Daniel 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1سَرْكِے نٜىٰبُكَدْنٜىٰزَّرْ يَيِ غُنْكِ نَظِينَارِيَ وَنْدَ ڟَيِنْسَ يَكَيْ ڧَڢَا ثَسَعِنْ، ڢَاطِنْسَ كُمَ ڧَڢَا تَرَ؞ يَكَڢَ شِ أَ ڢِيلِنْ دُرَ وَنْدَ يَكٜىٰ عَيَنْكِنْ بَابِيلَ؞

2سَعَنً يَعَيْكَ عَكِرَوُاْ هَكِمَنْ يَنْكُنَ دَ مَاسُ مَڟَيِ دَ ڠُومْنُواْنِ دَسُو مَاسُ بَادَ شَوَرَا دَسُو مَعَجِ دَ أَلْڧَلَيْ دَ مَاسُ شَرِيعَ دَ دُكَنْ دَتَّاوَنْ يَنْكُنَ سُذُواْ، دُواْمِنْ سُكَسَنْثٜىٰ عَبِكٍ كٜىٰٻٜىٰوَرْ غُنْكِنْ ظِينَارِيَ وَنْدَ شِ سَرْكِے نٜىٰبُكَدْنٜىٰزَّرْ يَكَڢَ؞

3سَيْ هَكِمَنْ يَنْكُنَ دَ مَاسُ مَڟَيِ دَ ڠُومْنُواْنِ دَ مَاسُ بَادَ شَوَرَا دَسُو مَعَجِ دَ أَلْڧَلَيْ دَ مَاسُ شَرِيعَ دَ دُكَنْ دَتَّاوَنْ يَنْكُنَ سُكَذُواْ دُواْمِنْ بِكٍ كٜىٰٻٜىٰوَرْ غُنْكِنْ دَ سَرْكِے نٜىٰبُكَدْنٜىٰزَّرْ يَكَڢَ، سُكَ ڟَيَ أَغَبَنْسَ؞

4سَيْ مَيْ شٜىٰلَ يَتَادَ مُرْيَ دَ ڧَرْڢِے، يَثٜىٰ، «يَا كُو ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ!

5أَنَ عُمَرْتَرْكُ ثٜىٰوَ سَعَدَّ كُكَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ كُڢَاطِ ڧَسَا، كُيِ سُجَّدَ غَ غُنْكِنْ ظِينَارِيَرْ نَنْ وَنْدَ سَرْكِے نٜىٰبُكَدْنٜىٰزَّرْ يَكَڢَ؞

6دُكْ وَنْدَ بَيْ ڢَاطِ ڧَسَا يَيِ سُجَّدَبَ، نَنْ دَنَنْ ذَاعَ جٜىٰڢَرْ دَشِ عَثِكِنْ غِدَنْ وُتَا مَيْ ذَاڢِ؞»

7دُواْمِنْ حَكَ، سَعَدَّ دُكَنْ ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ سُكَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ سُكَ ڢَاطِ ڧَسَا، سُكَيِ سُجَّدَ غَ غُنْكِنْ ظِينَارِيَرْ نَنْ وَنْدَ سَرْكِے نٜىٰبُكَدْنٜىٰزَّرْ يَكَڢَ؞

8أَ لُواْكَثِنَّنْ نٜىٰ وَطَنْسُ مُتَنٜىٰنْ بَابِيلَ سُكَيِ أَمْڢَانِ دَ ظَرَڢِنَّنْ سُكَ زَرْغِ يَهُودَاوَا؞

9سُكَثٜىٰ وَ سَرْكِے نٜىٰبُكَدْنٜىٰزَّرْ «يَا سَرْكِے، رَنْكَيَدَطٜىٰ!

10يَا سَرْكِے، كَيْنٜىٰ كَا كَڢَ عُمَرْنِ ثٜىٰوَ دُكْ مُتُمِنْدَ يَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ يَڢَاطِ ڧَسَا، يَيِ سُجَّدَ غَ غُنْكِنْ ظِينَارِيَرْ نَنْ؞

11كَيْ كُمَ كَا عُمَرْتَ ثٜىٰوَ دُكْ وَنْدَ بَيْ ڢَاطِ ڧَسَا يَيِ سُجَّدَبَ، ذَاعَ جٜىٰڢَشِ أَغِدَنْ وُتَا مَيْ ذَاڢِ؞

12رَنْكَيَدَطٜىٰ، أَݣَويْ وَطَنْسُ يَهُودَاوَا وَطَنْدَ كَيْ دَ كَنْكَ كَنَطَسُ سُلُورَ دَ أَلْعَمُرَنْ يَنْكِنْ بَابِيلَ، وَتُواْ شَدْرَكْ دَ مٜىٰشَكْ دَ أَبٜىٰدْنٜىٰغُواْ؞ تُواْ، وَطَنَّنْ مُتَنٜىٰ ڢَا، يَا سَرْكِے، بَسُ دَامُ دَكَيْبَ، بَسُ بَوْتَاوَ أَلُّواْلِنْكَبَ، بَسُ كُمَيِ سُجَّدَ غَ غُنْكِنْ ظِينَارِيَرْ نَنْ وَنْدَ كَكَڢَبَ؞»

13دَجِنْ وَنَّنْ، سَيْ سَرْكِے نٜىٰبُكَدْنٜىٰزَّرْ يَٻَرْكٜىٰ دَ ڢُشِے مَيْ ذَاڢِ يَعُمَرْتَ عَكَٰوُاْ شَدْرَكْ دَ مٜىٰشَكْ دَ أَبٜىٰدْنٜىٰغُواْ؞ سَيْ عَكَ كَٰوُاْسُ غَبَنْسَ؞

14سَيْ يَثٜىٰ مُسُ «كُواْ غَسْكِيَ نٜىٰ وَيْ كَيْ شَدْرَكْ دَ مٜىٰشَكْ دَ أَبٜىٰدْنٜىٰغُواْ بَكُ بَوْتَاوَ أَلُّواْلِنَ بَ، بَكُ كُمَيِ سُجَّدَ غَ غُنْكِنْ ظِينَارِيَرْ نَنْ وَنْدَ نَكَڢَبَ؟

15يَنْذُ، عِدَنْ كُنَ أَشِرْيٜىٰ، سَعَدَّ كُكَجِ ڧَارَرْ ڧَهُواْ دَ سَرٜىٰوَ دَ غَرَايَ دَ مُواْلُواْ دَ كَثَوْ كَثَوْ دَ كُواْوَنٜىٰ إِرِنْ أَبِنْ كَطٜىٰ كَطٜىٰ دَ بُوشٜىٰ بُوشٜىٰ، سَيْ كُڢَاطِ ڧَسَا كُيِ سُجَّدَ غَ غُنْكِنْ ظِينَارِيَرْ نَنْ وَنْدَ نَكَڢَ؞ عِدَنْ كُنْيِ حَكَ، تُواْ، بَابُ دَامُوَ؞ عَمَّا عِدَنْ بَكُيِ سُجَّدَرْبَ، نَنْ دَنَنْ ذَاعَ جٜىٰڢَكُ أَغِدَنْ وُتَا مَيْ ذَاڢِنَّنْ، كُمَ ذَنْ‌غَ كُواْ وَنٜىٰ اللَّهْ نٜىٰ ذَيْ كُٻُتَرْ دَكُو دَغَ هَنُّونَ؞»

16شَدْرَكْ دَ مٜىٰشَكْ دَ أَبٜىٰدْنٜىٰغُواْ كُوَ سُكَ أَمْسَ وَسَرْكِے سُكَثٜىٰ «رَنْكَيَدَطٜىٰ، يَا سَرْكِے نٜىٰبُكَدْنٜىٰزَّرْ! بَمُ بُڧَاتَ مُكَارٜىٰ كَنْمُ عَكَنْ وَنَّنْ ذَنْثٜىٰبَ؞

17يَا سَرْكِے، عِدَنْ كَجٜىٰڢَرْ دَمُو أَوُتَرْ نَنْ، اللَّهْ نْمُ وَنْدَ مُكٜىٰ بَوْتَاوَ يَنَدَ إِيكُوانْ كُٻُتَرْ دَمُو دَغَ غِدَنْ وُتَا مَيْ ذَاڢِنَّنْ يَكُمَ ثٜىٰثٜىٰمُ دَغَ حَنُّنْكَ؞

18يَا سَرْكِے، كُواْ مَا بَيْ كُٻُتَرْ دَمُوبَ، مُنَسُواْ كَسَنِ ڢَا، بَذَامُ بَوْتَاوَ أَلُّواْلِنْكَبَ، كُواْ مُيِ وَغُنْكِنْ ظِينَارِيَرْ نَنْ وَنْدَ كَكَڢَ سُجَّدَ؞»

19سَيْ نٜىٰبُكَدْنٜىٰزَّرْ يَٻَرْكٜىٰ دَ ڢُشِے مَيْ ذَاڢِ عَكَنْ شَدْرَكْ دَ مٜىٰشَكْ دَ أَبٜىٰدْنٜىٰغُواْ حَرْ ڢُسْكَرْسَ تَثَنْجَ؞ سَيْ يَعُمَرْتَ عَڧَارَ ذُغَ وُتَا أَغِدَنْ وُتَا حَرْ تَيِ ذَاڢِ سَوْ بَݣَويْ ڢِيٜىٰدَ يَدَّ عَكَيِ أَدَا؞

20سَعَنً يَعُمَرْثِ وَطَنْسُ مَڢِے ڧَرْڢِے دَغَ ثِكِنْ سُواْجُواْجِنْسَ سُطَوْرٜىٰ شَدْرَكْ دَ مٜىٰشَكْ دَ أَبٜىٰدْنٜىٰغُواْ، سُجٜىٰڢَسُ عَثِكِنْ وُتَرْ؞

21سَيْ عَكَ طَطَّوْرَسُ تُنْ مَا بَسُ تُوٻٜىٰ رِيغُنَنْسُ دَ وَنْدُنَنْسُ دَ هُولُنَنْسُ دَ سَوْرَنْ كَايَنْ جِكِنْسُبَ؞ سَيْ عَكَ جٜىٰڢَسُ عَثِكِنْ غِدَنْ وُتَا مَيْ ذَاڢِ؞

22ڟَنَنِنْ عُمَرْنِنْ سَرْكِے يَسَا عَكَ ذُغَ وُتَرْ تَڧَارَ ذَاڢِ مَيْ ڟَنَنِ؞ سَبُواْدَ ذَاڢِنْ وُتَرْ، سُواْجُواْجِنْ دَ سُكَجٜىٰڢَ شَدْرَكْ دَ مٜىٰشَكْ دَ أَبٜىٰدْنٜىٰغُواْ أَوُتَرْ، سُو مَا هَرْشٜىٰنْ وُتَا سُنْ لَشٜىٰسُ؞

23سَيْ سُو عُكُنَّنْ، وَتُواْ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُكَ ڢَاطَ عَثِكِنْ ڟَكِيَرْ وُتَرْ أَطَوْرٜىٰ؞

24سَيْ سَرْكِے نٜىٰبُكَدْنٜىٰزَّرْ يَتَاشِ وُڢْ سَبُواْدَ أَبِنْ مَامَاكِنْ دَيَكٜىٰ غَنِ، سَيْيَثٜىٰ وَمَاسُ بَاشِ شَوَرَا «كَيْ! بَمُتَنٜىٰ عُكُ أَطَوْرٜىٰ نٜىٰ مُكَجٜىٰڢَ أَوُتَابَ؟» سَيْ سُكَ أَمْسَ وَسَرْكِے سُكَثٜىٰ «بَاشَكَّ، حَكَ يَكٜىٰ، رَنْكَيَدَطٜىٰ؞»

25سَرْكِے يَأَمْسَ يَثٜىٰ «عَمَّا إِنَ غَنِنْ مُتُمْ حُطُ أَ سَكٜىٰ سُكٜىٰ تَڢِيَ أَڟَكِيَرْ وُتَا، بَا كُمَ أَبِنْدَ يَسَامٜىٰسُ! كَمَنِّ نَهُطُنْ كُوَ كَمَرْ وَنِ طَنْ أَلُّواْلِنٜىٰ؞»

26نٜىٰبُكَدْنٜىٰزَّرْ ڢَا يَمَڟُواْ كُسَدَ ڧُواْڢَرْ غِدَنْ وُتَا مَيْ ذَاڢِ يَثٜىٰ «شَدْرَكْ! مٜىٰشَكْ! أَبٜىٰدْنٜىٰغُواْ! بَايِنْ اللَّهْ مَڢِے طَوْكَكَ ، كُڢِتُواْ! كُذُواْ نَنْ!» سَيْ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُكَ ڢِتَ دَغَ ثِكِنْ وُتَرْ؞

27سَعَنً هَكِمَنْ يَنْكُنَ دَ مَاسُ مَڟَيِ دَ ڠُومْنُواْنِ دَ مَاسُبَا سَرْكِے شَوَرَا، دُكَنْسُ سُكَ تَارُ كٜىٰوَيٜىٰ دَ مُتَنٜىٰنَّنْ؞ سُكَغَ لَلَّيْ وُتَرْ بَتَيِ وَجِكُنَنْ مُتَنٜىٰنَّنْ كُواْمٜىٰبَ؞ غَاشِنْ كَوُنَنْسُ مَا كُواْ طَيَ بَيْ ثِوُتَبَ، كَايَنْ جِكِنْسُ مَا بَسُثِ وُتَابَ، كُواْ وَرِنْ وُتَا مَا بَابُ أَجِكِنْسُ؞

28سَيْ نٜىٰبُكَدْنٜىٰزَّرْ يَثٜىٰ «يَبُواْ يَتَبَّتَا غَ اللَّهْ نَ شَدْرَكْ دَ مٜىٰشَكْ دَ أَبٜىٰدْنٜىٰغُواْ، وَنْدَ يَعَيْكُواْ دَ مَلاَىِٕكَنْسَ يَكُٻُتَرْدَ بَايِنْسَ مَاسُ دُواْغَضَ غَرٜىٰشِ؞ سُنْڧِے بِنْ عُمَرْنِنْ سَرْكِے، سُكَ ڠُومَّثٜىٰ عَڧُواْنٜىٰسُ مَيْمَكُوانْ سُبَوْتَاوَ غُنْكِ كُواْ سُيِ وَوَنِ سُجَّدَ، إِنْ بَ دَيْ اللَّهْ نْسُ كَطَيْبَ؞

29دُواْمِنْ حَكَ، غَا عُمَرْنِنْدَ نَكَڢَ؞ ‹دُكْ وَتَ ڧَبِيلَ، كُواْ أَلْعُمَّ، كُواْ مَيْ يَرٜىٰنْ دَ ذَيْ يِمَغَنَرْ صَاٻُواْ غَ اللَّهْ نَ شَدْرَكْ دَ مٜىٰشَكْ دَ أَبٜىٰدْنٜىٰغُواْ، ذَاعَ يَيَّنْكَ مُتُمِنْ غَٻَ غَٻَ، عَكُمَ مَيْدَ غِدَنْسَ كُڢَيْ؞ غَمَا بَابُوَنِ اللَّهْ وَنْدَ ذَيْ عِيَيِنْ إِرِنْ وَنَّنْ كُٻُتَرْوَ كَمَرْ حَكَ؞› »

30سَيْ سَرْكِے يَڧَارَ وَ شَدْرَكْ دَ مٜىٰشَكْ دَ أَبٜىٰدْنٜىٰغُواْ مَڟَيِ عَيَنْكِنْ بَابِيلَ؞

← Chapter 2 Jump to: Chapter 4 →