Daniel 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1أَ شٜىٰكَرَا تَڢَرْكُواْ تَمُلْكٍ سَرْكِے بٜىٰلْشَظَّرْ نَ بَابِيلَ، دَانِيٜىٰلْ يَيِ مَڢَرْكِ يَكُمَ غَ رُعُيَ يَايِنْ دَيَكٜىٰ ݣُونْثٜىٰ أَغَدُوانْسَ، يَكُوَ رُبُوتَ أَبِنْدَ يَغَنِ؞ غَا أَبِنْدَ يَرُبُوتَ؞

2«نِے دَانِيٜىٰلْ دَ دَرٜىٰ عَثِكِنْ رُعُيَ نَغَ إِسْكَ دَغَ ڢُسْكُواْكِ حُطُ نَسَمَ، وَتُواْ غَبَسْ دَ يَمَّ دَ كُدُ دَ أَرٜىٰوَ سُنَ تَمُواْڟَ بَبَّرْ تٜىٰكُنْ؞

3سَيْ مَنْيَنْ دَبُّواْبِے غُدَا حُطُ سُكَ ڢِتُواْ دَغَ تٜىٰكُنْ، كُمَ كُواْوَثٜىٰ دَبَّ دَبَمْ دَ سَوْرَنْ تَكٜىٰ؞

4دَبَّ تَڢَرْكُوانْ تَنَدَ كَمَنِّنْ ذَاكِ، عَمَّا تَنَدَ ڢِكَڢِكَنْ غَغَّڢَ؞ إِنَ كَلُّواْ، سَيْ نَغَ أَنْثِرٜىٰ ڢِكَڢِكَنْتَ، عَكَ طَغَتَ دَغَ ڧَسَا عَكَسَا تَڟَيَ دَ ڧَڢَاڢُ كَمَرْ مُتُمْ؞ سَيْ عَكَبَاتَ تُنَانِ إِرِنْ نَمُتُمْ؞

5«سَيْ كُمَ غَ وَتَ دَبَّ تَبِيُ وَدَّ تَكٜىٰدَ كَمَنِّنْ بٜىٰيَرْ؞ غٜىٰڢٜىٰ طَيَ نَجِكِنْتَ يَطَغَ سَمَ ڢِيٜىٰدَ طَيَنْ؞ تَنَ رِڧٜىٰ دَ هَڧَرْڧَرِ عُكُ أَ هَڧُواْرَنْتَ؞ سَيْ عَكَثٜىٰ مَتَ، ‹تَاشِ، كِثِكَ ثِكِنْكِ دَ نَامَ!›

6«بَايَنْ وَنَّنْ كُمَ، إِنَ كَلُّواْ سَيْغَا وَتَ دَبَّ تَ عُكُ وَدَّ تَكٜىٰدَ كَمَنِّنْ دَامِسَ؞ تَنَدَ ڢِكَڢِكَيْ حُطُ إِرِنْ نَڟُنْڟُ عَبَايَنْتَ، تَنَ كُمَ دَكَيْ حُطُ؞ سَيْ عَكَبَاتَ إِيكُوانْ مُلْكِ؞

7«بَايَنْ وَنَّنْ كُمَ عَثِكِنْ رُعُيَ تَدَرٜىٰ، إِنَ كَلُّواْ سَيْغَا وَتَ دَبَّ تَهُطُ مَيْ ڧَرْڢِے ڨُورَيْ، مَيْ بَنْ ڟُواْرُواْ دَ بَرَظَنَ؞ تَنَدَ مَنْيَنْ هَڧُواْرَنْ بَڧِنْ ڧَرْڢٜىٰ؞ تَا ثِنْيٜىٰ، تَڢَرْڢَشٜىٰ، سَعَنً أَبِنْدَ يَضَغٜىٰ تَتَتَّكَ دَ ڧَڢَاڢُنْتَ؞ دَبَمْ تَكٜىٰدَ سَوْرَنْ دَبُّواْبِنْ دَ سُكَ رِغَاتَ؞ تَنَ كُمَ دَ ڧَهُواْنِ غُواْمَ؞

8إِنَ كَلُّوانْ ڧَهُواْنِنْ دُواْمِنْ إِنْ غَانٜىٰ، سَيْغَا وَنِ ڧَهُواْ يَٻُلُّواْ، طَنْ ڧَرَمِ نٜىٰ؞ دُواْمِنْ عَبَا وَ وَنَّنْ طَنْ ڧَهُوانْ ڢِيلِ، سَيْ عَكَ تُمْٻُكٜىٰ ڧَهُواْ غُدَا عُكُ دَغَ ثِكِنْ غُواْمَ طِنَّنْ؞ طَنْ ڧَهُوانْ يَنَدَ إِدَانُو كَمَرْ نَمُتُمْ، يَنَ كُمَ دَ بَاكِ، يَنَ ڢَطِنْ مَغَنْ‌غَنُنْ طَغَ كَيْ؞»

9«سَعَدَّ نَكٜىٰ كَلُّواْ، سَيْ نَغَ أَنْجٜىٰرَ كُجٜىٰرُنْ مُلْكِ؞ سَيْغَا وَنْدَ يَكٜىٰ تُنْ دَا يَذُواْ يَهَوْ كُجٜىٰرَرْ مُلْكِنْسَ؞ رِغَرْسَ ڢَرِ ڢَتْ كَمَرْ أَوْدُغَ، غَاشِنْ كَنْسَ كَمَرْ ڢَضٍ عُلُ نٜىٰ ظَلَّ؞ كُجٜىٰرَرْ مُلْكِنْسَ كَمَرْ هَرْشٜىٰنْ وُتَا، ڧَڢَاڢُ حُطُ نَكُجٜىٰرَرْسَ كَمَرْ نَكٜىٰكٜىٰ نٜىٰ، سُنَدَ هَرْشٜىٰنْ وُتَا مَيْثِ؞

10كُواْغِنْ وُتَا يَنَ غُدُ دَغَ غَبَنْسَ، دُبُنْ دُبَّيْ سُنَ تَيِ مَسَ حِدِمَ، دُبُو غُواْمَ سَوْ دُبُو غُواْمَ سُكَ ڟَيَ أَغَبَنْسَ؞ عَكَ ذَوْنَ دُواْمِنْ أَ ڢَارَ شَرِيعَ، عَكَ بُبُّوطٜىٰ لِتَّتَّڢَيْ؞

11«نَيِ تَكَلُّواْ سَبُواْدَ مَنْيَنْ مَغَنْ‌غَنُنْ طَغَ كَيْ وَطَنْدَ ڧَهُوانْ يَكٜىٰ تَڢَطِ؞ سَعَدَّ نَكٜىٰ تَكَلُّواْ، سَيْ نَغَ أَنْكَشٜىٰ دَبَّرْ، سَيْ عَكَ جٜىٰڢَرْ دَ غَاوَرْ ثِكِنْ وُتَا دُواْمِنْ تَڧُواْنٜىٰ؞

12سَوْرَنْ دَبُّواْبِے كُوَ عَكَ كَرْٻِ مُلْكِنْسُ، عَمَّا عَكَ بَرْسُ دَ رَيْ حَرْ طَنْ لُواْكَثِنْ دَ عَكَسَا؞

13«عَثِكِنْ رُعُيَ تَدَرٜىٰ إِنَ كَلُّواْ، سَيْغَا وَنِ مَيْ كَمَنِّنْ طَنْ مُتُمْ؞ يَنَ ذُوَا ثِكِنْ غِرْغِجٜىٰ، يَذُواْ وُرِنْ وَنْدَ يَكٜىٰ تُنْ دَا، سَيْ عَكَ كَيْ شِ غَبَنْسَ؞

14عَكَ كُوَ بَاشِ سَرَوْتَ، دَ طَوْكَكَ دَ مُلْكِ، دُواْمِنْ دُكَنْ ڧَبِيلُ دَ أَلْعُمَّيْ، دَ يَرٜىٰ دَبَمْ دَبَمْ سُبَوْتَا مَسَ؞ سَرَوْتَرْسَ تَهَرْ أَبَدَاثٜىٰ، مُلْكِ نٜىٰ وَنْدَ بَذَيْ ڧَارٜىٰبَ؞ مُلْكِنْسَ بَذَاعَ تَٻَ هَلَّكَرْ دَشِيبَ؞»

15«عَمَّا نِے دَانِيٜىٰلْ رَيْنَ يَدَامُ ڨُورَيْ، رُعُيَرْدَ نَغَنِ تَڟُواْرَتَرْ دَنِے ڨُورَيْ؞

16سَيْ نَمَاڟَ كُسَدَ طَيَ دَغَ ثِكِنْ وَطَنْدَ سُكٜىٰ ڟَيٜىٰ أَوُرِنْ، نَتَمْبَيٜىٰشِ عَيْنِحِنْ مَعَنَرْ وَطَنَّنْ أَبُبُوَ دُكَ؞ سَيْ يَبَيَّنَ مِنِ مَعَنَرْسُ؞

17يَثٜىٰ، ‹وَطَنَّنْ مَنْيَنْ دَبُّواْبِے غُدَا حُطُ، سُنَ ݣُوتَنْتَا سَرَاكُنَ حُطُ نٜىٰ وَطَنْدَ ذَاسُ تَاسُواْ عَدُونِيَا؞

18عَمَّا ڟَرْكَكَا نَ مَڢِے طَوْكَكَ ذَاسُ كَرْٻِ مُلْكٍ، سُيِ تَرِڧٜىٰ مُلْكٍ حَرْ أَبَدَا أَبَدِنْ؞›

19«سَيْ نَنٜىٰمِ إِنْ سَنْ عَيْنِحِنْ مَعَنَرْ دَبَّ تَهُطُ، وَدَّ تَبَمْبَنْتَ دَ سَوْرَنْ؞ إِنَ نٜىٰمَنْ مَعَنَرْ وَنَّنْ دَبَّ مَيْ بَنْ ڟُواْرُواْ ڨُورَيْ، مَيْ هَڧُواْرَنْ بَڧِنْ ڧَرْڢٜىٰ دَ ڧُمْبَرْ تَغُلَّ دَبَّرْ دَ تَثِنْيٜىٰ، تَڢَرْڢَشٜىٰ، سَعَنً أَبِنْدَ يَضَغٜىٰ تَتَتَّكَ دَ ڧَڢَاڢُنْتَ؞

20نَكُمَسُواْ إِنْسَنْ مَعَنَرْ ڧَهُواْنِ غُواْمَ عَكَنْتَ دَ طَيَ ڧَهُوانْدَ يَٻُلُّواْ، وَنْدَ عَكَ تُمْٻُكٜىٰ ڧَهُواْنِ عُكُ أَغَبَنْسَ؞ إِنَ سُواْ إِنْسَنْ مَعَنَرْ ڧَهُواْنَّنْ وَنْدَ يَكٜىٰدَ إِدَانُو دَ بَاكِنْ دَيَكٜىٰ ڢَطِنْ مَنْيَنْ مَغَنْ‌غَنُنْ طَغَ كَيْ، وَنْدَ أَغَنِينَ غِرْمَنْسَ يَڢِ نَسَوْرَنْ؞

21«إِنَكَلُّواْ، سَيْغَا وَنَّنْ ڧَهُواْ يَنَ يَاڧِ دَ ڟَرْكَكَا، يَنَ كُمَ شَنْ ڧَرْڢِنْسُ،

22حَرْ سَيْ دَ وَنْدَ يَكٜىٰ تُنْ دَا يَذُواْ، عَكَ كُمَ يَنْكٜىٰ شَرِيعَرْ غَسْكِيَ دُواْمِنْ ڟَرْكَكَا نَ مَڢِے طَوْكَكَ ؞ سَعَدَّ لُواْكَثِ يَيِ، سَيْ ڟَرْكَكَا سُكَ كَرْٻِ إِيكُوانْ مُلْكٍ؞

23«غَا بَيَانِنْ دَيَبَانِ؞ يَثٜىٰ، ‹دَبَّ تَهُطُ تَݣُوتَنْتَا مُلْكِ نَهُطُ عَدُونِيَا، وَنْدَ ذَيْ بَمْبَنْتَ دَ دُكَنْ سَوْرَنْ مُلْكُواْكِنْ؞ ذَيْثِنْيٜىٰ دُونِيَا دُكَ، يَتَتَّاكٜىٰتَ، يَڢَرْڢَشٜىٰتَ؞

24ڧَهُواْنِنَّنْ غُواْمَ كُوَ، سَرَاكُنَ غُواْمَ نٜىٰ وَطَنْدَ ذَاسُ تَاسُواْ دَغَ ثِكِنْ مُلْكٍ؞ سَعَنً وَنِ سَرْكِے ذَيْ ٻُلُّواْ عَبَايَنْسُ وَنْدَ ذَيْ بَمْبَنْتَ دَ سَوْرَنْ دَ سُكَ ڢَارَ تَاسُواْوَ، ذَيْ تُمْٻُكٜىٰ سَرَاكُنَ عُكُ؞

25ذَيْ يِمَغَنْ‌غَنُنْ صَاٻُواْ عَكَنْ مَڢِے طَوْكَكَ ، ذَيْ كُمَ ڟَنَنْتَا وَ ڟَرْكَكَا نَ مَڢِے طَوْكَكَ ؞ ذَيْ يِڧُواْڧَرِ يَثَنْجَ كُواْيَرْوَرْ مُوسَٰى دَ لُواْكَتَيْ نَبِكٍ سُجَّدَ؞ ذَاعَكُوَ بَادَ ڟَرْكَكَا أَ حَنُّنْسَ حَرْ لُواْكَثِ طَيَ دَ لُواْكَتَيْ دَ رَبِنْ لُواْكَثِ؞

26سَعَنً مَاسُ شَرِيعَ أَ سَمَ ذَاسُ ذَوْنَ سُيَنْكٜىٰ شَرِيعَ؞ ذَاعَكَرْٻِ إِيكُوانْ مُلْكِنْسَ، عَكَوَرْ دَشِ عَكُمَ هَلَّكَ شِ حَرْ أَبَدَا؞

27مُلْكِ دَ إِيكُوانْ مُلْكِ دَ غِرْمَنْ دُكَنْ مُلْكُواْكِ عَڧَرْڧَشِنْ سَمَ، ذَاعَ بَادَسُو غَ ڟَرْكَكَا، غَ مُتَنٜىٰنْ مَڢِے طَوْكَكَ ؞ مُلْكِنْسَ ذَيْ كَسَنْثٜىٰ نَهَرْ أَبَدَا نٜىٰ؞ دُكَنْ سَرَاكُنَنْ دُونِيَا ذَاسُ بَوْتَا مَسَ، سُكُمَيِ مَسَ بِيَيَّ؞›

28«نَنْ نَكَيْ غَ ڧَرْشٜىٰنْ أَبِنْدَ نَغَنِ؞ نِے دَانِيٜىٰلْ كُوَ تُنَانِنْ دُكَنْ وَنَّنْ يَڢِرْغِتَرْ دَنِے ڨُورَيْ، حَرْ ڢُسْكَتَ تَثَنْجَ؞ عَمَّا نَرِڧٜىٰ ذَنْثٜىٰنْ دُكَ أَ ذُوثِيَاتَ؞»

← Chapter 6 Jump to: Chapter 8 →