Daniel 2

Hausa Arabic 2020 (أَتَّوْرَتْ دَ أَنَّبَاوَا)

1أَ شٜىٰكَرَا تَبِيُ تَمُلْكِنْسَ، سَرْكِے نٜىٰبُكَدْنٜىٰزَّرْ يَيِ مَڢَرْكِ؞ مَڢَرْكِنْ كُوَ يَدَامٜىٰشِ ڨُورَيْ حَرْ بَرْثِ يَغَغَرٜىٰشِ؞

2سَيْ سَرْكِے يَبَادَ عُمَرْنِ ثٜىٰوَ دُكَنْ مَاسُ دَبُواْ دَ مَاسُ دُوبَادَ مَاسُ سِحِرِ دَ ڠُونَيٜىٰنْ ڟَاڢِ سُذُواْ سُڢَسَّرَ مَسَ مَڢَرْكِنْ دَ يَيِ؞ دَ سُكَذُواْ سُكَ ڟَيَ أَغَبَنْ سَرْكِے،

3سَيْ سَرْكِے يَثٜىٰ مُسُ «نَيِ وَنِ مَڢَرْكِ، وَنْدَ يَدَامٜىٰنِ سُواْسَيْ أَ ذُوثِيَاتَ، سَبُواْدَ بَنْ سَنْ مَعَنَرْسَبَ؞»

4سَيْ ڠُونَيٜىٰنْ ڟَاڢِ سُكَيِ مَغَنَ دَ سَرْكِے عَيَرٜىٰنْ أَرَمَيَ، سُكَثٜىٰ «رَنْ سَرْكِے يَدَطٜىٰ! كَڢَطَا وَبَايِنْكَ مَڢَرْكِنْ، ذَامُ كُوَ بَيَّنَ مَكَ مَعَنَرْسَ؞»

5سَيْ سَرْكِے يَأَمْسَا وَ ڠُونَيٜىٰنْ ڟَاڢِنْ يَثٜىٰ «تُواْ، غَا أَبِنْدَ نَڟَيَ عَكَيْ، إِنَ تَبَّتَرْ مُكُ عِدَنْ بَكُ عِيَ ڢَطَا مِنِ مَڢَرْكِنْ دُكْ دَ مَعَنَرْسَبَ، تُواْ، ذَاعَ يَيَّنْكَاكُ غَٻَ غَٻَ، عَكُمَ مَيْدَ غِدَاجٜىٰنْكُ كُڢَيْ؞

6عَمَّا عِدَنْ كُنْ ڢَطَا مِنِ مَڢَرْكِنْ دُكْ دَ مَعَنَرْسَ، تُواْ، إِنَ تَبَّتَرْ مُكُ ذَنْبَاكُ لَادَ دَ ݣَوْتَيْ دَ غِرْمَ مَيْ يَوَ؞ دُواْمِنْ حَكَ سَيْ كُڢَطَا مِنِ مَڢَرْكِنْ دُكْ دَ مَعَنَرْسَ؞»

7سُكَ سَاكٜىٰ أَمْسَ مَسَ سُكَثٜىٰ «بَرِ سَرْكِے يَڢَطَا وَبَايِنْسَ مَڢَرْكِنْ تُكُنَ، مُو كُوَ ذَامُ ڢَطَا مَكَ مَعَنَرْسَ؞»

8سَرْكِے كُوَ يَأَمْسَ يَثٜىٰ «نَا سَنِ كُنَ ڧُواْڧَرِ كُٻَاتَ لُواْكَثِ نٜىٰ كَوَيْ دُواْمِنْ كُنْ سَنْ أَبِنْدَ نَارِغَا نَا ڟَيَ عَكَيْ؞

9عِدَنْ بَكُ ڢَطَا مِنِ مَڢَرْكِنْ بَ، كُدَيْ سَنِ ثٜىٰوَ حُكُنْثِنْ كِسَا نٜىٰ يَكٜىٰ جِضَانْكُ؞ كُكَنْ حَطَ بَاكِ نٜىٰ دُواْمِنْ كُيِ مِنِ مَغَنْ‌غَنُنْ ڧَضْيَا نَوُاْڢِ حَرْ سَيْ لُواْكَثِنْ دَ دَامُوَرْ دَمُكٜىٰ عَثِكِ تَوُثٜىٰ؞ تُواْ، يَنْذُ سَيْ كُڢَطَا مِنِ مَڢَرْكِنْ، تَهَكَ كُوَ ذَنْ سَنِ ثٜىٰوَ ذَاكُ عِيَ ڢَطَا مِنِ مَعَنَرْسَ؞»

10سَعَنً ڠُونَيٜىٰنْ ڟَاڢِنْ سُكَ أَمْسَ وَسَرْكِے سُكَثٜىٰ «أَ دُكَنْ ڢَاطِنْ دُونِيَرْ نَنْ، بَابُوَنِ وَنْدَ ذَيْ عِيَيِنْ أَبِنْدَ سَرْكِے يَكٜىٰثٜىٰ عَيِ؞ حَڧِيڧَ، بَا وَنِ سَرْكِے وَنْدَ يَتَٻَ يِنْ إِرِنْ وَنَّنْ تَمْبَيَ أَوُرِنْ مَيْ سِحِرِ، كُواْ مَيْ دَبُواْ، كُواْ وَنِ ڠُونِنْ ڟَاڢِ؞

11أَبِنَّنْ دَ سَرْكِے يَكٜىٰسُواْ عَيِمَسَ يَنَدَ وُيَ سُواْسَيْ، بَابُ طَنْ أَدَمْ وَنْدَ ذَيْ عِيَ بَيَّنَ وَسَرْكِے وَنَّنْ أَبُ، سَيْدَيْ كُواْ أَلُّواْلِ وَطَنْدَ بَاسَ ذَمَ تَرٜىٰدَ یَنْ أَدَمْ؞»

12دَجِنْ حَكَ سَرْكِے يَٻَرْكٜىٰ دَ ڢُشِے مَيْ ذَاڢِ ڨُورَيْ، يَعُمَرْتَ عَكَكَّشٜىٰ دُكَنْ مَاسُ حِكِمَ عَ بَابِيلَ؞

13سَيْ عَكَ ڢِتَرْدَ عُمَرْنِ ثٜىٰوَ عَكَكَّشٜىٰ مَاسُ حِكِمَ؞ عَكَ كُمَ نٜىٰمِ دَانِيٜىٰلْ دَ أَبُواْكَنْسَ دُواْمِنْ عَكَشٜىٰسُ؞

14سَعَدَّ أَرِيُواكْ، شُوغَبَنْ یَنْ غَادِنْ سَرْكِے يَڢِتَ دُواْمِنْ يَكَكَّشٜىٰسُ، سَيْ دَانِيٜىٰلْ يَأَمْسَ وَ أَرِيُواكْ ثِكِنْ حَنْكَلِ دَ حِكِمَ، يَثٜىٰ،

15«مٜىٰيَسَا عَكٜىٰ غَغَّاوَنْ عَيْكَتَ عُمَرْنِنْ سَرْكِے حَكَ؟» سَيْ أَرِيُواكْ يَبَيَّنَاوَ دَانِيٜىٰلْ أَبِنْدَ يَڢَرُ؞

16سَبُواْدَ حَكَ دَانِيٜىٰلْ يَشِغَ وُرِنْ سَرْكِے، يَضُواْڧٜىٰشِ يَبَاشِ لُواْكَثِ دُواْمِنْ يَبَيَّنَ مَسَ مَعَنَرْ مَڢَرْكِنْ؞

17سَيْ دَانِيٜىٰلْ يَتَڢِے غِدَنْسَ، يَڢَطَا وَ أَبُواْكَنْسَ هَنَنِيَ دَ مِشَيٜىٰلْ دَ أَظَرِيَ أَبِنْدَ يَكٜىٰ ڢَرُوَ؞

18يَڢَطَا مُسُ سُنٜىٰمِ جِنْڧَيْ دَغَ وُرِنْ اللَّهْ نَ سَمَ غَمٜىٰدَ وَنَّنْ أَسِيرِنْدَ يَشَا ڧَرْڢِنْ غَانٜىٰوَ، دُواْمِنْ كَدَ دَانِيٜىٰلْ دَ أَبُواْكَنْسَ سُهَلَّكَ تَرٜىٰدَ سَوْرَنْ مَاسُ حِكِمَ عَ بَابِيلَ؞

19سَيْ عَكَ بَيَّنَوَ دَانِيٜىٰلْ أَسِيرِنْ تَثِكِنْ رُعُيَ دَ دَرٜىٰ؞ دَغَ نَنْ دَانِيٜىٰلْ يَيَبِے اللَّهْ نَ سَمَ؞

20سَيْ دَانِيٜىٰلْ يَثٜىٰ، «يَبُواْ يَتَبَّتَا غَ سُونَنْ اللَّهْ دَغَ يَنْذُ حَرْ أَبَدَا، وَنْدَ حِكِمَ دَ إِيكُواْ نَاسَنٜىٰ؞

21شِينٜىٰ مَيْ ثَنْجَ لُواْكَتَيْ دَ يَنَيِنْ شٜىٰكَرَا، يَكَنْ تُوٻٜىٰ سَرَاكُنَ، يَكُمَ نَطَ وَطَنْسُ؞ شِينٜىٰ مَيْ بَادَ حِكِمَ غَ مَيْ حِكِمَ، غَانٜىٰوَ كُمَ غَ مَيْ سَنِ؞

22شِينٜىٰ مَيْ بَيَّنَ ظُرْڢَڢَّنْ أَسِرَيْ مَاسُ وُيَرْ غَانٜىٰوَ، يَسَنْ أَبِنْدَ يَكٜىٰ ثِكِنْ دُهُ، كٜىٰوَيٜىٰ دَشِ كُوَ سَيْ حَصْكٜىٰ؞

23يَا اللَّهْ نَ كَاكَنِّنَ، أَغَرٜىٰكَ نَكٜىٰ بَادَ غُواْدِيَ دَ يَبُواْ؞ غَمَا كَا بَانِ حِكِمَ دَ إِيكُواْ، كَا سَنَرْ مِنِ أَبِنْدَ مُكَ ضُواْڧَا، كَا سَنَرْ مَنَ مَڢَرْكِنْدَ يَدَامِ سَرْكِے؞»

24سَعَنً دَانِيٜىٰلْ يَتَڢِے وُرِنْ أَرِيُواكْ وَنْدَ سَرْكِے يَسَا يَكَكَّشٜىٰ مَاسُ حِكِمَ نَ بَابِيلَ؞ يَثٜىٰ مَسَ «كَدَ كَكَكَّشٜىٰ مَاسُ حِكِمَ نَ بَابِيلَ؞ كَكَيْنِ غَبَنْ سَرْكِے، نِے كُوَ ذَنْ ڢَطَا وَسَرْكِے مَعَنَرْ مَڢَرْكِنْسَ؞»

25نَنْ دَ نَنْ أَرِيُواكْ يَكَيْ دَانِيٜىٰلْ غَبَنْ سَرْكِے، يَثٜىٰ مَسَ «نَسَامِ وَنِ دَغَ ثِكِنْ وَطَنْدَ عَكَ كَامَ ذُوَا بَوْتَادَغَ ڧَسَرْ يَهُودَ وَنْدَ ذَيْ عِيَ ڢَطَا وَسَرْكِے مَعَنَرْ مَڢَرْكِنْ؞»

26سَيْ سَرْكِے يَثٜىٰ وَ دَانِيٜىٰلْ وَنْدَ أَنْكُمَ سَنْشِ دَ سُونَ بٜىٰلْتٜىٰشَظَّرْ «ذَاكَ عِيَ ڢَطَا مِنِ مَڢَرْكِنْدَ نَيِ دُكْ دَ مَعَنَرْسَ؟»

27دَانِيٜىٰلْ يَأَمْسَ يَثٜىٰ، «رَنْكَيَدَطٜىٰ! بَابُ مَاسُ حِكِمَ، كُواْ مَاسُ دُوبَا، كُواْ مَاسُ دَبُواْ، كُواْ مَاسُ يِنْ دُوبَادَ تَوْرَرِ وَطَنْدَ ذَاسُ عِيَ سُڢَطَا وَسَرْكِے أَسِيرِنَّنْ دَيَكٜىٰ دَامُنْسَ؞

28عَمَّا إِنَ سُواْ إِنْ تَبَّتَرْوَ سَرْكِے ثٜىٰوَ أَݣَويْ اللَّهْ أَ سَمَ وَنْدَ شِينٜىٰ مَيْ بَيَّنَ أَسِرَيْ؞ وَنَّنْ اللَّهْ شِينٜىٰ يَسَنَرْ وَسَرْكِے أَبِنْدَ ذَيْ ڢَرُ نَنْ غَبَ؞ رَنْكَيَدَطٜىٰ! تُواْ، يَنْذُ ذَنْ ڢَطَا مَكَ مَڢَرْكِ دَ رُعُيَرْدَ كَغَنِ، سَعَدَّ كَكٜىٰ ݣُونْثٜىٰ عَكَنْ غَدُوانْكَ؞

29«رَنْكَيَدَطٜىٰ يَا سَرْكِے! سَعَدَّ كَكٜىٰ ݣُونْثٜىٰ عَكَنْ غَدُوانْكَ، سَيْ تُنَانِنْ أَبِنْدَ ذَيْ ڢَرُ نَنْ غَبَ يَذُواْ مَكَ؞ شِ كُمَ مَيْ بَيَّنَ أَسِرَيْ يَنُونَ مَكَ أَبِنْدَ ذَيْ ڢَرُ نَنْ غَبَ؞

30عَمَّا نِے كُوَ، عَكَ بَيَّنَ مِنِ وَنَّنْ أَسِيرِ بَسَبُواْدَ إِنَدَ وَتَ حِكِمَ ڢِيٜىٰدَ سَوْرَنْ مُتَنٜىٰبَ؞ دَلِيلِنْ دَ عَكَ بَيَّنَ مِنِ أَسِيرِنْ شِينٜىٰ دُواْمِنْ أَڢَطَا مَكَ مَعَنَرْ مَڢَرْكِنْكَ، كَكُمَ غَانٜىٰ تُنَانِنْدَ يَشِغَ ذُوثِيَارْكَ؞

31«يَا سَرْكِے، عَثِكِنْ مَڢَرْكِنْكَ يَايِنْ دَ كَكٜىٰ كَلُّواْ، سَيْغَا وَنِ بَبَّنْ غُنْكِنْ ظِينَارِيَ مَيْ وَلْڧِيَ؞ غُنْكِنَّنْ، غَنِنْسَ يَنَدَ بَنْ ڟُواْرُواْ، يَنَ ڟَيٜىٰ أَغَبَنْكَ؞

32أَنْيِ كَنْ غُنْكِنَّنْ دَ ظَلَّرْ ظِينَارِيَ؞ ڧِرْجِنْسَ دَ حَنُّنْسَ، أَنْيِسُ دَ أَظُرْڢَا، ثِكِنْسَ دَ ثِنْيُواْيِنْسَ، أَنْيِسُ دَ تَغُلَّ،

33ڧَڢَاڢُنْسَ، أَنْيِسُ دَ بَڧِنْ ڧَرْڢٜىٰ، تَڢِنْ ڧَڢَاڢُنْسَ كُمَ، أَنْيِسُ دَ بَڧِنْ ڧَرْڢٜىٰ غَوْرَايٜىٰ دَ لَاكَ؞

34سَعَدَّ كَكٜىٰ ثِكِنْ كَلُّواْ، سَيْ كَغَ وَنِ دُوڟٜىٰ يَٻَرْكٜىٰ، كُمَ بَ دَ حَنُّنْ طَنْ أَدَمْ بَ، سَيْ دُوڟٜىٰنْ يَبُغِ ڧَڢَاڢُنْ غُنْكِنْ، يَڢَرْڢَشٜىٰ ڧَڢَاڢُنْسَ نَبَڧِنْ ڧَرْڢٜىٰ غَوْرَايٜىٰ دَ لَاكَ؞

35سَعَنً بَڧِنْ ڧَرْڢٜىٰنْ دَ لَكَرْ دَ تَغُلَّرْ دَ أَظُرْڢَرْ دَ ظِينَارِيَرْ دُكَ سُكَ ڢَرْڢَشٜىٰ سُكَ ذَمَ كَمَرْ ڧُورَرْ ڧَسَا وَدَّ إِسْكَ تَݣُوشٜىٰ حَرْ بَعَ عِيَ غَنِنْ كُواْ عَلَمَرْسُبَ؞ عَمَّا وَنَّنْ دُوڟٜىٰنْدَ يَبُغِ غُنْكِنْ، يَجُويَ يَذَمَ بَبَّنْ تُدُ حَرْ يَثِكَ دُونِيَا دُكَ؞

36«وَنَّنْ شِينٜىٰ مَڢَرْكِنْ، يَنْذُ كُمَ ذَامُ ڢَطَا وَسَرْكِے مَعَنَرْسَ؞

37يَا كَيْ سَرْكِے، كَيْنٜىٰ سَرْكِنْ سَرَاكُنَ وَنْدَ اللَّهْ نَ سَمَ يَبَاكَ مُلْكِ دَ إِيكُواْ دَ ڧَرْڢِے دَ دَرَجَ؞

38أَ حَنُّنْكَنٜىٰ اللَّهْ يَبَادَ دُكَنْ یَنْ أَدَمْ دَ دَبُّواْبِنْ دَاجِ دَ ڟُنْڟَيٜىٰنْ سَرَرِنْ سَمَ؞ كَيْ نٜىٰ كُمَ يَبَاكَ مَلَّكَرْسُ دُكَ؞ كَيْنٜىٰ كَنْ ظِينَارِيَرْ نَنْ نَغُنْكِنْ مُتُمْ؞

39عَبَايَنْكَ ذَاعَيِ وَنِ مُلْكِ وَنْدَ بَيْكَيْ كَمَرْ نَاكَبَ؞ بَايَنْ وَنَّنْ ذَاعَيِ وَنِ مُلْكِ كُمَ نَعُكُ مَيْ دَرَجَرْ تَغُلَّ، وَنْدَ ذَيْ مَلَّكِ دُكَنْ دُونِيَا؞

40ذَاعَكُمَيِ مُلْكِ نَهُطُ، مَيْ ڧَرْڢِے كَمَرْ بَڧِنْ ڧَرْڢٜىٰ؞ كَمَرْ يَدَّ بَڧِنْ ڧَرْڢٜىٰ يَكَنْ ڢَرْڢَشٜىٰ كُواْمٜىٰ، حَكَنَنْ وَنَّنْ مُلْكِ ذَيْ ڢَرْڢَشٜىٰ سَوْرَنْ مُلْكُواْكِ؞

41كَمَرْ يَدَّ كَكُمَغَ أَنْيِ ڧَڢَاڢُنْ دَ يَڟُنْ دَ بَڧِنْ ڧَرْڢٜىٰ غَوْرَايٜىٰ دَ لَاكَ، وَنَّنْ يَنُونَ ثٜىٰوَ مُلْكٍ ذَيْ رَبُ، عَمَّا ذَيْ كَسَنْثٜىٰ دَ طَنْ ڧَرْڢِے دُواْمِنْ أَݣَويْ بَڧِنْ ڧَرْڢٜىٰ غَوْرَايٜىٰ دَ لَاكَ؞

42كَمَرْ يَدَّ أَنْيِ يَڟُنْ ڧَڢَاڢُنْ دَ بَڧِنْ ڧَرْڢٜىٰ غَوْرَايٜىٰ دَ لَاكَ، حَكَنَنْ مُلْكٍ ذَيْ كَسَنْثٜىٰ غَوْرَايٜىٰ دَ ڧَرْڢِے دَ رَشِنْ ڧَرْڢِے؞

43كَمَرْ يَدَّ كَغَ بَڧِنْ ڧَرْڢٜىٰنْ غَوْرَايٜىٰ دَ لَاكَ، حَكَنَنْ مَاسُ مُلْكُواْكِنْ ذَاسُ غَوْرَايٜىٰ دَ جُونَ تَوُرِنْ يِنْ عَوْرٜىٰ، عَمَّا دُكْدَهَكَ بَذَاسُ حَطُ دَ جُونَ بَ، كَمَرْ يَدَّ بَڧِنْ ڧَرْڢٜىٰ دَ لَاكَ بَاسَ حَطُوَ؞

44عَݣُونَكِنْ وَطَنَّنْ سَرَاكُنَ، اللَّهْ نَ سَمَ ذَيْ كَڢَ وَنِ مُلْكِ وَنْدَ بَذَيْ تَٻَ رُشٜىٰوَ بَ حَرْ أَبَدَا، بَكُمَ ذَاعَ بَا وَطَنْسُ سُغَاجٜىٰشِيبَ؞ مُلْكِنَّنْ ذَيْ ڢَرْڢَشٜىٰ دُكَنْ وَطَنَّنْ مُلْكُواْكِ، يَكَٰوُاْ ڧَرْشٜىٰنْسُ؞ عَمَّا مُلْكِنَّنْ ذَيْ كَسَنْثٜىٰ حَرْ أَبَدَا؞

45غَا مَعَنَرْ مَڢَرْكِنْ دُوڟٜىٰنْدَ كَغَنِ؞ عَثِكِنْ مَڢَرْكِنْ كَغَ دُوڟٜىٰ يَٻَرْكٜىٰ دَغَ بَبَّنْ تُدُ، كُمَ بَ دَ حَنُّنْ طَنْ أَدَمْ بَ، حَرْ يَڢَرْڢَشٜىٰ بَڧِنْ ڧَرْڢٜىٰنْ دَ تَغُلَّرْ دَ لَكَرْ دَ أَظُرْڢَرْ دَ ظِينَارِيَرْ؞ تُواْ، اللَّهْ مَطَوْكَكِ يَنَ سَنَرْوَ سَرْكِے أَبِنْدَ ذَيْ ڢَرُ نَنْ غَبَ كٜىٰنَنْ؞ مَڢَرْكِنْ تَبَّتَاثّٜىٰنٜىٰ، مَعَنَرْسَ كُمَ غَسْكِيَثٜىٰ؞»

46دَ سَرْكِے نٜىٰبُكَدْنٜىٰزَّرْ يَجِ وَنَّنْ كُوَ سَيْ يَڢَاطِ أَغَبَنْ دَانِيٜىٰلْ، يَغِرْمَمَ شِ؞ سَعَنً يَعُمَرْتَ أَ مِيڧَ هَدَايَ تَهَڟِ دَ هَدَايَ تَتُرَارٜىٰ غَ دَانِيٜىٰلْ؞

47سَرْكِنْ يَكُمَ ثٜىٰ وَ دَانِيٜىٰلْ «حَڧِيڧَ، اللَّهْ نْكَ، اللَّهْ نَ أَلُّواْلِنٜىٰ دَ مَيْ مُلْكٍ سَرَاكُنَ، مَيْ بَيَّنَ أَسِرَيْ، غَمَا كَا عِيَ بَيَّنَ وَنَّنْ أَسِيرِ!»

48سَيْ سَرْكِے يَبَا دَانِيٜىٰلْ غِرْمَ مَيْ يَوَ دَ مَنْيَ مَنْيَنْ ݣَوْتَيْ مَاسُيَوَ؞ يَنَطَشِ مَيْمُلْكِ بِسَ دُكَنْ يَنْكِنْ بَابِيلَ؞ يَكُمَ نَطَشِ شُوغَبَنْ دُكَنْ مَاسُ حِكِمَ نَ بَابِيلَ؞

49سَيْ دَانِيٜىٰلْ يَضُواْڧِ سَرْكِے أَمَدَدِنْ أَبُواْكَنْسَ، سَرْكِے كُوَ يَنَطَ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُذَمَ مَاسُ كُلَ دَ أَلْعَمُرَنْ يَنْكِنْ بَابِيلَ؞ عَمَّا دَانِيٜىٰلْ يَكَسَنْثٜىٰ عَثِكِنْ غِدَنْ سَرْكِے؞

← Chapter 1 Jump to: Chapter 3 →