Esther 10

Ilonggo (Maayong Balita nga Biblia (2012))

← Chapter 9 Jump to:

1Si Haring Ahasuero nagpilit sang mga tawo nga nag-estar sa baybayon kag sa bukid nga sakop sang iya ginharian sa pagbayad sang buhis.

2Ang tanan nga bantog kag dalagku nga mga buhat sang hari, kag ang kadungganan nga ginhatag niya kay Mardoqueo paagi sa pagpasaka sa iya sa mataas nga palangakuan, nasulat sa maragtas sang mga hari sang Media kag Persia.

3Si Mardoqueo nga Judio ikaduha lamang kay Haring Ahasuero sa gahom. Ginhangad kag ginpasidunggan si Mardoqueo sang kapareho niya nga mga Judio tungod kay nagpaninguha sia para sa kaayuhan sang iya mga tawo kag sa kauswagan sang palaabuton nga mga kaliwatan nila.

← Chapter 9 Jump to: