Nehemiah 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1أَنَانً سَيْ مَظَا دَ مَاتَنْسُ سُكَ ڢَارَ غُنَغُنِ مَيْ يَوَ عَكَنْ یَنْعُوَنْسُ يَهُودَاوَا؞

2غَمَا وَطَنْسُ سُنْيِ مَغَنَ سُنْثٜىٰ «مُو دَ یَیَنْمُ مَظَا دَ مَاتَا، مُنَدَ يَوَ، مُنَ بُڧَاتَرْ حَڟِ دُواْمِنْ مُثِ مُرَايُ؞»

3وَطَنْسُ كُمَ سُكَيِ مَغَنَ سُكَثٜىٰ «مُنْ جِنْ‌غِنَرْ دَ غُواْنَكِنْمُ دَ غُواْنَكِنْ إِنَبِنْمُ دَ غِدَاجٜىٰنْمُ دُواْمِنْ مُسَامِ حَڟِ كَدَ مُشَا يُنْوَ؞»

4أَݣَويْ كُمَ وَطَنْدَ سُكَيِ مَغَنَ سُكَثٜىٰ «مُنْثِ بَاشِنْ كُطِ دُوانْ مُبِيَ هَرَاجِنْ سَرْكِے عَكَنْ غُواْنَكِنْمُ دَ غُواْنَكِنْ إِنَبِنْمُ؞

5غَاشِ كُوَ مُو یَنْعُوَ نٜىٰ نَامَ دَ جِنِ؞ أَيْ یَیَنْمُ دَ نَاسُ دُكْ طَيَنٜىٰ؞ دُكْدَهَكَ أَنْتِلَسْتَمُ مُسَا یَیَنْمُ مَظَا دَ مَاتَا سُذَمَ بَايِ؞ وَطَنْسُ یَیَنْمُ مَتَ أَنْرِغَا أَنْسَيَرْ دَسُو غَ ذَمَنْ بَايِ؞ عَمَّا بَامُ دَ إِيكُواْ مُيِ كُواْمٜىٰ عَكَيْ، سَبُواْدَ أَنْڨُوثٜىٰ مَنَ غُواْنَكِنْمُ دَ غُواْنَكِنْ إِنَبِنْمُ؞»

6سَعَدَّ نِے نٜىٰهٜىٰمِيَ نَجِ غُنَغُنِنْسُ دَ كُمَ وَطَنَّنْ مَغَنْ‌غَنُ، سَيْ نَيِ ڢُشِے سُواْسَيْ؞

7بَايَنْدَ نَيِ تُنَانِ أَ ذُوثِيَاتَ، سَيْ نَبَا مَنْيَنْ مُتَنٜىٰ دَ دَتَّاوَا لَيْڢِے؞ نَثٜىٰمُسُ «كُنَ ثُوتَرْ یَنْعُوَنْكُ تَوُرِنْ بَاسُ بَاشِ كُنَ كَرْٻَرْ ڧَظَامَرْ رِيبَ!» سَيْ نَكِرَا بَبَّنْ تَارُوانْ جَمَعَ سَبُواْدَ وَنَّنْ دَامُوَ؞

8سَيْ نَڢَطَا مُسُ نَثٜىٰ «دَيْدَيْ ڠُورْڠُودُوانْ عِيَوَرْمُ مُنْيِ ڧُواْڧَرِ مُنْ ڢَنْشِ یَنْعُوَنْمُ يَهُودَاوَا وَطَنْدَ عَكَ سَيَرْ دَسُو غَ وَطَنْدَ بَا يَهُودَاوَا بَ؞ عَمَّا غَاشِ حَرْ يَنْذُ كُنَ سَيَرْ دَ یَنْعُوَنْكُ؞ سَوْ نَوَ ذَامُ سَاكٜىٰ سَيٜىٰنْسُ؟» شُوغَبَنِّنْ سُكَيِ شِضُ سُكَ رَسَ أَبِنْ ڢَطِ؞

9سَيْ نِے نٜىٰهٜىٰمِيَ نَڢَطَا مُسُ نَثٜىٰ «أَبِنْ دَ كُكٜىٰيِ بَاشِ دَݣَوْ؞ يَا كَمَاتَ كُيِ تَڢِيَ ثِكِنْ ڟُواْرُوانْ اللَّهْ ، دُواْمِنْ كَدَ أَبُواْكَنْ غَابَنْمُ وَطَنْدَ بَا يَهُودَاوَا بَسُسَامِ دَلِيلِنْ يِمَنَ بَعَ؞

10نِے مَا دَ یَنْعُوَنَ دَ سَمَارِنَ مَاسُ يِمِنِ عَيْكِ مُنَبَاسُ بَاشِنْ كُطِ دَ حَڟِ؞ عَمَّا يَنْذُ، سَيْ مُبَرْ ذَنْثٜىٰنْ بَادَ بَاشِ مُنَ كَرْٻَرْ ڧَظَامَرْ رِيبَ؞

11يَوْ طِنَّنْ كُمَيَرْ مُسُ دَ غُواْنَكِنْسُ دَ غُواْنَكِنْسُ نَ إِنَبِے دَ غُواْنَكِنْسُ نَ إِتَاثٜىٰنْ ظَيْتُنْ دَ غِدَاجٜىٰنْسُ دَ ڧَظَامَرْ رِيبَرْكُ، وَتُواْ سَاشٜىٰ طَيَ بِسَ طَرِے نَكُطِ دَ نَهَڟِ دَ نَضُوً إِنَبِے دَ نَمَنْ ظَيْتُنْ؞»

12سَيْ شُوغَبَنِّنْ سُكَ أَمْسَ سُكَثٜىٰ «ذَامُيِ كَمَرْ يَدَّ كَڢَطَا؞ ذَامُ مَيَرْ مُسُ دَ كَايَنْسُ، بَذَامُ كَرْٻِ وَنِ بَاشِ دَغَ غَرٜىٰسُبَ كُمَ؞» سَيْ نَكِرَا ڢِرِسْتُواْثِے، نَسَا شُوغَبَنِّ سُرَنْڟٜىٰ أَغَبَنْ ڢِرِسْتُواْثِے ثٜىٰوَ ذَاسُثِكَ أَلْڧَوَرِنْ دَ سُكَ طَوْكَ؞

13سَيْ نَكَكَّٻٜىٰ رِغَاتَ نَثٜىٰ «تَهَكَ بَرِ اللَّهْ يَكَكَّٻٜىٰ دُكْ وَنْدَ بَيْ ثِكَ أَلْڧَوَرِنْسَبَ؞ وَتُواْ، بَرِ اللَّهْ يَكَكَّٻٜىٰ غِدَنْسَ دَ دُكَنْ أَبِنْدَ يَكٜىٰدَشِ، يَبَرْ شِ بَا كُواْمٜىٰ؞» سَيْ دُكَنْ تَارُوانْ جَمَعَرْ سُكَ أَمْسَ سُكَثٜىٰ «أَمِينْ!» سُكَ كُمَ يَبِے يَهْوٜىٰهْ ؞ شُوغَبَنِّنْ كُوَ سُكَ ثِكَ أَلْڧَوَرِنْ دَ سُكَيِ؞

14بَنْدَ حَكَمَا تُنْ لُواْكَثِنْ دَ عَكَ نَطَنِ ڠُومْنَنْ ڧَسَرْ يَهُودَ، شٜىٰكَرُ غُواْمَشَا بِيُنْ دَ سُكَ وُثٜىٰ، وَتُواْ دَغَ شٜىٰكَرَا تَعَشِرِنْ تَمُلْكٍ سَرْكِے أَرْتَظٜىٰكْظٜىٰسْ حَرْ ذُوَا شٜىٰكَرَرْسَ تَتَلَتِنْ دَ بِيُ، كُواْ نِے كُواْ یَنْعُوَنَ بَاوَنْدَ يَكَرْٻِ رَبُوانْ عَبِنْثِ إِرِنْ نَڠُومْنَ؞

15ڠُومْنُواْنِنْ دَ سُكَ رِغَانِ سُنْ بَا مُتَنٜىٰ وَهَلَ سُواْسَيْ تَوُرِنْ كَرْٻَرْ عَبِنْثِ دَ ضُوً إِنَبِے دَغَ غَرٜىٰسُ، بَنْدَ كُطِنْ أَظُرْڢَا أَرْبَعِنْ؞ حَرْ مَا سَمَارِ مَاسُ يِمُسُ عَيْكِ سُكَ نُونَ وَمُتَنٜىٰنْ إِيكُواْ؞ عَمَّا نِے بَنْ يِهَكَبَ سَبُواْدَ إِنَ ڟُواْرُوانْ اللَّهْ ؞

16أَ مَيْمَكُوانْ حَكَ نَسَا دُكَنْ ڧَرْڢِينَ ثِكِنْ عَيْكِنْ غِنِنْ كَتَنْ‌غَرْ؞ دُكَنْ سَمَارِنَ مَاسُ يِمِنِ عَيْكِ سُكَ تَارُ دُواْمِنْ عَيْكِنْ غِنِنْ، دُكَنْمُ كُوَ بَمُسَيِ غُواْنَكِبَ؞

17دُكْدَهَكَمَا مُتَنٜىٰنْ يَهُودَ دَ دَتَّاوَا طَرِے دَ حَمْسِنْ سُكَنْثِ تَرٜىٰدَنِ، بَنْدَ مُتَنٜىٰنْ دَ سُكَنْ ذُواْ دَغَ وُرَارٜىٰنْ دَسُكٜىٰ كٜىٰوَيٜىٰ دَمُو؞

18غَا يَدَّ عَكَنْ شِرْيَ مِنِ عَبِنْثِ كُواْوَثٜىٰ رَانَ؞ عَكَنْ يَنْكَ بِجِمِ طَيَ دَ تُمَكِ شِدَ مَڢِے ݣَوْ دَ كُمَ كَجِ مَاسُيَوَ؞ عَكُواْوَثٜىٰ رَانَ غُدَا عَثِكِنْ ݣُونَكِے غُواْمَ، عَكَنْ بَادَ سَابُوانْ ضُوً إِنَبِے عَيَلْوَثٜىٰ؞ عَمَّا دُكْدَهَكَ بَنْ كَرْٻِ رَبُوانْ عَبِنْثِ إِرِنْ نَڠُومْنَبَ، سَبُواْدَ وَهَلَ تَيِ وَمُتَنٜىٰ يَوَ؞

19«يَا اللَّهْ نَا، كَتُنَ كَيِ مِنِ أَلْحٜىٰرِ دُواْمِنْ دُكَنْ أَبِنْدَ نَيِ وَمُتَنٜىٰنَّنْ؞»

← Chapter 4 Jump to: Chapter 6 →