Daniel 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1سَرْكِے دَرِيُسْ طَنْ أَهَسُرُسْ، مُتُمِنْ مٜىٰدِيَ، يَذَمَ سَرْكِے نَ بَابِيلَ؞ أَ شٜىٰكَرَا تَڢَرْكُواْ تَمُلْكِنْسَ،

2نِے دَانِيٜىٰلْ نَبِنْثِكَ لِتَّتَّڢَيْ مَاسُ ڟَرْكِے، سَيْ نَغَانٜىٰ ثٜىٰوَ ذَاعَيِ شٜىٰكَرَا سَبَعِنْ عُرُوشَلِيمَ تَنَ ذَمَنْ كُڢَيْ، بِسَغَ مَغَنَرْ يَهْوٜىٰهْ ذُوَاغَ أَنَّبِے إِرْمِيَ؞

3سَيْ نَامَيْدَ حَنْكَلِنَ وَجٜىٰنْ عُبَنْ‌غِجِ اللَّهْ ، إِنَ نٜىٰمَنْسَ تَوُرِنْ أَدُّعَ دَ ضُواْڧٜىٰ ضُواْڧٜىٰ تَرٜىٰدَ أَظُمِ، إِنَ سَنْيٜىٰ دَ رِيغُنَنْ نُونَ بَڧِنْ ثِكِ، نَذَوْنَ ثِكِنْ تُواْكَ؞

4نَيِ أَدُّعَ غَ يَهْوٜىٰهْ اللَّهْ نَا، إِنَ ڢُرْتَ ذُنُبَنْمُ، إِنَ ثٜىٰوَ «يَا عُبَنْ‌غِجِ ، اللَّهْ مَيْغِرْمَ، مَيْ بَنْ ڟُواْرُواْ، كَيْ مَيْ كِيَايٜىٰ يَرْجٜىٰجٜىٰنِيَنٜىٰ، مَيْ ڧَوْنَ مَرَرْ ثَنْجَاوَا غَ وَطَنْدَ سُكٜىٰ ڧَوْنَرْكَ سُنَ كُمَ كِيَايٜىٰ عُمَرْنَنْكَ؞

5«مُنْيِ ذُنُوبِ، مُنْيِ لَيْڢِے، مُنْ عَيْكَتَ مُغُنْتَا، مُنْيِ تَاوَيٜىٰ؞ مُنْ كُمَ كَوْثٜىٰ دَغَ بِنْ عُمَرْنَنْكَ دَ ڧَٰعِدُواْدِنْكَ؞

6بَمُكَسَ كُنّٜىٰ غَ بَايِنْكَ أَنَّبَاوَا بَ، وَطَنْدَ سُكَيِ مَغَنَ ثِكِنْ سُونَنْكَ غَ سَرَاكُنَنْمُ دَ شُوغَبَنِّنْمُ دَ كَاكَنِّنْمُ دَ دُكَنْ جَمَعَرْ ڧَسَرْ؞

7«يَا عُبَنْ‌غِجِ ، كَيْ مَيْ أَدَلْثِنٜىٰ، عَمَّا مُو سَيْ كُنْيَا؞ وَنَّنْ كُنْيَا يَشَاڢٜىٰمُ دُكَ يَوْ، مُو مُتَنٜىٰنْ يَهُودَ دَ مَذَوْنَنْ عُرُوشَلِيمَ دَ دُكَنْ إِسْرَٰٓءِيلَاوَا، وَطَنْدَ سُكٜىٰ كُسَدَ وَطَنْدَ سُكٜىٰ نٜىٰسَ أَدُكَنْ ڧَسَاشٜىٰنْدَ كَكُواْرٜىٰسُ سَبُواْدَ رَشِنْ أَمِنْثِنْ دَ سُكَيِ مَكَ؞

8يَا عُبَنْ‌غِجِ ، كُنْيَا تَرُڢٜىٰمُ، مُو دَ سَرَاكُنَنْمُ دَ شُوغَبَنِّنْمُ دَ كَاكَنِّنْمُ، سَبُواْدَ مُنْيِ مَكَ ذُنُوبِ؞

9عُبَنْ‌غِجِ اللَّهْ نْمُ، كَيْ مَيْ جِنْڧَيْ مَيْغَاڢَرَ نٜىٰ، عَمَّا مُو، مُنْ تَيَرْ مَكَ؞

10بَمُيِ بِيَيَّ غَ مُرْيَرْكَ، يَا يَهْوٜىٰهْ اللَّهْ نْمُ، تَوُرِنْ يِنْ تَڢِيَ بِسَغَ كُواْيَرْوَرْكَ بَ، وَدَّ كَبَامُ تَهَنُّنْ بَايِنْكَ أَنَّبَاوَا؞

11دُكَنْ جَمَعَرْ إِسْرَٰٓءِيلَ سُنْ كَرْيَ كُواْيَرْوَرْكَ، سُنْ كَوْثٜىٰ، سُنْڧِے جِنْ مُرْيَرْكَ؞ لَعَنَ دَ ضَنْڟُوَا وَطَنْدَ سُكٜىٰ أَرُبُوثٜىٰ ثِكِنْ كُواْيَرْوَرْ مُوسَٰى بَاوَنْكَ يَا اللَّهْ ، سُنْ ڢَاطُواْ عَكَنْمُ غَمَا مُنْيِ مَكَ ذُنُوبِ؞

12كَثِكَ مَغَنَرْكَ وَدَّ كَيِ عَكَنْمُ دَ شُوغَبَنِّنْمُ وَطَنْدَ سُكَيِ مُلْكِنْمُ؞ كَعَيْكُواْ مَنَ دَ بَبَّرْ مَسِيڢَ؞ حَڧِيڧَ، عَڧَرْڧَشِنْ سَمَ دُكَ بَعَتَٻَ يِنِرِنْ أَبِنْدَ عَكَيِ وَ عُرُوشَلِيمَ بَ؞

13كَمَرْ يَدَّ عَكَ رُبُوتَ أَ كُواْيَرْوَرْ مُوسَٰى، حَكَ وَنَّنْ مَسِيڢَ تَڢَاطُواْ عَكَنْمُ، دُكْدَهَكَ بَمُ نٜىٰمِ جِنْڧَنْكَ عُبَنْ‌غِجِ اللَّهْ نْمُ بَ، بَمُ دَيْنَ عَيْكَتَ مُغُنْتَارْمُبَ، بَمُ كُمَ ڟَيَ عَكَنْ غَسْكِيَرْكَبَ؞

14دُواْمِنْ حَكَ يَهْوٜىٰهْ ، كَا سَا مَسِيڢَرْدَ كَشِرْيَ تَڢَاطُواْ عَكَنْمُ، غَمَا كَيْ يَهْوٜىٰهْ اللَّهْ نْمُ مَيْ أَدَلْثِے نٜىٰ ثِكِنْ دُكَنْ أَبِنْدَ كَعَيْكَتَ، عَمَّا مُو بَمُجِ مُرْيَرْكَبَ؞

15«يَنْذُ يَا عُبَنْ‌غِجِ اللَّهْ نْمُ، كَيْنٜىٰ كَا ڢِتُواْ دَ جَمَعَرْكَ دَغَ ڧَسَرْ مَصَرْ دَ حَنُّ مَيْ إِيكُواْ؞ تَهَكَ كَسَامِ وَكَنْكَ سُنَ كَمَرْ يَدَّ يَكٜىٰ عَيَوْ؞ مُنْيِ ذُنُوبِ، مُنْ كُمَ عَيْكَتَ مُغُنْتَا؞

16يَا عُبَنْ‌غِجِ ، بِسَغَ دُكَنْ أَيُّكَنْكَ نَأَدَلْثِے، إِنَ ضُواْڧُوانْكَ، بَرِ كَجَنْيٜىٰ ڢُشِنْكَ مَيْ ذَاڢِ وَنْدَ كَيِ دَ بِرْنِنْكَ عُرُوشَلِيمَ، تُدُنْكَ مَيْ ڟَرْكِے؞ غَمَا سَبُواْدَ ذُنُبَنْمُ دَ لَيْڢُواْڢِنْ كَاكَنِّنْمُ، عُرُوشَلِيمَ دَ جَمَعَرْكَ سُنْ ذَمَ أَبِنْ بَعَ غَ دُكَنْ وَطَنْدَ سُكٜىٰ كٜىٰوَيٜىٰ دَمُو؞

17يَنْذُ يَا اللَّهْ نْمُ، بَرِ كَجِ أَدُّعَرْ بَاوَنْكَ دَ ضُواْڧٜىٰ ضُواْڧٜىٰنْسَ؞ وُرِنْكَ مَيْ ڟَرْكِے وَنْدَ يَذَمَ كُڢَيْ، بَرِ كَدُوبٜىٰشِ دَ ڢُسْكَرْ أَلْحٜىٰرِ دُواْمِنْ أَغِرْمَمَ سُونَنْكَ، يَا عُبَنْ‌غِجِ ؞

18يَا اللَّهْ نَا، كَسَ كُنّٜىٰنْكَ كَجِ، بُوطٜىٰ عِدَنُونْكَ كَدُوبَ يَدَّ مُو دَ بِرْنِنْ دَ عَكٜىٰ كِرَا دَ سُونَنْكَ مُكَ لَلَثٜىٰ؞ غَمَا بَمُ كَٰوُاْ ضُواْڧٜىٰ ضُواْڧٜىٰنْمُبَ سَبُواْدَ وَيْ مُنَدَ أَدَلْثِے، عَمَّا سَبُواْدَ يَوَنْ جِنْڧَنْكَنٜىٰ؞

19يَا يَهْوٜىٰهْ ، بَرِ كَجِيمُ؞ يَا يَهْوٜىٰهْ ، كَغَاڢَرْثٜىٰمُ؞ يَا يَهْوٜىٰهْ ، كَسَوْرَرٜىٰمُ، بَرِ كَيِ وَنِ أَبُ دُواْمِنْ أَغِرْمَمَ سُونَنْكَ؞ يَا اللَّهْ نَا، كَدَ كَٻَاتَ لُواْكَثِ، غَمَا دَ سُونَنْكَنٜىٰ أَنَ كِرَنْ بِرْنِنْكَ دَ جَمَعَرْكَ؞»

20نَا يِتَمَغَنَ، إِنَ تَأَدُّعَ إِنَ تَڢُرْتَ ذُنُوبِنَ دَ نَجَمَعَتَ إِسْرَٰٓءِيلَ، إِنَ كَٰوُاْ ضُواْڧٜىٰ ضُواْڧٜىٰنَ وُرِنْ يَهْوٜىٰهْ اللَّهْ نَا دُواْمِنْ تُدُ مَيْ ڟَرْكِے نَ اللَّهْ نَا؞

21نَا يِتَمَغَنَ، إِنَ تَأَدُّعَ، سَيْغَا جِبْرِيلُ، مُتُمِنْدَ نَغَنِ أَ رُعُيَرْ دَ تَوُثٜىٰ، يَذُواْ وُرِينَ دَ غَغَّاوَا دَيْدَيْ لُواْكَثِنْ يِنْ هَدَايَ تَيَمَّ؞

22يَذُواْ يَثٜىٰ مِنِ «يَا دَانِيٜىٰلْ، نَاذُواْ نٜىٰ دُواْمِنْ إِنْ بَاكَ ڢَهِمْتَ دَ غَانٜىٰوَ غَمٜىٰدَ رُعُيَرْ؞

23أَ لُواْكَثِنْدَ كَڢَارَ ضُواْڧٜىٰ ضُواْڧٜىٰنْكَ، سَيْ عَكَبَادَ أَمْسَ، نَاكُوَ ذُواْ دُواْمِنْ إِنْڢَطَا مَكَ، غَمَا كَيْ مَيْ دَرَجَ نٜىٰ سُواْسَيْ؞ يَنْذُ سَيْ كَلُورَ دَ أَمْسَرْ، كَكُمَ غَانٜىٰ دَ رُعُيَرْ؞

24«ڟَوُانْ لُواْكَثِنْ دَ عَكَ شِرْيَ وَجَمَعَرْكَ دَ بِرْنِنْكُ مَيْ ڟَرْكِے شِينٜىٰ بَݣَويْ بَݣَويْ سَوْ سَبَعِنْ، دُواْمِنْ عَكَٰوُاْ ڧَرْشٜىٰنْ ذُنُوبِنْ غَنْ‌غَنْثِ، دُواْمِنْ أَڟَيْ دَ يِنْ ذُنُوبِ، دُواْمِنْ أَطَوْكَ أَلْحَكِنْ لَيْڢِے، دُواْمِنْ كُمَ عَكَٰوُاْ أَدَلْثِے مَرَرْ إِيَاكَ، دُواْمِنْ عَتَبَّتَرْ دَ رُعُيَ دَ أَنَّبْثِ، دُواْمِنْ كُمَ أَ سَاكٜىٰ كٜىٰٻٜىٰ وُرِے مَڢِے ڟَرْكِے؞

25سَيْ كَسَنِ كَكُمَ ڢَهِمْتَ ثٜىٰوَ دَغَ لُواْكَثِنْ دَ عَكَ عُمَرْتَ أَسَابُنْتَا أَسَاكٜىٰ غِنَا عُرُوشَلِيمَ حَرْ لُواْكَثِنْ ذُوَانْ شُوغَبَا وَنْدَ عَكَ كٜىٰٻٜىٰ، ذَاعَيِ ڟَوُانْ لُواْكَثِ بَݣَويْ سَوْ بَݣَويْ؞ ذَاعَ طَوْكَ ڟَوُانْ لُواْكَثِ بَݣَويْ سَوْ سِتِّنْ دَ بِيُ أَنَ سَاكٜىٰ غِنَتَ، عَيِمَتَ ڢِيلِنْ غَرِ دَ رَامِنْ ضُوً ڟَرُوانْ غَرِ، عَمَّا ذَاعَيِ وَنَّنْ أَلُواْكَثِنْ ڟَنَنِ؞

26بَايَنْ ڟَوُانْ لُواْكَثِ بَݣَويْ سَوْ سِتِّنْ دَ بِيُ، ذَاعَ كَوَرْدَ وَنْدَ عَكَ كٜىٰٻٜىٰ كُمَ بَذَيْ ضَغٜىٰ دَ كُواْمٜىٰبَ؞ سُواْجُواْجِنْ شُوغَبَنَّنْ دَ ذَيْذُواْ ذَاسُ هَلَّكَ بِرْنِ دَ وُرِے مَيْ ڟَرْكِے؞ عَمَّا ڧَرْشٜىٰنْ بِرْنِنْ ذَيْذُواْ كَمَرْ أَمْبَلِيَرْ ضُوَ؞ أَنْ شِرْيَ ذَاعَيِ يَاڧٜىٰ يَاڧٜىٰ دَ هَلَّكَرْوَ حَرْ ڧَرْشٜىٰنْ؞

27شُوغَبَنَّنْ ذَيْ يِ يَرْجٜىٰجٜىٰنِيَ مَيْ ڧَرْڢِے دَ مُتَنٜىٰ دَيَوَ نَڟَوُانْ لُواْكَثِ بَݣَويْ غُدَا؞ عَمَّا عَثِكِنْ رَبِنْ وَنَّنْ لُواْكَثِ، ذَيْ حَنَ يِنْ هَدَايَ دَ بَيٜىٰ بَيٜىٰ؞ عَبِسَ هَيْكَلِ ذَاعَيِ أَبِنْ ڧَظَنْتَا مَيْ كَٰوُاْ هَلَّكَرْوَ؞ ذَيْ كَسَنْثٜىٰ أَوُرِنْ حَرْ سَيْ لُواْكَثِنْ دَ عَكَ شِرْيَ عَكَٰوُاْ ڧَرْشٜىٰنْ مَيْ كَٰوُاْ هَلَّكَرْوَرْ نَنْ؞»

← Chapter 8 Jump to: Chapter 10 →