Nehemiah 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1سَعَدَّ سَنْبَلَّتْ يَجِ ثٜىٰوَ مُو يَهُودَاوَا مُنْ ڢَارَ عَيْكِنْ غِنِنْ كَتَنْ‌غَرْ، سَيْ يَيِ ڢُشِے مَيْ ڟَنَنِ، يَيِ مَنَ دَارِيَارْ رٜىٰنِ؞

2سَيْ يَيِ مَغَنَ أَغَبَنْ أَبُواْكَنْسَ دَ ڧُنْ‌غِيَرْ سُواْجُواْجِنْ سَمَرِيَ يَثٜىٰ «مٜىٰ وَطَنَّنْ يَهُودَاوَا مَرَسَ ڧَرْڢِے سُكٜىٰيِ؟ سُنَ سُواْ سُمَيْدَ كَتَنْ‌غَرْ بِرْنِنْسُ نٜىٰ؟ سُنَسُواْ سُمِيڧَ هَدَايُ نٜىٰ؟ سُنَ سُواْ سُغَمَ عَيْكِنْ أَ رَانَ طَيَ نٜىٰ؟ ذَاسُ عِيَ سَابُنْتَا دُووَڟُنْ غِنِنْ دَغَ تُلِنْ مَتَتُّنْ دُووَڟُنَّنْ دَ عَكَ ڧُواْنٜىٰنٜىٰ؟»

3تُواْبِيَ مُتُمِنْ أَمُّوانْ وَنْدَ يَكٜىٰ ڟَيٜىٰ دَشِ يَثٜىٰ «إِرِنْ كَتَنْ‌غَرْ دَسُكٜىٰ غِنَاوَا، كُواْ كَرٜىٰنْ دَاجِ مَا يَهَوْ ذَيْ رُشٜىٰتَ!»

4سَيْ نِے نٜىٰهٜىٰمِيَ نَيِ أَدُّعَ نَثٜىٰ، «كَجِ يَدَّ سُكٜىٰيِ مَنَ رٜىٰنِ، يَا اللَّهْ نْمُ! بَرِ ذَاغِنْ دَسُكٜىٰيِ مَنَ يَكُواْمَ كَنْسُ؞ سَا عَكْوَاشٜىٰسُ عَكَيْسُ بَوْتَا أَوَتَ ڧَسَا كَمَرْ دُوكِيَرْ دَ عَكَ ڨُوثٜىٰ دَغَ وُرِنْ يَاڧِ؞

5كَدَ كَغَاڢَرْتَا مُسُ لَيْڢِنْدَ سُكَيِ، كُمَ كَدَ كَشَرٜىٰ ذُنُبَنْسُ دَغَ غَبَنْكَ، غَمَا سُنْ ڟُواْكَنٜىٰمُ، مُو دَمُكٜىٰيِنْ عَيْكِنْ غِنِ؞»

6سَيْ مُكَثِيغَبَدَ غِنِنْ كَتَنْ‌غَرْ، مُكَ هَرْهَطَتَ دُكَ كٜىٰوَيٜىٰ دَ بِرْنِنْ حَرْ رَبِنْ ڟَيِنْتَ، غَمَا مُتَنٜىٰنْ سُنْيِ عَيْكِ دَ ڨُوذُواْ سُواْسَيْ؞

7عَمَّا دَ سَنْبَلَّتْ دَ تُواْبِيَ دَ لَرَبَاوَا دَ أَمُّواْنَاوَا دَ مُتَنٜىٰنْ بِرْنِنْ أَشْدُوادْ سُكَجِ ثٜىٰوَ عَيْكِنْ ڠَرَنْ كَتَنْ‌غَرْ عُرُوشَلِيمَ يَنَ ثِيغَبَ، كُمَ أَنَ كَمَّلَ غِنِنْ وُرَارٜىٰنْ دَ بَسُ حَطُبَ عَكَتَنْ‌غَرْ، سَيْ سُكَجِ ڢُشِے سُواْسَيْ؞

8سَيْ دُكَنْسُ سُكَ حَطَ بَاكِ ذَاسُذُواْ سُيِ يَاڧِ دَ عُرُوشَلِيمَ، سُكَٰوُاْ ضِكِثِيوَ أَوُرِنْ؞

9عَمَّا مُكَيِ أَدُّعَ غَ اللَّهْ نْمُ، مُكَ كُمَسَا مَاسُ غَادِ سُيِ غَادِ دَرٜىٰ دَ رَانَ سَبُواْدَسُو؞

10مُتَنٜىٰنْ يَهُودَ كُوَ سُكَثٜىٰ، «ڧَرْڢِنْ مَاسُ طَوْكَرْ كَايَ يَنَ كَاسَوَ، تُلِنْ دُوَڟُو دَ ڧَسَرْ ݣُوشٜىٰوَا دَيَوَ سُكٜىٰ! يَيَ ذَامُ عِيَ غِنَا كَتَنْ‌غَرْ؟»

11أَبُواْكَنْ غَابَنْمُ سُكَثٜىٰ «كَاڢِنْ سُسَنْ أَبِنْدَ يَكٜىٰ ڢَرُوَ كُواْ كُمَ سُغَنْمُ، ذَامُ شِغَ ثِكِنْسُ، مُكَكَّشٜىٰسُ، مُڟَيْ دَ عَيْكِنْسُ؞»

12سَوْ دَيَوَ يَهُودَاوَنْ دَسُكٜىٰ دَ ذَمَ كُسَدَ أَبُواْكَنْ غَابَنْمُ سُنْيِ تَظُوَ سُنَيِنْ مَنَ مَغَنَ ثٜىٰوَ كُواْعِنَ دَ مُكَ جُويَا، أَبُواْكَنْ غَابَنْمُ ذَاسُ ڢَاطُواْ مَنَ؞

13سَبُواْدَ حَكَ نَسَا مُتَنٜىٰ سُيِ شِرِ، نَرَرَّبَسُ بِسَغَ دَنْ‌غِنْسُ أَوُرَارٜىٰنْ دَ بَعَغَمَ غِنِنْ كَتَنْ‌غَرْبَ؞ سُنَ رِڧٜىٰ دَ كَايَنْ يَاڧِنْسُ، تَكُواْبِے دَ مَاشِ دَ بَكَ؞

14دَ نَدُوبَ يَدَّ أَبُبُوَنْ سُكٜىٰ، سَيْ نَتَاشِ نَتَارَ مَنْيَنْ مُتَنٜىٰ دَ دَتَّاوَا دَ سَوْرَنْ مُتَنٜىٰ؞ نَثٜىٰ «كَدَ كُجِڟُواْرُوانْ أَبُواْكَنْ غَابَنْمُ؞ كُتُنَ عُبَنْ‌غِجِ مَيْغِرْمَ نٜىٰ، مَيْ بَنْ ڟُواْرُواْ كُمَ؞ كُيِ يَاڧِ دُواْمِنْ كُڟَرٜىٰ یَنْعُوَنْكُ دَ یَیَنْكُ مَظَا دَ مَاتَادَ مَاتَنْكُ دَ كُمَ غِدَاجٜىٰنْكُ؞»

15دَ أَبُواْكَنْ غَابَنْمُ سُكَجِ ثٜىٰوَ مُنْ سَنْ أَبِنْدَ سُكٜىٰ شِرِ، كُمَ اللَّهْ يَا رِغَا يَا رُشٜىٰ شِرِنْسُ، سَيْ دُكَنْمُ مُكَ كُواْمُواْ وُرِنْ غِنَا كَتَنْ‌غَرْ، كُواْوَ غَ عَيْكِنْسَ؞

16دَغَ وَنَّنْ رَانَ، رَبِنْ مُتَنٜىٰنَ سُنَيِنْ عَيْكِنْ غِنِنْ كَتَنْ‌غَرْ، رَبِنْ كُمَ سُنَ رِڧٜىٰ دَ كَايَنْ يَاڧِنْسُ، وَتُواْ مَاشِ دَ غَرْكُوَ دَ بَكَ دَ رِيغُنَنْ ڧَرْڢٜىٰ؞ شُوغَبَنِّنْ كُوَ سُكَ رَرَّبَ كَنْسُ سُكَ ڟَيَ عَبَايَنْ دُكَنْ مُتَنٜىٰنْ غِدَنْ يَهُودَ

17وَطَنْدَ سُكٜىٰ غِنِنْ كَتَنْ‌غَرْ؞ مَاسُ طَوْكَرْ كَايَنْ غِنِنْ مَا سُنَيِنْ عَيْكِ دَ حَنُّ طَيَ، حَنُّ طَيَ كُمَ يَنَ رِڧٜىٰ دَ كَايَنْ يَاڧِ؞

18كُواْوَنٜىٰ مَيْ غِنِ يَنَ رَاتَيٜىٰ دَ تَكُواْبِنْسَ سَعَدَّ يَكٜىٰ غِنِ؞ مُتُمِنْ دَ ذَيْ بُوسَ ڧَهُواْ كُوَ يَنَ كُسَدَنِے؞

19سَيْ نَڢَطَا وَدَتَّاوَا دَ شُوغَبَنِّ دَ سَوْرَنْ مُتَنٜىٰ نَثٜىٰ «وَنَّنْ بَبَّنْ عَيْكِنٜىٰ، كُمَ أَرَرَّبٜىٰ يَكٜىٰ أَوُرَارٜىٰ دَبَمْ دَبَمْ؞ مُو كُمَ مُنَ أَرَرَّبٜىٰ عَكَنْ عَيْكِنْ كَتَنْ‌غَرْ نٜىٰسَ دَ جُونَ؞

20أَ دُكْ عِنْدَ كُكَجِ ڧَارَرْ ڧَهُواْ، سَيْ كُتَارُ أَوُرِنْ، اللَّهْ نْمُ ذَيْ يِيَاڧِ دُواْمِنْمُ!»

21حَكَ كُوَ مُكَثِيغَبَدَ عَيْكِنْ كُواْوَثٜىٰ رَانَ دَغَ وَايٜىٰوَرْ غَرِ حَرْ ڢِتُواْوَرْ تَوْرَرِ دَ دَرٜىٰ، رَبِنْمُ سُنَ عَيْكِ عَكَنْ كَتَنْ‌غَرْ، رَبِنْ كُمَ كُواْوَنٜىٰ يَنَ غَادِ دَ مَاشِ؞

22أَوَنَّنْ لُواْكَثِ نَڢَطَا وَمُتَنٜىٰ ثٜىٰوَ بَرِ كُواْوَنٜىٰ مُتُمْ دَ مَيْ تَيْمَكُوانْسَ عَيْكِ سُذَوْنَ عَثِكِنْ عُرُوشَلِيمَ دَ دَرٜىٰ، دُواْمِنْ عَيِ غَادِنْ بِرْنِنْ دَ دَرٜىٰ، عَيِ عَيْكِ كُمَ دَ رَانَ؞

23سَبُواْدَ حَكَ كُواْ نِے كُواْ یَنْعُوَنَ كُواْ سَمَارِنَ مَاسُ يِمِنِ عَيْكِ كُواْ مَاسُ غَادِنَ بَابُوَنْدَ يَتُوٻٜىٰ رِغَرْسَ، كُواْوَ يَنَ رِڧٜىٰ دَ كَايَنْ يَاڧِنْسَ أَ حَنُّ؞

← Chapter 3 Jump to: Chapter 5 →