Nehemiah 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1بَايَنْ وَتَا حُطُ، وَتُواْ أَوَتَنْ نِسَنْ، أَ شٜىٰكَرَا تَعَشِرِنْ تَمُلْكٍ سَرْكِے أَرْتَظٜىٰكْظٜىٰسْ، سَعَدَّ عَكَ شِرْيَ ضُوً إِنَبِنْسَ، سَيْ نَكَيْ نَمِيڧَوَ سَرْكِے؞ سَرْكِے كُوَ بَيْتَٻَ غَنِينَ دَ ٻَاتَنْ ڢُسْكَ أَغَبَنْسَبَ؞

2سَيْ يَتَمْبَيٜىٰنِ يَثٜىٰ «دُوانْمٜىٰ ڢُسْكَرْكَ تَٻَثِ حَكَ؟ غَاشِ كُوَ بَا ثِيوُاْ نٜىٰ يَكٜىٰ دَامُنْكَبَ؞ بَا أَبِنْدَ يَكَٰوُاْ وَنَّنْ إِنْ بَ دَيْ كَنَ بَڧِنْ ثِكِيبَ؞» سَيْ نَجِڟُواْرُواْ سُواْسَيْ؞

3نَأَمْسَ وَسَرْكِے نَثٜىٰ «رَنْكَيَدَطٜىٰ! يَيَ ڢُسْكَتَ بَذَاتَ ٻَتَبَ تُنْدَ بِرْنِنْ دَ عَكَ بِنّٜىٰ كَاكَنِّنَ أَنْرُشٜىٰشِ دُكَ، أَنْكُمَ ڧُواْنٜىٰ ڧُواْڢُواْڢِنْسَ دَ وُتَا؟»

4سَيْ سَرْكِے يَڢَطَا مِنِ يَثٜىٰ «مٜىٰكَكٜىٰسُواْ؟» سَيْ نَيِ أَدُّعَ غَ اللَّهْ نَ سَمَ؞

5سَعَنً نَڢَطَا وَسَرْكِے نَثٜىٰ «عِدَنْ يَا غَمْشٜىٰكَ، يَا سَرْكِے، عِدَنْ كُمَ نِے بَاوَنْكَ نَا سَامِ أَلْحٜىٰرِ دَغَ غَرٜىٰكَ، بَرِ كَعَيْكٜىٰنِ إِنْ تَڢِے ڧَسَرْ يَهُودَ، بِرْنِنْ دَ عَكَ بِنّٜىٰ كَاكَنِّنَ، دُواْمِنْ إِنْ سَاكٜىٰ غِنَا بِرْنِنْ؞»

6أَ لُواْكَثِنْ كُوَ، سَرَوْنِيَ تَنَ ظَوْنٜىٰ كُسَدَ سَرْكِے؞ سَيْ سَرْكِے يَتَمْبَيٜىٰنِ ݣُونَ نَوَ ذَنْيِ، يَوْشٜىٰ كُمَ ذَنْ دَاوُاْ؞ سَيْ نَڢَطَا مَسَ؞ سَرْكِے كُوَ يَيَرْدَ يَعَيْكٜىٰنِ؞ سَيْ نَبَاشِ لُواْكَثِنْ تَڢِيَاتَ؞

7سَيْ نَڢَطَا وَسَرْكِے نَثٜىٰ «عِدَنْ يَاغَمْشٜىٰكَ، يَا سَرْكِے، سَيْ كَبَانِ وَسِيڧُ ذُوَاغَ ڠُومْنُواْنِنْ يَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ دُواْمِنْ سُسَا إِنْوُثٜىٰ لَاڢِيَ حَرْ ذُوَا يَهُودَ؞

8كَكُمَ بَانِ وَسِيڧَ ذُوَاغَ أَسَڢْ، مَيْغَادِنْ كُرْمِنْ سَرْكِے، دُواْمِنْ يَبَانِ كَتَكَنْ بِمْ دُواْمِنْ إِنْ‌غِنَ یَنْ طَكُنَنْ ڧُواْڢُواْڢِنْ كَتَنْ‌غَرْ غِدَنْ يَهْوٜىٰهْ دَ نَكَتَنْ‌غَرْ بِرْنِ دَ كُمَ نَغِدَنْ دَ ذَنْ ذَوْنَ؞» سَيْ سَرْكِے يَبَانِ دُكَنْ أَبِنْدَ نَتَمْبَيٜىٰشِ، غَمَا حَنُّنْ اللَّهْ نَمَيْ أَلْحٜىٰرِ يَنَ تَرٜىٰدَنِ؞

9سَرْكِے يَتُورَ شُوغَبَنِّنْ سُواْجُواْجِ دَ كُمَ ڧُنْ‌غِيَرْ سُواْجُواْجِ مَاسُ هَوَنْ دَوَكِ سُتَڢِے تَرٜىٰدَنِ؞ سَيْ نَتَڢِے يَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ نَبَا ڠُومْنُواْنِ وَسِيڧُنْ سَرْكِنْ؞

10عَمَّا سَعَدَّ سَنْبَلَّتْ مُتُمِنْ حُواْرُوانْ دَ تُواْبِيَ وَكِيلِنْ ڧَسَرْ أَمُّوانْ سُكَجِ ثٜىٰوَ وَنِ يَذُواْ دُواْمِنْ يَڧَرْڢَڢَ ذَمَنْ لَاڢِيَرْ مُتَنٜىٰنْ إِسْرَٰٓءِيلَ، سَيْ سُكَ دَامُ ڨُورَيْ؞

11نَا إِسُواْ عُرُوشَلِيمَ نَاجِرَا ݣُونَ عُكُ،

12سَيْ نَتَاشِ ثِكِنْ دَرٜىٰ، نِے دَ وَطَنْسُ مُتَنٜىٰ كَطَنْ؞ بَنْ رِغَا نَڢَطَا وَكُواْوَ أَبِنْدَ اللَّهْ نَا يَسَا مِنِ أَ ذُوثِيَا إِنْيِ دُواْمِنْ عُرُوشَلِيمَ بَ؞ بَابُوَتَ دَبَّ تَرٜىٰدَنِ سَيْدَيْ وَدَّ نَهَوْ؞

13نَا كُوَ ڢِتَ دَ دَرٜىٰ نَابِے تَڧُواْڢَرْ ݣُورِ ذُوَا مَٻُٻُّغَرْ دُواْدُواْ مَيْ صِڢَّرْ مَثِيجِ دَ كُمَ ڧُواْڢَرْ بُواْلَ؞ سَيْ نَدُدُّوبَ كَتَنْ‌غَرْ عُرُوشَلِيمَ وَدَّ عَكَ رُشٜىٰ دَ كُمَ ڧُواْڢُواْڢِنْتَ وَطَنْدَ وُتَا تَثِنْيٜىٰ؞

14سَعَنً نَتَڢِے ڧُواْڢَرْ عِدُوانْ ضُوَ دَ كُمَ تَڢْكِنْ سَرْكِے، عَمَّا دَبَّرْدَ نَهَوْ بَتَسَامِ حَنْيَ تَوُثٜىٰبَ؞

15أَ حَكَ نَبِے تَݣُورِنْ عَثِكِنْ دَرٜىٰنْ، نَدُدُّوبَ كَتَنْ‌غَرْ؞ سَيْ نَجُويَا نَبِے تَهَنْيَرْدَ نَڢِتُواْ، نَكُواْمَ بِرْنِ تَڧُواْڢَرْ ݣُورِ؞

16بَابُوَنِ عَثِكِنْ دَتَّاوَنْدَ يَسَنْ عِنْدَ نَتَڢِے كُواْ أَبِنْدَ نَكٜىٰيِ؞ بَنْ كُوَ رِغَا نَڢَطَا وَیَنْعُوَنَ يَهُودَاوَا بَ تُكُنَ، كُواْ ڢِرِسْتُواْثِے، كُواْ شُوغَبَنِّ، كُواْ دَتَّاوَا كُواْ وَنِ دَغَ ثِكِنْ سَوْرَنْ وَطَنْدَ ذَاسُيِ عَيْكِنْ؞

17سَعَنً نَڢَطَا مُسُ نَثٜىٰ «كُدُوبَ إِرِنْ وَهَلَرْ دَمُكٜىٰ ثِكِ، يَدَّ أَنْرُشٜىٰ عُرُوشَلِيمَ دُكَ أَنْكُمَ ڧُواْنٜىٰ ڧُواْڢُواْڢِنْتَ دَ وُتَا! كُذُواْ مُسَاكٜىٰ غِنَا كَتَنْ‌غَرْ بِرْنِنْ عُرُوشَلِيمَ دُواْمِنْ كَدَ مُثِيغَبَدَ شَنْ كُنْيَا؞»

18نَكُمَ ڢَطَا مُسُ يَدَّ حَنُّنْ اللَّهْ نَمَيْ أَلْحٜىٰرِ يَنَ تَرٜىٰدَنِ دَ كُمَ أَبِنْدَ سَرْكِے يَڢَطَا مِنِ؞ سَيْ سُكَثٜىٰ مِنِ «بَرِ مُتَاشِ مُڢَارَ عَيْكِنْ غِنِ!» سُكَ ڧَرْڢَڢَ كَنْسُ دُواْمِنْ وَنَّنْ عَيْكِ مَيْݣَوْ؞

19عَمَّا سَعَدَّ سَنْبَلَّتْ مُتُمِنْ حُواْرُوانْ دَ تُواْبِيَ وَكِيلِنْ ڧَسَرْ أَمُّوانْ دَ كُمَ غٜىٰشٜىٰمْ بَلَرَبٜىٰ سُكَجِ أَبِنْدَ مُكٜىٰ شِرِنْيِ، سُكَيِ مَنَ بَعَ دَ دَارِيَارْ رٜىٰنِ؞ سُكَثٜىٰ «مٜىٰكُكٜىٰ ڟَمَّنِ كُنَيِ؟ كُنَسُواْ كُيِ وَسَرْكِے تَاوَيٜىٰ نٜىٰ؟»

20نَأَمْسَ نَثٜىٰ « اللَّهْ نَ سَمَ ذَيْبَامُ نَصَرَا؞ مُو مَاسُ يِمَسَ حِدِمَ ذَامُ تَاشِ مُڢَارَ غِنِ؞ عَمَّا كُو بَاكُ دَ رَبُواْ، كُواْ حَكِّ، كُواْ وَنِ أَبِنْ تُنَاوَا عَثِكِنْ عُرُوشَلِيمَ!»

← Chapter 1 Jump to: Chapter 3 →