Leviticus 26

Hausa Arabic 2020 (أَتَّوْرَتْ دَ أَنَّبَاوَا)

1يَهْوٜىٰهْ يَثٜىٰ «بَذَاكُ سَسَّڧَ وَكَنْكُ غُنْكِ كُواْ صِڢَّبَ، كُواْ كُتَادَ وَنِ دُوڟٜىٰنْ سُجَّدَ، كُواْ كُسَسَّڧَ دُوَڟُو عَڧَسَرْكُ دُواْمِنْ سُجَّدَ، غَمَا نِنٜىٰ يَهْوٜىٰهْ اللَّهْ نْكُ؞

2ذَاكُ كِيَايٜىٰ رَانَرْ هُوتُ تَمَكُواْ تَاوَ، كُكُمَ غِرْمَمَ وُرِنْ ذَمَنَ مَيْ ڟَرْكِے؞ نِنٜىٰ يَهْوٜىٰهْ ؞

3«عِدَنْ كُكَيِ تَڢِيَ بِسَغَ ڧَٰعِدُواْدِنَ، كُنَ كِيَايٜىٰ عُمَرْنَيْنَ، كُنَ كُمَ عَيْكَتَاسُ،

4تُواْ، ذَنْبَاكُ ضُوً سَمَ عَكَنْ لُواْكَثِنْسَ، ڧَسَرْ ذَاتَبَادَ أَمْڢَانِنْتَ، كُمَ عِتَتُوَ ذَاسُبَادَ یَیَنْسُ؞

5أَمْڢَانِنْ غُواْنَرْكُ ذَيْ يِيَوَ يَدَّ ذَاكُيِ تَغِرْبِے حَرْ لُواْكَثِنْ تَتَّارَ یَیَنْ إِنَبِے، ذَاكُيِ تَتَتَّارَ یَیَنْ إِنَبِے حَرْ لُواْكَثِنْ شُوكَ تَكٜىٰوَيُواْ؞ ذَاكُثِ عَبِنْثِ كُڧُواْشِ، كُيِ ذَمَنْكُ عَڧَسَرْكُ لَاڢِيَ؞

6«ذَنْ بَاكُ سَلَمَ عَڧَسَرْ، ذَاكُ ݣُونْتَ بَابُ ڟُواْرُوانْ كُواْوَ؞ ذَنْ كُواْرِ نَمُواْمِنْ دَاجِ مَاسُ بَنْ ڟُواْرُواْ دَغَ ڧَسَرْ، كُمَ بَابُ تَكُواْبِنْ أَبُواْكَنْ غَابَنْكُ دَ ذَيْبِے ثِكِنْ ڧَسَرْكُ؞

7ذَاكُ كُواْرِ أَبُواْكَنْ غَابَنْكُ عَيَاڧِ، ذَاكُ بُغٜىٰسُ دَ تَكُواْبِے سُڢَڢَّاطِ أَغَبَنْكُ؞

8مُتَنٜىٰنْكُ بِيَرْ ذَاسُ كُواْرِ مُتَنٜىٰنْسُ طَرِے، مُتَنٜىٰنْكُ طَرِے كُوَ ذَاسُ كُواْرِ مُتَنٜىٰنْسُ دُبُو غُواْمَ؞ ذَاكُ بُغِ أَبُواْكَنْ غَابَنْكُ دَ تَكُواْبِے سُڢَڢَّاطِ أَغَبَنْكُ؞

9«ذَنْ دُوبٜىٰكُ دَ ڢُسْكَرْ أَلْحٜىٰرِ إِنْسَا كُيِ تَحَيْڢُوَ سُواْسَيْ كُيَلْوَتَ؞ نِے ذَنْ كُوَ كِيَايٜىٰ يَرْجٜىٰجٜىٰنِيَتَ دَكُو؞

10أَمْڢَانِنْ غُواْنَرْكُ ذَيْ يِيَوَ يَدَّ ذَاكُ ڢِتَرْدَ ڟُواْهُوَرْ ضَغُواْوَرْ أَمْڢَانِنْ غُواْنَ نَشٜىٰكَرَرْ دَتَوُثٜىٰ دُواْمِنْ كُسَامِ وُرِے دُواْمِنْ سَابُوانْ أَمْڢَانِنْ غُواْنَ نَوَنَّنْ شٜىٰكَرَا؞

11ذَنْ كَڢَ وُرِنْ ذَمَنَ عَثِكِنْكُ، بَذَنْيِ ڨَمَرْكُبَ؞

12ذَنْيِ تَڢِيَ عَثِكِنْكُ إِنْ ذَمَ اللَّهْ نْكُ؞ كُو كُوَ ذَاكُ ذَمَ جَمَعَتَ؞

13نِنٜىٰ يَهْوٜىٰهْ اللَّهْ نْكُ وَنْدَ يَڢِتَرْ دَكُو دَغَ ڧَسَرْ مَصَرْ، دُواْمِنْ كَدَ كُثِيغَبَدَ ذَمَنْ بَايِنْسُ؞ نَكَرْيَ غُنْ‌غُمٜىٰنْدَ يَدَنّٜىٰكُ، نَسَا كُيِ تَڢِيَ أَ مِيڧٜىٰ؞

14«عَمَّا عِدَنْ كُكَڧِ كُجِنِ، كُمَ بَكُ عَيْكَتَ دُكَنْ وَطَنَّنْ عُمَرْنَيْنَبَ،

15عِدَنْ كُكَڧِ ڧَٰعِدُواْدِنَ، كُمَ كُكَ رٜىٰنَ عُمَرْنَيْنَ، حَرْ بَكُ عَيْكَتَ دُكَنْ دُواْكُواْكِنَ بَ، كُكَ كُمَ كَرْيَ يَرْجٜىٰجٜىٰنِيَتَ،

16تُواْ، غَا حُكُنْثِنْ دَ ذَنْيِ مُكُ؞ ذَنْعَيْكَ مُكُ دَ بَلَعِ مَيْ بَنْ ڟُواْرُواْ دَ ثُوتُتُّكَ إِرِ إِرِ، دَ ظَظْذَاٻِنْ دَ ذَاسُ لَلَتَرْ مُكُ دَ إِدَانُو، يَسَا كُيِ تَرَمٜىٰوَ؞ عَبَنْظَ ذَاكُيِ شُوكَ، غَمَا أَبُواْكَنْ غَابَنْكُ نٜىٰ ذَاسُثِشِ؞

17ذَنْطَوْرَ ڢُسْكَ تَيِنْ غَابَادَكُو، أَبُواْكَنْ غَابَنْكُ كُمَ ذَاسُثِكُ دَ يَاڧِ؞ مَاسُ ڧِنْكُ ذَاسُيِ مُلْكِ عَكَنْكُ؞ ذَاكُغُدُ بَاتَرٜىٰدَ وَنِ يَنَ كُواْرَرْكُبَ؞

18«عَمَّا عِدَنْ دُكْدَهَكَ كُنْڧِ كُيِ مِنِ بِيَيَّ، تُواْ ذَنْڧَارَ حُكُنْثِنْكُ حَرْ سَوْ بَݣَويْ؞

19ذَنْ كَرْيَ غِرْمَنْ كَنْكُ؞ ذَنْحَنَ مُكُ ضُوً سَمَ، ڧَسَرْدَ كُكٜىٰ نُواْمَ كُمَ ذَاتَ بُوشٜىٰ تَيِ ڧَرْڢِے كَمَرْ ڧَرْڢٜىٰ؞

20دُكْ وَهَلَرْ عَيْكِنْكُ ذَيْ ذَمَ بَنْظَ، غَمَا ڧَسَرْكُ بَذَاتَ بَادَ أَمْڢَانِنْتَبَ، كُمَ عِتَتُوَنْ ڧَسَرْكُ بَذَاسُ بَادَ یَیَبَ؞

21«عِدَنْ حَرْ يَنْذُ كُنَ غَابَادَنِے، بَكُ كُمَيِ مِنِ بِيَيَّبَ، تُواْ، ذَنْ ڧَارَ مُكُ بَلَعِ حَرْ سَوْ بَݣَويْ سَبُواْدَ ذُنُبَنْكُ؞

22ذَنْ كُمَ عَيْكَرْ دَ نَمُواْمِنْ دَاجِ مَاسُ بَنْ ڟُواْرُواْ عَثِكِنْكُ، وَطَنْدَ ذَاسُيِ ٻَرْنَرْ یَیَنْكُ، سُلَلَتَرْ دَ دَبُّواْبِنْكُ نَغِدَا، سُسَا يَوَنْكُ يَرَغُ حَرْ ذَاعَ رَسَ غَنِنْ مُتَنٜىٰ عَكَنْ هَنْيُواْيِنْكُ؞

23«عِدَنْ دُكْ دَ حُكُنْثِنَّنْ بَكُجُويَا ذُوَا غَرٜىٰنِ بَ، عَمَّا كُكَ ثِيغَبَدَ يِنْ غَابَادَنِے،

24نِے مَا ذَنْيِ غَابَادَكُو؞ نِے دَكَيْنَ ذَنْ حُكُنْتَكُ حَرْ يَڢِ نَدَا سَوْ بَݣَويْ سَبُواْدَ ذُنُبَنْكُ؞

25ذَنْكَٰوُاْ مُكُ تَكُواْبِنْ دَ ذَيْ يِمِنِ رَامُوَا سَبُواْدَ كُنْ كَرْيَ يَرْجٜىٰجٜىٰنِيَتَ؞ عِدَنْ كُكَ جَٰوُاْ بَايَ ذُوَا ثِكِنْ بِرَنٜىٰنْكُ دُواْمِنْ ٻُيَ، ذَنْعَيْكَ مُكُ دَ بَلَعِ مَيْ ڟَنَنِ، وَنْدَ ذَيْ تِلَسْتَكُ كُڢِتَ كُڢَاطَ أَ حَنُّنْ أَبُواْكَنْ غَابَنْكُ؞

26ذَنْيَنْكٜىٰ حَنْيَرْ سَامُنْ عَبِنْثِنْكُ، حَرْ سَيْ مَاتَا غُواْمَ سُنْدَڢَ عَبِنْثِنْكُ أَ مُضْهُ طَيَ، سُرَرَّبَ مُكُشِ دَ مَعَوْنِ؞ ذَاكُثِ، عَمَّا بَذَاكُ ڧُواْشِبَ؞

27«عِدَنْ دُكْ دَ حُكُنْثِنَّنْ، بَكُيِ مِنِ بِيَيَّبَ، عَمَّا كُنْثِيغَبَدَ يِنْ غَابَادَنِے،

28نِے دَكَيْنَ ذَنْيِ غَابَادَكُو ثِكِنْ ڢُشِے حَرْ يَڢِ نَدَا سَوْ بَݣَويْ سَبُواْدَ ذُنُبَنْكُ؞

29ذَاكُثِ نَامَنْ یَیَنْكُ مَظَا دَ مَاتَا سَبُواْدَ ڟَنَنِنْ يُنْوَ؞

30ذَنْ رُرُّشٜىٰ وُرَارٜىٰنْكُ نَسُجَّدَ عَكَنْ تُدَّيْ، ذَنْ لَلَتَرْدَ بَغَدٜىٰنْ تُرَارٜىٰنْكُ، إِنْ جٜىٰڢَرْ دَ غَوَوَّكِنْكُ عَكَنْ غُمَكَنْكُ مَرَسَ رَيْ؞ نِے ذَنْيِ ڨَمَرْكُ؞

31ذَنْ رُرُّشٜىٰ بِرَنٜىٰنْكُ سُذَمَ كُڢَيْ، إِنْ لَلَتَرْدَ وُرَارٜىٰنْ سُجَّدَرْكُ، بَذَنْ كُمَ سَنْسَنَ ڧَنْشِنْ تُرَارٜىٰنْكُبَ؞

32ذَنْ لَلَتَرْدَ ڧَسَرْكُ يَدَّ أَبُواْكَنْ غَابَنْكُ دَ سُكَذُواْ دُواْمِنْ سُذَوْنَ عَثِكِنْتَ ذَاسُ رَسَ أَبِنْ ڢَطَا؞

33ذَنْسَا أَظَارٜىٰ تَكُواْبِنْ يَاڧِ عَكَنْكُ، أَوَرْوَاڟَرْ دَكُو عَثِكِنْ ڧَسَاشٜىٰنْ أَلْعُمَّيْ؞ ذَنْسَا ڧَسَرْكُ تَذَمَ كُڢَيْ، بِرَنٜىٰنْكُ كُمَ سُهَلَّكَ؞

34سَعَنً ڧَسَرْكُ ذَاتَ طَنْطَنَ ثِكَكّٜىٰنْ هُوتُنْتَ إِيَاكَرْ لُواْكَثِنْ دَتَكٜىٰ ذَمَنْ كُڢَيْ، وَتُواْ هُوتُنْ دَ كُكَڧِ كُبَاتَ؞ سَعَدَّ كُنَ ثَنْ عَڧَسَرْ أَبُواْكَنْ غَابَنْكُ، ڧَسَرْ ذَاتَيِ شٜىٰكَرُنْ هُوتُنْتَ؞

35إِنْ دَيْ ڧَسَرْ تَذَمَ كُڢَيْ، ذَاتَسَامِ ثِكَكّٜىٰنْ هُوتُنْ دَ دَا بَتَسَامُبَ سَعَدَّ كُكٜىٰ ذَمَ عَثِكِنْتَ؞

36«عَمَّا كُو دَكُكَ رَغُ عَڧَسَاشٜىٰنْ أَبُواْكَنْ غَابَنْكُ، ذَنْسَا ظُكَاتَنْكُ سُثِكَ دَ ڟُواْرُواْ حَرْ مُواْڟِنْ غَنْيٜىٰ كَوَيْ مَا ذَيْ رَظَنَرْ دَكُو، كُشٜىٰڧَ دَ غُدُ كَمَرْ وَطَنْدَ عَكٜىٰ بِنْسُ دَ تَكُواْبِے؞ ذَاكُ كُوَ ڢَڢَّاطِ عَڧَسَا كُواْدَيَكٜىٰ بَا مَيْ كُواْرَرْكُ؞

37ذَاكُيِ تَكَرُواْ دَ جُونَ كَمَرْ وَطَنْدَ سُكٜىٰ غُدُ دَغَ تَكُواْبِے، كُواْدَيَكٜىٰ بَا مَيْكُواْرَرْكُ؞ بَكُوَ ذَاكُسَامِ ڧَرْڢِنْ ڟَيَاوَا دَ أَبُواْكَنْ غَابَنْكُبَ؞

38عَڧَرْشٜىٰ ذَاكُ مُتُ عَثِكِنْ أَلْعُمَّيْ، ڧَسَرْ أَبُواْكَنْ غَابَنْكُ ذَاتَ ثِنْيٜىٰكُ؞

39سَوْرَنْكُ دَ كُكَ رَغُ ذَاكُيِ تَمُتُوَ أَ حَنْكَلِ حَرْ كُٻَثٜىٰ عَڧَسَاشٜىٰنْ أَبُواْكَنْ غَابَنْكُ سَبُواْدَ لَيْڢُواْڢِنْكُ دَ لَيْڢُواْڢِنْ كَاكَنِّنْكُ؞

40«عَمَّا ذَاكُ ڢُرْتَ لَيْڢُواْڢِنْكُ دَ نَكَاكَنِّنْكُ دَ رَشِنْ أَمِنْثِنْكُ غَرٜىٰنِ، ذَاكُ يَرْدَ كُنْيِ غَابَادَنِے؞

41عَڧَرْشٜىٰ بَايَنْدَ نَيِ غَابَادَكُو نَكَيْكُ ڧَسَرْ أَبُواْكَنْ غَابَنْكُ، عِدَنْ كُكَ ڧَسْڧَنْتَرْدَ ظُكَاتَنْكُ مَرَسَ كَاثِيَ، كُكَ كَرْٻِ حُكُنْثِنْ لَيْڢُواْڢِنْكُ، ذَنْجِكُ؞

42ذَنْتُنَ دَ يَرْجٜىٰجٜىٰنِيَتَ دَ يَعْڧُوبَ دَ يَرْجٜىٰجٜىٰنِيَتَ دَ إِسْحَٰڧَ دَ يَرْجٜىٰجٜىٰنِيَتَ دَ إِبْرَٰهِيمْ؞ ذَنْ كُوَ تُنَ دَ ڧَسَرْ؞

43عَمَّا ذَاعَ بَرْ ڧَسَرْ تَطَنْطَنَ ثِكَكّٜىٰنْ هُوتُنْتَ إِيَاكَرْ لُواْكَثِنْ دَتَكٜىٰ ذَمَنْ كُڢَيْ؞ ذَاكُ كُوَ كَرْٻِ حُكُنْثِنْ لَيْڢُواْڢِنْكُ سَبُواْدَ كُكَ رٜىٰنَ عُمَرْنَيْنَ كُكَ كُمَڧِ ڧَٰعِدُواْدِنَ؞

44«دُكْدَهَكَ سَعَدَّ كُكٜىٰ عَڧَسَرْ أَبُواْكَنْ غَابَنْكُ، بَذَنْ يَاشٜىٰكُبَ، كُواْ إِنْيِ ڨَمَرْكُ حَرْ إِنْهَلَكَاكُ غَبَاطَيَ، وَتُواْ إِنْكَرْيَ يَرْجٜىٰجٜىٰنِيَتَ دَكُو، غَمَا نِنٜىٰ يَهْوٜىٰهْ اللَّهْ نْكُ؞

45عَمَّا سَبُواْدَكُو، ذَنْتُنَ دَ يَرْجٜىٰجٜىٰنِيَرْدَ نَيِ دَ كَاكَنِّنْكُ وَطَنْدَ نَڢِتَرْدَسُو دَغَ ڧَسَرْ مَصَرْ أَعِدُوانْ أَلْعُمَّيْ، دُواْمِنْ إِنْذَمَ اللَّهْ نْسُ؞ نِنٜىٰ يَهْوٜىٰهْ ؞»

46وَطَنَّنْ نٜىٰ ڧَٰعِدُواْدِ دَ عُمَرْنَيْ دَ كُواْيَرْوَا وَطَنْدَ يَهْوٜىٰهْ يَيِ ڟَكَانِنْسَ دَ مُتَنٜىٰنْ إِسْرَٰٓءِيلَ تَبَاكِنْ مُوسَٰى عَكَنْ بَبَّنْ تُدُنْ سِنَيْ؞

← Chapter 25 Jump to: Chapter 27 →