Leviticus 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1«غَا يَدَّ ڧَٰعِدَرْ هَدَايَ تَشَاڢٜىٰ لَيْڢِے تَكٜىٰ؞ هَدَايَ ثٜىٰ مَيْ ڟَرْكِے سُواْسَيْ؞

2ذَاعَيَنْكَ دَبَّرْ هَدَايَ تَشَاڢٜىٰ لَيْڢِے أَوُرِنْ دَ عَكَنْ يَنْكَ دَبُّواْبِنْ هَدَايَ تَڧُواْنَاوَا؞ ذَاعَكُمَ يَيَّڢَا جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ؞

3ڢِرِسْتِ ذَيْ مِيڧَ دُكَنْ كِڟٜىٰنْ عَكَنْ بَغَدٜىٰنْ، وَتُواْ كِڟٜىٰ نَوُڟِيَ دَ كِڟٜىٰنْدَ يَرُڢٜىٰ كَايَنْ ثِكِ،

4دَ ڧُواْدَرْ بِيُ دَ كِڟٜىٰنْدَ يَمَنّٜىٰ عَكَنْسُ دَ سَاشٜىٰ مَڢِے ݣَوْ نَهَنْتَ، وَنْدَ ذَاعَ ثِرٜىٰ تَرٜىٰدَ ڧُواْدَرْ نَنْ بِيُ؞

5ڢِرِسْتِ ذَيْ ڧُواْنٜىٰسُ عَبَغَدٜىٰنْ، هَدَايَرْدَ عَكَ مِيڧَ غَ يَهْوٜىٰهْ ، هَدَايَ تَشَاڢٜىٰ لَيْڢِے كٜىٰنَنْ؞

6كُواْوَنٜىٰ نَمِجِ دَغَ عِيَلِنْ ڢِرِسْتِ ذَيْ عِيَ ثِ؞ ذَاعَكُوَ ثِشِ أَوَنِ وُرِے مَيْ ڟَرْكِے، غَمَا وَنَّنْ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ؞

7«ڧَٰعِدَرْ يِنْ هَدَايَ تَشَاڢٜىٰ لَيْڢِے كَمَرْ تَهَدَايَ تَوَنْكٜىٰ ذُنُوبِ تَكٜىٰ؞ ڢِرِسْتِ وَنْدَ يَمِيڧَ هَدَايَرْ طَوْكَرْ أَلْحَكِنْ ذُنُوبِ، شِ ذَيْثِ نَامَنْ هَدَايَرْ؞

8حَكَ مَا ڢِرِسْتِ وَنْدَ يَمِيڧَ هَدَايَ تَڧُواْنَاوَا أَمَدَدِنْ وَنِ، ذَيْ رِڧٜىٰ ڢَتَرْ دَبَّرْ دَ عَكَيِ هَدَايَ تَڧُواْنَاوَا دَ عِتَ؞

9كُواْوَثٜىٰ هَدَايَ تَهَڟِ وَدَّ عَكَ تُواْيَ عَثِكِنْ مَتُواْيَ دَ دُكْ أَبِنْدَ عَكَ شِرْيَ عَݣُونُوانْ تُيَ، كُواْ عَكَسْكُوانْ تُيَ، ذَاتَ ذَمَ رَبُواْ نَڢِرِسْتِ وَنْدَ يَمِيڧَ هَدَايَرْ؞

10عَمَّا دُكَنْ سَوْرَنْ هَدَايُ نَهَڟِ، وَطَنْدَ عَكَ ݣُوٻَ دَ مَيْ كُواْ بَابُ مَيْ، ذَاسُ ذَمَ رَبُواْ نَدُكَنْ یَیَ مَظَا نَ هَٰرُونَ، كُمَ ذَاعَ رَبَ مُسُ دَيْدَيْ؞»

11«غَا يَدَّ ڧَٰعِدَرْ هَدَايَ تَڠَرَنْ زُمُنْثِ تَكٜىٰ، هَدَايَرْدَ مُتُمْ ذَيْ عِيَ مِيڧَ غَ يَهْوٜىٰهْ ؞

12عِدَنْ مُتُمْ يَمِيڧَ هَدَايَرْ سَبُواْدَ غُواْدِيَ، تُواْ سَيْ يَمِيڧَ دَبَّرْ هَدَايَرْ تَرٜىٰدَ وَيْنَ مَرَرْ يِسْتِ وَدَّ عَكَ ݣُوٻَ دَ مَيْ دَ غُرَاسَرْ مَرَرْ يِسْتِ وَنْدَ عَكَ شَاڢَ دَ مَيْ دَ كُمَ وَيْنَ تَغَارِ مَيْ لَوْشِ وَنْدَ يَشَا مَيْ سُواْسَيْ؞

13تَرٜىٰدَ هَدَايَرْسَ تَڠَرَنْ زُمُنْثِ دُواْمِنْ غُواْدِيَ، سَيْ يَمِيڧَ دُنْڧُلٜىٰنْ غُرَاسَ مَيْيِسْتِ؞

14دَغَ ثِكِنْ كُواْوَثٜىٰ هَدَايَ ذَيْ مِيڧَ دُنْڧُلٜىٰنْ غُرَاسَ غُدَا ݣَوْتَا تَمُسَمَّنْ غَ يَهْوٜىٰهْ ؞ وَنَّنْ غُرَاسَرْ ذَيْ ذَمَ رَبُواْ نَڢِرِسْتِ وَنْدَ يَيَيَّڢَا جِنِنْ دَبَّرْ هَدَايَ تَڠَرَنْ زُمُنْثِ؞

15نَامَنْ هَدَايَ تَڠَرَنْ زُمُنْثِ دُواْمِنْ غُواْدِيَ كُمَ ذَاعَ ثِ شِ دُكَ أَ رَانَرْ دَ عَكَ مِيڧَشِ، كَدَ عَبَرْ نَامَنْ يَݣُونَ حَرْ وَايٜىٰوَرْ غَرِ؞

16«عَمَّا عِدَنْ دُواْمِنْ ثِكَ ضَنْڟُوَا نٜىٰ مُتُمْ يَكَٰوُاْ هَدَايَ تَسَامُنْ سَلَمَ، كُواْ دُواْمِنْ بَايَرْوَ تَيَرْدَرْ رَيْ، ذَاعَ عِيَ ثِنْ نَامَنْ أَ رَانَرْ دَ عَكَ مِيڧَ هَدَايَرْ، كُمَ أَبِنْدَ يَرَغُ ذَاعَ عِيَ ثِنْ شِ وَشٜىٰغَرِ كُواْ دَ يَݣُونَ؞

17عَمَّا عِدَنْ يَا ضَغٜىٰ ذُوَا رَانَ تَ عُكُ، سَيْ عَڧُواْنٜىٰ دَ وُتَا؞

18عِدَنْ أَنْثِ نَامَنْ هَدَايَ تَڠَرَنْ زُمُنْثِ أَ رَانَ تَ عُكُ، تُواْ يَهْوٜىٰهْ بَذَيْ كَرْٻَ بَ، بَذَيْ لِسَّڢْتَا هَدَايَرْ مُتُمِنْدَ يَكَٰوُاْ تَ وَنِ أَبُبَ؞ نَامَنْ ذَيْ ذَمَ أَبِنْ ڨَمَ، كُمَ دُكْ وَنْدَ يَثِ نَامَنْ يَجَٰوُاْ وَكَنْسَ لَيْڢِے؞

19عِدَنْ نَامَنْ يَتَٻَ وَنِ أَبُ مَيْ ڧَظَنْتَا، بَذَاعَ ثِشِيبَ، ذَاعَ ڧُواْنٜىٰشِ دَ وُتَا؞ «دُكْ مُتُمِنْ دَيَكٜىٰ مَرَرْ ڧَظَنْتَا ذَيْ عِيَ ثِنْ نَامَنْ هَدَايَرْ؞

20عَمَّا دُكْ مُتُمِنْدَ يَثِ نَامَنْ هَدَايَ تَڠَرَنْ زُمُنْثِ غَ يَهْوٜىٰهْ لُواْكَثِنْ دَ يَكٜىٰدَ ڧَظَنْتَا، ذَاعَ كَوَرْ دَشِ دَغَ جَمَعَرْسَ؞

21عِدَنْ كُمَ وَنِ يَتَٻَ وَنِ أَبُ مَيْ ڧَظَنْتَا، كُواْ نَمُتُمْ نٜىٰ، كُواْ نَدَبَّنٜىٰ، كُواْ دَمَا نَحَلِتَّ مَيْ ڧَظَنْتَا نٜىٰ، يَكُمَ ثِ نَامَنْ هَدَايَ تَسَامُنْ سَلَمَ غَ يَهْوٜىٰهْ ، تُواْ وَنَّنْ مُتُمِنْ، ذَاعَ كَوَرْ دَشِ دَغَ جَمَعَرْسَ؞»

22يَهْوٜىٰهْ يَيِ مَغَنَ دَ مُوسَٰى ثٜىٰوَ

23يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «بَذَاكُثِ كِڟٜىٰ نَبِجِمِ، كُواْ نَتُمَكِ، كُواْ نَأَوَكِبَ؞

24بَذَاكُثِ كِڟٜىٰ نَدَبَّرْ دَ تَمُتُ دَ كَنْتَبَ، كُواْ دَبَّرْ دَ نَامَنْ دَاجِ يَكَشٜىٰ، عَمَّا ذَاكُ عِيَيِنْ أَمْڢَانِ دَ كِڟٜىٰنْ عَتَوَتَ حَنْيَ دَبَمْ؞

25غَمَا دُكْ وَنْدَ يَثِ كِڟٜىٰنْ دَبَّرْ دَ عَكَ مِيڧَتَ هَدَايَرْدَ عَكَ ڧُواْنَ دَ وُتَا غَ يَهْوٜىٰهْ ، ذَاعَ كَوَرْ دَشِ دَغَ جَمَعَرْسَ؞

26كُواْ تَيَيَا بَذَاكُثِ جِنِ بَ، كُواْ نَوَنِ ڟُنْڟُ نٜىٰ، كُواْ نَدَبَّنٜىٰ، أَدُكْ عِنْدَ كُكَ ذَوْنَ؞

27دُكْ وَنْدَ يَثِ جِنِ، ذَاعَ كَوَرْ دَشِ دَغَ جَمَعَرْسَ؞»

28يَهْوٜىٰهْ يَيِ مَغَنَ دَ مُوسَٰى ثٜىٰوَ

29يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «دُكْ مُتُمِنْ دَ ذَيْ مِيڧَ هَدَايَ تَڠَرَنْ زُمُنْثِ غَ يَهْوٜىٰهْ ، ذَيْ مِيڧَ وَنِ سَاشٜىٰنْ هَدَايَ ݣَوْتَا تَمُسَمَّنْ غَ يَهْوٜىٰهْ ؞

30دَهَنُّوَنْسَ ذَيْ كَٰوُاْ هَدَايَرْدَ ذَاعَ مِيڧَ دَ وُتَا غَ يَهْوٜىٰهْ ؞ ذَيْ كَٰوُاْ كِڟٜىٰنْ دَ ڧِرْجِنْ دُواْمِنْ يَمِيڧَسُ هَدَايَ تَطَغَوَ أَغَبَنْ يَهْوٜىٰهْ ؞

31ڢِرِسْتِ ذَيْ ڧُواْنٜىٰ كِڟٜىٰنْ عَكَنْ بَغَدٜىٰنْ، عَمَّا ڧِرْجِنْ ذَيْ ذَمَ رَبُواْ نَ هَٰرُونَ دَ یَیَنْسَ مَظَا؞

32ثِنْيَرْ دَامَ تَدَبَّرْ هَدَايَ تَڠَرَنْ زُمُنْثِ، ذَاعَ بَا ڢِرِسْتِ تَذَمَ ݣَوْتَرْ ڢِرِسْتِ دَغَ مُتُمِنْ كٜىٰنَنْ،

33وَتُواْ طَنْ هَٰرُونَ وَنْدَ يَيَيَّڢَا جِنِنْ هَدَايَ تَڠَرَنْ زُمُنْثِ يَكُمَ ڧُواْنَ كِڟٜىٰنْ، ذَيْ كُوَ رِڧٜىٰ ثِنْيَرْ دَامَ تَذَمَ تَاسَ رَبُوانْ؞

34غَمَا ڧِرْجِنْدَ عَكَمِيڧَ هَدَايَ تَطَغَوَ دَ ثِنْيَرْ دَ عَكَمِيڧَ، نَطَوْكُواْ نٜىٰ دَغَ هَدَايُ نَڠَرَنْ زُمُنْثِ نَمُتَنٜىٰنْ إِسْرَٰٓءِيلَ، نَبَا هَٰرُونَ ڢِرِسْتِ دَ یَیَنْسَ مَظَا سُذَمَ رَبُوانْسُ نَدِنْدِنْدِنْ؞

35«وَنَّنْ شِينٜىٰ رَبُوانْ دَ عَكَ كٜىٰٻٜىٰ وَ هَٰرُونَ دَ یَیَنْسَ مَظَا دَغَ ثِكِنْ هَدَايُنْ دَ عَكَ ڧُواْنَ دَ وُتَا غَ يَهْوٜىٰهْ ، تُنْ رَانَرْ دَ عَكَ كٜىٰٻٜىٰسُ ڢِرِسْتُواْثِنْ يَهْوٜىٰهْ ؞

36وَطَنَّنْ نٜىٰ رَبُوانْ دَ يَهْوٜىٰهْ يَعُمَرْثِ إِسْرَٰٓءِيلَاوَا سُدِنْ‌غَ بَا ڢِرِسْتُواْثِے بَايَنْدَ عَكَ كٜىٰٻٜىٰسُ ڢِرِسْتُواْثِے؞ وَنَّنْ ڧَٰعِدَثٜىٰ تَدِنْدِنْدِنْ حَرْ إِيَاكَرْ ڟَارَرْسُ؞

37«وَنَّنْ نٜىٰ ڧَٰعِدَرْ هَدَايَ تَڧُواْنَاوَا دَ تَهَدَايَ تَهَڟِ دَ تَهَدَايَ تَوَنْكٜىٰ ذُنُوبِ دَ تَهَدَايَ تَشَاڢٜىٰ لَيْڢِے دَ تَهَدَايَ تَنَطَاوَرْ ڢِرِسْتِ دَ تَهَدَايَ تَڠَرَنْ زُمُنْثِ؞

38وَطَنَّنْ نٜىٰ يَهْوٜىٰهْ يَعُمَرْثِ مُوسَٰى عَكَنْ بَبَّنْ تُدُنْ سِنَيْ، أَ رَانَرْ دَ يَهْوٜىٰهْ يَعُمَرْثِ مُتَنٜىٰنْ إِسْرَٰٓءِيلَ سُكَٰوُاْ هَدَايُنْسُ غَرٜىٰشِ، أَ دَاجِنْ سِنَيْ؞»

← Chapter 6 Jump to: Chapter 8 →