Nehemiah 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1غَا يَدَّ عَكَ سَاكٜىٰ غِنَا كَتَنْ‌غَرْ بِرْنِنْ عُرُوشَلِيمَ؞ عٜىٰلِيَشِبْ بَبَّنْ ڢِرِسْتِ تَرٜىٰدَ یَنْعُوَنْسَ ڢِرِسْتُواْثِے سُكَتَاشِ سُكَ غِنَا ڧُواْڢَرْ تُمَكِ؞ سُكَسَا مَتَ ڧُواْڢُواْڢِ، سُكَ كٜىٰٻٜىٰتَ؞ سُكَ كُمَ غِنَا كَتَنْ‌غَرْ سُكَ كٜىٰٻٜىٰتَ تُنْدَغَ حَصُومِيَا تَ طَرِے ذُوَا حَصُومِيَا تَ هَنَنٜىٰلْ؞

2مُتَنٜىٰنْ يٜىٰرِكُواْ سُكَ ڢَارَ غِنِنْ كَتَنْ‌غَرْ دَغَ عِنْدَ غِنِنْ عٜىٰلِيَشِبْ يَڟَيَ؞ سَيْ كُمَ ظَكُّرْ طَنْ إِمْرِ يَڢَارَ غِنِنْ كَتَنْ‌غَرْ دَغَ عِنْدَ غِنِنْ مُتَنٜىٰنْ يٜىٰرِكُواْ يَڟَيَ؞

3دَنْ‌غِنْ هَسّٜىٰنَعَ سُكَ غِنَا ڧُواْڢَرْ كِيڢِ؞ سُكَسَا بِمْ نَاتَ دَ ڧُواْڢُواْڢِنْتَ، سُكَسَا سَكَتَ دَ كُمَ سَنْدُنَنْ ڧَرْڢٜىٰ نَڟَرٜىٰ ڧُواْڢُواْڢِنْتَ؞

4مٜىٰرٜىٰمُواتْ طَنْ عُرِيَ، وَتُواْ جِيكَنْ هَكُّواظْ، يَڢَارَ ڠَرَنْ عِنْدَ دَنْ‌غِنْ هَسّٜىٰنَعَ سُكَ ڟَيَ دَ غِنِنْسُ؞ مٜىٰشُلَّمْ طَنْ بٜىٰرٜىٰكِيَ، وَتُواْ جِيكَنْ مٜىٰشٜىٰظَبٜىٰلْ، يَڢَارَ ڠَرَنْ كَتَنْ‌غَرْ دَغَ عِنْدَ مٜىٰرٜىٰمُواتْ يَڟَيَ؞ ظَدُواكْ طَنْ بَعَنَ يَڢَارَ ڠَرَنْ كَتَنْ‌غَرْ دَغَ عِنْدَ مٜىٰشُلَّمْ يَڟَيَ؞

5مُتَنٜىٰنْ تٜىٰكُواْوَ سُكَ ڢَارَ ڠَرَنْ كَتَنْ‌غَرْ دَغَ عِنْدَ ظَدُواكْ يَڟَيَ؞ عَمَّا مَنْيَنْ غَرِنْسُ سُكَڧِ سُسَا حَنُّ ثِكِنْ عَيْكِنْ دَ شُوغَبَنِّنْ سُكَ بَايَرْ؞

6يُواْيِيَدَ طَنْ ڢَسٜىٰيَ دَ مٜىٰشُلَّمْ طَنْ بٜىٰسُواْدٜىٰيَ سُكَ ڠَرَ ڟُواْهُوَرْ ڧُواْڢَ؞ سُكَسَا بِمْ دَ ڧُواْڢُواْڢِنْتَ، سُكَسَا سَكَتَ دَ كُمَ سَنْدُنَنْ ڧَرْڢٜىٰ نَڟَرٜىٰ ڧُواْڢُواْڢِنْتَ؞

7مَلَتِيَ مُتُمِنْ غِبٜىٰيُوانْ دَ يَدُوانْ مُتُمِنْ مٜىٰرُواْنُواتْ دَ كُمَ مُتَنٜىٰنْ غِبٜىٰيُوانْ دَ نَ مِظْڢَ، وَطَنْدَ سُكٜىٰ ڧَرْڧَشِنْ ڠُومْنَنْ يَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ، سُكَ ڢَارَ ڠَرَنْ كَتَنْ‌غَرْ دَغَ عِنْدَ يُواْيِيَدَ دَ مٜىٰشُلَّمْ سُكَ ڟَيَ؞

8عُظِّيٜىٰلْ طَنْ هَرْهَيَ، وَنْدَ شِے مَڧٜىٰرِنْ ظِينَارِيَ نٜىٰ، يَڢَارَ ڠَرَنْ كَتَنْ‌غَرْ دَغَ عِنْدَ مُتَنٜىٰنْ دَسُكٜىٰ ڧَرْڧَشِنْ ڠُومْنَ سُكَ ڟَيَ؞ هَنَنِيَ مَيْيِنْ تُرَارٜىٰ يَڢَارَ ڠَرَنْ كَتَنْ‌غَرْ دَغَ عِنْدَ عُظِّيٜىٰلْ يَڟَيَ؞ مُتَنٜىٰنْ سُكَسَاكٜىٰ غِنَا عُرُوشَلِيمَ حَرْ ذُوَا كَتَنْ‌غَ مَيْ ڢَاطِ؞

9رٜىٰڢَيَ طَنْ هُرْ، شُوغَبَنْ رَبِنْ عُنْ‌غُوَ أَ عُرُوشَلِيمَ، يَڢَارَ ڠَرَنْ كَتَنْ‌غَرْ دَغَ عِنْدَ هَنَنِيَ يَڟَيَ؞

10يٜىٰدَيَ طَنْ هَرُمَڢْ، يَڢَارَ ڠَرَنْ كَتَنْ‌غَرْ دَتَكٜىٰ أَغَبَنْ غِدَنْسَ دَغَ عِنْدَ رٜىٰڢَيَ يَڟَيَ؞ هَتُّشْ طَنْ هَشَبْنٜىٰيَ يَڢَارَ ڠَرَنْ كَتَنْ‌غَرْ دَغَ عِنْدَ يٜىٰدَيَ يَڟَيَ؞

11مَلْكِيَ طَنْ هَرِمْ دَ هَشُّبْ طَنْ ڢَهَتْ مُواْوَبْ كُوَ سُكَ ڠَرَ وَنِ سَاشٜىٰ نَكَتَنْ‌غَرْ دَ كُمَ حَصُومِيَا تَ تُيَ غُرَاسَ؞

12شَلُّمْ طَنْ هَلُّواْهٜىٰشْ، شُوغَبَنْ طَيَنْ رَبِنْ عُنْ‌غُوَ أَ عُرُوشَلِيمَ، يَڢَارَ ڠَرَنْ كَتَنْ‌غَرْ دَغَ عِنْدَ مَلْكِيَ دَ هَشُّبْ سُكَ ڟَيَ؞ یَیَنْسَ مَتَا كُوَ سُنْ تَيْمَكٜىٰشِ ثِكِنْ عَيْكِنْ؞

13هَنُنْ دَ مَذَوْنَنْ بِرْنِنْ ذَنُواْوَ سُكَ ڠَرَ ڧُواْڢَرْ ݣُورِ؞ سُكَ سَاكٜىٰ غِنَتَ، سُكَسَا ڧُواْڢُواْڢِنْتَ؞ سُكَسَا سَكَتَ دَ سَنْدُنَنْ ڧَرْڢٜىٰ نَڟَرٜىٰ ڧُواْڢُواْڢِنْتَ؞ سُكَ كُمَ ڠَرَ كَتَنْ‌غَ مَيْ نِيسَنْ ڧَڢَا دُبُو طَيَ دَ طَرِے بِيَرْ دَغَ ڧُواْڢَرْ ݣُورِ حَرْ ذُوَا ڧُواْڢَرْ بُواْلَ؞

14مَلْكِيَ طَنْ رٜىٰكَبْ، شُوغَبَنْ عُنْ‌غُوَرْ بٜىٰتْ هَكّٜىٰرٜىٰمْ، يَڠَرَ ڧُواْڢَرْ بُواْلَ؞ يَسَاكٜىٰ غِنَتَ، يَسَا ڧُواْڢُواْڢِنْتَ؞ يَسَا سَكَتَ دَ سَنْدُنَنْ ڧَرْڢٜىٰ نَڟَرٜىٰ ڧُواْڢُواْڢِنْتَ؞

15شَلُّمْ طَنْ كُوالْهُواْظٜىٰ، شُوغَبَنْ عُنْ‌غُوَرْ مِظْڢَ، يَڠَرَ ڧُواْڢَرْ عِدُوانْ ضُوَ؞ يَسَاكٜىٰ غِنَتَ، يَرُڢٜىٰتَ؞ يَكُمَسَا ڧُواْڢُواْڢِنْتَ دَ سَكَتَ دَ سَنْدُنَنْ ڧَرْڢٜىٰ نَڟَرٜىٰ ڧُواْڢُواْڢِنْتَ؞ يَكُمَ غِنَا كَتَنْ‌غَرْ تَڢْكِنْ شٜىٰلَ، وَتُواْ سِلُوَمْ، نَغُواْنَرْ سَرْكِے، حَرْ ذُوَا مَتَاكَلَنْ غَنْ‌غَرَ دَغَ بِرْنِنْ دَاوُدَ؞

16نٜىٰهٜىٰمِيَ طَنْ أَظْبُكْ، شُوغَبَنْ رَبِنْ عُنْ‌غُوَرْ بٜىٰتْظُرْ، يَڢَارَ ڠَرَنْ كَتَنْ‌غَرْ دَغَ عِنْدَ شَلُّمْ يَڟَيَ؞ يَيِ ڠَرَ حَرْ ذُوَا غَبَنْ كَبَرِنْ دَاوُدَ، وُرِنْ دَ عَكَ حَڧَ تَڢْكِ دَ كُمَ وُرِنْ غِدَاجٜىٰنْ مَنْيَنْ سُواْجُواْجِ؞

17وَطَنَّنْ سُونٜىٰ لَوِيَاوَنْ دَ سُكَ ڢَارَ ڠَرَنْ كَتَنْ‌غَرْ دَغَ عِنْدَ نٜىٰهٜىٰمِيَ يَڟَيَ؞ رٜىٰهُمْ طَنْ بَنِ نٜىٰ يَڢَارَ ڠَرَنْ كَتَنْ‌غَرْ؞ هَشَبِيَ، شُوغَبَنْ رَبِنْ عُنْ‌غُوَرْ كَيْلَ، يَڢَارَ ڠَرَنْ كَتَنْ‌غَرْ دَغَ عِنْدَ رٜىٰهُمْ يَڟَيَ؞

18غَا یَنْعُوَنْسُ دَ سُكَ تَيْمَكٜىٰسُ ڠَرَنْ كَتَنْ‌غَرْ؞ بَوَيْ طَنْ هٜىٰنَدَدْ، شُوغَبَنْ طَيَنْ رَبِنْ عُنْ‌غُوَرْ كَيْلَ، يَڢَارَ ڠَرَنْ كَتَنْ‌غَرْ دَغَ عِنْدَ هَشَبِيَ يَڟَيَ؞

19عٜىٰظٜىٰرْ طَنْ يٜىٰشُوَ، شُوغَبَنْ عُنْ‌غُوَرْ مِظْڢَ، يَڢَارَ ڠَرَنْ وَنِ سَاشٜىٰ نَكَتَنْ‌غَرْ دَغَ عِنْدَ بَوَيْ يَڟَيَ؞ وَنَّنْ سَاشٜىٰ نٜىٰ يَهَوْرَ أَغَبَنْ وُرِنْ أَجِيَرْ كَايَنْ يَاڧِ عِنْدَ كَتَنْ‌غَرْ تَيِ ݣُونَ؞

20بَرُكْ نٜىٰ، طَنْ ظَبَّيْ، يَڢَارَ ڠَرَنْ وَنِ سَاشٜىٰ نَكَتَنْ‌غَرْ دَ ڨُوذُواْ دَغَ عِنْدَ عٜىٰظٜىٰرْ يَڟَيَ؞ يَڠَرَ حَرْ ذُوَا ڧُواْڢَرْ غِدَنْ عٜىٰلِيَشِبْ بَبَّنْ ڢِرِسْتِ؞

21مٜىٰرٜىٰمُواتْ طَنْ عُرِيَ، وَتُواْ جِيكَنْ هَكُّواظْ، يَڢَارَ ڠَرَنْ وَنِ سَاشٜىٰ نَكَتَنْ‌غَرْ دَغَ عِنْدَ بَرُكْ يَڟَيَ، حَرْ ذُوَا ڧَرْشٜىٰنْ غِدَنْ عٜىٰلِيَشِبْ؞

22ڢِرِسْتُواْثِنْ دَ سُكَ ڢِتُواْ دَغَ وُرَارٜىٰنْ دَسُكٜىٰ كٜىٰوَيٜىٰ دَ عُرُوشَلِيمَ سُكَ ڢَارَ ڠَرَنْ كَتَنْ‌غَرْ دَغَ عِنْدَ مٜىٰرٜىٰمُواتْ يَڟَيَ؞

23بِلِيَامِنُ دَ هَشُّبْ سُكَ ڢَارَ ڠَرَنْ كَتَنْ‌غَرْ دَتَكٜىٰ غَبَنْ غِدَنْسُ دَغَ عِنْدَ ڢِرِسْتُواْثِنْ سُكَ ڟَيَ؞ أَظَرِيَ طَنْ مَعَسٜىٰيَ، وَتُواْ جِيكَنْ أَنَنِيَ، يَڢَارَ ڠَرَنْ كَتَنْ‌غَرْ كُسَدَ غِدَنْسَ دَغَ عِنْدَ بِلِيَامِنُ دَ هَشُّبْ سُكَ ڟَيَ؞

24بِنُّيِ طَنْ هٜىٰنَدَدْ يَڢَارَ ڠَرَنْ وَنِ سَاشٜىٰنْ كَتَنْ‌غَرْ دَغَ عِنْدَ أَظَرِيَ يَڟَيَ كُسَدَ غِدَنْسَ ذُوَا عِنْدَ كَتَنْ‌غَرْ تَيِ ݣُونَ؞

25ڢَلَلْ طَنْ عُظَيْ يَڢَارَ ڠَرَنْ كَتَنْ‌غَرْ أَغَبَنْ عِنْدَ كَتَنْ‌غَرْ تَجُويَا تَيِ ݣُونَ دَ كُمَ وُرِنْ حَصُومِيَا تَغِدَنْ سَرْكِے أَ ڢِيلِ نَغٜىٰڢٜىٰنْ مَاسُ غَادِ؞ ڢٜىٰدَيَ طَنْ ڢَرُواشْ يَڢَارَ ڠَرَنْ كَتَنْ‌غَرْ دَغَ عِنْدَ ڢَلَلْ يَڟَيَ؞

26ڢٜىٰدَيَ يَيِ عَيْكِ تَرٜىٰدَ مَاسُ عَيْكِ أَ غِدَنْ يَهْوٜىٰهْ وَطَنْدَ سُكٜىٰ ظَوْنٜىٰ عَتُدُنْ عُواْڢٜىٰلْ؞ سُكَيِ ڠَرَنْ كَتَنْ‌غَرْ حَرْ ذُوَا غَبَنْ ڧُواْڢَرْ ضُوَ وَدَّ تَكٜىٰ تَغَبَسْ دَ كُمَ حَصُومِيَا وَدَّ تَكٜىٰ ڟَيٜىٰ كُسَدَ كَتَنْ‌غَرْ؞

27مُتَنٜىٰنْ تٜىٰكُواْوَ سُكَ ڢَارَ ڠَرَنْ وَنِ سَاشٜىٰنْ كَتَنْ‌غَرْ دَغَ عِنْدَ ڢٜىٰدَيَ يَڟَيَ عَبَبَّرْ حَصُومِيَا حَرْ ذُوَا كَتَنْ‌غَرْ تُدُنْ عُواْڢٜىٰلْ؞

28وَطَنْسُ ڢِرِسْتُواْثِے سُكَيِ ڠَرَنْ كَتَنْ‌غَرْ دَ تَهَوْرَ دَغَ ڧُواْڢَرْ دَوَكِ، كُواْوَ يَڠَرَ سَاشٜىٰنْ كَتَنْ‌غَرْ دَيَكٜىٰ أَغَبَنْ غِدَنْسَ؞

29ظَدُواكْ طَنْ إِمّٜىٰرْ يَڢَارَ ڠَرَنْ كَتَنْ‌غَرْ دَغَ عِنْدَ ڢِرِسْتُواْثِے سُكَ ڟَيَ؞ يَڠَرَ سَاشٜىٰنْ كَتَنْ‌غَرْ دَيَكٜىٰ غَبَنْ غِدَنْسَ؞ شٜىٰمَيَ طَنْ شٜىٰكَنِيَ، مَيْغَادِنْ ڧُواْڢَرْ غَبَسْ، يَڢَارَ ڠَرَنْ كَتَنْ‌غَرْ دَغَ عِنْدَ ظَدُواكْ يَڟَيَ؞

30هَنَنِيَ طَنْ شٜىٰلٜىٰمِيَ دَ هَنُنْ، طَا نَشِدَ نَ ظَلَڢْ، سُكَ ڢَارَ ڠَرَنْ كَتَنْ‌غَرْ دَغَ عِنْدَ شٜىٰمَيَ يَڟَيَ؞ مٜىٰشُلَّمْ طَنْ بٜىٰرٜىٰكِيَ يَڢَارَ ڠَرَنْ كَتَنْ‌غَرْ دَغَ عِنْدَ هَنَنِيَ دَ هَنُنْ سُكَ ڟَيَ؞ يَڠَرَ سَاشٜىٰنْ كَتَنْ‌غَرْ دَيَكٜىٰ أَغَبَنْ غِدَنْسَ؞

31مَلْكِيَ، طَيَ دَغَ ثِكِنْ مَڧٜىٰرَنْ ظِينَارِيَ، يَڢَارَ ڠَرَنْ كَتَنْ‌غَرْ دَغَ عِنْدَ مٜىٰشُلَّمْ يَڟَيَ؞ يَڠَرَ كَتَنْ‌غَرْ حَرْ ذُوَا غِدَنْ مَاسُ عَيْكِ أَ غِدَنْ يَهْوٜىٰهْ دَ كُمَ یَنْ كَاسُوَ، وَنْدَ يَكٜىٰ أَغَبَنْ ڧُواْڢَرْ تَارُوَ، كُسَدَ طَاكِنْ دَيَكٜىٰ عَكَنْ كَتَنْ‌غَ عِنْدَ كَتَنْ‌غَرْ تَيِ ݣُونَ؞

32مَڧٜىٰرَنْ ظِينَارِيَ دَ كُمَ یَنْ كَاسُوَ سُكَ ڢَارَ ڠَرَنْ كَتَنْ‌غَرْ دَغَ عِنْدَ مَلْكِيَ يَڟَيَ؞ سُكَ ڠَرَ سَاشٜىٰ نَڧَرْشٜىٰ نَكَتَنْ‌غَرْ حَرْ ذُوَا ڧُواْڢَرْ تُمَكِ؞

← Chapter 2 Jump to: Chapter 4 →