Nehemiah 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1وَنَّنْ شِينٜىٰ لَابَرِ نَ نٜىٰهٜىٰمِيَ طَنْ حَكَلِيَ؞ أَوَتَنْ كِسْلٜىٰبْ أَ شٜىٰكَرَا تَعَشِرِنْ دَ أَرْتَظٜىٰكْظٜىٰسْ يَكٜىٰ مُلْكٍ ڢَٰشِيَ، نِے نٜىٰهٜىٰمِيَ إِنَ أَوُرِے مَيْ كَتَنْ‌غَ أَ شُوشَنْ بَبَّنْ بِرْنِنْ ڧَسَرْ؞

2أَنَانً سَيْ هَنَنِ، طَيَ دَغَ ثِكِنْ یَنْعُوَنَ، يَذُواْ دَغَ يَهُودَ تَرٜىٰدَ وَطَنْسُ مُتَنٜىٰ؞ سَيْ نَتَمْبَيٜىٰسُ غَمٜىٰدَ يَهُودَاوَا، وَتُواْ ضَغُواْوَرْ مُتَنٜىٰنْمُ دَ سُكَ ڟِيرَا دَغَ بَوْتَادَ كُمَ غَمٜىٰدَ عُرُوشَلِيمَ؞

3سَيْ سُكَ ڢَطَا مِنِ ثٜىٰوَ ضَغُواْوَرْ مُتَنٜىٰنْمُ دَ سُكَ كُٻُتَ دَغَ بَوْتَا، وَطَنْدَ سُكٜىٰ عَيَنْكِنْ يَهُودَ، سُنَ ثِكِنْ ڟَنَنِنْ وَهَلَ دَ كُنْيَا سُواْسَيْ؞ سُكَ كُمَ ڢَطَا مِنِ ثٜىٰوَ تُنْدَ عَكَ رُشٜىٰ كَتَنْ‌غَرْ عُرُوشَلِيمَ عَكَ كُمَ ڧُواْنٜىٰ ڧُواْڢُواْڢِنْ، بَعَڠَرَسُبَ؞

4سَعَدَّ نَجِ وَنَّنْ لَابَرِ، نَذَوْنَ نَيِ كُوكَا؞ نَيِ ݣُونَكِے دَيَوَ إِنَ بَڧِنْ ثِكِ، إِنَ أَظُمِ دَ أَدُّعَ أَغَبَنْ اللَّهْ نَ سَمَ؞

5نَثٜىٰ، «يَا يَهْوٜىٰهْ اللَّهْ نَ سَمَ، اللَّهْ مَيْغِرْمَ، مَيْ بَنْ ڟُواْرُواْ، كَيْ مَيْ كِيَايٜىٰ يَرْجٜىٰجٜىٰنِيَنٜىٰ، مَيْ ڧَوْنَ مَرَرْ ثَنْجَاوَا غَ وَطَنْدَ سُكٜىٰ ڧَوْنَرْكَ، سُكٜىٰ كُمَ كِيَايٜىٰ عُمَرْنَنْكَ؞

6بَرِ كَكَسَ كُنّٜىٰ، كَدُوبٜىٰنِ، كَجِ أَدُّعَرْ بَاوَنْكَ، وَدَّ نَكٜىٰيِ عَيَنْظُ دَرٜىٰ دَ رَانَ أَغَبَنْكَ؞ إِنَ يِنْ أَدُّعَ أَمَدَدِنْ بَايِنْكَ إِسْرَٰٓءِيلَاوَا، إِنَ ڢُرْتَ مَكَ ذُنُبَنْدَ مُو جَمَعَرْ إِسْرَٰٓءِيلَ مُكَيِ؞ لَلَّيْ نِے دَ كَاكَنِّنَ مُنْيِ مَكَ ذُنُوبِ؞

7مُنْ عَيْكَتَ مُغُنْتَا سُواْسَيْ أَغَبَنْكَ؞ بَمُكِيَايٜىٰ عُمَرْنَيْ دَ ڧَٰعِدُواْدِ دَ دُواْكُواْكِنْدَ كَبَا بَاوَنْكَ مُوسَٰى بَ؞

8«بَرِ كَتُنَ دَ مَغَنَرْدَ كَڢَطَا وَ مُوسَٰى بَاوَنْكَ ثٜىٰوَ عِدَنْ مُتَنٜىٰنْ إِسْرَٰٓءِيلَ سُكَيِ رَشِنْ أَمِنْثِ غَرٜىٰكَ، ذَاكَ وَاڟَرْ دَسُو ثِكِنْ ڧَبِيلُ؞

9عَمَّا عِدَنْ سُنْ جُويُواْ غَرٜىٰكَ، سُنْ كُمَ كِيَايٜىٰ أَبِنْدَ كَاعُمَرْثٜىٰسُ، ذَاكَ تَتَّرَاسُ كُواْ دَمَا سُنَ أَوَرْوَڟٜىٰ حَرْ إِيَاكَرْ دُونِيَا، ذَاكَ كَٰوُاْسُ وُرِنْ ذَمَنْكَ دَ كَذَاٻَا عَيِمَكَ سُجَّدَ؞

10«سُو مُتَنٜىٰنْكَ نٜىٰ بَايِنْكَ كُمَ، كَيْ كَا ڢَنْشٜىٰسُ دَ إِيكُوانْكَ مَيْغِرْمَ دَ كُمَ حَنُّنْكَ مَيْ ڧَرْڢِے؞

11يَا عُبَنْ‌غِجِ ، بَرِ كَكَسَ كُنّٜىٰ كَجِ أَدُّعَرْ بَاوَنْكَ دَ كُمَ أَدُّعَرْ سَوْرَنْ بَايِنْكَ، وَطَنْدَ سُكٜىٰ جِنْ دَاطِنْ غِرْمَمَ سُونَنْكَ؞ بَرِ كَبَا بَاوَنْكَ نَصَرَا يَوْ، كَسَا سَرْكِے يَيِ مَسَ جِنْڧَيْ؞» أَ لُواْكَثِنْ، مَڟَيِنَ نَمَيْمِيڧَا وَسَرْكِے أَبِنْ شَا نٜىٰ؞

Jump to: Chapter 2 →