Nehemiah 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1عَكَنْ رَانَ تَعَشِرِنْ دَ حُطُ غَ وَنَّنْ وَتَنْ بَݣَويْ، مُتَنٜىٰنْ إِسْرَٰٓءِيلَ سُكَسَاكٜىٰ تَارُوَ سُكَيِ أَظُمِ سَنْيٜىٰ دَ رِيغُنَنْ نُونَ بَڧِنْ ثِكِ دَ تُوبَ سَبُواْدَ ذُنُبَنْسُ، سُكَ كُمَ ظُبَ ڧَسَا عَكَوُنَنْسُ؞

2وَطَنْدَ تُوشٜىٰنْسُ إِسْرَٰٓءِيلَ نٜىٰ سُنْ رِغَا سُنْ وَارٜىٰ كَنْسُ دَغَ دُكَنْ وَطَنْدَ دَ بَ إِسْرَٰٓءِيلَاوَا بَ؞ سَيْ سُكَ مِيڧٜىٰ أَڟَيٜىٰ سُكَ ڢَطِ ذُنُبَنْسُ دَ لَيْڢُواْڢِنْ كَاكَنِّنْسُ؞

3سَعَدَّ سُكٜىٰ نَنْ أَڟَيٜىٰ، عَكَ طَوْكِ أَوَ عُكُ أَنَ كَرَنْتَ مُسُ دَغَ ثِكِنْ لِتَّڢِنْ كُواْيَرْوَرْ يَهْوٜىٰهْ اللَّهْ نْسُ؞ عَكَ كُمَ طَوْكِ وَنِ أَوَ عُكُ مُتَنٜىٰ سُنَ تَڢُرْتَ ذُنُبَنْسُ، سُنَيِ وَ يَهْوٜىٰهْ اللَّهْ نْسُ سُجَّدَ، سُنَ رُسُنَاوَ دَ ڢُسْكَرْسُ حَرْ ڧَسَا؞

4لَوِيَاوَا سُكَ ڟَيَ عَكَنْ مَتَاكَلَنْ بَبَّنْ تٜىٰبُرِنْ دَ عَكَيِ دُواْمِنْسُ؞ عَثِكِنْسُ كُوَ أَݣَويْ يٜىٰشُوَ دَ بَنِ دَ كَدْمِيٜىٰلْ دَ شٜىٰبَنِيَ دَ بُنِّ دَ شٜىٰرٜىٰبِيَ دَ بَنِ دَ كٜىٰنَنِ؞ وَطَنَّنْ سُكَيِ أَدُّعَ دَ بَبَّرْ مُرْيَ ذُوَاغَ يَهْوٜىٰهْ اللَّهْ نْسُ؞

5سَيْ وَطَنَّنْ لَوِيَاوَا وَتُواْ، يٜىٰشُوَ دَ كَدْمِيٜىٰلْ دَ بَنِ دَ هَشَبْنٜىٰيَ دَ شٜىٰرٜىٰبِيَ دَ هُواْدِيَ دَ شٜىٰبَنِيَ دَ ڢٜىٰتَهِيَ سُكَيِ كِرَنْ سُجَّدَ سُكَثٜىٰ، «تَاشِ ڟَيٜىٰ كُيَبِے يَهْوٜىٰهْ اللَّهْ نْكُ، اللَّهْ نْكُ مَرَرْ ڢَرْكُواْ مَرَرْ ڧَرْشٜىٰ!» «أَلْبَرْكَ تَا تَبَّتَا غَ سُونَنْكَ مَيْ دَرَجَ، سُونَنْدَ يَڢِ دُكَنْ أَلْبَرْكَ دَ يَبُواْ!

6يَا يَهْوٜىٰهْ ، كَيْ كَطَيْ نٜىٰ يَهْوٜىٰهْ ، كَيْ كَايِ سَمَ، دَ سَمَنْ سَمَّيْ دَ تَوْرَرِنْ سَمَ؞ كَيْ كَايِ ڧَسَا دَ دُكَنْ أَبِنْدَ يَكٜىٰ ثِكِنْتَ؞ كَيْ كَايِ تٜىٰكُ دَ دُكَنْ أَبِنْدَ يَكٜىٰ ثِكِنْتَ؞ كَيْ كَا كِيَايٜىٰ رَنْسُ دُكَ؞ حَلِتُّنْ سَمَ كُمَ سُنَيِ مَكَ سُجَّدَ؞

7يَا يَهْوٜىٰهْ اللَّهْ ، كَيْنٜىٰ كَا ذَاٻِ إِبْرَمْ؞ كَيْ كَا ڢِتَرْدَشِ دَغَ ڧَسَرْ عُرْ تَ كَلْدِيَاوَا، كَيْ كَا ثَنْجَ سُونَنْسَ ذُوَا إِبْرَٰهِيمْ؞

8كَا سَامٜىٰشِ مَيْ أَمِنْثِنٜىٰ أَغَرٜىٰكَ، كَايِ يَرْجٜىٰجٜىٰنِيَ دَشِ، يَرْجٜىٰجٜىٰنِيَ تَبَا ذُرِيَرْسَ ڧَسَرْ كَنْعَنِيَاوَا، دَ ڧَسَرْ هِتِّيَاوَا دَ تَ أَمُواْرِيَاوَا، دَ ڧَسَرْ ڢٜىٰرِظِّيَاوَا دَ تَ يٜىٰبُسِيَاوَا دَ تَ غِرْغَشِيَاوَا؞ كَيْ كَا ثِكَ مَغَنَرْكَ، غَمَا كَيْ مَيْ أَدَلْثِنٜىٰ؞

9«كَا لُورَ دَ وَهَلَرْ كَاكَنِّنْمُ عَڧَسَرْ مَصَرْ، كَاجِ كُوكَنْسُ عَبَاكِنْ تٜىٰكُنْ ثِيَوَرْ إِوَ؞

10كَا عَيْكَتَ عَلَمُ دَ أَيُّكَنْ بَنْ مَامَاكِ عَكَنْ سَرْكِے ڢِرْعَوْنَ دَ دَتَّاوَنْسَ دَ مُتَنٜىٰنْ ڧَسَرْسَ، غَمَا كَاسَنْ يَدَّ سُكَ دَنّٜىٰ كَاكَنِّنْمُ؞ تَهَكَ كَيِ سُونَ، سُونَنْ دَ كَكٜىٰ دَشِ حَرْ يَوْ؞

11كَارَبَ تٜىٰكُ أَغَبَنْ كَاكَنِّنْمُ، سُكَبِے تَڟَكِيَرْ تٜىٰكُ عَكَنْ بُوسَشِّيَرْ ڧَسَا؞ كَا جٜىٰڢَرْ دَ مَاسُبِنْسُ ثِكِنْ ظُرْڢِنْ تٜىٰكُ، كَمَرْ دُوڟٜىٰ ثِكِنْ ضُوً تٜىٰكُ مَيْ هَوْكَ؞

12«دَ رَانَ كَا بِيدَسُو دَ ڧُنْشِنْ غِرْغِجٜىٰ، دَ دَرٜىٰ دَ ڧُنْشِنْ وُتَا، دُواْمِنْ أَ حَصْكَكَ حَنْيَرْ دَ ذَاسُبِے؞

13«كَا سَوْكَ عَكَنْ بَبَّنْ تُدُنْ سِنَيْ، كَيِ مَغَنَ دَ كَاكَنِّنْمُ دَغَ سَمَ؞ كَابَاسُ كُواْيَرْوَا دَ عُمَرْنَنْ دَسُكٜىٰ دَيْدَيْ، كَابَاسُ ڧَٰعِدُواْدِ دَ دُواْكُواْكِ مَاسُ ݣَوْ؞

14كَا بَيَّنَ مُسُ رَانَرْكَ تَهُوتُ تَمَكُواْ سُكِيَايٜىٰتَ دَ ڟَرْكِے، كَا كَڢَ مُسُ دُواْكُواْكِنْكَ دَ عُمَرْنَنْكَ دَ كُواْيَرْوَرْكَ تَهَنُّنْ بَاوَنْكَ مُوسَٰى؞

15دَسُكٜىٰ جِنْ يُنْوَ، كَبَاسُ عَبِنْثِ دَغَ سَمَ، دَسُكٜىٰ جِنْ ڧِشِنْ ضُوَ، كَڢِتَرْدَ ضُوَ دَغَ دُوڟٜىٰ؞ كَا ڢَطَا مُسُ سُمَلَّكِ ڧَسَرْ، ڧَسَرْ غَادُوانْدَ كَرَنْڟٜىٰ ذَاكَبَاسُ؞

16«عَمَّا سُو كَاكَنِّنْمُ سُكَ نُونَ غِرْمَنْ كَيْ، سُكَ كُمَ تَوْرَرٜىٰ كَنْسُ، سُكَڧِ يِنْ بِيَيَّ دَ دُواْكُواْكِنْكَ؞

17أَيُّكَنْ بَنْ مَامَاكِنْدَ كَيِ مُسُ، سُكَ مَنْتَادَسُو؞ سُكَيِ ڧِنْجِ، سُكَ تَوْرَرٜىٰ كَنْسُ؞ عَثِكِنْ تَاوَيٜىٰنْسُ، سُكَ ذَاٻِ شُوغَبَا يَكُواْمَرْ دَسُو غَ بَوْتَرْسُ أَ مَصَرْ؞ عَمَّا كَيْ اللَّهْ مَيْيِنْ غَاڢَرَ نٜىٰ، مَيْ أَلْحٜىٰرِ، كُمَ مَيْ جِنْڧَيْ، مَرَرْ سَوْرِنْ ڢُشِے، مَيْ يَوَنْ ڧَوْنَ مَرَرْ ثَنْجَاوَا؞ كَيْ، اللَّهْ ، بَكَ يَاشٜىٰسُبَ؞

18كُواْ دَ سُكَيِ وَكَنْسُ غُنْكِنْ ڧَرْڢٜىٰ مَيْ صِڢَّرْ طَنْ بِجِمِ، سُكَثٜىٰ، ‹غَا اللَّهْ وَنْدَ يَڢِتَرْ دَكُو دَغَ ڧَسَرْ مَصَرْ،› تَهَكَ سُكَيِ مَكَ صَاٻُواْ مَيْ يَوَ،

19كَيْ بَكَيَاشٜىٰسُ أَدَاجِبَ، غَمَا جِنْڧَنْكَ مَيْغِرْمَنٜىٰ؞ ڧُنْشِنْ غِرْغِجٜىٰ بَيْ دَيْنَ بِيدَسُو دَ رَانَبَ، ڧُنْشِنْ وُتَا بَيْ دَيْنَ حَصْكَكَ حَنْيَرْسُ دَ دَرٜىٰبَ؞

20كَبَاسُ رُوحُنْكَ مَيْ أَلْحٜىٰرِ يَكُواْيَرْ دَسُو، بَكَ دَيْنَبَاسُ مَنَّرْكَ سُثِبَ، كُواْ ضُوَ لُواْكَثِنْ دَسُكٜىٰ جِنْ ڧِشِ؞

21شٜىٰكَرُ أَرْبَعِنْ كَنَ لُورَ دَسُو أَدَاجِ، بَسُ رَسَ كُواْمٜىٰبَ، رِيغُنَنْسُ بَسُ ڟُوڢَبَ، كُمَ ڧَڢَاڢُنْسُ بَسُ كُمْبُرَبَ؞

22«كَبَاسُ مُلْكُواْكِ دَ ڧَبِيلُ، كَرَرَّبَ مُسُ ڧَسَاشٜىٰ؞ سُكَثِ ڧَسَرْ هٜىٰشْبُوانْ نَ سَرْكِے سِهُوانْ دَ يَاڧِ، دَ ڧَسَرْ بَشَنْ نَ سَرْكِے عُواغْ؞

23كَا سَا یَیَنْسُ سُيِيَوَ كَمَرْ تَوْرَرِ أَسَرَرِنْ سَمَ؞ كَا كَٰوُاْسُ ثِكِنْ ڧَسَرْ، ڧَسَرْدَ دَا كَا ڢَطَا وَكَاكَنِّنْسُ سُشِغَ سُمَلَّكٜىٰتَ؞

24یَیَنْسُ سُكَ شِغَ سُكَ مَلَّكِ ڧَسَرْ كَنْعَنَ، كَا شَا غَبَنْسُ كَاثِ ڧَبِيلُنْ ڧَسَرْدَ يَاڧِ؞ كَا بَادَ مَذَوْنَنْ كَنْعَنَ أَ حَنُّنْسُ، دَ ڧَبِيلُ دَ سَرَاكُنَنْ دُكَ، سُيِ مُسُ يَدَّ سُنْ غَ دَامَ؞

25مُتَنٜىٰنْكَ سُكَ ڨُوثٜىٰ بِرَنٜىٰ مَاسُ كَتَنْ‌غَ دَ ڧَسَا مَيْ يَوَنْ أَمْڢَانِ؞ سُكَ ڨُوثٜىٰ غِدَاجٜىٰ ثِكٜىٰ دَ كَايَ مَاسُ ݣَوْ إِرِ إِرِ، دَ رِجِيُواْيِنْ دَ أَنْرِغَا أَنْتُواْنَ، دَ عِتَتُوَنْ إِنَبِے دَ عِتَتُوَنْ ظَيْتُنْ، دَ عِتَتُوَ دَيَوَ مَاسُ یَیَ؞ سُكَثِ، سُكَ ڧُواْشِ، سُكَيِ ڧِبَ، سُكَجِ دَاطِنْ أَلْحٜىٰرِنْدَ كَيِ مُسُ عَيَلْوَثٜىٰ؞

26«عَمَّا سُكَڧِ يِنْ بِيَيَّ سُكَيِ تَاوَيٜىٰ، سُكَ جُويَاوَا كُواْيَرْوَرْكَ بَايَ؞ سُكَ كَكَّشٜىٰ أَنَّبَاوَنْكَ، أَنَّبَاوَنْ دَ سُكَ غَرْغَطٜىٰسُ سُجُويُواْ وُرِنْكَ؞ تَهَكَ سُكَيِ مَكَ صَاٻُواْ مَيْيَوَ؞

27«سَبُواْدَ حَكَ كَبَادَسُو أَ حَنُّنْ أَبُواْكَنْ غَابَنْسُ وَطَنْدَ سُكَ دَنّٜىٰسُ؞ أَ ذَمَنْ دَنِّيَرْسُ، مُتَنٜىٰنْكَ سُكَيِ كُوكَا غَرٜىٰكَ، كَيْ كَكُوَ جِيسُ دَغَ سَمَ؞ بِسَغَ يَوَنْ جِنْڧَنْكَ كَعَيْكَ مُسُ مَاسُ ثٜىٰتُواْ وَطَنْدَ سُكَثٜىٰثٜىٰسُ دَغَ حَنُّنْ أَبُواْكَنْ غَابَنْسُ؞

28عَمَّا سَعَدَّ سُكَ سَامِ سَوْڧِ، سَيْ سُكَسَاكٜىٰ عَيْكَتَ مُغُنْتَا أَغَبَنْكَ؞ سَيْ كَبَرْسُ أَ حَنُّنْ أَبُواْكَنْ غَابَنْسُ سُيِ مُلْكِ عَكَنْسُ؞ دُكْدَهَكَ دَ سُكَ جُويَا سُكَيِ كِرَا غَرٜىٰكَ، كَا كُوَ جِيسُ دَغَ سَمَ، سَوْ دَيَوَ كَكَنْ كُٻُتَرْ دَسُو بِسَغَ يَوَنْ جِنْڧَنْكَ؞

29كَا غَرْغَطٜىٰسُ دُواْمِنْ كَجُويٜىٰسُ غَ كُواْيَرْوَرْكَ، عَمَّا سُكَ نُونَ غِرْمَنْ كَيْ سُكَڧِ يِنْ بِيَيَّ غَ دُواْكُواْكِنْكَ؞ سُكَيِ ذُنُوبِ سُكَ رٜىٰنَ عُمَرْنَنْكَ، كُواْدَيَكٜىٰ تَوُرِنْ كِيَايٜىٰ سُونٜىٰ مُتُمْ ذَيْ رَايُ؞ سُكَيِ ڧِنْجِ، سُكَ تَوْرَرٜىٰ كَنْسُ، سُكَڧِ يِنْ بِيَيَّ؞

30كَايِ حَڧُرِ دَسُو شٜىٰكَرَا دَ شٜىٰكَرُ، كَغَرْغَطٜىٰسُ دَ رُوحُنْكَ تَوُرِنْ أَنَّبَاوَنْكَ؞ عَمَّا مُتَنٜىٰنْكَ سُكَ تُواْشٜىٰ كُنُّوَنْسُ؞ سَبُواْدَ حَكَ كَبَادَسُو أَ حَنُّنْ ڧَبِيلُنْ ڧَسَاشٜىٰ كٜىٰوَيٜىٰ دَسُو؞

31حَرْ يَنْذُ سَبُواْدَ يَوَنْ جِنْڧَنْكَ، بَكَبَرْسُ كُواْ هَلَكَاسُبَ؞ غَمَا كَيْ اللَّهْ مَيْ أَلْحٜىٰرِ نٜىٰ مَيْ جِنْڧَيْ!

32«يَنْذُ ڢَا، يَا اللَّهْ نْمُ، اللَّهْ مَيْغِرْمَ، مَيْ إِيكُواْ دَ مَيْ بَنْ ڟُواْرُواْ، مَيْ كِيَايٜىٰ يَرْجٜىٰجٜىٰنِيَ دَ مَيْ ڧَوْنَ مَرَرْ ثَنْجَاوَا، كَدَ كَرٜىٰنَ وَهَلَرْمُ أَعِدُوانْكَ! وَهَلَرْ دَ تَذُواْ كَنْمُ دَ كَنْ سَرَاكُنَنْمُ دَ كَنْ شُوغَبَنِّنْمُ، دَ كَنْ ڢِرِسْتُواْثِنْمُ دَ كَنْ أَنَّبَاوَنْمُ، دَ كَنْ كَاكَنِّنْمُ دَ كَنْ دُكَنْ مُتَنٜىٰنْكَ، تُنْدَغَ زَامَانِنْ سَرَاكُنَنْ أَسُّرِيَ حَرْ ذُوَا يَوْ؞

33عَمَّا كَيِ أَدَلْثِے ثِكِنْ دُكَنْ أَبُبُوَنْ دَ سُكَ ڢَرُ دَمُو، غَمَا كَايِ أَمِنْثِ، كُواْدَيَكٜىٰ مُو مُنْيِ مَكَ مُغُنْتَا؞

34سَرَاكُنَنْمُ دَ شُوغَبَنِّنْمُ دَ ڢِرِسْتُواْثِنْمُ دَ كَاكَنِّنْمُ بَسُ كِيَايٜىٰ كُواْيَرْوَرْكَبَ؞ بَسُ كَسَ كُنّٜىٰ غَ دُواْكُواْكِنْكَ، كُواْ غَرْغَطِنْكَ دَ كَشَيْدَ عَكَنْسُبَ؞

35بَسُيِ مَكَ حِدِمَ كُواْ سُرَبُ دَ مُغُنْتَارْسُبَ؞ كُواْدَيَكٜىٰ سُنَدَ مُلْكِنْسُ، سُنْ كُمَجِ دَاطِنْ يَوَنْ أَلْحٜىٰرِنْكَ عَكَنْسُ، دَ ڧَسَا مَيْ ڢَاطِ دَ أَمْڢَانِ وَدَّ كَبَاسُ؞

36«غَاشِ، يَوْ مُو بَايِنٜىٰ، كُمَ ڧَسَرْدَ كَبَا كَاكَنِّنْمُ سُثِ یَیَنْ عِتَتُوَنْتَ دَ سَوْرَنْ أَمْڢَانِنْتَ، غَاشِ، مُو بَايِنٜىٰ عَثِكِنْتَ؞

37سَبُواْدَ ذُنُبَنْمُ، أَمْڢَانِ مَيْ يَوَ نَڧَسَرْ يَنَ تَڢِيَ أَ حَنُّنْ سَرَاكُنَ، سَرَاكُنَنْدَ كَسَا عَكَنْمُ، دَ عَكَنْ جِكُنَنْمُ دَ دَبُّواْبِنْمُ، سَرَاكُنَنْ دَسُكٜىٰيِ يَدَّ سُكَغَ دَامَ؞ مُو كُوَ مُنَ ثِكِنْ بَڧِنْ ثِكِ سُواْسَيْ؞»

38«سَبُواْدَ دُكَنْ وَنَّنْ، مُو جَمَعَرْ إِسْرَٰٓءِيلَ مُكٜىٰيِنْ مُهِمِّنْ أَلْڧَوَرِ، مُنَ كُمَ رُبُوتَشِ؞ شُوغَبَنِّنْمُ دَ لَوِيَاوَنْمُ دَ ڢِرِسْتُواْثِنْمُ كُمَ سُنَ بُغَ هَاتِمِنْسُ عَكَيْ؞»

← Chapter 8 Jump to: Chapter 10 →