Leviticus 25

Hausa Arabic 2020 (أَتَّوْرَتْ دَ أَنَّبَاوَا)

1يَهْوٜىٰهْ يَيِ مَغَنَ دَ مُوسَٰى عَكَنْ بَبَّنْ تُدُنْ سِنَيْ ثٜىٰوَ

2يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «سَعَدَّ كُكَ شِغَ ثِكِنْ ڧَسَرْدَ نَكٜىٰ بَاكُ، دُواْلٜىٰ كُسَا ڧَسَرْ تَهُوتَ عَكُواْوَثٜىٰ شٜىٰكَرَا تَبَݣَويْ دُواْمِنْ أَغِرْمَمَ يَهْوٜىٰهْ ؞

3شٜىٰكَرُ شِدَ ذَاكُيِ نُواْمَنْ غُواْنَكِنْكُ؞ عَثِكِنْ شٜىٰكَرُ شِدَنَّنْ ذَاكُ ڠَرَ غُواْنَكِنْ إِنَبِنْكُ، كُغِرْبٜىٰ أَمْڢَانِنْسُ؞

4عَمَّا شٜىٰكَرَا تَبَݣَويْ شٜىٰكَرَا ثٜىٰ تَثِكَكّٜىٰنْ هُوتُ غَ ڧَسَرْ، شٜىٰكَرَا تَدَيْنَ عَيْكِ ثٜىٰ وَدَّ عَكَ كٜىٰٻٜىٰ غَ يَهْوٜىٰهْ ؞ بَذَاكُ نُواْمٜىٰ غُواْنَكِنْكُ بَ، بَذَاكُ كُمَ ڠَرَ غُواْنَكِنْ إِنَبِنْكُبَ؞

5بَذَاكُ غِرْبٜىٰ أَبِنْدَ يَڟِيرَا دَ كَنْسَبَ، كُواْ كُوَ كُتَتَّارَ یَیَنْ إِنَبِنْدَ بَكُ ڠَرَبَ، غَمَا شٜىٰكَرَا ثٜىٰ تَثِكَكّٜىٰنْ هُوتُ غَ ڧَسَرْ؞

6دُكْ أَبِنْدَ ڧَسَرْ تَتَنَدَ بَ دَغَ نُواْمَ بَ أَشٜىٰكَرَا تَهُوتُ، شِے ذَاكَثِ دَ بَايِنْكَ مَظَا دَ مَاتَادَ مَعَيْكَتَنْكَ دَ بَڧِنْ دَسُكٜىٰ ذَمَ تَرٜىٰدَكَيْ،

7دَ دَبُّواْبِنْكَ دَ نَمُواْمِنْ دَاجِ دُكَ؞ دُكْ أَلْبَرْكَرْ دَ ڧَسَرْ ذَاتَ بَايَرْ، ذَاتَ ذَمَ عَبِنْثِ نَكُواْوَ؞»

8«ذَاعَڧِرْغَ شٜىٰكَرُنْ هُوتُ غُدَا بَݣَويْ، وَتُواْ بَݣَويْ سَوْ بَݣَويْ، شٜىٰكَرُ أَرْبَعِنْ دَ تَرَ كٜىٰنَنْ؞

9ذَاعَيِ شٜىٰلَرْ شٜىٰكَرَا تَهَمْسِنْ دَ ڧَهُواْ مَيْ ڧَارَ؞ أَ رَانَ تَغُواْمَ غَ وَتَنْ بَݣَويْ، وَتُواْ أَ رَانَرْ طَوْكَرْ أَلْحَكِنْ ذُنُوبِ، ذَاعَ سَا عَبُوسَ ڧَهُواْ عَكُواْعِنَ عَثِكِنْ ڧَسَرْ؞

10ذَاعَكٜىٰٻٜىٰ وَنَّنْ شٜىٰكَرَا تَهَمْسِنْ دَ ڟَرْكِے؞ ذَاعَكُوَيِ شٜىٰلَرْ سَامُنْ یَنْثِ أَدُكَنْ ڧَسَرْ غَ دُكَنْ مَذَوْنَنْتَ؞ ذَاتَ ذَمَ شٜىٰكَرَا تَسَامُنْ یَنْثِ أَغَرٜىٰكُ؞ كُواْوَ ذَيْكُواْمَ غَ كَايَنْ غَادُوانْ عِيَلِنْسَ، كُواْوَ كُمَ غَ عِيَلِنْسَ؞

11شٜىٰكَرَا تَهَمْسِنْ طِنْ ذَاتَ ذَمَ شٜىٰكَرَا تَسَامُنْ یَنْثِ أَغَرٜىٰكُ؞ أَ شٜىٰكَرَرْ، بَذَاكُيِ شُوكَ بَ، كُواْ كُغِرْبٜىٰ أَبِنْدَ يَڟِيرَا دَ كَنْسَبَ، كُواْ كُتَتَّارَ یَیَنْ إِنَبِنْدَ بَكُ ڠَرَبَ؞

12غَمَا وَنَّنْ شٜىٰكَرَا ثٜىٰ تَسَامُنْ یَنْثِ أَغَرٜىٰكُ، ذَاكُ كٜىٰٻٜىٰتَ دَ ڟَرْكِے؞ ذَاكُثِ كَوَيْ أَبِنْدَ يَڟِيرَا دَ كَنْسَ؞

13«أَوَنَّنْ شٜىٰكَرَا تَسَامُنْ یَنْثِ، كُواْوَ ذَيْ كُواْمَ غَ كَايَنْ غَادُوانْسَ؞

14عِدَنْ وَنِ يَسَيَرْ دَ ڢِيلِنْسَ كُواْ يَسَيَ وَنِ ڢِيلِ دَغَ طَنْعُوَنْسَ مُتُمِنْ إِسْرَٰٓءِيلَ، كَدَ يَثُوثٜىٰشِ؞

15سَعَدَّ مُتُمْ يَسَيِ ڢِيلِ دَغَ مَڨُوبْثِنْسَ، كُطِنْ ذَيْ كَسَنْثٜىٰ بِسَغَ يَوَنْ شٜىٰكَرُنْ دَ سُكَ وُثٜىٰ بَايَنْ شٜىٰكَرَا تَهَمْسِنْ تَسَامُنْ یَنْثِ دَ كُمَ بِسَغَ يَوَنْ شٜىٰكَرُنْ نُواْمَ وَطَنْدَ سُكَ رَغُ كَاڢِنْ وَتَ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞

16عِدَنْ شٜىٰكَرُنْ دَ سُكَ رَغُ كَاڢِنْ وَتَ شٜىٰكَرَا تَهَمْسِنْ تَسَامُنْ یَنْثِ سُنَدَ يَوَ، كُطِنْ ڢِيلِنْ ذَيْ كَسَنْثٜىٰ دَيَوَ؞ عِدَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ بَسُ دَيَوَ، حَكَمَا كُطِنْ ڢِيلِنْ بَذَيْ يِيَوَبَ؞ غَمَا أَنَ سَيَرْ مَكَ بِسَغَ شٜىٰكَرُنْ دَ ذَاكَثِ أَمْڢَانِنْسَ نٜىٰ؞

17بَذَاكُ ثُوثِ جُونَبَ، عَمَّا كُجِڟُواْرُوانْ اللَّهْ نْكُ، غَمَا نِنٜىٰ يَهْوٜىٰهْ اللَّهْ نْكُ؞»

18«ذَاكُ كِيَايٜىٰ ڧَٰعِدُواْدِنَ دَ عُمَرْنَيْنَ، كُنَ عَيْكَتَاسُ، دُواْمِنْ كُذَوْنَ لَاڢِيَ عَڧَسَرْ،

19ڧَسَرْ كُمَ ذَاتَ بَادَ أَمْڢَانِنْتَ، ذَاكُثِ كُڧُواْشِ، كُذَوْنَ لَاڢِيَ؞

20«مَيْ يِوُوَ ذَاكُيِ تَمْبَيَ ثٜىٰوَ مٜىٰظَامُثِ أَ شٜىٰكَرَا تَبَݣَويْ تَهُوتُ دَيَكٜىٰ بَذَامُيِ شُوكَ بَ بَلّٜىٰ مَا مُتَتَّارَ أَمْڢَانِنْ غُواْنَكِنْمُ؟

21نِے يَهْوٜىٰهْ ذَنْظُبَ مُكُ أَلْبَرْكَ أَ شٜىٰكَرَا تَشِدَ يَدَّ ڧَسَرْ ذَاتَ بَادَ أَمْڢَانِنْ غُواْنَ مَيْ يَوَنْ غَسْكٜىٰ، وَنْدَ ذَيْثِيَرْ دَكُو حَرْ شٜىٰكَرُ عُكُ؞

22يَايِنْ دَ ذَاكُيِ شُوكَ أَ شٜىٰكَرَا تَتَݣُوسْ، ذَاكُيِ تَثِ دَغَ ضَغُواْوَرْ حَڟِ تَشٜىٰكَرَا تَشِدَ؞ ذَاكُيِ تَثِ دَغَ وَنَّنْ حَڟِ حَرْ سَابُوانْ غِرْبِے نَشٜىٰكَرَا تَتَرَ؞»

23«بَذَاعَ سَيَرْوَ وَنِ ڢِيلِ يَرِڧٜىٰ شِ دِنْدِنْدِنْ بَ، غَمَا ڧَسَرْ تَاوَثٜىٰ؞ أَ وُرِينَ كُو بَڧِينٜىٰ مَاسُ ذَمَنْ هَيَ؞

24دُكَنْ ڢِيلَيٜىٰنْ غُواْنَكِنْ دَ كُكَ غَادَ، عِدَنْ كُكَ سَيَرْ، ذَاعَ دِنْ‌غَ بَادَ دَامَ دُواْمِنْ أَ ڢَنْشٜىٰسُ؞

25«عِدَنْ وَنِ دَغَ یَنْعُوَنْكُ يَتَلَوْثٜىٰ، حَرْ يَيَنْكَ غٜىٰڢٜىٰنْ ڢِيلِنْسَ يَسَيَرْ، تُواْ سَيْ وَنِ دَغَ دَنْ‌غِنْسَ نَكُسَ يَڢَنْشِ أَبِنْدَ طَنْعُوَنْسَ يَسَيَرْ؞

26عِدَنْ مَيْ سَيَرْ دَ ڢِيلِنْ بَاشِ دَ وَنْدَ ذَيْ ڢَنْسَ مَسَ، عَمَّا إِنْ نَنْ غَبَ يَيِ ڧُواْڧَرِ يَسَامِ ڧَرْڢِنْ دَ ذَيْ ڢَنْشِ ڢِيلِنْ دَ كَنْسَ،

27سَيْ يَڧِرْغَ يَوَنْ شٜىٰكَرُنْ دَ عَكَيِ تُنْ لُواْكَثِنْ دَ عَكَ سَيَرْ دَ ڢِيلِنْ؞ سَيْ أَ لِسَّڢْتَا كُطِنْ ڢِيلِنْ بِسَغَ يَوَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ سَوْرَنْ كُطِنْدَ يَرَغُ ذَاعَ مَيَرْ وَ وَنْدَ يَسَيِ ڢِيلِنْ؞ ڢِيلِنْ كُمَ ذَاعَ مَيَرْوَ عَيْنِحِنْ مَيْشِ؞

28عَمَّا عِدَنْ بَاشِ دَ إِسَشّٜىٰنْ أَبِنْدَ ذَيْڢَنْشِ أَبِنْسَ، تُواْ، ڢِيلِنْ دَ عَكَ سَيَرْ دَشِ ذَيْثِيغَبَ دَ ذَمَ أَ حَنُّنْ وَنْدَ يَسَيَ حَرْ سَيْ شٜىٰكَرَا تَهَمْسِنْ تَسَامُنْ یَنْثِ؞ أَوَنَّنْ شٜىٰكَرَنٜىٰ، ذَاعَ مَيَرْوَ عَيْنِحِنْ مَيْ ڢِيلِنْ دَ ڢِيلِنْسَ؞

29«عِدَنْ مُتُمْ يَسَيَرْ دَ غِدَا عَثِكِنْ بِرْنِ مَيْ كَتَنْ‌غَ، ذَيْ عِيَ ڢَنْسَرْ غِدَنْ ثِكِنْ شٜىٰكَرَا غُدَا بَايَنْ سَيَرْوَ؞ عَثِكِنْ شٜىٰكَرَا غُدَا ذَيْ كَسَنْثٜىٰ دَ دَامَرْ ڢَنْسَ؞

30عَمَّا عِدَنْ بَيْ عِيَ ڢَنْسَرْ غِدَنْ ثِكِنْ شٜىٰكَرَا غُدَنَّنْ بَ، تُواْ غِدَنْ دَيَكٜىٰ عَثِكِنْ بِرْنِ مَيْ كَتَنْ‌غَ ذَيْ كَسَنْثٜىٰ دِنْدِنْدِنْ نَوَنْدَ يَسَيَ، حَرْ إِيَاكَرْ ڟَارَرَّكِنْسَ؞ بَذَاعَ مَيَرْدَ غِدَنْ أَ شٜىٰكَرَا تَهَمْسِنْ تَسَامُنْ یَنْثِبَ؞

31عَمَّا غِدَاجٜىٰ نَڧَوْيُكَ عِنْدَ بَابُ كَتَنْ‌غَ كٜىٰوَيٜىٰ دَسُو، ذَاعَ لِسَّڢْتَاسُ كَمَرْ ڢِيلَيٜىٰنْ غُواْنَكِ نٜىٰ؞ ذَاعَ عِيَ أَ ڢَنْشٜىٰسُ، ذَاعَ كُمَ مَيَرْوَ عَيْنِحِنْ مَاسُ غِدَاجٜىٰنْ أَ شٜىٰكَرَا تَهَمْسِنْ تَسَامُنْ یَنْثِ؞

32عَمَّا غَمٜىٰدَ بِرَنٜىٰنْ لَوِيَاوَا دَ غِدَاجٜىٰنْسُ عَثِكِنْ بِرَنٜىٰنْ دَ عَكَ كٜىٰٻٜىٰ مُسُ، لَوِيَاوَا سُنَدَ دَامَرْ ڢَنْسَ عَكُواْوَنٜىٰ لُواْكَثِ؞

33عِدَنْ مُتُمِنْ لَوِ يَسَيَرْ دَ غِدَا دَغَ ثِكِنْ غِدَاجٜىٰنْ بِرَنٜىٰنْ لَوِيَاوَا، بَيْ كُمَ عِيَ ڢَنْسَرْ غِدَنْبَ، ذَاعَ مَيَرْ مَسَ دَشِ أَ شٜىٰكَرَا تَهَمْسِنْ تَسَامُنْ یَنْثِنْ؞ غَمَا غِدَاجٜىٰ نَبِرَنٜىٰنْ لَوِيَاوَا مَلَّكَرْسُ تَغَادُواْ كٜىٰنَنْ تَدِنْدِنْدِنْ عَثِكِنْ مُتَنٜىٰنْ إِسْرَٰٓءِيلَ؞

34عَمَّا ڢِيلَيٜىٰ كٜىٰوَيٜىٰ دَ بِرَنٜىٰنْسُ بَذَاعَ سَيَرْبَ، غَمَا وَنَّنْ مَلَّكَرْسُ تَغَادُواْ كٜىٰنَنْ تَدِنْدِنْدِنْ؞»

35«عِدَنْ طَيَ دَغَ ثِكِنْ یَنْعُوَنْكَ يَشِغَ رَشِ حَرْ تَلَوْثِ يَكَامَ شِ، سَيْ كَتَيْمَكٜىٰشِ كَمَرْ يَدَّ يَا كَمَاتَ كَتَيْمَكِ بَڧُوانْ دَيَكٜىٰ ذَمَ عَثِكِنْكُ؞

36كَدَ كَبَاشِ رَنْثٜىٰ دَ رِيبَ عَكَيْ؞ عَمَّا كَجِڟُواْرُوانْ اللَّهْ نْكَ، كَبَرْ طَنْعُوَنْكَ يَذَوْنَ تَرٜىٰدَكَيْ؞

37بَذَاكَ بَاشِ رَنْثٜىٰنْ كُطِ دَ سَا عِدُواْ غَ سَامُنْ رِبَبَ، كُواْ كُوَ كَسَيَرْ مَسَ عَبِنْثِ دَ نٜىٰمَنْ وَتَ رِيبَ دَغَ غَرٜىٰشِيبَ؞

38نِنٜىٰ يَهْوٜىٰهْ اللَّهْ نْكُ وَنْدَ يَڢِتَرْ دَكُو دَغَ ڧَسَرْ مَصَرْ، دُواْمِنْ إِنْبَاكُ ڧَسَرْ كَنْعَنَ إِنْكُمَ ذَمَ اللَّهْ نْكُ؞»

39«عِدَنْ طَيَ دَغَ ثِكِنْ یَنْعُوَنْكَ يَتَلَوْثٜىٰ حَرْ يَكَيْ غَ سَيَرْ دَ كَنْسَ غَرٜىٰكَ، كَدَ كَتِلَسْتَ شِ يَيِ بَوْتَا كَمَرْ بَاوَ؞

40ذَيْ ذَوْنَ تَرٜىٰدَكَيْ كَمَرْ مَعَيْكَثِنْكَ نٜىٰ، يَيِ مَكَ حِدِمَ حَرْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞

41أَ لُواْكَثِنْ، شِے دَ یَیَنْسَ ذَاسُ تَاشِ سُكُواْمَ وُرِنْ دَنْ‌غِنْسُ؞ ذَاسُ كُواْمَ وُرِنْ كَايَنْ غَادُوانْسُ؞

42غَمَا إِسْرَٰٓءِيلَاوَا بَايِنَ نٜىٰ وَطَنْدَ نَڢِتَرْ دَسُو دَغَ ڧَسَرْ مَصَرْ؞ بَذَاعَ سَيَرْ دَسُو كَمَرْ بَيِبَ؞

43بَذَاكَيِ مُلْكِ عَكَنْسُ تَرٜىٰدَ نُونَ مُسُ عَذَابَ بَ، عَمَّا كَجِڟُواْرُوانْ اللَّهْ نْكَ؞

44عَمَّا غَمٜىٰدَ بَايِ مَظَا دَ مَاتَادَغَ ڧَبِيلُنْ دَسُكٜىٰ كٜىٰوَيٜىٰ دَكَيْنٜىٰ كَوَيْ ذَاكَ عِيَ سَيٜىٰنْسُ؞

45ذَاكَ عِيَ سَيٜىٰنْ بَايِ دَغَ بَڧِنْ دَسُكٜىٰ ظَوْنٜىٰ عَثِكِنْكُ، وَتُواْ عِيَلَنْسُ دَ یَیَنْ دَ سُكَ حَيْڢَ عَثِكِنْكُ؞ ذَاسُ ذَمَ مَلَّكَرْكَ؞

46ذَاكَ عِيَ مَيْشٜىٰسُ أَبِنْ غَادُواْ غَ یَیَنْكَ دُواْمِنْ سُذَمَ مَلَّكَرْ یَیَنْكَ؞ ذَاسُ ذَمَ مُكُ بَايِ نَدِنْدِنْدِنْ؞ عَمَّا غَمٜىٰدَ یَنْعُوَنْكُ إِسْرَٰٓءِيلَاوَا، وَنِ بَذَيْ يِمُلْكِ عَكَنْ وَنِ تَرٜىٰدَ نُونَ مَسَ عَذَابَبَ؞

47«عِدَنْ بَڧُوانْ دَيَكٜىٰ ذَمَ عَثِكِنْكُ يَذَمَ مَيْ أَرْزِڧِ، سَعَنً طَنْعُوَنْكُ مُتُمِنْ إِسْرَٰٓءِيلَ يَذَمَ مَيْ تَلَوْثِ، حَرْ يَسَيَرْ دَ كَنْسَ غَ بَڧُوانْ، كُواْ غَ وَنِ دَغَ عِيَلِنْ بَڧُوانْ،

48ذَاعَ عِيَ ڢَنْسَرْ مُتُمِنْ إِسْرَٰٓءِيلَ طِنْ؞ طَيَ دَغَ ثِكِنْ یَنْعُوَنْسَ ذَيْ عِيَ ڢَنْسَرْسَ،

49كُواْ طَنْعُوَنْ بَابَنْسَ نٜىٰ، كُواْ يَرُوانْ طَنْعُوَنْ بَابَنْسَ، كُواْ وَنِ دَغَ ثِكِنْ دَنْ‌غِنْسَ نَكُسَ؞ شِ كَنْسَ ذَيْ عِيَ ڢَنْسَرْ كَنْسَ إِنْ يَنَدَ كُطِنْ؞

50شِے دَ وَنْدَ يَسَيٜىٰشِ ذَاسُ لِسَّڢْتَا يَوَنْ كُطِنْ؞ يَوَنْ كُطِنْ دَ ذَاعَ بِيَ دُواْمِنْ یَنْثِنْسَ ذَاعَ لِسَّڢْتَا بِسَغَ يَوَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ ذَاعَيِ لِسَّڢِنْ بِسَغَ كُطِنْ دَ عَكٜىٰ بِيَنْ لٜىٰبُرَ؞

51عِدَنْ شٜىٰكَرُنْ دَ سُكَ رَغُ سُنْيِيَوَ، ذَيْبِيَ كُطِنْ ڠُورْڠُودُوانْ يَوَنْ كُطِنْ دَ دَا يَكَرْٻَ أَ لُواْكَثِنْدَ يَسَيَرْ دَ كَنْسَ؞

52عَمَّا عِدَنْ شٜىٰكَرُنْ دَ سُكَ رَغُ سُنْيِ كَطَنْ كَاڢِنْ شٜىٰكَرَا تَهَمْسِنْ تَسَامُنْ یَنْثِ، تُواْ ذَيْبِيَ كُطِ كَطَنْ دُواْمِنْ سَامُنْ یَنْثِنْسَ؞

53بَڧُوانْ ذَيْبِدَ مُتُمِنْ إِسْرَٰٓءِيلَنْ نَنْ كَمَرْ مَعَيْكَثِنْ دَ عَكَ طَوْكَ هَيَ تَشٜىٰكَرَا شٜىٰكَرَا؞ بَذَاعَبَرْ وَنِ بَڧُوانْ دَيَكٜىٰ ذَمَ عَثِكِنْ إِسْرَٰٓءِيلَاوَا يَنُونَ وَ طَنْعُوَنْكُ عَذَابَبَ؞

54عِدَنْ كُوَ بَعَڢَنْشٜىٰشِ تَوُرِنْ طَيَ دَغَ ثِكِنْ وَطَنَّنْ هَنْيُواْيِبَ، تُواْ، ذَاعَ یَنْتَرْ دَشِ دَ یَیَنْسَ أَشٜىٰكَرَا تَهَمْسِنْ تَسَامُنْ یَنْثِ؞

55غَمَا إِسْرَٰٓءِيلَاوَا بَايِنَنٜىٰ، سُو بَايِنَ نٜىٰ وَطَنْدَ نَڢِتَرْ دَسُو دَغَ ڧَسَرْ مَصَرْ؞ نِنٜىٰ يَهْوٜىٰهْ اللَّهْ نْكُ؞»

← Chapter 24 Jump to: Chapter 26 →