha nde buna omoibi agocha. Nasesenirie oyogesete na korenda chianga chiaye, tagenda getirianda, na abaise korora obosooku ase amasio ’abanto.”)
16
Na emeika eria egasangereria abaruoti amo gochia aase akorokwa ase Ekeibirania Arimagedon.
17
Omomalaika o gatano na kabere agaitera egetaabo kiaye igoro ase embeo bosa, na eriogi rinene rikarua ase Hekalu korwa ase ekerogo keria ki’obonene, rigoteba, “Aikire gokoreka!”
18
Igo bikaba okomesa, na okogukura, ne chinkoba, na omotengecho omonene bw’ense. Na korwa ekero mwanyabanto bachagete koba ase ense motengecho onde tona koba omonene buna oyio.
19
Omochie oria omonene ogaatananekana ase chinsemo isato, na emechie y’abanto b’ebisaku ekagwa. Nyasae akainyora Babeli, omochie oria omonene, ayoe onywe ase egekombe ki’edivai y’endamwamu yaye entindi.
20
Kera egesinka kegatama, na ebitunwa binde tibiarorekana aande.
21
Amagena ’embura amanene, ayare noborito koreng’ana chikiro emerongo etano, akagwera mwanyabanto korwa igoro, na mwanyabanto bakaragereria Nyasae ase engencho y’ogoakwa okwo kw’amagena ’embura ekiagera ogoakwa okwo nokonene mono kwarenge.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22