Daniel 12

Hausa Arabic 2020 (أَتَّوْرَتْ دَ أَنَّبَاوَا)

← Chapter 11 Jump to:

1مَيْ كَمَنِّنْ طَنْ أَدَمْ يَثِيغَبَدَ مَغَنَ يَثٜىٰ «أَوَنَّنْ لُواْكَثِ مِيكَآءِيلُ، مَلاَىِٕكَ شُوغَبَنْ جَمَعَرْكَ ذَيْ تَاشِ يَطَوْكِ مَتَاكِ؞ ذَاعَيِ ݣُونَكِنْ عَذَابَ إِرِ وَدَّ بَعَتَٻَيِبَ تُنْدَ عَكَيِ دُونِيَا؞ عَمَّا أَ لُواْكَثِنْ، ذَاعَ كُٻُتَرْ دَ جَمَعَرْكَ، دُكْ وَنْدَ عَكَ رُبُوتَ سُونَنْسَ عَثِكِنْ لِتَّڢِنْ؞

2دَ يَوَ دَغَ ثِكِنْ وَطَنْدَ سُكَيِ بَرْثِ ثِكِنْ ڧُورَرْ ڧَسَا ذَاسُ تَاشِ، وَطَنْسُ ذُوَا رَيْ مَدَوَّمِ، وَطَنْسُ كُوَ ذُوَا كُنْيَا دَ مَدَوَّمِنْ ڧَسْڧَنْثِ؞

3وَطَنْدَ سُكٜىٰ دَ حِكِمَ ذَاسُ حَصْكَكَ كَمَرْ سَرَرِنْ سَمَ، وَطَنْدَ كُمَ سُكَسَا مُتَنٜىٰ سُكَ جُويَا ذُوَا رَايُوَرْ أَدَلْثِے، ذَاسُ حَصْكَكَ كَمَرْ تَوْرَرِ حَرْ أَبَدَا أَبَدِنْ؞

4«عَمَّا كَيْ دَانِيٜىٰلْ، سَيْ كَكُلّٜىٰ مَغَنَرْ، كَكُمَ رُڢٜىٰ لِتَّڢِنْ دَ هَاتِمِ حَرْ ذُوَا ݣُونَكِنْ ڧَرْشٜىٰ؞ مُتَنٜىٰ دَيَوَ ذَاسُيِ تَكَيْوَ دَ كَٰوُاْوَ، سُنَ نٜىٰمَنْ ڧَارُوَرْ سَنِ؞»

5سَعَنً نِے دَانِيٜىٰلْ إِنَ ثِكِنْ كَلُّواْ، سَيْغَا وَطَنْسُ بِيُ أَڟَيٜىٰ، طَيَ أَوَنَّنْ غٜىٰڢٜىٰنْ كُواْغِنْ، طَيَ كُمَ أَوَنْثَنْ غٜىٰڢٜىٰ؞

6طَيَنْسُ يَتَمْبَيِ مُتُمِنْ دَيَكٜىٰ سَنْيٜىٰ دَ رِغَرْ لِيلِنْ، وَنْدَ يَكٜىٰ عَبِسَنْ ضُوً كُواْغِنْ «سَيْ يَوْشٜىٰ وَطَنَّنْ أَيُّكَنْ بَنْ مَامَاكِ ذَاسُ ڧَارٜىٰ؟»

7مُتُمِنْ دَيَكٜىٰ سَنْيٜىٰ دَ رِغَرْ لِيلِنْ وَنْدَ يَكٜىٰ عَبِسَنْ ضُوً كُواْغِنْ، يَطَغَ حَنُّوَنْسَ بِيُ سَمَ؞ سَيْنَجِ يَرَنْڟٜىٰ دَ وَنْدَ يَكٜىٰ رَايٜىٰ حَرْ أَبَدَا ثٜىٰوَ «ذَاعَيِ لُواْكَثِ طَيَ دَ لُواْكَتَيْ دَ رَبِنْ لُواْكَثِ؞ سَعَدَّ عَكَ رُشٜىٰ إِيكُوانْ جَمَعَ مَيْ ڟَرْكِے، دُكَنْ وَطَنَّنْ ذَاسُثِكَ؞»

8نَجِ أَبِنْدَ يَڢَطَا، عَمَّا بَنْ غَانٜىٰبَ؞ سَيْ نَثٜىٰ «يَا مَيْغِرْمَ، مٜىٰنٜىٰنٜىٰ ڧَرْشٜىٰنْ وَطَنَّنْ أَبُبُوَ؟»

9سَيْ يَثٜىٰ «يِ تَڢِيَرْكَ، دَانِيٜىٰلْ، غَمَا أَنْكُلّٜىٰ مَغَنَرْ، أَنْكُمَ رُڢٜىٰتَ دَ هَاتِمِ حَرْ ݣُونَكِنْ ڧَرْشٜىٰ؞

10ذَاعَ تَثٜىٰ مُتَنٜىٰ دَيَوَ، عَكُمَ ڟَبْتَثٜىٰسُ، سُذَمَ مَرَسَ تَبُواْ، عَمَّا مُوغَيٜىٰ ذَاسُيِ تَعَيْكَتَ مُغُنْتَارْسُ؞ دَغَ ثِكِنْ مُوغَيٜىٰ، بَاوَنْدَ ذَيْ غَانٜىٰ، عَمَّا وَطَنْدَ سُكٜىٰ دَ حِكِمَ ذَاسُ غَانٜىٰ؞

11تُنْدَغَ لُواْكَثِنْ دَ ذَاعَ حَنَ مِيڧَ هَدَايَ تَڧُواْنَاوَا تَيَوْ دَ كُلُّمْ، عَكُمَ كَڢَ أَبِنْ ڧَظَنْتَا مَيْ كَٰوُاْ هَلَّكَرْوَ، ذَاعَيِ ݣُونَ دُبُو دَ طَرِے بِيُ دَ ثَسَعِنْ؞

12مَيْ أَلْبَرْكَ نٜىٰ دُكْ وَنْدَ يَجِمْرٜىٰ حَرْ يَكَيْ غَ ڧَرْشٜىٰنْ ݣُونَ دُبُو دَ طَرِے عُكُ دَ تَلَاتِنْ دَ بِيَرْ؞

13«عَمَّا كَيْ دَيْ، يِتَڢِيَرْكَ حَرْ ڧَرْشٜىٰ؞ ذَاكَيِ بَرْثِ، عَڧَرْشٜىٰنْ ݣُونَكِے كُوَ ذَاكَ تَاشِ كَكَرْٻِ نَاكَ رَبُوانْ غَادُواْ؞»

← Chapter 11 Jump to: