Leviticus 23

Hausa Arabic 2020 (أَتَّوْرَتْ دَ أَنَّبَاوَا)

← Chapter 22 Jump to: Chapter 24 →

1يَهْوٜىٰهْ يَيِ مَغَنَ دَ مُوسَٰى ثٜىٰوَ

2يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «غَا بُكُكُوَنْ يَهْوٜىٰهْ وَطَنْدَ عَكَ ڟَارَا؞ ذَاعَيِ شٜىٰلَرْسُ دُواْمِنْ مُتَنٜىٰنْ إِسْرَٰٓءِيلَ سُكِيَايٜىٰسُ، تَارُواْ مَيْ ڟَرْكِے كٜىٰنَنْ؞»

3«ݣُونَكِے شِدَ ذَاكُيِ عَيْكِنْكُ، عَمَّا رَانَ تَبَݣَويْ رَانَرْ ثِكَكّٜىٰنْ هُوتُ نٜىٰ، رَانَ ثٜىٰ تَتَارُواْ مَيْ ڟَرْكِے؞ بَذَاكُيِ عَيْكِ أَ رَانَرْ بَ كُواْ كَطَنْ أَدُكْ عِنْدَ كُكٜىٰ دَ ذَمَ، غَمَا رَانَرْ هُوتُ تَمَكُواْ ثٜىٰ وَدَّ عَكَ كٜىٰٻٜىٰ غَ يَهْوٜىٰهْ ؞»

4«غَا بُكُكُوَنْ يَهْوٜىٰهْ وَطَنْدَ عَكَ ڟَارَا؞ ذَاعَيِ شٜىٰلَرْسُ دُواْمِنْ مُتَنٜىٰنْ إِسْرَٰٓءِيلَ سُكِيَايٜىٰ كُواْوَنٜىٰ بِكٍ تَوُرِنْ تَارُواْ مَيْ ڟَرْكِے، وَطَنْدَ كُمَ ذَاعَيِ بِكٍ سُجَّدَرْسُ أَ لُواْكَثِنْ دَ عَكَ ڟَارَا؞

5أَ رَانَ تَغُواْمَشَا حُطُ غَ وَتَ نَڢَرْكُواْ دَ يَمَّ، ذَاعَ ڢَارَ بِكٍ ڧٜىٰتَرٜىٰوَ غَ يَهْوٜىٰهْ ؞

6أَ رَانَ تَغُواْمَشَا بِيَرْ تَوَنَّنْ وَتَ ذَاعَيِ بِكٍ غُرَاسَرْ مَرَرْ يِسْتِ غَ يَهْوٜىٰهْ ؞ ذَاكُيِ ݣُونَ بَݣَويْ كُنَ ثِنْ غُرَاسَرْ مَرَرْ يِسْتِ؞

7أَ رَانَ تَڢَرْكُواْ تَبِكٍ ذَاكُيِ تَارُواْ مَيْ ڟَرْكِے دُواْمِنْ سُجَّدَ؞ بَذَاكُيِ عَيْكِنْكُ نَيَوْ دَ كُلُّمْبَ؞

8عَمَّا ذَاكُ مِيڧَ هَدَايُنْ دَ عَكَ مِيڧَ دَ وُتَا غَ يَهْوٜىٰهْ حَرْ ݣُونَ بَݣَويْ؞ أَ رَانَ تَبَݣَويْ طِنْ ذَاعَيِ تَارُواْ مَيْ ڟَرْكِے دُواْمِنْ سُجَّدَ؞ بَذَاكُيِ عَيْكِنْكُ نَيَوْ دَ كُلُّمْ أَ رَانَرْ بَ؞»

9يَهْوٜىٰهْ يَيِ مَغَنَ دَ مُوسَٰى ثٜىٰوَ

10يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «سَعَدَّ كُكَ شِغَ ڧَسَرْدَ نَكٜىٰ بَاكُ، إِنْ كُنْيِ غِرْبِے، سَيْ كُطَوْكِ دَمِ دَغَ نُونً ڢَارِ نَغِرْبِنْكُ كُكَيْوَ ڢِرِسْتِ؞

11ڢِرِسْتِ طِنْ ذَيْ مِيڧَ دَمٍ هَدَايَ تَطَغَوَ أَغَبَنْ يَهْوٜىٰهْ ، دُواْمِنْ عَكَرْٻٜىٰكُ؞ وَشٜىٰغَرِ بَايَنْ رَانَرْ هُوتُ تَمَكُواْ نٜىٰ ڢِرِسْتِ ذَيْ مِيڧَشِ؞

12أَ رَانَرْ دَ عَكَ مِيڧَ دَمٍ هَدَايَ تَطَغَوَرْ، ذَاعَ مِيڧَ طَنْ ضَغُواْ مَيْ شٜىٰكَرَا غُدَا مَرَرْ تَبُواْ دُواْمِنْ هَدَايَ تَڧُواْنَاوَا غَ يَهْوٜىٰهْ ؞

13تَرٜىٰدَ طَنْ ضَغُوانْ، ذَاكُ مِيڧَ هَدَايَ تَهَڟِ نَكِلُواْ بِيُ نَغَارِ مَيْ لَوْشِنْ دَ عَكَ ݣُوٻَ دَ مَنْ ظَيْتُنْ، هَدَايَرْدَ عَكَ مِيڧَ دَ وُتَا غَ يَهْوٜىٰهْ ، مَيْ دَاطِنْ ڧَنْشِ أَغَرٜىٰشِ كٜىٰنَنْ؞ حَطٜىٰ دَ وَطَنَّنْ، ذَاكُ كُمَ مِيڧَ هَدَايَ تَأَبِنْ شَا تَلِتَ غُدَا تَضُوً إِنَبِے؞

14بَذَاكُثِ غُرَاسَرْ دَ عَكَيِ دَ سَابُوانْ حَڟِنْ، كُواْ غَسَشّٜىٰنْ حَڟِنْ، كُواْ طَنْيٜىٰنْ سَابُوانْ حَڟِنْبَ، سَيْ رَانَرْ دَ كُكَ كَٰوُاْ هَدَايَ تَنُونً ڢَارِنْ غَ اللَّهْ نْكُ؞ وَنَّنْ ڧَٰعِدَ ثٜىٰ تَدِنْدِنْدِنْ أَغَرٜىٰكُ أَدُكْ عِنْدَ كُكٜىٰ ذَمَ دَغَ نَنْ حَرْ إِيَاكَرْ ڟَارَرَّكِنْكُ؞»

15«دَغَ وَشٜىٰغَرِ نَ رَانَرْ هُوتُ تَمَكُواْ، وَتُواْ دَغَ رَانَرْ دَ كُكَ كَٰوُاْ دَمِ دُواْمِنْ هَدَايَ تَطَغَوَ، ذَاكُ ڧِرْغَ مَكُواْ بَݣَويْ ثِكَكُّ؞

16أَ رَانَرْ هُوتُ تَمَكُواْ تَبَݣَويْ، وَتُواْ بَايَنْ ݣُونَ حَمْسِنْ كٜىٰنَنْ، سَيْ كُمِيڧَ وَتَ هَدَايَ تَسَابُوانْ حَڟِ غَ يَهْوٜىٰهْ ؞

17دَغَ غِدَاجٜىٰنْكُ كُكَٰوُاْ دُنْڧُلٜىٰنْ غُرَاسَ بِيُ كُمِيڧَسُ هَدَايَ تَطَغَوَ غَ يَهْوٜىٰهْ ؞ كُواْوَنٜىٰ دُنْڧُلٜىٰنْ غُرَاسَ ذَاعَيِ دَ كِلُواْ بِيُ نَغَارِ مَيْ لَوْشِ وَنْدَ عَكَيِ دَ يِسْتِ، عَكُمَ مِيڧَسُ هَدَايَ تَنُونً ڢَارِ غَ يَهْوٜىٰهْ ؞

18حَطٜىٰ دَ غُرَاسَرْ، ذَاكُ مِيڧَ یَنْ رَغُنَ غُدَا بَݣَويْ مَاسُ شٜىٰكَرَا طَيَ طَيَ مَرَرْ تَبُواْ دَ طَنْ بِجِمِ دَ رَغُنَ بِيُ؞ ذَاكُ مِيڧَسُ هَدَايَ تَڧُواْنَاوَا غَ يَهْوٜىٰهْ تَرٜىٰدَ هَدَايُنْكُ نَهَڟِ دَ نَأَبِنْ شَا، هَدَايَرْدَ عَكَ مِيڧَ دَ وُتَا غَ يَهْوٜىٰهْ ، مَيْ دَاطِنْ ڧَنْشِ غَرٜىٰشِ كٜىٰنَنْ؞

19ذَاكُ كُمَ مِيڧَ بُنْسُرُ طَيَ دُواْمِنْ هَدَايَ تَوَنْكٜىٰ ذُنُوبِ دَ یَنْ رَغُنَ بِيُ مَاسُ شٜىٰكَرَا طَيَ طَيَ دُواْمِنْ هَدَايَ تَڠَرَنْ زُمُنْثِ؞

20ڢِرِسْتِ ذَيْ طَغَ یَنْ رَغُنَنَّنْ بِيُ حَطٜىٰ دَ غُرَاسَ نَنُونً ڢَارِ هَدَايَ تَطَغَوَ أَغَبَنْ يَهْوٜىٰهْ ؞ أَنْ كٜىٰٻٜىٰسُ دَ ڟَرْكِے غَ يَهْوٜىٰهْ ، رَبُواْ نَڢِرِسْتِنٜىٰ؞

21أَ رَانَرْ ذَاعَيِ شٜىٰلَ ثٜىٰوَ رَانَ ثٜىٰ تَتَارُواْ مَيْ ڟَرْكِے أَغَرٜىٰكُ؞ بَذَاكُيِ عَيْكِنْكُ نَيَوْ دَ كُلُّمْبَ؞ وَنَّنْ ڧَٰعِدَ ثٜىٰ تَدِنْدِنْدِنْ أَدُكْ عِنْدَ كُكٜىٰ دَ ذَمَ دَغَ نَنْ حَرْ إِيَاكَرْ ڟَارَرَّكِنْكُ؞

22«سَعَدَّ كُكٜىٰ غِرْبِنْ أَمْڢَانِنْ ڧَسَرْكُ، كَدَ كُغِرْبٜىٰ حَرْ غٜىٰڢٜىٰ غٜىٰڢٜىٰنْ غُواْنَكِنْكُ، كَدَ كُبِے كُنَ كَالَ بَايَنْدَ كُكَ غَمَ غِرْبِنْ؞ ذَاكُ بَرْ وَنَّنْ دُواْمِنْ مَتَلَوْتَ دَ بَاڧِ؞ نِنٜىٰ يَهْوٜىٰهْ اللَّهْ نْكُ؞»

23يَهْوٜىٰهْ يَيِ مَغَنَ دَ مُوسَٰى ثٜىٰوَ

24يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «أَ رَانَ تَڢَرْكُواْ غَ وَتَ نَبَݣَويْ، ذَاكُ كِيَايٜىٰ رَانَرْ ثِكَكّٜىٰنْ هُوتُ، رَانَ ثٜىٰ تَتُنَاوَ دَ اللَّهْ نْكُ؞ ذَاعَيِ تَارُواْ مَيْ ڟَرْكِے نَسُجَّدَ، وَنْدَ ذَاعَ ڢَارَ دَ بُوشٜىٰ بُوشٜىٰنْ كَكَكِ؞

25بَذَاكُيِ عَيْكِنْكُ نَيَوْ دَ كُلُّمْ أَ رَانَرْبَ؞ ذَاكُيِ هَدَايَرْدَ عَكَ مِيڧَ دَ وُتَا غَ يَهْوٜىٰهْ ؞»

26يَهْوٜىٰهْ يَيِ مَغَنَ دَ مُوسَٰى يَنَ ثٜىٰوَ

27«رَانَ تَغُواْمَ غَ وَتَ نَبَݣَويْ ذَاتَ ذَمَ رَانَرْ طَوْكَرْ أَلْحَكِنْ ذُنُوبِ؞ ذَاتَ ذَمَ مُكُ رَانَرْ تَارُواْ مَيْ ڟَرْكِے؞ ذَاكُيِ أَظُمِ كُيِ هَدَايَرْدَ عَكَ مِيڧَ دَ وُتَا غَ يَهْوٜىٰهْ ؞

28بَذَاكُيِ عَيْكِ كُواْ كَطَنْ أَ رَانَرْ بَ، غَمَا رَانَرْ طَوْكَرْ أَلْحَكِنْ ذُنُوبِ ثٜىٰ، ذَاعَ كُوَ طَوْكِ أَلْحَكِنْ ذُنُوبِنْكُ أَغَبَنْ يَهْوٜىٰهْ اللَّهْ نْكُ؞

29دُكْ وَنْدَ بَيْيِ أَظُمِ أَ رَانَرْ بَ، ذَاعَ كَوَرْ دَشِ دَغَ مُتَنٜىٰنْسَ؞

30دُكْ وَنْدَ يَيِ عَيْكِ أَ رَانَرْ، نِے يَهْوٜىٰهْ ذَنْ هَلَّكَ شِ دَغَ ثِكِنْ مُتَنٜىٰنْسَ؞

31كُواْ كَطَنْ بَذَاكُيِ وَنِ عَيْكِبَ؞ وَنَّنْ ڧَٰعِدَ ثٜىٰ تَدِنْدِنْدِنْ أَدُكْ عِنْدَ كُكٜىٰ دَ ذَمَ دَغَ نَنْ حَرْ إِيَاكَرْ ڟَارَرَّكِنْكُ؞

32دَغَ ڢَاطُوَرْ رَانَ تَتَرَ غَ وَتَ ذُوَا ڢَاطُوَرْ رَانَ تَغُواْمَ، ذَاكُيِ وَنَّنْ ثِكَكّٜىٰنْ هُوتُ، ذَاكُ كُمَيِ أَظُمِ؞»

33يَهْوٜىٰهْ يَيِ مَغَنَ دَ مُوسَٰى ثٜىٰوَ

34يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «أَ رَانَ تَغُواْمَشَا بِيَرْ غَ وَتَنْ بَݣَويْ ذَاعَ ڢَارَ بِكٍ بُكُّواْكِ دُواْمِنْ يَهْوٜىٰهْ ، ذَاعَيِ بِكٍ حَرْ ݣُونَ بَݣَويْ؞

35أَ رَانَ تَڢَرْكُواْ تَبِكٍ ذَاعَيِ تَارُواْ مَيْ ڟَرْكِے؞ أَ رَانَرْ كُوَ بَذَاكُيِ عَيْكِنْكُ نَيَوْ دَ كُلُّمْبَ؞

36عَثِكِنْ ݣُونَكِنَّنْ بَݣَويْ، ذَاكُ دِنْ‌غَ يِنْ هَدَايُنْ دَ عَكَ مِيڧَ دَ وُتَا غَ يَهْوٜىٰهْ ؞ أَ رَانَ تَتَݣُوسْ ذَاكُيِ تَارُواْ مَيْ ڟَرْكِے، كُيِ هَدَايَرْدَ عَكَ مِيڧَ دَ وُتَا غَ يَهْوٜىٰهْ ؞ وَنَّنْ ذَيْ كَسَنْثٜىٰ مُهِمِّنْ تَارُواْ، بَذَاكُيِ عَيْكِنْكُ نَيَوْ دَ كُلُّمْ أَ رَانَرْ بَ؞

37«وَطَنَّنْ نٜىٰ بُكُكُوَنْ يَهْوٜىٰهْ وَطَنْدَ عَكَ ڟَارَا؞ ذَاكُيِ بِكٍ سُجَّدَرْسُ تَوُرِنْ تَارُواْ مَيْ ڟَرْكِے، دُواْمِنْ كُيِ هَدَايُنْ دَ عَكَ مِيڧَ دَ وُتَا غَ يَهْوٜىٰهْ ، وَتُواْ هَدَايُ نَڧُواْنَاوَا دَ نَهَڟِ دَ نَأَبِنْ شَا؞ ذَاعَ مِيڧَ كُواْوَثٜىٰ هَدَايَ أَ رَانَرْتَ؞

38وَطَنَّنْ بُكُكُوَ ڧَارِ نٜىٰ عَكَنْ رَانَكُنْ هُوتُ نَمَكُواْ نٜىٰ وَطَنْدَ عَكَ كٜىٰٻٜىٰ غَ يَهْوٜىٰهْ ؞ وَطَنَّنْ هَدَايُ كُمَ ڧَارِ نٜىٰ عَكَنْ بَيٜىٰ بَيٜىٰنْكُ دَ عَكَنْ هَدَايُنْكُ نَثِكَ ضَنْڟُوَا دَ عَكَنْ بَيٜىٰ بَيٜىٰنْكُ نَيَرْدَرْ رَيْ وَطَنْدَ كُكَنْ بَا يَهْوٜىٰهْ ؞

39«أَ رَانَ تَغُواْمَشَا بِيَرْ غَ وَتَنْ بَݣَويْ، لُواْكَثِنْ دَ كُكَ تَتَّارَ أَمْڢَانِنْ ڧَسَرْكُ، سَيْ كُكِيَايٜىٰ وَنَّنْ بِكٍ يَهْوٜىٰهْ حَرْ ݣُونَ بَݣَويْ؞ أَ رَانَ تَڢَرْكُوانْ دَ كُمَ أَ رَانَ تَتَݣُوسْ تَبِكٍ، ذَاعَيِ ثِكَكّٜىٰنْ هُوتُ؞

40أَ رَانَ تَڢَرْكُوانْ، ذَاكُ طِبِے یَیَنْ إِتَاثٜىٰ نَ عِتَتُوَ مَاسُ ݣَوْ دَ رَسَّنْ إِتَاثٜىٰنْ دَبِينُواْ دَ رَسَّنْ عِتَتُوَ مَاسُ غَنْيَيٜىٰ دَيَوَ دَ رَسَّنْ عِتَتُوَ نَبَاكِنْ رَاڢِ، كُيِتَيِنْ مُرْنَ أَغَبَنْ يَهْوٜىٰهْ اللَّهْ نْكُ حَرْ ݣُونَ بَݣَويْ؞

41ذَاكُ كِيَايٜىٰ بِكٍ سُجَّدَرْ نَنْ غَ يَهْوٜىٰهْ حَرْ ݣُونَ بَݣَويْ عَكُواْوَثٜىٰ شٜىٰكَرَا؞ وَنَّنْ ڧَٰعِدَ ثٜىٰ تَدِنْدِنْدِنْ أَغَرٜىٰكُ دَغَ نَنْ حَرْ إِيَاكَرْ ڟَارَرَّكِنْكُ؞

42عَثِكِنْ وَطَنَّنْ ݣُونَكِے بَݣَويْ نَبِكٍ، دُكْ وَطَنْدَ سُكٜىٰ یَیَنْ إِسْرَٰٓءِيلَ ذَاسُ ذَوْنَ عَبُكُّواْكِ؞

43تَهَكَ ڟَارَرَّكِنْكُ مَاسُ ذُوَا ذَاسُ سَنِ ثٜىٰوَ نَا سَا یَیَنْ إِسْرَٰٓءِيلَ سُذَوْنَ عَبُكُّواْكِ لُواْكَثِنْدَ نَڢِتَرْ دَسُو دَغَ مَصَرْ؞ نِنٜىٰ يَهْوٜىٰهْ اللَّهْ نْكُ؞»

44حَكَ كُوَ مُوسَٰى يَكَڢَ وَ یَیَنْ إِسْرَٰٓءِيلَ وَطَنَّنْ بُكُكُوَنْ يَهْوٜىٰهْ وَطَنْدَ عَكَ ڟَارَا؞

← Chapter 22 Jump to: Chapter 24 →