Daniel 10

Hausa Arabic 2020 (أَتَّوْرَتْ دَ أَنَّبَاوَا)

← Chapter 9 Jump to: Chapter 11 →

1أَ شٜىٰكَرَا تَ عُكُ تَمُلْكٍ سَرْكِے سَيِرُسْ نَ ڢَٰشِيَ، سَيْ عَكَ بَيَّنَ سَڧُواْ وُرِنْ دَانِيٜىٰلْ وَنْدَ عَكٜىٰ كِرَنْسَ بٜىٰلْتٜىٰشَظَّرْ؞ سَڧُوانْ كُوَ غَسْكِيَ نٜىٰ، عَمَّا يَنَدَ وُيَرْ غَانٜىٰوَ؞ دَانِيٜىٰلْ كُوَ يَغَانٜىٰ سَڧُوانْ بَايَنْدَ يَسَامِ مَعَنَرْسَ ثِكِنْ رُعُيَ؞

2أَوَطَنَّنْ ݣُونَكِے، نِے دَانِيٜىٰلْ، إِنَبَڧِنْ ثِكِ إِنَ أَظُمِ غَمٜىٰدَ مُتَنٜىٰنَ حَرْ مَكُواْ عُكُ؞

3عَثِكِنْ مَكُواْنَّنْ عُكُ، بَنْثِ وَنِ عَبِنْثِنْ دَ نَكٜىٰسُواْ بَ، بَلّٜىٰ إِنْثِ نَامَ كُواْ إِنْشَا ضُوً إِنَبِے، بَنْكُوَ شَاڢَ مَيْبَ؞

4أَ رَانَ تَعَشِرِنْ دَ حُطُ غَ وَتَ نَڢَارِ، إِنَ ڟَيٜىٰ عَبَاكِنْ بَبَّنْ كُواْغِنْ تَيْغِرِسْ،

5سَيْ نَطَغَ عِدُواْ، نَغَ وَنِ مُتُمْ سَنْيٜىٰ دَ رِغَرْ لِيلِنْ، أَبِنْ طَمَرَرْسَ كُمَ نَظَلَّرْ ظِينَارِيَ نٜىٰ؞

6جِكِنْسَ يَنَ حَصْكَكَاوَا كَمَرْ دُوڟٜىٰ مَيْ دَرَجَ نَكِرِسُواْلَتْ، ڢُسْكَرْسَ كَمَرْ وَلْڧِيَ، عِدَنُونْسَ كُمَ كَمَرْ هَرْشٜىٰنْ وُتَا، حَنُّوَنْسَ دَ ڧَڢَاڢُنْسَ سُنَ ڨَلِّ كَمَرْ تَغُلَّرْ دَ عَكَغُواْغٜىٰ، ڧَارَرْ مُرْيَرْسَ كَمَرْ سُورُوتُنْ بَبَّنْ تَارُوانْ جَمَعَ؞

7نِے دَانِيٜىٰلْ كَطَيْ نٜىٰ نَغَ رُعُيَرْ؞ كُواْدَيَكٜىٰ مُتَنٜىٰنْ دَسُكٜىٰ تَرٜىٰدَنِ بَسُغَ رُعُيَرْ بَ، دُكْدَهَكَ ڟُواْرُواْ مَيْ ڟَنَنِ يَكَامَسُ حَرْ سُكَ غُدُ، سُكَ ٻُيَ؞

8عَكَبَرْنِ نِے كَطَيْ؞ نَاكُوَغَا وَنَّنْ بَبَّرْ رُعُيَرْ؞ سَيْ ڧَرْڢِينَ يَبَرْنِ، ڢُسْكَتَ تَثَنْجَ سُواْسَيْ، دُكْ جِكِينَ يَمُتُ؞

9سَعَنً نَجِ ڧَارَرْ مُرْيَرْسَ؞ سَعَدَّ نَجِ ڧَارَرْ مُرْيَرْسَ، سَيْ نَڢَاطِ دَ ڢُسْكَتَ حَرْ ڧَسَا، بَرْثِ مَيْ ظُرْڢِ كُوَ يَݣُوشٜىٰنِ؞

10سَيْغَا حَنُّ عَكَيْنَ، يَطَغَنِ يَسَانِ عَكَنْ ڠُوِوُاْيِنَ دَ حَنُّوَنَ عَڧَسَا؞

11سَيْ يَثٜىٰ مِنِ «يَا دَانِيٜىٰلْ، كَيْ مَيْ دَرَجَ نٜىٰ سُواْسَيْ وَنْدَ اللَّهْ يَكٜىٰسُواْ، كَلُورَ دَ مَغَنَرْ دَ ذَنْ ڢَطَا مَكَ؞ كَمِيڧٜىٰ ڟَيٜىٰ، غَمَا أَوُرِنْكَ عَكَ عَيْكُواْ نِے؞» سَعَدَّ يَكٜىٰ ثِكِنْ ڢَطِنْ وَنَّنْ مَغَنَ، سَيْ نَمِيڧٜىٰ ڟَيٜىٰ، إِنَ ضَوَرْ جِكِے؞

12سَيْ يَثٜىٰ مِنِ، «كَدَ كَجِڟُواْرُواْ، دَانِيٜىٰلْ، غَمَا تُنْدَغَ رَانَرْدَ كَڢَارَسَا ذُوثِيَا غَ نٜىٰمَنْ غَانٜىٰوَ، كَكُمَ ڧَسْڧَنْتَرْ دَكَنْكَ أَغَبَنْ اللَّهْ نْكَ، أَنْجِ أَدُّعَرْكَ، كُمَ أَدُّعَرْكَ عِتَثٜىٰ دَلِيلِنْ ذُوَانَ وُرِنْكَ؞

13عَمَّا شُوغَبَنْ ڧَسَرْ ڢَٰشِيَ يَيِ غَابَادَنِے حَرْ ݣُونَ عَشِرِنْ دَ طَيَ؞ عَمَّا مَلاَىِٕكَ مِيكَآءِيلُ، طَيَ دَغَ ثِكِنْ مَنْيَنْ شُوغَبَنِّ، يَذُواْ يَتَيْمَكٜىٰنِ، سَبُواْدَ عَكَ رِڧٜىٰنِ أَوُرِنْ تَرٜىٰدَ سَرَاكُنَنْ ڢَٰشِيَ؞

14يَنْذُ نَذُواْ دُواْمِنْ إِنْسَا كَغَانٜىٰ أَبِنْدَ ذَيْڢَرُ دَ مُتَنٜىٰنْكَ نَنْ غَبَ عَڧَرْشٜىٰنْ ݣُونَكِے؞ غَمَا رُعُيَرْ تَشَاڢِ ݣُونَكِے نَنَنْ غَبَ؞»

15سَعَدَّ يَكٜىٰ ڢَطَا مِنِ وَطَنَّنْ كَلْمُواْمِ، سَيْ نَسُنْكُيَرْ دَكَيْنَ ڧَسَا، نَيِ شِضُ، بَا مَغَنَ؞

16سَيْغَا وَنِ مَيْ كَمَنِّنْ طَنْ أَدَمْ يَتَٻَ لٜىٰٻٜىٰنْ بَاكِنَ؞ سَعَنً نَ عِيَ سَاكٜىٰ بُوطٜىٰ بَاكِ، نَيِ مَغَنَ، نَثٜىٰ وَوَنْدَ يَكٜىٰ ڟَيٜىٰ أَغَبَنَ «يَا مَيْغِرْمَ، سَبُواْدَ وَنَّنْ رُعُيَثٜىٰ ذَاڢِ يَكَامَنِ حَرْ ڧَرْڢِينَ يَڧَارٜىٰ؞

17يَنْذُ يَا مَيْغِرْمَ، تَيَيَا نِے بَاوَنْكَ ذَنْعِيَ مَغَنَ دَكَيْ؟ يَنْذُ بَانِ دَ سَوْرَنْ ڧَرْڢِے، بَانِ كُمَ دَ سَوْرَنْ نُمْڢَشِ؞»

18سَيْ وَنَّنْ مَيْ كَمَنِّنْ طَنْ أَدَمْ يَسَاكٜىٰ تَٻَنِ، يَكُوَ ڧَرْڢَڢَانِ؞

19سَيْيَثٜىٰ «يَا كَيْ مُتُمْ مَيْ دَرَجَ سُواْسَيْ، كَدَ كَجِڟُواْرُواْ؞ كَڧَرْڢَڢَ، كَيِ ڧَرْڢِنْ حَلِ!» بَايَنْدَ يَيِ مَغَنَ دَنِے، سَيْ نَسَامِ ڧَرْڢَڢَاوَا نَثٜىٰ «يَنْذُ بَرِ مَيْغِرْمَ يَيِ مَغَنَ، غَمَا كَارِغَا كَا ڧَرْڢَڢَانِ؞»

20شِے كُوَ يَثٜىٰ، «كَسَنْ دَلِيلِنْ ذُوَانَ وُرِنْكَ؟ يَنْذُ ذَنْ كُواْمَ إِنْيِ يَاڧِ دَ شُوغَبَنْ ڧَسَرْ ڢَٰشِيَ؞ سَعَدَّ نَثِنَصَرَا عَكَنْسَ، شُوغَبَنْ ڧَسَرْ هٜىٰلَّسْ شِے مَا ذَيْتَاسُواْ؞

21بَاوَنْدَ ذَيْ تَيْمَكٜىٰنِ يَاڧِ دَ وَطَنَّنْ، سَيْدَيْ مَلاَىِٕكَ مِيكَآءِيلُ شُوغَبَنْ جَمَعَرْكَ؞ دُكْدَهَكَ بَرِ إِنْڢَطَا مَكَ أَبِنْدَ يَكٜىٰ أَرُبُوثٜىٰ أَ لِتَّڢِنْ غَسْكِيَ؞»

← Chapter 9 Jump to: Chapter 11 →

Recommended Reading

Commentary Daniel Commentaries → Devotional Daniel Devotional Guide → Get This Bible Hausa Arabic (أَتَّوْرَتْ دَ أَنَّبَاوَا) Study Bible →