Leviticus 16

Hausa Arabic 2020 (أَتَّوْرَتْ دَ أَنَّبَاوَا)

← Chapter 15 Jump to: Chapter 17 →

1سَيْ يَهْوٜىٰهْ يَيِ مَغَنَ دَ مُوسَٰى بَايَنْ مُتُوَرْ یَیَ مَظَا بِيُ نَ هَٰرُونَ، وَطَنْدَ سُكَ مُتُ سَعَدَّ سُكَذُواْ غَبَنْ يَهْوٜىٰهْ يَدَّ بَيْ ثَنْثَنْتَبَ؞

2يَهْوٜىٰهْ يَيِ مَغَنَ دَ مُوسَٰى ثٜىٰوَ «كَڢَطَا وَطَنْعُوَنْكَ هَٰرُونَ ثٜىٰوَ كَدَ يَشِغَ وُرِے مَڢِے ڟَرْكِے عَبَايَنْ لَبُلٜىٰ دُكْ لُواْكَثِنْدَ يَغَ دَامَ؞ غَمَا أَوُرِنْ نٜىٰ نَكٜىٰ بَيَّنَ عَثِكِنْ غِرْغِجٜىٰ عَبِسَ مُرْڢِنْ عَݣُوتِنْ يَرْجٜىٰجٜىٰنِيَ، وَتُواْ وُرِنْ طَوْكَرْ أَلْحَكِنْ ذُنُوبِ؞ عِدَنْ كُوَ يَڧِ يِنْ بِيَيَّ دَ وَنَّنْ دُواْكَا، ذَيْ مُتُ؞

3«غَا يَدَّ هَٰرُونَ ذَيْ شِغَ وُرِے مَڢِے ڟَرْكِے؞ ذَيْ عِيَ شِغَ بَايَنْدَ يَمِيڧَ طَنْ بِجِمِ دُواْمِنْ هَدَايَ تَوَنْكٜىٰ ذُنُوبِ دَ كُمَ ضَغُواْ دُواْمِنْ هَدَايَ تَڧُواْنَاوَا؞

4كَاڢِنْ يَشِغَ، سَيْ يَيِ وَنْكَ دَ ضُوَ يَسَا رِيغُنَنْسَ نَلِيلِنْ نَنُونَ كٜىٰٻٜىٰوَرْسَ دَ ڟَرْكِے غَ يَهْوٜىٰهْ ، وَتُواْ غَجٜىٰرٜىٰنْ وَنْدُواْ دَ غَجٜىٰرِيَرْ رِغَا دَ أَبِنْ طَمَرَ دَ هُولَرْ ڢِرِسْتِ؞

5جَمَعَرْ إِسْرَٰٓءِيلَ كُمَ ذَاسُ بَا هَٰرُونَ بُنْسُرَيْ بِيُ دُواْمِنْ هَدَايَ تَوَنْكٜىٰ ذُنُوبِ دَ ضَغُواْ طَيَ دُواْمِنْ هَدَايَ تَڧُواْنَاوَا؞

6«هَٰرُونَ ذَيْ مِيڧَ طَنْ بِجِمِنْ هَدَايَ تَوَنْكٜىٰ ذُنُوبِ دُواْمِنْ كَنْسَ؞ تَهَكَ ذَيْ طَوْكِ أَلْحَكِنْ ذُنُوبِنْسَ دَ نَغِدَنْسَ؞

7ذَيْ كُمَ طَوْكِ بُنْسُرَيْ بِيُنَّنْ يَكَٰوُاْسُ أَغَبَنْ يَهْوٜىٰهْ عَڧُواْڢَرْ شِغَ تٜىٰنْتِنْ سَدُوَ؞

8هَٰرُونَ ذَيْجٜىٰڢَ ڧُرِعَ عَكَنْ بُنْسُرَيْ بِيُنَّنْ؞ ڧُرِعَ طَيَ ذَاتَ كَسَنْثٜىٰ دُواْمِنْ يَهْوٜىٰهْ ، طَيَنْ كُمَ دُواْمِنْ أَظَظٜىٰلْ؞

9بُنْسُرُنْ دَ ڧُرِعَ دُواْمِنْ يَهْوٜىٰهْ تَڢَاطُواْ عَكَنْسَ، هَٰرُونَ ذَيْ مِيڧَشِ هَدَايَ تَوَنْكٜىٰ ذُنُوبِ؞

10عَمَّا بُنْسُرُنْ دَ ڧُرِعَ دُواْمِنْ أَظَظٜىٰلْ تَڢَاطُواْ عَكَنْسَ، ذَاعَ كَٰوُاْ شِ دَ رَيْ أَغَبَنْ يَهْوٜىٰهْ ، دُواْمِنْ عَيِ ڧَٰعِدَرْ طَوْكَرْ أَلْحَكِنْ ذُنُوبِ عَكَنْسَ؞ بَايَنْ حَكَ سَيْ عَكُواْرٜىٰشِ ذُوَا دَاجِ دُواْمِنْ أَظَظٜىٰلْ؞ تَهَكَ ذَاعَ كَوَرْدَ ذُنُبَنْ مُتَنٜىٰنْ؞

11«سَعَدَّ هَٰرُونَ يَكَٰوُاْ يَيَنْكَ طَنْ بِجِمِ نَهَدَايَ تَوَنْكٜىٰ ذُنُوبِ دُواْمِنْ كَنْسَ، ذَيْ يِڧَٰعِدَرْ طَوْكَرْ أَلْحَكِنْ ذُنُبَنْسَ دَ نَغِدَنْسَ؞

12ذَيْ طَوْكِ ݣُونُواْ نَڧُواْنَ تُرَارٜىٰ ثِكٜىٰ دَ غَرْوَشِنْ وُتَادَغَ بَغَدٜىٰنْ دَيَكٜىٰ غَبَنْ يَهْوٜىٰهْ ؞ ذَيْ كُمَ ثِكَ حَنُّنْسَ بِيُ دَ تُرَارٜىٰ مَيْ ڧَنْشِ، يَشِغَرْ دَشِ بَايَنْ لَبُلٜىٰنْ؞

13أَوُرِنْ أَغَبَنْ يَهْوٜىٰهْ ، هَٰرُونَ ذَيْ ظُبَ تُرَارٜىٰنْ عَكَنْ غَرْوَشِنْ وُتَا دُواْمِنْ هَيَاڧِنْ تُرَارٜىٰ يَتَاشِ يَرُڢٜىٰ مُرْڢِ نَأَݣُوتِنْ شَيْدَرْ يَرْجٜىٰجٜىٰنِيَ، وَتُواْ وُرِنْ طَوْكَرْ أَلْحَكِنْ ذُنُوبِ، دُواْمِنْ كَدَ هَٰرُونَ يَغَنِ يَمُتُ؞

14ذَيْ طِبِے جِنِنْ طَنْ بِجِمِنْ يَيَيَّڢَا شِ دَ يَڟَرْسَ أَغٜىٰڢٜىٰنْ غَبَسْ نَمُرْڢِنْ عَݣُوتِنْ يَرْجٜىٰجٜىٰنِيَ، وَتُواْ أَغَبَنْ عَݣُوتِنْ؞ ذَيْ يَيَّڢَا جِنِنْ أَغَبَنْ مُرْڢِنْ عَݣُوتِنْ سَوْ بَݣَويْ دَ يَڟَرْسَ؞

15«سَيْ يَيَنْكَ بُنْسُرُ نَهَدَايَ تَوَنْكٜىٰ ذُنُوبِ دُواْمِنْ جَمَعَرْ، يَكَٰوُاْ جِنِنْ بَايَنْ لَبُلٜىٰنْ؞ ذَيْ يِدَشِ كَمَرْ يَدَّ يَيِ دَ جِنِنْ طَنْ بِجِمِنْ، وَتُواْ ذَيْ يَيَّڢَا شِ عَبِسَ مُرْڢِنْ عَݣُوتِنْ دَ كُمَ أَغَبَنْ مُرْڢِنْ عَݣُوتِنْ؞

16تَهَكَنٜىٰ ذَيْ يِڧَٰعِدَ دُواْمِنْ أَڟَبْتَثٜىٰ وُرِے مَڢِے ڟَرْكِے سَبُواْدَ ڧَظَنْتَرْ یَیَنْ إِسْرَٰٓءِيلَ دَ ذُنُبَنْ غَنْ‌غَنْثِنْسُ دَ دُكَنْ ذُنُبَنْسُ؞ «حَكَ ذَيْ يِ دُواْمِنْ تٜىٰنْتِنْ سَدُوَ وَنْدَ يَكٜىٰ أَوُرِنْسُ، أَڟَكِيَرْ ڧَظَنْتَرْسُ؞

17بَابُوَنْدَ ذَيْ كَسَنْثٜىٰ عَثِكِنْ تٜىٰنْتِنْ سَدُوَ دَغَ لُواْكَثِنْ دَ هَٰرُونَ ڢِرِسْتِ ذَيْ شِغَ ثِكِنْ وُرِے مَڢِے ڟَرْكِے دُواْمِنْ يَيِ ڧَٰعِدَ تَطَوْكَرْ أَلْحَكِنْ ذُنُوبِ دُواْمِنْ كَنْسَ دَ غِدَنْسَ دَ كُمَ دُواْمِنْ دُكَنْ تَارُوانْ جَمَعَرْ إِسْرَٰٓءِيلَ، حَرْ لُواْكَثِنْدَ يَڢِتُواْ؞

18ذَيْ تَڢِے وُرِنْ بَغَدٜىٰنْ دَيَكٜىٰ أَغَبَنْ يَهْوٜىٰهْ ، يَڟَبْتَثٜىٰ بَغَدٜىٰنْ تَوُرِنْ طِبَنْ جِنِنْ طَنْ بِجِمِنْدَ نَبُنْسُرُنْ، يَسَا عَكُواْوَنٜىٰ ڧَهُواْ حُطُ نَبَغَدٜىٰنْ؞

19ذَيْ يَيَّڢَا جِنِنْ دَ يَڟَرْسَ سَوْ بَݣَويْ؞ تَهَكَ ذَيْ ڟَبْتَثٜىٰ بَغَدٜىٰنْ دَغَ ڧَظَنْتَرْ یَیَنْ إِسْرَٰٓءِيلَ، يَكُمَ كٜىٰٻٜىٰشِ دَ ڟَرْكِے غَ يَهْوٜىٰهْ ؞

20«بَايَنْدَ هَٰرُونَ بَبَّنْ ڢِرِسْتِ يَكَمَّلَ ڧَٰعِدَرْ ڟَبْتَثٜىٰوَ دُواْمِنْ وُرِے مَڢِے ڟَرْكِے دَ تٜىٰنْتِنْ سَدُوَ غَبَاطَيَ دَ كُمَ بَغَدٜىٰنْ، ذَيْ كَٰوُاْ بُنْسُرُ مَيْ رَيْ طِنْ؞

21ذَيْسَا حَنُّوَنْسَ بِيُ عَكَنْ كَيْ نَبُنْسُرُ مَيْ رَيْ، يَنَ ڢُرْتَ دُكَنْ لَيْڢُواْڢِنْ یَیَنْ إِسْرَٰٓءِيلَ دَ دُكَنْ ذُنُبَنْ غَنْ‌غَنْثِنْسُ دَ دُكَنْ ذُنُبَنْسُ؞ تَهَكَ ذَاعَ ظُبَ دُكَنْ ذُنُبَنْ یَیَنْ إِسْرَٰٓءِيلَ عَكَنْ بُنْسُرُنْ؞ بَايَنْ حَكَ ذَاعَ كُواْرِ بُنْسُرُنْ أَدَاجِ تَهَنُّنْ وَنْدَ عَكَ شِرْيَ دُواْمِنْ وَنَّنْ حِدِمَ؞

22ذَاعَ سَكِ بُنْسُرُنْ، ذَيْ كُمَ طَوْكِ دُكَنْ لَيْڢُواْڢِنْ یَیَنْ إِسْرَٰٓءِيلَ عَكَنْسَ ذُوَا دَاجِنْ دَ بَا كُواْوَ؞

23«هَٰرُونَ ذَيْ شِغَ تٜىٰنْتِنْ سَدُوَ، ذَيْ كُمَ ثِرٜىٰ رِيغُنَ نَلِيلِنْ نَڢِرِسْتِ وَطَنْدَ يَسَنْيَ كَاڢِنْ يَشِغَ وُرِے مَڢِے ڟَرْكِے، يَبَرْسُ أَوُرِنْ؞

24ذَيْ وَنْكٜىٰ جِكِنْسَ دَ ضُوَ أَوَنِ وُرِے مَيْ ڟَرْكِے، يَسَنْيَ رِيغُنَنْسَ؞ بَايَنْ وَنَّنْ ذَيْڢِتَ يَمِيڧَ تَاسَ هَدَايَ تَڧُواْنَاوَا دَ هَدَايَ تَڧُواْنَاوَا تَجَمَعَرْ، دُواْمِنْ يَطَوْكِ أَلْحَكِنْ ذُنُبَنْسَ دَ نَجَمَعَرْ؞

25كِڟٜىٰ دَغَ هَدَايَ تَوَنْكٜىٰ ذُنُوبِ ذَيْ ڧُواْنٜىٰشِ عَكَنْ بَغَدٜىٰنْ؞

26شِے مُتُمِنْدَ يَسَكِ بُنْسُرُ مَيْ طَوْكَرْ لَيْڢِے ذُوَا دَاجِ دُواْمِنْ أَظَظٜىٰلْ، ذَيْ وَنْكٜىٰ رِيغُنَنْسَ يَوَنْكٜىٰ جِكِنْسَ دَ ضُوَ؞ بَايَنْ حَكَ يَنَ عِيَ شِغَ ذَنْ‌غُوانْ؞

27طَنْ بِجِمِنْ دَ بُنْسُرُ نَهَدَايَ تَوَنْكٜىٰ ذُنُوبِ، وَطَنْدَ عَكَ كَٰوُاْ جِنِنْسُ دُواْمِنْ ڧَٰعِدَرْ طَوْكَرْ أَلْحَكِنْ ذُنُوبِ أَ وُرِے مَڢِے ڟَرْكِے، ذَاعَ ڢِتَرْ دَسُو بَايَنْ ذَنْ‌غُوانْ؞ ذَاعَڧُواْنٜىٰ ڢَتَرْسُ دَ نَامَنْسُ دَ دُكَنْ كَاشِنْسُ دَ وُتَا؞

28شِ مُتُمِنْدَ يَڧُواْنٜىٰسُ، ذَيْ وَنْكٜىٰ رِيغُنَنْسَ، يَوَنْكٜىٰ جِكِنْسَ دَ ضُوَ؞ بَايَنْ حَكَ يَنَ عِيَ شِغَ ذَنْ‌غُوانْ؞

29«وَنَّنْ ڧَٰعِدَثٜىٰ تَدِنْدِنْدِنْ دُواْمِنْكُ؞ عَكُواْوَثٜىٰ رَانَ تَغُواْمَ غَ وَتَنْ بَݣَويْ، ذَاكُيِ أَظُمِ، بَذَاكُ كُمَيِ عَيْكِبَ كُواْ كَطَنْ، كُواْ دَ مُتُمْ بَڧُواْ نٜىٰ عَثِكِنْكُ كُواْ طَنْ ڧَسَا نٜىٰ؞

30غَمَا أَ رَانَرْ نَنْ ڢِرِسْتِ ذَيْ يِڧَٰعِدَ تَطَوْكَرْ أَلْحَكِنْ ذُنُوبِ دُواْمِنْكُ، دُواْمِنْ أَڟَبْتَثٜىٰكُ دَغَ دُكَنْ ذُنُبَنْكُ، دُواْمِنْ كُذَمَ مَرَسَ ڧَظَنْتَا أَغَبَنْ يَهْوٜىٰهْ ؞

31وَنَّنْ رَانَرْ ثِكَكّٜىٰنْ هُوتُ ثٜىٰ أَغَرٜىٰكُ، كَمَرْ رَانَرْ هُوتُ تَمَكُواْ، ذَاكُ كُوَيِ أَظُمِ؞ وَنَّنْ ڧَٰعِدَ ثٜىٰ تَدِنْدِنْدِنْ؞

32نَنْ غَبَ، بَبَّنْ ڢِرِسْتِ ذَيْ يِڧَٰعِدَرْ طَوْكَرْ أَلْحَكِنْ ذُنُوبِ، وَتُواْ ڢِرِسْتِ وَنْدَ عَكَ نَطَ عَكَ كُمَ كٜىٰٻٜىٰ دَ ڟَرْكِے دُواْمِنْ يَيِ حِدِمَ أَمَڟَيِنْ كَكَنْسَ هَٰرُونَ؞ ذَيْ يِڧَٰعِدَرْ سَنْيٜىٰ دَ رِيغُنَ نَنُونَ كٜىٰٻٜىٰوَرْسَ غَ يَهْوٜىٰهْ ؞

33ذَيْ يِڧَٰعِدَرْ ڟَبْتَثٜىٰوَ دُواْمِنْ وُرِے مَڢِے ڟَرْكِے دَ تٜىٰنْتِنْ سَدُوَ غَبَاطَيَ دَ بَغَدٜىٰنْ؞ ذَيْ كُمَيِ ڧَٰعِدَرْ طَوْكَرْ أَلْحَكِنْ ذُنُبَنْ ڢِرِسْتُواْثِے دَ نَدُكَنْ تَارُوانْ جَمَعَرْ؞

34وَنَّنْ ڧَٰعِدَ ثٜىٰ تَدِنْدِنْدِنْ دُواْمِنْكُ؞ ذَاعَيِ ڧَٰعِدَ تَطَوْكَرْ أَلْحَكِنْ ذُنُبَنْ یَیَنْ إِسْرَٰٓءِيلَ سَوْ طَيَ أَ شٜىٰكَرَا؞» مُوسَٰى كُوَ يَيِ دَيْدَيْ بِسَغَ يَدَّ يَهْوٜىٰهْ يَعُمَرْثٜىٰشِ؞

← Chapter 15 Jump to: Chapter 17 →