Nehemiah 13

Hausa Arabic 2020 (أَتَّوْرَتْ دَ أَنَّبَاوَا)

← Chapter 12 Jump to:

1أَ رَانَرْ نَنْ عَكَ كَرَنْتَ دَغَ نَطَطّٜىٰنْ لِتَّڢِنْ كُواْيَرْوَرْ مُوسَٰى عَكُنُّوَنْ مُتَنٜىٰ؞ عَثِكِنْ لِتَّڢِنْ عَكَ تَرَرْ دَ وَتَ دُواْكَرْ دَ تَثٜىٰ كَدَ وَنِ مُتُمِنْ أَمُّوانْ كُواْ مُتُمِنْ مُواْوَبْ يَشِغَ ثِكِنْ تَارُوانْ جَمَعَرْ اللَّهْ ؞

2غَمَا مُتَنٜىٰنْ أَمُّوانْ دَ نَ مُواْوَبْ بَسُ بَا مُتَنٜىٰنْ إِسْرَٰٓءِيلَ عَبِنْثِ كُواْ ضُوً شَا بَ سَعَدَّ سُكَ ڢِتُواْ دَغَ ڧَسَرْ مَصَرْ؞ أَ مَيْمَكُوانْ حَكَ، سُكَ بَا بَلَعَمْ كُطِ يَلَعَنْتَ مُتَنٜىٰنْ اللَّهْ ؞ عَمَّا اللَّهْ نْمُ يَجُويَرْدَ لَعَنَرْ تَذَمَ أَلْبَرْكَ؞

3سَعَدَّ مُتَنٜىٰنْ إِسْرَٰٓءِيلَ سُكَجِ كُواْيَرْوَرْ مُوسَٰى، سَيْ سُكَ وَارٜىٰ دُكَنْ مُتَنٜىٰنْ دَ أَصَلِنْسُ بَ نَ إِسْرَٰٓءِيلَ بَ دَغَ ثِكِنْسُ؞

4كَاڢِنْ وَنَّنْ لُواْكَثِ أَنْسَا عٜىٰلِيَشِبْ ڢِرِسْتِ يَلُورَ دَ طَكُنَنْ أَجِيَ نَغِدَنْ اللَّهْ نْمُ؞ سَبُواْدَ يَنَدَ دَنْ‌غَنْتَكَ دَ تُواْبِيَ،

5سَيْ يَبَا تُواْبِيَ بَبَّنْ طَاكِنْ دَ دَا عَكَنْ أَجِيٜىٰ بَايَرْوَ تَهَڟِ دَ تَتُرَارٜىٰ دَ تَكَايَنْ دَ عَكَيِ أَمْڢَانِ دَسُو أَ هَيْكَلِ دَ كُمَ زَكَّ تَهَڟِ دَ تَسَابُوانْ ضُوً إِنَبِے دَ تَمَنْ ظَيْتُنْ دَ عَكَ عُمَرْتَ دُواْمِنْ لَوِيَاوَا دَ مَوَاڧَ دَ مَاسُ غَادِنْ ڧُواْڢُواْڢِنْ هَيْكَلِ دَ كُمَ بَايَرْوَ دُواْمِنْ ڢِرِسْتُواْثِے؞

6سَعَدَّ وَنَّنْ يَكٜىٰ ڢَرُوَ، بَانَ نَنْ أَ عُرُوشَلِيمَ، غَمَا أَ شٜىٰكَرَا تَتَلَتِنْ دَ بِيُ تَمُلْكٍ سَرْكِے أَرْتَظٜىٰكْظٜىٰسْ نَ بَابِيلَ، نَتَڢِے وُرِنْسَ دُواْمِنْ إِنْبَاشِ رَهُواْتُواْ؞ بَايَنْ طَنْ لُواْكَثِ، سَيْ نَ ضُواْڧِ إِظْنِنْ سَرْكِے إِنْكُواْمَ عُرُوشَلِيمَ؞

7دَنَكُواْمُواْ عُرُوشَلِيمَ، سَيْ نَتَرَرْ دَ مُوغُنْ أَبِنْدَ عٜىٰلِيَشِبْ يَيِ، يَدَّ يَشِرْيَ وَ تُواْبِيَ طَاكِ دَغَ طَكُنَ نَوَجٜىٰنْ ڢِيلِنْ غِدَنْ اللَّهْ ؞

8سَيْ نَيِ ڢُشِے سُواْسَيْ، نَڢِتَرْدَ دُكَ كَايَنْ تُواْبِيَ نَظُبَرْ أَوَجٜىٰ؞

9سَيْ نَبَادَ عُمَرْنِ أَڟَبْتَثٜىٰ طَكُنَنْ بِسَغَ دُواْكَا؞ سَعَنً نَمَيَرْدَ كَايَنْ غِدَنْ اللَّهْ ، تَرٜىٰدَ بَايَرْوَ تَهَڟِ دَ تَتُرَارٜىٰ؞

10نَكُمَ غَانٜىٰ ثٜىٰوَ مُتَنٜىٰ بَسُ بَادَ رَبُوانْ دَ عَكَ ڟَارَا دُواْمِنْ لَوِيَاوَا بَ؞ سَبُواْدَ حَكَ لَوِيَاوَا دَ مَوَاڧَ وَطَنْدَ سُكٜىٰبِدَ سُجَّدَ سُنْ غُدُ سُنْ كُواْمَ غُواْنَكِنْسُ؞

11سَيْ نَڟَاوَتَا وَدَتَّاوَا نَثٜىٰ «دُوانْمٜىٰ عَكَ ڨَلٜىٰ غِدَنْ اللَّهْ حَكَ؟» سَعَنً نَتَتَّارَ لَوِيَاوَا دَ مَوَاڧَ، نَسَا سُكُواْمَ أَوُرَارٜىٰنْ عَيْكِنْسُ؞

12سَعَنً دُكَنْ مُتَنٜىٰنْ يَهُودَ سُكَ كَٰوُاْ زَكَّ تَهَڟِ دَ تَسَابُوانْ ضُوً إِنَبِے دَ تَمَنْ ظَيْتُنْ عَثِكِنْ طَكُنَنْ أَجِيَ؞

13سَيْنَسَا شٜىٰلٜىٰمِيَ وَنْدَ يَكٜىٰ ڢِرِسْتِ دَ ظَدُواكْ وَنْدَ يَكٜىٰ مَلَمِنْ كُواْيَرْوَرْ مُوسَٰى دَ ڢٜىٰدَيَ وَنْدَ يَكٜىٰ نَظُرِيَرْ لَوِ، سُكُلَ دَ طَكُنَنْ أَجِيَ؞ نَكُمَسَا هَنَنْ طَنْ ظَكُّرْ، جِيكَنْ مَتَّنِيَ، يَذَمَ مَتَيْمَكِنْسُ؞ سَبُواْدَ أَنْسَنِ سُو مَاسُ أَمِنْثِنٜىٰ، سَيْ عَكَبَاسُ حَكِّنْ رَبَ وَیَنْعُوَنْسُ كَايَنْ دَ عَكٜىٰ كَٰوُاْوَ؞

14«يَا اللَّهْ نَا، تُنَ دَنِے سَبُواْدَ وَنَّنْ؞ كَدَ كَشَرٜىٰ دَغَ تُنَانِنْكَ أَيُّكَنْ كِرْكِنْدَ نَيِ دُواْمِنْ غِدَنْ اللَّهْ نَا دَ كُمَ دُواْمِنْ حِدِمَرْ دَ عَكٜىٰيِ أَ غِدَنْ؞»

15عَثِكِنْ ݣُونَكِنَّنْ، نَغَ مُتَنٜىٰ عَيَنْكِنْ يَهُودَ سُنَ مَڟٜىٰ ضُوً إِنَبِے أَ رَانَرْ هُوتُ تَمَكُواْ؞ سُنَ كَٰوُاْ بُهُنَنْ حَڟِ دَ كُمَ ضُوً إِنَبِے دَ یَیَنْ إِنَبِے دَ ٻَوْرٜىٰ دَ كَايَنْ غُواْنَ إِرِ إِرِ سُنَ لُواْدِنْسُ عَكَنْ جَاكُنَنْسُ، سُنَ كَٰوُاْوَ أَ عُرُوشَلِيمَ أَ رَانَرْ هُوتُ تَمَكُواْ؞ سَبُواْدَ حَكَ نَيِ مُسُ ڢَطَ، كَدَ سُسَيَرْ دَ كَايَ أَوَنَّنْ رَانَ؞

16وَطَنْسُ مُتَنٜىٰ دَغَ بِرْنِنْ تَيَ دَسُكٜىٰ ظَوْنٜىٰ عَثِكِنْ بِرْنِنْ عُرُوشَلِيمَ، سُكَنْ كَٰوُاْ كِيڢِ دَ كُمَ كَايَ إِرِ إِرِ ثِكِنْ بِرْنِنْ عُرُوشَلِيمَ دُواْمِنْ سُسَيَرْ وَمُتَنٜىٰنْ يَهُودَ أَ رَانَرْ هُوتُ تَمَكُواْ؞

17سَيْ نَڟَاوَتَا وَشُوغَبَنِّنْ يَهُودَ نَثٜىٰمُسُ «كُدُوبَ إِرِنْ مُوغُنْ حَلِنْ دَ كُكٜىٰيِ! كُنَ ڧَظَنْتَرْدَ رَانَرْ هُوتُ تَمَكُواْ!

18بَهَكَ كَاكَنِّنْكُ سُكَيِبَ؟ بَ دُواْمِنْ حَكَنٜىٰ اللَّهْ نْمُ يَكَٰوُاْ دُكَنْ وَنَّنْ ڟَنَنِنْ حُكُنْثِ عَكَنْمُ دَ عَكَنْ بِرْنِنْ بَ؟ دُكْدَهَكَ كُنَ ڧَارَ كَٰوُاْ ڢُشِنْ اللَّهْ عَكَنْ إِسْرَٰٓءِيلَ تَوُرِنْ ڧَظَنْتَرْدَ رَانَرْ هُوتُ تَمَكُواْ!»

19سَيْ نَبَادَ عُمَرْنِ أَ رُڢٜىٰ ڧُواْڢُواْڢِنْ عُرُوشَلِيمَ أَ ڢَارَوَرْ رَانَرْ هُوتُ تَمَكُواْ، وَتُواْ تُنْ ڢَاطُوَرْ رَانَ كٜىٰنَنْ؞ نَكُمَ عُمَرْتَ ثٜىٰوَ ڧُواْڢُواْڢِنْ سُكَسَنْثٜىٰ عَكُلّٜىٰ، سَيْ رَانَرْ هُوتُ تَمَكُواْ تَوُثٜىٰ؞ نَسَا وَطَنْسُ مَاسُ يِمِنِ حِدِمَ عَڧُواْڢُواْڢِنْ سُتَبَّتَرْ بَعَشِغَ دَ وَنِ كَايَ عَثِكِنْ بِرْنِنْ أَ رَانَرْ هُوتُ تَمَكُواْبَ؞

20سَوْ طَيَ كُواْ سَوْ بِيُ یَنْ كَاسُوَ دَ مَاسُ سَيَرْ دَ كَايَ إِرِ إِرِ سُكَ ݣُونَ عَبَايَنْ كَتَنْ‌غَرْ بِرْنِنْ عُرُوشَلِيمَ؞

21عَمَّا نَا غَرْغَطٜىٰسُ نَاثٜىٰ «مٜىٰيَسَا كُكَ ݣُونَ عَبَايَنْ كَتَنْ‌غَرْ؟ عِدَنْ كُكَ ڧَارَيِنْ حَكَ ذَنْ كَامَكُ!» دَغَ وَنَّنْ لُواْكَثِ بَسُ ڧَارَ ذُوَا أَ رَانَرْ هُوتُ تَمَكُواْبَ؞

22سَيْ نَعُمَرْثِ لَوِيَاوَا سُڟَبْتَثٜىٰ كَنْسُ بِسَغَ دُواْكَا، سُتَڢِے سُيِ غَادِنْ ڧُواْڢُواْڢِنْ دُواْمِنْ سُتَبَّتَرْ أَنْكِيَايٜىٰ رَانَرْ هُوتُ تَمَكُواْ دَ ڟَرْكِے؞ «يَا اللَّهْ نَا، تُنَ دَنِے سَبُواْدَ وَنَّنْ؞ بَرِ كَيِمِنِ جِنْڧَيْ بِسَغَ يَوَنْ ڧَوْنَرْكَ مَرَرْ ثَنْجَاوَا؞»

23ثِكِنْ ݣُونَكِنَّنْ نَكُمَ غَا يَهُودَاوَا دَيَوَ وَطَنْدَ سُكَ عَوْرِ مَاتَادَغَ ڧَسَرْ أَشْدُوادْ دَ ڧَسَرْ أَمُّوانْ دَ كُمَ ڧَسَرْ مُواْوَبْ؞

24رَبِنْ یَیَنْسُ سُنَ يَرٜىٰنْ أَشْدُوادْ كُواْ وَنِ يَرٜىٰ دَبَمْ، حَرْ مَا بَسُيِ مَغَنَ دَ يَرٜىٰنْمُ نَ يَهُودَ بَ؞

25سَيْ نَيِ وَمُتَنٜىٰنْ ڢَطَ سُواْسَيْ، نَلَعَنْتَسُ، نَدُوكٜىٰ وَطَنْسُنْسُ، نَثِثِّرٜىٰ غَاشِنْ كَنْسُ؞ سَيْنَسَا سُرَنْڟٜىٰ دَ سُونَنْ اللَّهْ ثٜىٰوَ بَذَاسُ ڧَارَ بَادَ یَیَنْسُ مَتَ غَ یَیَ مَظَا نَوَطَنْدَ بَا يَهُودَاوَا بَ سُعَوْرَ، كُواْ یَیَنْسُ مَظَا كُواْ سُو كَنْسُ سُعَوْرِ یَیَنْ مَاتَا وَطَنْدَ بَا يَهُودَاوَا بَ؞

26سَيْ نَڢَطَا مُسُ نَثٜىٰ «بَعَكَنْ إِرِنْ وَطَنَّنْ عَوْرٜىٰ عَوْرٜىٰنْ نٜىٰ سَرْكِے سُلَيْمَٰنُ يَيِ ذُنُوبِبَ؟ عَثِكِنْ دُكَنْ سَرَاكُنَنْ أَلْعُمَّيْ بَابُ سَرْكِے كَمَرْ سَرْكِے سُلَيْمَٰنُ؞ اللَّهْ نْسَ يَڧَوْنَثٜىٰشِ يَكُمَ نَطَشِ سَرْكِے عَكَنْ دُكَنْ مُتَنٜىٰنْ إِسْرَٰٓءِيلَ؞ دُكْدَهَكَ وَطَنَّنْ مَاتَانْ بَڧِنْدَ بَا يَهُودَاوَا بَنٜىٰ سُكَسَا حَرْ شِے مَا يَڢَاطَ ثِكِنْ ذُنُوبِ؞

27غَمٜىٰ دَكُو، تَيَيَا مُنْجِ كُكَ عَيْكَتَ وَنَّنْ بَبَّرْ مُغُنْتَا؟ تَيَيَا كُكَ نُونَ رَشِنْ أَمِنْثِ غَ اللَّهْ نْمُ تَوُرِنْ يِنْ عَوْرٜىٰ دَ مَاتَانْ بَاڧِ وَطَنْدَ بَا يَهُودَاوَا بَ؟»

28طَيَ دَغَ ثِكِنْ یَیَ مَظَا نَ يُواْيِيَدَ، طَنْ عٜىٰلِيَشِبْ، بَبَّنْ ڢِرِسْتِ، يَ عَوْرِ یَرْ سَنْبَلَّتْ، مُتُمِنْ غَرِنْ بٜىٰتْ حُواْرُوانْ؞ سَبُواْدَ حَكَ نَكُواْرٜىٰشِ دَغَ وُرِينَ؞

29«يَا اللَّهْ نَا، تُنَ دَسُو سَبُواْدَ سُنْ ڧَظَنْتَرْدَ مَڟَيِنْ ڢِرِسْتِ دَ كُمَ يَرْجٜىٰجٜىٰنِيَرْ عَيْكِنْ ڢِرِسْتِ دَ تَ لَوِيَاوَا؞»

30تَهَكَ نَڟَبْتَثٜىٰ مُتَنٜىٰنْ دَغَ دُكَنْ أَبُبُوَنْ دَ بَ نَ يَهُودَاوَا بَ؞ نَكَڢَ ڧَٰعِدَرْ عَيْكِنْ ڢِرِسْتُواْثِے دَ لَوِيَاوَا، كُواْوَ يَيِ عَيْكِنْسَ؞

31نَكُمَ شِرْيَ يَدَّ ذَاعَ دِنْ‌غَ كَٰوُاْ إِتَاثٜىٰنْ ڧُواْنَاوَرْ هَدَايُ أَدَيْدَيْ لُواْكَثِنْدَ يَكَمَاتَ دَ كُمَ يَدَّ ذَاعَ كَٰوُاْ نُونً ڢَارِ؞ «يَا اللَّهْ نَا، تُنَ كَيِمِنِ أَلْحٜىٰرِ؞»

← Chapter 12 Jump to: