Daniel 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1وَسِيڧَ دَغَ سَرْكِے نٜىٰبُكَدْنٜىٰزَّرْ ذُوَاغَ دُكَنْ ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ وَطَنْدَ سُكٜىٰ كُواْعِنَ عَدُونِيَا؞ بَرِ سَلَمَ عَيَلْوَثٜىٰ تَكَسَنْثٜىٰ أَغَرٜىٰكُ!

2نَغَ يَيِݣَوْ إِنْ سَنَرْ مُكُ دَ عَلَمُ دَ أَيُّكَنْ بَنْ مَامَاكِ وَطَنْدَ اللَّهْ مَڢِے طَوْكَكَ يَيِ مِنِ؞

3إِنَا مِصَالِنْ عَلَمُنْسَ دَ أَيُّكَنْسَ مَاسُ بَنْ مَامَاكِ! مُلْكِنْسَ مُلْكِ نٜىٰ نَهَرْ أَبَدَا، إِيكُوانْ مُلْكِنْسَ دَغَ ڟَارَا ذُوَا ڟَارَا نٜىٰ!

4نِے نٜىٰبُكَدْنٜىٰزَّرْ إِنَ ثِكِنْ غِدَانَ، ثِكِنْ جِنْ دَاطِے دَ ݣُونْثِيَرْ رَيْ؞

5أَنَانً، وَنِ دَرٜىٰ سَيْ نَيِ مَڢَرْكِ وَنْدَ يَبَا نِے ڟُواْرُواْ مَيْ ڟَنَنِ؞ سَعَدَّ نَكٜىٰ ݣُونْثٜىٰ أَغَدُواْنَ، تُنَانِنْدَ نَيِ دَ رُعُيُواْيِنْدَ نَغَنِ سُنْ سَا نَڢِرْغِتَ؞

6سَبُواْدَ وَنَّنْ سَيْ نَكَڢَ عُمَرْنِ ثٜىٰوَ عَكِرَوُاْ مِنِ دُكَنْ مَاسُ حِكِمَ نَ بَابِيلَ دُواْمِنْ سُسَنَرْ مِنِ مَعَنَرْ وَنَّنْ مَڢَرْكِ؞

7سَيْ مَاسُ دَبُواْ دَ مَاسُ سِحِرِ دَ ڠُونَيٜىٰنْ ڟَاڢِ دَ مَاسُ يِنْ دُوبَادَ تَوْرَرِ سُكَذُواْ، نَكُوَ ڢَطَا مُسُ مَڢَرْكِنْ، عَمَّا بَسُ عِيَ ڢَطَا مِنِ مَعَنَرْسَبَ؞

8دَغَ بَايَ سَيْ وَنِ سَوْرَيِ مَيْ سُونَ دَانِيٜىٰلْ يَشِغُواْ؞ وَنَّنْ دَانِيٜىٰلْ كُوَ أَنْكُمَ سَنْ شِ دَ سُونَ بٜىٰلْتٜىٰشَظَّرْ، وَتُواْ سُونَنْ اللَّهْ‌نَ؞ شِے مُتُمْ نٜىٰ ثِكٜىٰ دَ رُوحٌ أَلُّواْلِ مَاسُ ڟَرْكِے؞ نَا كُوَ ڢَطَا مَسَ مَڢَرْكِنْدَ نَيِ، نَثٜىٰ،

9«يَا بٜىٰلْتٜىٰشَظَّرْ، شُوغَبَنْ مَاسُ دَبُواْ، تُنْدَيَكٜىٰ نَسَنْ رُوحٌ أَلُّواْلِ مَاسُ ڟَرْكِے يَنَ عَثِكِنْكَ، بَا وَنِ أَسِيرِنْ دَ ذَيْڢِ ڧَرْڢِنْ غَانٜىٰوَرْكَ؞ غَا مَڢَرْكِنْدَ نَيِ، سَيْ كَبَيَّنَ مِنِ مَعَنَرْسَ؞

10«غَا رُعُيَرْدَ نَغَنِ سَعَدَّ نَكٜىٰ ݣُونْثٜىٰ أَغَدُواْنَ؞ إِنَ كَلُّواْ، سَيْ نَغَ وَنِ إِتَاثٜىٰ أَڟَكِيَرْ دُونِيَا؞ إِتَاثٜىٰنْ كُوَ يَنَدَ ڟَيِ ڨُورَيْ؞

11إِتَاثٜىٰنْ يَيِ تَغِرْمَ، يَيِ ڧَرْڢِے حَرْ ڟَيِنْسَ يَكَيْ سَمَ، يَدَّ أَنَ عِيَ غَنِنْسَ دَغَ كُواْعِنَ عَدُونِيَا؞

12غَنْيٜىٰنْسَ مَاسُ ݣَنْ غَنِ نٜىٰ، كُمَ یَیَنْسَ سُنَانَنْ دَيَوَ، حَرْ سُنَ ثِيَرْدَ كُواْوَ دَ كُواْوَ؞ نَمُواْمِنْ دَاجِ سُنَ سَامُنْ إِنُوَ عَڧَرْڧَشِنْسَ، ڟُنْڟَيٜىٰنْ سَرَرِنْ سَمَ كُمَ سُنَ ذَمَ أَ رَسَّنْسَ؞ دُكَنْ مَاسُ رَيْ، أَغَرٜىٰشِ سُكٜىٰ سَامُنْ عَبِنْثِ؞

13«عَثِكِنْ وَنَّنْ رُعُيَرْدَ نَغَنِ سَعَدَّ نَكٜىٰ ݣُونْثٜىٰ أَغَدُواْ، سَيْ كُمَ غَ وَنِ مَلاَىِٕكَ مَيْ ڟَرْكِے، طَنْ سِنْتِرِ يَنَ سَوْكُواْوَ دَغَ سَمَ؞

14سَيْ يَيِ كِرَا دَ بَبَّرْ مُرْيَ يَثٜىٰ، ‹أَ سَارٜىٰ إِتَاثٜىٰنْ، عَيَيَّنْكَ رَسَّنْسَ، عَثِثِّرٜىٰ غَنْيٜىٰنْسَ كَكَڢْ، أَوَرْوَاڟَرْدَ یَیَنْسَ؞ أَ سَا نَمُواْمِنْ دَاجِ سُغُدُ دَغَ ڧَرْڧَشِنْسَ، ڟُنْڟَيٜىٰ كُمَ سُتَاشِ دَغَ رَسَّنْسَ؞

15عَمَّا عَبَرْ تُوشٜىٰنْ دَ سَيْوُاْيِنْسَ عَڧَسَا؞ سَيْ أَطَطَّوْرٜىٰشِ دَ سَرْڧَرْ بَڧِنْ ڧَرْڢٜىٰ دَ تَغُلَّ، عَبَرْ شِ ثِكِنْ طَنْيَرْ ثِيَوَ؞ بَرِ رَٻَ تَيِ تَجِڧٜىٰشِ، كُمَ يَيِ تَثِنْ ثِيَوَ تَرٜىٰدَ نَمُواْمِنْ دَاجِ؞

16بَرِ أَرَبَشِ دَ حَنْكَلِ إِرِنْ نَمُتَنٜىٰ، عَبَاشِ إِرِنْ نَدَبَّ؞ ذَيْ ذَوْنَ أَوَنَّنْ حَلِ حَرْ ڟَوُانْ لُواْكَثِ بَݣَويْ؞

17وَنَّنْ شِينٜىٰ حُكُنْثِنْ دَ یَنْ سِنْتِرِ سُكَ ڢَطَا، شِينٜىٰ مَتَاكِنْ دَ مَاسُ ڟَرْكِے سُكَ عُمَرْتَ، دُواْمِنْ دُكَنْ مَاسُ رَيْ سُسَنِ مَڢِے طَوْكَكَ شِينٜىٰ يَنَ مُلْكِ عَكَنْ دُكَنْ یَنْ أَدَمْ؞ شِينٜىٰ يَكَنْ بَادَ مُلْكِ غَ وَنْدَ يَغَ دَامَ، كُمَ يَكَنْ عِيَسَا تَلَكَ يَذَمَ سَرْكِے؞› »

18سَيْ سَرْكِے نٜىٰبُكَدْنٜىٰزَّرْ يَثٜىٰ «وَنَّنْ شِينٜىٰ مَڢَرْكِنْ دَنِے نَا يِ؞ كَيْ كُمَ بٜىٰلْتٜىٰشَظَّرْ، سَيْ كَڢَطَا مِنِ مَعَنَرْسَ، غَمَا دُكَنْ مَاسُ حِكِمَ نَثِكِنْ مُلْكِنَ بَسُ عِيَ ڢَطَا مِنِ مَعَنَرْسَبَ؞ عَمَّا كَيْ ذَاكَ عِيَ، غَمَا رُوحٌ أَلُّواْلِ مَاسُ ڟَرْكِے يَنَ ثِكِنْكَ؞»

19سَيْ دَانِيٜىٰلْ وَنْدَ عَكَ كُمَ سَنْ شِ دَ سُونَ بٜىٰلْتٜىٰشَظَّرْ، يَڟَيَ شِضُ نَطَنْ لُواْكَثِ أَ ضِكِثِے سَبُواْدَ تُنَانِنْسَ يَبَا شِ ڟُواْرُواْ؞ سَيْ سَرْكِے يَثٜىٰ مَسَ «بٜىٰلْتٜىٰشَظَّرْ، كَدَ كَبَرْ مَڢَرْكِنْ كُواْ مَعَنَرْسَ يَبَاكَ ڟُواْرُواْ؞» سَيْ بٜىٰلْتٜىٰشَظَّرْ يَأَمْسَ يَثٜىٰ «يَا مَيْغِرْمَ، بَرِ اللَّهْ يَسَا مَڢَرْكِنَّنْ دَ مَعَنَرْسَ سُذَمَ عَكَنْ أَبُواْكَنْ غَابَنْكَ!

20كَغَا وَنِ إِتَاثٜىٰ وَنْدَ يَيِ غِرْمَ يَيِ ڧَرْڢِے حَرْ ڟَيِنْسَ يَكَيْ سَمَ، حَرْ أَنَ عِيَ غَنِنْسَ دَغَ كُواْعِنَ عَدُونِيَا؞

21يَنَ دَ غَنْيٜىٰ مَاسُ ݣَوْ، یَیَنْسَ سُنَانَنْ دَيَوَ حَرْ سُنَ ثِيَرْدَ كُواْوَ دَ كُواْوَ؞ نَمُواْمِنْ دَاجِ سُنَ سَامُنْ إِنُوَ عَڧَرْڧَشِنْسَ، ڟُنْڟَيٜىٰ كُمَ سُنَ ذَمَ أَ رَسَّنْسَ؞

22يَا سَرْكِے، كَيْنٜىٰ وَنَّنْ إِتَاثٜىٰ؞ كَيْ نٜىٰ كَيِ غِرْمَ، كَيِ ڧَرْڢِے، غِرْمَنْكَ يَكَيْ حَرْ سَمَ، مُلْكِنْكَ كُمَ يَكَيْ كُواْعِنَ عَدُونِيَا؞

23«يَا سَرْكِے، سَعَدَّ كَكٜىٰ كَلُّواْ، سَيْغَا وَنِ مَلاَىِٕكَ مَيْ ڟَرْكِے، طَنْ سِنْتِرِ يَنَ سَوْكُواْوَ دَغَ سَمَ؞ يَنَ ثٜىٰوَ ‹أَ سَارٜىٰ إِتَاثٜىٰنَّنْ، أَ هَلَّكَ شِ، عَمَّا عَبَرْ تُوشٜىٰنْ دَ سَيْوُاْيِنْسَ ثِكِنْ ڧَسَا؞ أَ طَطَّوْرٜىٰ دَ سَرْڧَرْ بَڧِنْ ڧَرْڢٜىٰ دَ تَغُلَّ، عَبَرْ شِ أَطَنْيَرْ ثِيَوَ؞ بَرِ رَٻَ تَيِ تَجِڧٜىٰشِ، يَذَوْنَ تَرٜىٰدَ نَمُواْمِنْ دَاجِ حَرْ ڟَوُانْ لُواْكَثِ بَݣَويْ؞›

24«غَا مَعَنَرْسَ، يَا سَرْكِے! وَنَّنْ نٜىٰ عُمَرْنِنْ دَ مَڢِے طَوْكَكَ يَكَڢَ، ذَيْ ڢَاطُواْ وَ مَيْغِرْمَنَ سَرْكِے نٜىٰ؞

25ذَاعَكُواْرٜىٰكَ دَغَ ثِكِنْ مُتَنٜىٰ ذُوَا دَاجِ، ذَاكَ ذَوْنَ تَرٜىٰدَ نَمُواْمِنْ دَاجِ؞ ذَاكَ كَسَنْثٜىٰ حَكَ نَڟَوُانْ لُواْكَثِ بَݣَويْ، كَنَ ثِنْ ثِيَوَ كَمَرْ بِجِمِ، رَٻَ تَنَ جِڧٜىٰكَ؞ سَعَنً ذَاكَ سَنِ مَڢِے طَوْكَكَ نٜىٰ يَكٜىٰ مُلْكِ عَكَنْ یَنْ أَدَمْ، يَكَنْ كُمَ بَادَ مُلْكِ غَ وَنْدَ يَغَ دَامَ؞

26كَمَرْ يَدَّ عَكَ عُمَرْتَ عَبَرْ تُوشٜىٰنْ إِتَاثٜىٰنْ دَ سَيْوُاْيِنْسَ، حَكَنَنْ ذَاعَ تَبَّتَرْ مَكَ دَ مُلْكِنْكَ دَغَ لُواْكَثِنْدَ كَڢَارَ سَنِ ثٜىٰوَ مَيْ سَمَ نٜىٰ يَكٜىٰ مُلْكِ؞

27سَبُواْدَ حَكَ، يَا سَرْكِے، سَيْ كَكَرْٻِ شَوَرَاتَ، كَدَيْنَ ذُنُبَنْكَ كَيِ أَدَلْثِے؞ كَبَرْ مُغُنْتَارْكَ تَوُرِنْ عَيْكَتَ أَلْحٜىٰرِ غَ وَطَنْدَ عَكٜىٰيِ مُسُ دَنِّيَ؞ وَتَڧِيلَ ذَاعَ ڧَارَ ڟَوُانْ ذَمَنْكَ ثِكِنْ سَلَمَ؞»

28دُكَنْ أَبُبُوَنْ دَ دَانِيٜىٰلْ يَڢَطَا، سُنْ ڢَرُ دَ سَرْكِے نٜىٰبُكَدْنٜىٰزَّرْ؞

29أَنَانً بَايَنْ وَتَا غُواْمَشَا بِيُ، سَعَدَّ سَرْكِے يَكٜىٰ ذَاغَيَ عَكَنْ رُڢِنْ غِدَنْسَ عَ بَابِيلَ،

30سَيْيَثٜىٰ «أَشٜىٰ، بَوَنَّنْ عِتَثٜىٰ بَابِيلَ بَبَّ وَدَّ نِے دَكَيْنَ نَغِنَ دَ ڧَرْڢِنْ إِيكُواْنَبَ؟ بَنِينٜىٰ نَا غِنَتَ دُواْمِنْ تَذَمَ غِدَنْ مُلْكِنَبَ؟ بَنِينٜىٰ نَا غِنَتَ دُواْمِنْ دَرَجَرْ طَوْكَكَتَبَ؟»

31كَاڢِنْ سَرْكِے يَرُڢٜىٰ بَاكِ، سَيْغَا مُرْيَ دَغَ سَمَ تَنَثٜىٰوَ «يَا سَرْكِے نٜىٰبُكَدْنٜىٰزَّرْ دَكَيْ عَكٜىٰ مَغَنَ! يَنْذُ إِيكُوانْ مُلْكِنْكَ يَرَبُ دَكَيْ!

32ذَاعَكُمَ كُواْرٜىٰكَ دَغَ ثِكِنْ مُتَنٜىٰ ذُوَا دَاجِ، ذَاكَ ذَوْنَ تَرٜىٰدَ نَمُواْمِنْ دَاجِ؞ ذَاكَ كَسَنْثٜىٰ حَكَ نَڟَوُانْ لُواْكَثِ بَݣَويْ، كَنَ ثِنْ ثِيَوَ كَمَرْ بِجِمِ؞ سَعَنً ذَاكَسَنِ ثٜىٰوَ مَڢِے طَوْكَكَ نٜىٰ يَكٜىٰ مُلْكِ عَكَنْ یَنْ أَدَمْ، يَكَنْ كُمَ بَادَ مُلْكِ غَ وَنْدَ يَغَ دَامَ؞»

33نَنْ دَنَنْ سَيْ أَبِنْدَ عَكَ ڢَطَا عَكَنْ نٜىٰبُكَدْنٜىٰزَّرْ يَثِكَ؞ عَكَ كُواْرٜىٰشِ دَغَ ثِكِنْ مُتَنٜىٰ ذُوَا دَاجِ؞ يَشِغَ ثِنْ ثِيَوَ كَمَرْ بِجِمِ؞ جِكِنْسَ يَجِڧٜىٰ دَ رَٻَ، حَرْ غَاشِنْسَ يَيِ ڟَوُاْ كَمَرْ غَاشِنْ غَغَّڢَ، ڧُمْبَرْسَ كُمَ سُكَيِ ڟَوُاْ كَمَرْ نَڟُنْڟُ؞

34عَڧَرْشٜىٰنْ ݣُونَكِنَّنْ، سَيْ نِے نٜىٰبُكَدْنٜىٰزَّرْ، نَطَغَ عِدُواْ سَمَ، سَيْ حَنْكَلِنَ يَكُواْمُواْ مِنِ؞ نَكُوَ غِرْمَمَ مَڢِے طَوْكَكَ ، نَيَبٜىٰشِ، نَغِرْمَمَشِ، شِے وَنْدَ يَكٜىٰ رَايٜىٰ حَرْ أَبَدَا؞ غَمَا مُلْكِنْسَ مُلْكِنٜىٰ نَهَرْ أَبَدَا، مُلْكِنْسَ دَغَ ڟَارَا ذُوَا ڟَارَنٜىٰ؞

35دُكَنْ مَذَوْنَنْ دُونِيَا بَعَبَاكِنْ كُواْمٜىٰ سُكٜىٰ أَغَرٜىٰشِيبَ؞ يَكَنْيِ يَدَّ يَغَ دَامَ دَ حَلِتُّنْ سَمَ، يَكُمَيِ يَدَّ يَغَ دَامَ دَ مَذَوْنَنْ دُونِيَا؞ بَا مَيْ هَنَشِ، بَا مَيْثٜىٰمَسَ، «مٜىٰ كَكٜىٰيِ؟»

36أَوَنَّنْ لُواْكَثِ كُوَ، سَيْ حَنْكَلِنَ يَكُواْمُواْ مِنِ، سَيْ عَكَ مَيَرْ مِنِ دَ غِرْمَنَ دَ دَرَجَتَ دُواْمِنْ طَوْكَكَرْ مُلْكِنَ تَدَاوُاْ؞ مَاسُ بَانِ شَوَرَا دَ دَتَّاوَنَ سُكَ نٜىٰمُواْنِ؞ بَنْدَ حَكَمَا، عَكَ مَيَرْ مِنِ دَ إِيكُوانْ مُلْكِنَ عَكَ كُمَ ڧَارَ مِنِ غِرْمَ ڢِيٜىٰدَ نَدَا؞

37يَنْذُ نِے نٜىٰبُكَدْنٜىٰزَّرْ، إِنَ يَبُوانْ سَرْكِنْ سَمَ، إِنَ طَوْكَكَاشِ، إِنَ كُمَ غِرْمَمَشِ! دُكَنْ أَيُّكَنْسَ دَيْدَيْنٜىٰ، دُكَنْ هَنْيُواْيِنْسَ كُمَ غَسْكِيَ نٜىٰ! يَنَ دَ إِيكُواْ يَڧَسْڧَنْتَرْ دَ وَطَنْدَ سُكٜىٰ تَڢِيَ ثِكِنْ غِرْمَنْ كَيْ؞

← Chapter 3 Jump to: Chapter 5 →