Nehemiah 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1أَ رَانَ تَڢَرْكُواْ أَوَتَنْ بَݣَويْ، دُكَنْ مُتَنٜىٰنْ سُكَ تَارُ غَبَاطَيَ أَ عُرُوشَلِيمَ عَثِكِنْ ڢِيلِنْ دَيَكٜىٰ أَغَبَنْ ڧُواْڢَرْ ضُوَ؞ سُكَ ضُواْڧِ عُزَيْرُ مَلَمِنْ كُواْيَرْوَا يَكَٰوُاْ نَطَطّٜىٰنْ لِتَّڢِنْ كُواْيَرْوَرْ مُوسَٰى، وَنْدَ يَهْوٜىٰهْ يَعُمَرْتَ وَمُتَنٜىٰنْ إِسْرَٰٓءِيلَ؞

2أَ رَانَرْ نَنْ سَيْ عُزَيْرُ ڢِرِسْتِ يَكَٰوُاْ نَطَطّٜىٰنْ لِتَّڢِنْ كُواْيَرْوَرْ مُوسَٰى أَغَبَنْ تَارُوانْ جَمَعَ، وَتُواْ مَظَا دَ مَاتَادَ دُكَنْ وَطَنْدَ ذَاسُ عِيَ جِيسُ غَانٜىٰ؞

3عُزَيْرُ كُوَ يَڟَيَ أَ ڢِيلِنْ دَيَكٜىٰ أَغَبَنْ ڧُواْڢَرْ ضُوَ؞ تُنْدَ سَڢٜىٰ حَرْ ذُوَا ڟَكِيَرْ رَانَ، يَكَرَنْتَ دَغَ لِتَّڢِنْ أَغَبَنْ مَظَا دَ مَاتَادَ دُكَنْ وَطَنْدَ ذَاسُ عِيَجِے سُغَانٜىٰ؞ دُكَنْ مُتَنٜىٰنْ كُوَ سُكَ كَسَ كُنّٜىٰ سُواْسَيْ غَا كَرَاتُنْ لِتَّڢِنْ كُواْيَرْوَرْ مُوسَٰى؞

4عُزَيْرُ مَلَمِنْ كُواْيَرْوَا يَهَوْ يَڟَيَ عَكَنْ وَنِ وُرِے مَيْ ڟَيِ وَنْدَ عَكَيِ دَ كَتَكَيْ، وَنْدَ عَكَ شِرْيَ سَبُواْدَ وَنَّنْ حِدِمَرْ؞ سَيْ وَطَنَّنْ مُتَنٜىٰ سُكَ ڟَيَ أَ حَنُّنْ دَامَنْسَ، مَتِّتِيَ دَ شٜىٰمَ دَ أَنَيَ دَ عُرِيَ دَ هِلْكِيَ دَ مَعَسٜىٰيَ؞ سَيْ كُمَ وَطَنَّنْ مُتَنٜىٰ سُكَ ڟَيَ أَ حَنُّنْ هَغُنْسَ، ڢٜىٰدَيَ دَ مِشَيٜىٰلْ دَ مَلْكِيَ دَ هَشُمْ دَ هَشْبَدَّنَ دَ زَكَرِيَّا دَ مٜىٰشُلَّمْ؞

5عُزَيْرُ يَبُوطٜىٰ نَطَطّٜىٰنْ لِتَّڢِنْ أَعِدُوانْ دُكَنْ جَمَعَرْ، غَمَا عِنْدَ يَڟَيَ يَنَ سَمَ ڢِيٜىٰدَ عِنْدَ جَمَعَرْ سُكٜىٰ؞ سَعَدَّ عُزَيْرُ يَبُوطٜىٰ لِتَّڢِنْ سَيْ دُكَنْ جَمَعَرْ سُكَتَاشِ ڟَيٜىٰ؞

6سَيْ عُزَيْرُ يَيَبِے يَهْوٜىٰهْ ، اللَّهْ مَيْغِرْمَ؞ دُكَنْ جَمَعَرْ كُوَ سُكَ أَمْسَ «أَمِينْ! أَمِينْ!» سُنَ طَغَ حَنُّوَنْسُ سَمَ؞ سُكَ رُسُنَ دَ ڢُسْكُواْكِنْسُ حَرْ ڧَسَا، سُكَيِ وَ يَهْوٜىٰهْ سُجَّدَ؞

7سَيْ لَوِيَاوَا سُكَ ڢَسَّرَ وَ جَمَعَرْ كُواْيَرْوَرْ مُوسَٰى يَايِنْ دَ جَمَعَ سُكٜىٰ أَڟَيٜىٰ؞ وَطَنَّنْ لَوِيَاوَنْ سُونٜىٰ، يٜىٰشُوَ دَ بَنِ دَ شٜىٰرٜىٰبِيَ دَ يَمِنْ دَ عَكُّبْ دَ شَبّٜىٰتَيْ دَ هُواْدِيَ دَ مَعَسٜىٰيَ دَ كٜىٰلِتَ دَ أَظَرِيَ دَ يُواْظَبَدْ دَ هَنَنْ دَ ڢٜىٰلَيَ؞

8سُكَ كَرَنْتَ دَغَ ثِكِنْ لِتَّڢِنْ كُواْيَرْوَرْ اللَّهْ سُنَ بَيَّنَ مَعَنَرْسَ دَلَّ دَلَّ سُنَ ڢَسَّرَ وَمُتَنٜىٰ دُواْمِنْ سُغَانٜىٰ؞

9سَعَدَّ مُتَنٜىٰ سُكٜىٰ جِنْ أَبِنْدَ عَكٜىٰ كَرَنْتَاوَا دَغَ لِتَّڢِنْ كُواْيَرْوَرْ مُوسَٰى، سَيْ سُكَيِ تَكُوكَا؞ سَيْ نٜىٰهٜىٰمِيَ مَيْ مُلْكِ دَ عُزَيْرُ ڢِرِسْتِ وَنْدَ شِے مَلَمِنْ كُواْيَرْوَا نٜىٰ دَ كُمَ لَوِيَاوَنْ دَسُكٜىٰيِ وَجَمَعَرْ ڢَسَّرَ سُكَثٜىٰ وَدُكَنْسُ «وَنَّنْ رَانَثٜىٰ دَ عَكَكٜىٰٻٜىٰ دَ ڟَرْكِے غَ يَهْوٜىٰهْ اللَّهْ نْكُ، سَبُواْدَ حَكَ كَدَ كُيِ بَڧِنْ ثِكِ كُواْ كُوكَا؞»

10سَيْ نٜىٰهٜىٰمِيَ يَثٜىٰ مُسُ «كُكُواْمَ غِدَا، كُثِ عَبِنْثِ مَيْݣَوْ، كُشَا كَايَنْ ذَاڧِ؞ كُعَيْكَ وَ وَطَنْدَ بَاسُ دَكُواْمٜىٰ؞ غَمَا وَنَّنْ رَانَ مَيْ ڟَرْكِے ثٜىٰ غَ عُبَنْ‌غِجِنْمُ ؞ سَبُواْدَ حَكَ كَدَ كُيِ بَڧِنْ ثِكِ، غَمَا ڢَضٍ ثِكِنْ دَ كُكٜىٰ دَشِ ثِكِنْ يَهْوٜىٰهْ شِينٜىٰ تُوشٜىٰنْ ڧَرْڢِنْكُ؞»

11سَيْ لَوِيَاوَا سُكَبِے ثِكِنْ جَمَعَ سُنَ ݣُونْتَرْ مُسُ دَ ذُوثِيَا سُنَ ثٜىٰوَ «كُݣُونْتَرْ دَ حَنْكَلِنْكُ، غَمَا وَنَّنْ رَانَ ثٜىٰ دَ عَكَ كٜىٰٻٜىٰ دَ ڟَرْكِے، كَدَ كُيِ بَڧِنْ ثِكِ؞»

12سَيْ دُكَنْ مُتَنٜىٰ سُكَ كُواْمَ غِدَاجٜىٰنْسُ سُكَثِ سُكَشَا دَ ڢَضٍ ثِكِ، سُكَ كُمَ رَبَ عَبِنْثِ غَ وَطَنْدَ بَسُ دَكُواْمٜىٰ، سَبُواْدَ سُنْ غَانٜىٰ أَبِنْدَ عَكَ كَرَنْتَ مُسُ؞

13أَ رَانَ تَبِيُ غَ وَتَنْ، سَيْ شُوغَبَنِّنْ غِدَنْ كَاكَنِّ سُكَ تَارُ تَرٜىٰدَ ڢِرِسْتُواْثِے دَ لَوِيَاوَا سُكَ تَڢِے وُرِنْ عُزَيْرُ مَلَمِنْ كُواْيَرْوَا دُواْمِنْ سُكُواْيِ كُواْيَرْوَرْ مُوسَٰى؞

14سَيْ سُكَ سَامُ أَرُبُوثٜىٰ ثِكِنْ كُواْيَرْوَرْ دَ يَهْوٜىٰهْ يَعُمَرْتَ تَبَاكِنْ مُوسَٰى ثٜىٰوَ مُتَنٜىٰنْ إِسْرَٰٓءِيلَ ذَاسُ كَسَنْثٜىٰ عَثِكِنْ بُكُّواْكِ نَطَنْ لُواْكَثِ أَ لُواْكَثِنْ بِكٍ بُكُّواْكِ أَوَتَنْ بَݣَويْ؞

15يَهْوٜىٰهْ كُمَ يَعُمَرْتَ أَڢَطَا وَمُتَنٜىٰ عَيِ مُسُ شٜىٰلَ ثِكِنْ غَرُرُوَنْسُ دَ كُمَ ثِكِنْ عُرُوشَلِيمَ ثٜىٰوَ «كُتَڢِے كَنْ تُدَّيْ كُكَٰوُاْ رَسَّنْ إِتَاثٜىٰنْ ظَيْتُنْ دَ نَ إِتَاثٜىٰنْ ظَيْتُنْ نَدَاجِ دَ نَ إِتَاثٜىٰنْ مُرْتِلْ دَ نَ إِتَاثٜىٰنْ دَبِينُواْ دَ كُمَ نَ عِتَتُوَ مَاسُ غَنْيَيٜىٰ دُواْمِنْ كُيِ بُكُّواْكِ بِسَغَ يَدَّ عَكَ رُبُوتَ أَ كُواْيَرْوَرْ مُوسَٰى؞»

16سَيْ مُتَنٜىٰ سُكَ تَڢِے سُكَ كَٰوُاْ رَسَّنْ عِتَتُوَ سُكَ كُمَ شِرْيَ وَكَنْسُ بُكُّواْكِ عَكَنْ رُڢِنْ غِدَاجٜىٰنْسُ دَ كُمَ ثِكِنْ ڢِيلِنْ غِدَاجٜىٰنْسُ دَ ثِكِنْ ڢِيلِ عَثِكِنْ غِدَنْ اللَّهْ دَ ثِكِنْ ڢِيلِنْ دَيَكٜىٰ غَبَنْ ڧُواْڢَرْ ضُوَ دَ ثِكِنْ ڢِيلِنْ دَيَكٜىٰ غَبَنْ ڧُواْڢَرْ إِڢْرَيِمْ؞

17دُكَنْ مُتَنٜىٰ وَطَنْدَ سُكَ كُواْمُواْ دَغَ ڧَسَرْ بَوْتَا سُكَيِ وَكَنْسُ بُكُّواْكِ سُكَ كُمَ ذَوْنَ عَثِكِنْسُ؞ تُنْدَغَ زَامَانِنْ يُواْشُوَ طَنْ نُنْ حَرْ ذُوَا وَنَّنْ رَانَ مُتَنٜىٰنْ إِسْرَٰٓءِيلَ بَسُ تَٻَيِنْ بِكٍ حَكَبَ؞ مُتَنٜىٰنْ كُوَ سُكَيِ ڢَضٍ ثِكِ سُواْسَيْ؞

18كُواْوَثٜىٰ رَانَ كُوَ عُزَيْرُ يَكَنْ كَرَنْتَ دَغَ ثِكِنْ نَطَطّٜىٰنْ لِتَّڢِنْ كُواْيَرْوَرْ اللَّهْ ، تُنْدَغَ رَانَ تَڢَرْكُواْ تَبِكِ حَرْ ذُوَا رَانَ تَڧَرْشٜىٰ؞ سُكَيِ بِكِنَّنْ حَرْ ݣُونَ بَݣَويْ، أَ رَانَ تَتَݣُوسْ عَكَيِ مُهِمِّنْ تَارُواْ بِسَغَ ڧَٰعِدَ؞

← Chapter 7 Jump to: Chapter 9 →