Daniel 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1أَ شٜىٰكَرَا تَ عُكُ تَمُلْكٍ سَرْكِے يٜىٰهُواْيَكِمْ نَ يَهُودَ، سَرْكِے نٜىٰبُكَدْنٜىٰزَّرْ نَ بَابِيلَ يَذُواْ يَكٜىٰوَيٜىٰ عُرُوشَلِيمَ دَ يَاڧِ؞

2عُبَنْ‌غِجِ كُوَ يَبَا سَرْكِے نٜىٰبُكَدْنٜىٰزَّرْ نَ بَابِيلَ نَصَرَا عَكَنْ سَرْكِے يٜىٰهُواْيَكِمْ نَ يَهُودَ؞ سَرْكِے نٜىٰبُكَدْنٜىٰزَّرْ كُوَ يَݣُوشٜىٰ وَطَنْسُ كَايَ دَغَ ثِكِنْ غِدَنْ اللَّهْ أَ عُرُوشَلِيمَ؞ كَايَنَّنْ يَكَٰوُاْسُ أَغِدَنْ اللَّهْ‌نْسَ عَڧَسَرْ شِنَرْ، يَأَجِيٜىٰسُ أَطَاكِنْ أَجِيَ نَ اللَّهْ نْسَ؞

3سَعَنً سَرْكِے نٜىٰبُكَدْنٜىٰزَّرْ يَعُمَرْثِ أَشْڢٜىٰنَظْ، شُوغَبَنْ مَعَيْكَتَنْ غِدَنْ سَرْكِے، يَتَڢِے يَذَاٻُواْ مَسَ وَطَنْسُ سَمَارِ دَغَ ثِكِنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ دَغَ غِدَنْ سَرَوْتَ دَ كُمَ دَغَ غِدَنْ مَنْيَنْ مُتَنٜىٰ؞

4وَطَنَّنْ سَمَارِ ذَاسُ كَسَنْثٜىٰ مَاسُ ݣَنْ غَنِ، مَرَرْ تَبُواْ، مَاسُثِكٜىٰ دَ ڢَهِمْتَ دَ كُواْوَنٜىٰ ڢَنِّنْ حِكِمَ دَ سَنِ، مَاسُ عِيَيِنْ حِدِمَ أَغِدَنْ سَرْكِے؞ ذَاعَكُواْيَ مُسُ يَرٜىٰنْ مُتَنٜىٰنْ بَابِيلَ دَ أَبُبُوَنْ دَسُكٜىٰ ثِكِنْ لِتَّتَّڢَنْسُ؞

5سَرْكِے يَكُمَسَا أَدِنْ‌غَبَاسُ عَبِنْثِ دَ ضُوً إِنَبِے دَغَ ثِكِنْ وَنْدَ شِ سَرْكِے كَنْسَ يَكٜىٰثِ كُواْوَثٜىٰ رَانَ؞ يَسَ عَكُواْيَرْ دَسُو حَرْ شٜىٰكَرَا عُكُ، بَايَنْ كُواْيَرْوَرْ نَنْ ذَاسُ شِغَيِ وَسَرْكِے حِدِمَ؞

6عَثِكِنْ وَطَنْدَ عَكَ ذَاٻَا دَغَ ذُرِيَرْ يَهُودَ سُونٜىٰ دَانِيٜىٰلْ دَ هَنَنِيَ دَ مِشَيٜىٰلْ دَ أَظَرِيَ؞

7سَيْ أَشْڢٜىٰنَظْ، شُوغَبَنْ مَعَيْكَتَنْ غِدَنْ سَرْكِے يَبَاسُ سَابَبِّنْ سُونَيٜىٰ؞ يَسَ وَ دَانِيٜىٰلْ سَابُوانْ سُنَ بٜىٰلْتٜىٰشَظَّرْ، يَسَاوَ هَنَنِيَ سَابُوانْ سُنَ شَدْرَكْ، يَسَاوَ مِشَيٜىٰلْ سَابُوانْ سُنَ مٜىٰشَكْ، سَعَنً يَسَاوَ أَظَرِيَ سَابُوانْ سُنَ أَبٜىٰدْنٜىٰغُواْ؞

8دَانِيٜىٰلْ كُوَ يَطَوْكِ رَعَيِ أَ ذُوثِيَارْسَ ثٜىٰوَ بَذَيْ ڧَظَنْتَرْدَ كَنْسَ تَوُرِنْ ثِنْ عَبِنْثِ دَ شَنْ ضُوً إِنَبِے نَسَرْكِبَ؞ سَيْ يَضُواْڧِ شُوغَبَنْ مَعَيْكَتَنْ غِدَنْ سَرْكِے ثٜىٰوَ كَدَ يَبَا شِ وَنَّنْ عَبِنْثِ دُواْمِنْ ذَيْ ڧَظَنْتَرْ دَشِ؞

9اللَّهْ كُوَ يَسَا دَانِيٜىٰلْ يَسَامِ ڢَضٍ جِنِ دَ جِنْڧَيْ أَوُرِنْ أَشْڢٜىٰنَظْ شُوغَبَنْ مَعَيْكَتَنْ غِدَنْ سَرْكِے؞

10عَمَّا أَشْڢٜىٰنَظْ يَثٜىٰ وَ دَانِيٜىٰلْ «إِنَ جِنْ ڟُواْرُوانْ مَيْغِدَانَ سَرْكِے وَنْدَ يَعُمَرْتَ أَدِنْ‌غَ بَاكُ وَنَّنْ عَبِنْثِ دَ ضُوً إِنَبِے؞ إِنْ حَرْ يَغَ ڢُسْكَرْكُ بَ سُيِ ݣَوْ كَمَرْ نَسَوْرَنْ سَمَارِنْ ڟَارَرْكُبَ، تُواْ، ذَاكَسَا إِنْ شِغَ عُكُ أَوُرِنْ سَرْكِے؞»

11سَيْ دَانِيٜىٰلْ يَثٜىٰ وَمُتُمِنْ دَ أَشْڢٜىٰنَظْ يَسَا يَلُورَ دَ دَانِيٜىٰلْ دَ هَنَنِيَ دَ مِشَيٜىٰلْ دَ أَظَرِيَ،

12«إِنَ ضُواْڧُوانْكَ كَطَنْ ڠُودَمُ نَݣُونَ غُواْمَ؞ بَرِ أَدِنْ‌غَ بَامُ كَايَنْ لَمْبُو مُثِ، عَكُمَ دِنْ‌غَ بَامُ ضُوَ كَوَيْ مُشَا؞

13بَايَنْ وَنَّنْ، كَدُوبِے ڢُسْكُواْكِنْمُ كَاعَوْنَ دَ نَسَوْرَنْ سَمَارِ وَطَنْدَ سُكٜىٰ ثِنْ عَبِنْثِ نَسَرْكِے؞ دَغَ نَنْ سَيْكَيِ دُكْ أَبِنْدَ كَغَ دَامَ كَيِ دَمُو بِسَغَ أَبِنْدَ كَلُورَ دَشِ عَكَنْمُ؞»

14سَيْ يَيَرْدَ دَ رَعَيِنْ دَ دَانِيٜىٰلْ يَبَاشِ، يَكُوَ ڠُودَاسُ نَݣُونَ غُواْمَ؞

15عَڧَرْشٜىٰنْ ݣُونَ غُواْمَ طِنْ، سَيْ عَكَ غَ ڢُسْكُواْكِنْسُ سُنْڢِے حَصْكٜىٰ، كُمَ سُنْيِ ڧِبَ ڢِيٜىٰدَ سَوْرَنْ سَمَارِنْ دَسُكٜىٰ ثِنْ عَبِنْثِ نَسَرْكِے؞

16دَغَ نَنْ سَيْ مُتُمِنْ دَ أَشْڢٜىٰنَظْ يَسَا يَلُورَ دَسُو يَثِيغَبَدَ جَنْيٜىٰ عَبِنْثِ دَ ضُوً إِنَبِے نَسَرْكِے، يَيِ تَبَاسُ كَايَنْ لَمْبُو؞

17غَ وَطَنَّنْ سَمَارِ حُطُ كُوَ، اللَّهْ يَبَاسُ سَنِ دَ ڢَهِمْتَرْ كُواْوَنٜىٰ إِرِنْ لِتَّتَّڢَيْ دَ حِكِمَ؞ اللَّهْ يَكُمَ بَا دَانِيٜىٰلْ غَانٜىٰوَرْ رُعُيَ دَ بَيَانِنْ مَڢَرْكَيْ؞

18عَڧَرْشٜىٰنْ شٜىٰكَرَا عُكُ وَطَنْدَ سَرْكِے نٜىٰبُكَدْنٜىٰزَّرْ يَبَايَرْ دُواْمِنْ أَ لُورَ دَسُو، سَيْ أَشْڢٜىٰنَظْ شُوغَبَنْ مَعَيْكَتَنْ غِدَنْ سَرْكِے يَكَٰوُاْسُ أَغَبَنْ نٜىٰبُكَدْنٜىٰزَّرْ؞

19دَ سَرْكِے يَيِ مَغَنَ دَسُو دُكَ، سَيْ يَتَرَرْ عَثِكِنْ سَمَارِنْ دَ عَكَ ذَاٻَا، بَابُوَنْدَ ذَاعَ ݣُوتَنْتَا شِ دَ دَانِيٜىٰلْ دَ هَنَنِيَ دَ مِشَيٜىٰلْ دَ أَظَرِيَ؞ سَبُواْدَ حَكَ عَكَ مَيْشٜىٰسُ مَاسُ حِدِمَ أَغَبَنْ سَرْكِے؞

20عَثِكِنْ دُكَنْ أَبِنْدَ يَشَاڢِ حِكِمَ دَ غَانٜىٰوَ وَنْدَ سَرْكِے يَنٜىٰمِ شَوَرَرْسُ، سَيْ يَتَرَرْ وَطَنَّنْ سَمَارِ حُطُ سُنْڢِے دُكَنْ مَاسُ دَبُواْ دَ مَاسُ سِحِرِ وَطَنْدَ سُكٜىٰ ثِكِنْ مُلْكِنْسَ حَرْ سَوْ غُواْمَ؞

21دَانِيٜىٰلْ كُوَ يَثِيغَبَ أَوُرِنْ حَرْ شٜىٰكَرَا تَڢَرْكُواْ تَمُلْكٍ سَرْكِے سَيِرُسْ؞

Jump to: Chapter 2 →